ئويلايمەن

nazar

	ئويلايمەن ئاپتۇرى : نەزەردىن جامالىدىن مىللىتىمنى  تالاپەت كۆرمىسە دەپ ئويلايمەن ، بىر ــ بىرىنى غاجىلاپ يۈرمىسە دەپ ئويلايمەن . مەيلى ئەجەل كەلگەندە  خوشلاشسىمۇ دۇنيادىن ، نومۇستا قېپ ۋەلېكىن ئۆلمىسە دەپ ئويلايمەن . ئۇيغۇر تۇرۇپ ئۇيۇشماي ، ئايرىپ تېخى يۇرتىنى ، ئۆزلىرىنى ئالدىراپ بۆلمىسە دەپ ئويلايمەن . بېشىن سىيلاپ ئاجىزنىڭ ، يوقسۇللارنى يۆلىسە ، مازاق قىلىپ ئەكىسچە ، كۈلمىسە دەپ ئويلايمەن . كۆپەيمەكتە ئاتالمىش ، مودا قوغلاش ، چوقۇنۇش ، ئىللەتلەرگە خەلقىمنى كۆنمىسە دەپ ئويلايمەن . قەيەرلەرگە ئاپاردى ئەيىش ــ ئىشرەت بىزلەرنى ، ئەسقاتمىغان سورۇندا يۈرمىسە دەپ ئويلەيمەن . ئۇيۇشقاقلىق ئۇيغۇرنىڭ خىسلىتىغۇ ئەزەلدىن ، مۇشتلىرىنى ئالدىراپ تۈگمىسە دەپ ئويلايمەن . ئۇيغۇر دېگەن نامىنى مۆھۈر قىلىپ دىلىغا ، مىللىتىدىن يۈزىنى ئۆرمىسە دەپ ئويلايمەن .

hujayin1

	مەن ھەم سىزگە ئوخشاش نۇرغۇن مىللەتسۈيەر قېرىنداشلار شۇنداق بۇلىشىنى ئويلايتتۇق،ئۈمۈتقىلاتتۇق ھەم شۇنداق بۇلىشى ئۈچۈن تىرىشقان ئىدۇق،لىكىن ئەھۋال ئاپاق خۇجا دەۋرىدىكىدىن جىق پەرىقلەنمەيۋاتىدۇ. قارا-قۇيۇق مىللەت سۆككەنلەرنى،مىللەت خائىنلىرىنى،ئۆز قېرىنداشلىرىغا ئۇرۇنسىز قالپاق كەيدۈرۋاتقان يەرلىك مىللەت خائىنلىرىنى قۇلىقىدىن تۇتۇپ ئەكىرىپ بۇ تىمىنى كۆرسىتىدىغان يەرگە يەتتى.

oylun

	ئويۇڭ يەتكەن يەرگە قولۇڭ ھامان يېتىدۇ.....ئويلان.....

yasenm

	بىر كۇنلەردە مىللىتىم بىرلىشىدۇ دەپ ئويلايمەن، شۇ نىيەتنى پۇككەننى ئىگىز كۆتۇرۇپ قوللايمەن. تىغ كۆتەسە قىرىنداشقا كاللا قويۇپ بويلايمەن، شۇ ئۇلۇغۋار كۇنلەرنى كەپ قالا دەپ ئويلايمەن. ئىلىپ مىللەت پىچقىنى يۇرت كىزىپ سورايمەن. قورقمايمەن بۇركۇتتىن ئىگىز ئۇچقان قورايمەن. ھى ھى قاملاشمىسمۇ يىزىپ قويدۇم . مۇشۇ ياخشى چىققان شئئىرلارنى كۆرسەم پەقەت تۇرالمايمەن . قاملاشمىسىمۇ بىرە ئىككى شىڭگىل يىزىپ قويمەن . شئىىرىڭىزنىڭ مەزمۇنى ياخشى ، تىخىمۇ تىرشىڭ.

Xarminaz

	شېئىرىڭىزنىڭ ئۆزىغۇ ياخشى يېزىلىىپتىكەن . بىراق مېنىڭچە ‹‹ دەپ ئويلايمەن ›› دېگەن سۆزنى ‹‹ دەيمەن ›› گە ئۆزگەرتسىڭىز شېئىرىڭىز تېخىمۇ ياخشى چىقامدىكى دەپ ئويلاپ قالدىم . مەنغۇ شېئىرنى ئانچە بىلىپ كەتمەيمەن . بىراق ، ئاشۇ ‹‹ دەپ ئويلايمەن ›› سۆزى شېئىرنىڭ راۋانلىقىغا تەسىر كۆرسىتىپ قويغاندەك تۇرىدۇ .

nazar

	رەھمەت قېرىنداشلىرىم ، تەكلىپ - پىكىرلىرىڭلارنى جان دەپ قۇبۇل قىلىمەن ، ئادەم ئادەم بىلەن ئادەم ، بارلىقىڭلارنىڭ ئىلھاملىرى ، پىكىرلىرى بىلەن پېقىرنىڭ يولى تېخىمۇ راۋان بولغۇسى ! رەھمەت سىلەرگە !