كىم ئەسلەيدۇ

پادىشاھ

	كىم ئەسلەيدۇ                                                 (ھېكايە)                                           پەرھات جەمشىت تاغ باغرىغا جايلاشقان بۇ يېزىنىڭ ھەممە يېرى مەخمەلدەك ياپيېشىل ئوت -چۆپلەر بىلەن قاپلانغاندى.رەڭگارەڭ گۈل-چېچەكلەر، قارىغايلارغا قونۇشۇۋېلىپ زوق-شوخ بىلەن سايرىشىۋاتقان تۈرلۈك قۇشلارنىڭ مۇڭلۇق ناخشىلىرى ،ئېقىندىكى زۇمرەتتەك سۈزۈك سۇلارنىڭ شىلدىرلاشلىرى  بىلەن قوشۇلۇپ  كىشىگە گويا جەننەتنى ئەسلىتەتتى. تاڭ سۈزۈلۈشكە ئازقالغاندا مەن ئورنۇمدىن تۇرۇپ كۈندىلىك ئادىتىم بويىچە تاغ تەرەپكە يول ئالدىم.سەھەرنىڭ مەيىن شامىلى يۈزلىرمىنى يىنىك سۆيۈپ ھوزۇر بەخىش ئاتا قىلاتتى،بىر بېسىپ-ئىككى بېسىپ تاغ باغرىدىن ئېقىپ ئۆتىدىغان ئۆستەڭ بويىغا كەلدىم-دە،قەدەملىرىم ئىختىيارسىز توختاپ قالدى.كۆۋرۈك يېنىدىكى كىچىكتە زوڭزايغاندىن كېيىن ،زۇمرەتتەك سۈزۈك سۇ بىلەن قول -باشلىرمنى چايقىغاندىن كېيىن  مۇزدەك  سۈزۈك سۇدىن ئوچوملاپ  قانغۇچە ئىچىپ ھوزۇرلاندىم ۋە ئاستا ئورنۇمدىن تۇرۇپ،تەڭرىنىڭ ھىممەتلىرىگە شۈكرى- سانا ئېيتقاچ  تاغقا يامىشىشقا باشلىدىم. قۇياشنىڭ ئالتۇندەك نۇرلىرى شايىدەك نېپىز بۇلۇتلار قاتلىمىدىن كەڭ كائىناتقا سېخىيلىك بىلەن چېچىلىشقا باشلىدى، ئەتىراپ تولىمۇ گۈزەللىشىپ كەتتى پاھ!نېمە دېگەن ساپ ھاۋا،نېمە دېگەن گۈزەل مەنزىرە -بۇ!مەن تاغ چوققىسىدىن ئەتراپقا نەزەر سېلىشقا باشلىدىم،تۇيۇقسىز، نەزىرىم يىراقتا غۇۋا كۆرۈنۈپ تۇرغان شەھەر تەرەپكە ئاغدى.شۇ ئان  خىيال بۈركۈتلىرىم قاناتلىنىپ كەتتى.      ئالىي مەكتەپنى تۈگىتىپ ئۇ شەھەردىكى بىر شېركەتكە  خىزمەتكە ئورۇنلاشتىم،قېرىشقاندەك ئاشۇ ئىدارىىنىڭ ئىسمىنىڭ ئېسىمدىن تېزلا  كۆتۈرۈلۈپ قالغىنى نېمىسى؟بولدىلا ئۇ ئانچە مۇھىم ئەمەسقۇ دەيمەن! ناۋادا ئىسمى ئېسىمدىن كۆتۈرۈلۈپ كەتمىگەن تەقدىردىمۇ سىلەرگە ئېيتىپ بەرسەم، ئوڭ قۇلۇقۇڭلاردىن كىرىپ سول قۇلۇقىڭلاردىن چىقىپ كېتىشى تۇرغانلا گەپ.بەلكى ئۇ شېركەتنىڭمۇ ھەرقايسىڭلار خىزمەت قىلىۋاتقان  شېركەتلەردىن ئانچە پەرقلەنمەيدىغانلىقىنى قىياس قىلالايسىلەن ــ ئەلۋەتتە. .. ۋاقىت بىلىنە بىلىنمەي يورغىلاپ كۆزنى يۇمۇپ ئاچقۇچە بىرنەچچە يىل ئۆتۈپ  كەتتى،مەن بۇ گۈزەل،باغرى كەڭرى شەھەرگە كۆنۈپلا قالدىم.چۈنكى مەن خېلى كۆپ دوست تۇتۇم ،بىز نەچچە كۈندە بىر كۆرۈشمىسەك چىدىشالمايدىغان«جانجىگەر» دوستلاردىن بولۇپ قېلىشقاندۇق.شۇڭا ئۇلار نەچچە كۈندە بىر قېتىم دېگۈدەك مېنى ئىزدەپ كېلىشەتتى،بىز جەمئىيەتتىكى يارقىن نوقتىلار ئۈستىدە مۇڭداشقاچ كۆڭۈل ئاچاتتۇق.ئۆز ئارا ھال مۇڭ بۇلۇشاتتۇق.چۈنكى كۆڭلى سۇنۇق كىشىلەر مۇڭدىشىش ئارقىلىق خۇشاللىققا ئېرىشىدۇ ئەمەسمۇ؟ مەن ھەر ھالدا شۇنچىلىك كۆپ دوستلىرىم ۋە خىزمەتداشلىرىمنىڭ بولغانلىقىدىن بەكمۇ مىننەتدار.      ھەش-پەش دېگۈچە يۇرتۇمغا بارمىغىنىمغا بىر نەچچە يىل بولدى،بىر كۈنى ئاكامدىن دادامنىڭ بىتاپ بولۇپ قالغانلىقى ھەققىدە تېلىفون كەلدى. شۇنۇڭ بىلەن مەن يۇرتقا بېرىپ دادامنىڭ ھالىدىن خەۋەر ئېلىش  نىيىتىدە.خىزمەتتىن ئىستىپا سوراپ ،خىزمەتتداشلىرىم،ئەل-ئاغىينىلىرىم بىلەن خۇشلۇشۇپ يۇرتقا كەلگەندىم.  مانا مېنىڭ يۇرتقا كەلگىنىمگىمۇ يېرىم يىلدىن ئاشىتى، ئالدىنقى كۈنى ئۆي خوجايىنى ئۆي ئىجارىسىنى  سۈيلەپ تېلىفون قىلغاندىن باشقا بىر ەر دوستۇم ياكى خىزمەت دېشىمدىن  تېلىفون كەلمىدى ،كۆڭلۈمدە ئۇلار مېنى ئۇنتۇپ قېلىشقان ئوخشايدۇ دېگەنلەرنى ئويلىغىنىمدا سەل بئارام بولمايمۇ قالمىدىم ئەلۋەتتە.دادام رەھمىتى بىز بىلەن مەڭگۈ ۋىدالاشتى.مانا تېخى تۆنۈگۈنلا قىرقى نەزىرىنى تۈگەتتۇق، بىرەر شەھەردىكى بىرەر دوستۇمدىن تېلىفون كەلمىدى.ھەي جاھان دىگەن شۇنچىلىك ئىكەن،مەن غۇۋا كۆرۈنۈۋاتقان شەھەردىن كۆزۈمنى ئۈزمەي تىكىلگىنىمچە  تۇرۇپلا قالدىم.تۇيۇقسىز تېلىفونۇم سايراپ كەتتى.ـــ قانداقلا بولمىسۇن مېنى ئەسلەيدىغانلارمۇ   بار ئىكەن ،دوستلىرىم ئۇنتۇپ قالماپتۇ دېگەن خىياللار بىلەن خۇشال ھالدا تېلىفونۇمنى چىقىرىپ ئېكرانىدىكى نومۇرغا قارىدىم.دەرۋەقە  ئۇ بىر ئىشخانىدا بىر نەچچە يىل بىرگە ئىشلىگەن خىزمەتدېشىم ئەلىنىڭ تېلىفون نومۇرى ئىدى.مەن خۇشاللىق بىلەن تېلىفوننى ئالدىم ۋە: ـــ ئەسسالامۇ ئەلەيكۇم دېدىم. ــ ۋە ئەلەيكۇم ئەسسالام بۇرادەر.يوقاپلا كەتتىڭغۇ؟ ــ بار دېىدىم جاۋابەن. ــ مۇنداق ئىش ئىدى ئاداش ،ئەتە ئوغلۇمنىڭ «خەتنە تويى»نى قىلماقچىدىم،ئالدىنقى شەنبە مەسلىھەت چاي قىلغاندىم. تېلىفون نومۇرۇڭنى ئۇنتۇپ قاپتىمەن،ئالاقىلىشىشكە ئامال بولمىدى.مىڭ تەسلىكتە تونۇش-بىلىشلەردىن سۈرۈشتۈرۈپ دېگۈدەك نومۇرۇڭنى تاپتىم شۇڭا تېلىفوندا بولسىمۇ خەۋەر قىلىپ قوياي دەپ تېلىفون قىلىشىم.ئورنى «پەرۋاز»رېستۇرانىدا خەير ئەتە كۆرۈشەيلى مەن تېلىفوننى ياجۇقۇمغا سالغاندىن كېيىن،تاغدىن چۈشۈپ مەھەللە ئىچىگە قاراپ ماڭدىم ۋە مېنى ئەسلەيدىغانلارمۇ بار ئىكەن دەپ ئاستا پىچىرلىدىم ئىچىمدە...

zerak

	ياخشى يېزىلغان ھىكايىكەن، ھوزۇرلاندىم

hekmat110

	ياجۇقۇمغا

بەرگى

	شۇنداق دوسلىرىم بار ، داۋاملىق تېلفۇن قىلىپ تۇرالمىساممۇ دۇئالىرىمدا ئۇنتۇلۇپ قالمايمەن . ھەر بىر ئادەم ئۆزىدىن سوراپ بىقىش كېرەك ، ماڭا مۇھتاج مىنىڭ ياردىمىمگە ئېھتىياجلىق نەچچە ئىنسان بار ، ھەقىقى دوسىت سىز بار يەردە ئاللاھنىڭ گىپىنى قىلدۇ ، سىز يوق يەردە ئاللاھقا سىزنىڭ گېپىڭىزنى قىلدۇ .

dilk@x

	موھىت تەسۋىرى ئىنىق ئوتتورغا قويلىپتۇ. ھارمىغايسىز.

dilk@x

	موھىت تەسۋىرى ئىنىق ئوتتورغا قويلىپتۇ. ھارمىغايسىز.

مۇجاھىد5

	بەك ياخشى يېزىلىپتۇ تېخىمۇ تىرىشىپ ياخشى يېزىشقا تىرىشىڭ ھە.........

malika1234

	مەنمۇ  شۇنداق  ياقتۇردۇم  ھارمىغايسىز.