ئۆيلەنمىسەم بولمىدى

arbabbiz

	«ئۆيلەنمىسەم بولمىدى» ‏ ئەرباب بىز. ‏ ‏‏دادام دائىم قاخشايدۇ تاپالمايسەن بىر پۇڭمۇ، ‏ئانام دەيدۇ سەن مەنسىز ئۆتەلمەيسەن بىر كۈنمۇ. ‏باشنى ئوچاق ئېتىشتى ئۇلار يەنە بۈگۈنمۇ، ‏ئەي خالايىق ئاڭلاڭلار، ئۆيلەنمىسەم بولمىدى. ‏ ‏دەيدۇ ئۇلار دائىما سەن بىرەر ئىش قىلمىساڭ، يا قىلالماي چوڭىنى ئازنى كۆزگە ئىلمىساڭ. چىقىپ كەتكىن بۇ ئۆيدىن ئەمدى ئادەم بولمىساڭ، ‏مېنىڭ ھالىم يېتىڭلار ئۆيلەنمىسەم بولمىدى. ‏ ‏ئۆيۈم تۇرار بەك رەتسىز يىغىلمىغان ئورۇنمۇ، ‏زاڭلىق ئېتەر ھەتتاكى سىڭىللىرىم ئۇكاممۇ. ‏ئەي دوسلىرىم ئويلاڭلار بۇنداق ياشاش ئوڭايمۇ؟ ‏ماڭا نەزەر سېلىڭلار، ئۆيلەنمىسەم بولمىدى. ‏ ‏يېشىم كىچىك، ۋە لېكىن دەردىم كۆپتۇر خېلىلا، ‏بويتاقلىقنىڭ دەردىنى ھەممىلىرى بىلىلا. ‏ئۆيلىنىمەن ھازىرلا چوڭلار ماقۇل دېسىلا، ‏دەردكە دەرمان بولۇڭلار، ئۆيلەنمىسەم بولمىدى. ‏ ‏كۆپ دەي دېدىم چوڭلارغا سالار يۈرەك دۈپۈلدەپ، ‏گۈل ئېچىلدى باغلاردا پۇراپ تۇرار گۈپۈلدەپ. ‏كۈز ئۆتسىلا زىمىستان قار ياغىدۇ لەپىلدەپ، ‏ئاخىرى دېدىم: ئەي چوڭلار، ئۆيلەنمىسەم بولمىدى. ‏ ‏ھەيران بولدى چوڭلىرىم ياقا تۇتۇپ قېلىشتى، ‏ھەر تەرەپتىن تۇشمۇ-تۇش تېخى بالدۇر دىيىشتى. ‏بىردەمدىلا بۇ ئىشنى ئەل جامائەت بىلىشتى، ‏ۋاي بىلسەڭلار بىلىڭلار ئۆيلەنمىسەم بولمىدى. ‏ ‏شۇنىڭ بىلەن ئۇلارمۇ توي ئىشىغا قېتىلدى، ‏ئىزدەپ يۈرۈپ ئاخىرى ماڭا ھەمراھ تېپىلدى. ‏ئەلچى باردى ئۆيىگە ئۇلار خوش دەپ ئىگىلدى، ‏بەك خوش بولدۇم بىلسەڭلار ئۆيلەنمىسەم بولمىدى. ‏ ‏پىشىپ ئاخىر مەسلىھەت ئۇلار تويغا تۇتۇشتى، ‏ئەتراپىمدا دوسلىرىم پەرۋانە بوپ يۈرۈشتى. ‏چاتاق چىقتى ئاخىرى ئەجەپ چىشىم قېرىشتى، ‏گەپكە قۇلاق سېلىڭلار ئۆيلەنمىسەم بولمىدى. ‏ ‏ياش توشمىسا قانۇندا توينى قىلسا بولمايمىش، ‏قىزىل قەغەز ئالمىسا قارا <<ئۆي>>گە سولايمىش. ‏ھازىر تۈزۈم بەك چىڭكەن موللام نىكاھ قىلمايمىش، ‏بۇ ئىشلارنى كۆرۈڭلار ئۆيلەنمىسەم بولمىدى. ‏ ‏نوپۇسۇمدا ئۆزۈمدىن يېشىم كىچىك خېلىلا، ‏باردىم ئاخىر ساقچىغا قانداق ئامال قىلىلا. ‏باشلىق كۈلۈپ ئېيتتىغۇ سەبىر قىلىپ تۇرىلا، ‏تېزدىن ئامال قىلىڭلار ئۆيلەنمىسەم بولمىدى. ‏ ‏شۇنداق قىلىپ تېخىچە يۈردۈم كونا سەنەمدە، ‏توي قىلىشنى ئويلايمەن ماڭغان ھەر بىر قەدەمدە. ‏يېزىۋەتتىم مۇشۇنداق چىدىيالماي ئەلەمدە ، ‏ماڭا ياردەم قىلىڭلار ئۆيلەنمىسەم بولمىدى. ‏ ‏ئاپتور :ئەرباب (سۈزۈك سۇ)

dilnaz911

	بەك ياخشى يېزىپسىز،، لېكىن بالدۇر ئۆيلىنىپ نېمە قىلارسىز،خوتۇن ئالدىڭ ئۈستۈڭگە بىر تاغار ئوتۇن ئالدىڭ دېگەن گەپ باغۇ،،،

545007486

	ياخشى يىزىپسىز

hekmat110

	ئۆيلىنىۋالسىڭىز بولغۇدەك

hokumran

	ساقلاپ تۇرۇڭ، نەچچە يىل 18گە تولماپسىز كىچىك ئىكەن يېشىڭىز، ھەمدە تەييار ئەمەسكەن كۆيۈۋاتقان مېشىڭىز، خۇتۇن ئۆيدە تۇرامدۇ؟ تەل بولمىسا ئېشىڭىز، نەسىھەتىم شۇ سىزگە ساقلاپ تۇرۇڭ نەچچە يىل. تۇرمۇش قۇرۇش ئەمەستۇر گاگا، مۇنچاق ئۇيۇنى، ئېزىقتۇرار ئادەمنى قەدەمدە مىڭ  قۇيۇنى، ھەر بىر ئىشنىڭ بولىدۇ ۋاقتى، پەيتى، سورۇنى، نەسىھەتىم شۇ سىزگە ساقلاپ تۇرۇڭ نەچچە يىل.

arbabbiz

	dilnaz911 يوللىغان ۋاقتى  2014-6-21 01:21 PM بەك ياخشى يېزىپسىز،، لېكىن بالدۇر ئۆيلىنىپ نېمە قىلار ... ئۇنداق دېمەڭ ئوتۇن بولسىمۇ بىي ئالاي . ‏ئوتۇننىڭمۇ باھاسى ئۆرلەپ كېتىپتۇ . ‏ھىھىھھى

hujayin1

	كىلىڭلا دوستلار مەن ئېيتاي بىر ھېكايەت، تۇرمۇش ئۈچۈن ھەجەپ چەكتىم رىيازەت. ئۇرۇق تۇققان بولمىسا گەر ھېچ يەردە، قانداق ياشاپ كىتەي مەن بۇ دۇنيادىن. تۇرمۇش ئۈچۈن ھەتتا بولدۇم يۇندىكەن، بىر ئايلىقىم ئاران مىنىڭ ئوتتۇز بەش. بىر ئايلىققا كەلمەس تېخى يىڭى كەش، قانداق ياشاپ كىتەي مەن بۇ دۇنيادىن. ئۆتۈپ كەتكەش مىنىڭ قاششاق بولغۇلۇق، كۆپ ئويلاندىم بۇ تۇرمۇشۇم توغۇرلۇق. ئاخىرى مەن قىلىپ كۆرسەم ئوغۇرلۇق، بولىدىكەن مۇشۇنداق ياشاپ كىتەي مەن بۇ دۇنيادىن.

sultannur

	ئۆيلەندىم تاھىر تالىپ ئەجدادلىرىم كۆرمىگەن بىگانىغا ئۆيلەندىم، ۋەتىنى يوق _ يۇرتى يوق سەرسانىغا ئۆيلەندىم. ساۋاپ ئىزدەپ ئەمەس ھېچ، گۇناھىمنى تەن ئېلىپ، نىكاھ تىلەپ كەلگەن بىر دىۋانىغا ئۆيلەندىم. كەڭ جاھاننىڭ بۇرجىكى-قوشنا ئۆيدۇر ئۇنىڭغا، يەر شارىنىڭ ھەمراھى-شەيتانىغا ئۆيلەندىم. مىجەز-خۇلقى ئاجايىپ: كۈندە مىڭ رەت ئۆزگىرەر، كۈندە باشقا چۈش كۆرەر ئەپسانىغا ئۆيلەندىم. بەكمۇ سۆزمەن، جاھاندا بىلمەيدىغان گېپى يوق، بايمەن شۇڭا، ئەڭ كاتتا سۆزكانىغا ئۆيلەندىم. پىلىمۇتتەك ئاغزى بار، ئۇپرىمايدۇ، تالمايدۇ، راست گەپ دېگەن ئەسلا يوق، يالغانىغا ئۆيلەندىم يالماۋۇزدۇر تەلەتى، زۇلمەت ياغار ئەپتىدىن، خۇشاللىقتىن ئەسەر يوق زىندانىيغا ئۆيلەندىم. جاپا، خورلۇق، نۇمۇسلار ئۇنىڭ ئۈچۈن ھېچنىمە، پۇل-مال ئۈچۈن جان بېرەر مەردانىغا ئۆيلەندىم. پۇت-قوللىرى كالامپاي، گۈلزارىمنى چەيلىدى، كېپىنىنى يەيدىغان ۋەيرانىغا ئۆيلەندىم. تاس قالىدۇ ھەتتاكى يەپ قويغىلى مېنى ھەم، داخىركولۋا-تويماسنىڭ خۇمدانىغا ئۆيلەندىم. ۋەدىلىرى چىرايلىق، سانى قۇمدەك، يۇلتۇزدەك، لېكىن، دىلى قۇندۇزدەك، قاپقانىغا ئۆيلەندىم. لېكىن، ئەمىن بولۇڭلا، گۆركارىمەن جۈپتۈمنىڭ، ئۆزۈم ئۆچمەس بىر يالقۇن، پەرۋانىغا ئۆيلەندىم. 2008-يىل،23-24-فىۋرال، قەشقەر ئۆيلىنىڭلار،ئاغرىنماڭلار.ياخشى ئۆتۈڭلار

arbabbiz

	ۋوججۇن راس راس مەنمۇ ئوبداننى تاللاپ ئالسام بولغىدەك . ‏سەبىرقىلساممۇ قىلاي ئوبدان قىزدىن بىرنى ئالاي .

musilina

	ئىختىيارىڭىز،ئۆيلەنگۈڭىز كەلسە ئۆيلىنىۋېرىڭ..... باشقا پىكرىم يوق....