غەيۋەتخورغا ( ساتىرا)

akkani

	غەيۋەتخورغا ئاپتۇرى؛ ئابدۇۋەلى راخمان ھەققانىي ئادەمدىكى خۇي-ئىللەت ئەسلى تۇغما بولارمىش، سۈت بىلەن تەڭ كىرگەنچە جان بىلەن تەڭ چىقارمىش، ئەسكىلەرنىڭ سولپىدىن ياخشىلار دەرت يۇتارمىش، غەيۋەتخورنى بىر كۈنى تەقدىر ئۈزى تۇتارمىش، چارە يوقكەن بەندىدە غەيۋەت قىلساڭ قىلىۋەر. *** ئېرەن قىلماس بوپ قالدۇق غەيۋىتىڭگە-ئۆسەككە، زەن قويغىلى نە چولا ئۇششاق گەپ-سۆز،چۆچەككە، تۆھمىتىڭنى تەڭ قىلدۇق بۈگۈن ئەسكى پەتەككە، نەسىھەتلەر كار قىلماس،ھاڭراش ئادەت ئېشەككە، تۈزەلمىدىڭ دەپ باقتۇق،غەيۋەت قىلساڭ قىلىۋەر. *** پەرداز بىرىپ گىپىڭگە«غەيۋەت ئەمەس» دەپ تۇرۇپ، ھەتتا لالما ئىت بىلەن قاۋاشلاردا تەڭ تۇرۇپ، توۋا دەيمەن بىر ئۆمۈر غەيۋەت قىلدىڭ يەڭ تۈرۈپ، يا پېتىشماي خەق بىلەن جاھان شۇنچە كەڭ تۇرۇپ، ۋاقتىڭ ئۆتتى ئۆزگەرمەي،غەيۋەت قىلساڭ قىلىۋەر. *** بۈگۈن كۆپلەر پەرق ئەتتى توغرا بىلەن خاتانى، پىتنىخوردىن ئەل قاچتى ھازىرلىغاچ ساپانى، بولدى بۇلۇڭ-پۇچقاقلار غەيۋەتخورنىڭ ماكانى، غەيۋەتتە يۇرت بۇزماققا يوق ھەركىمنىڭ ئىمكانى، ئۆز كۆڭلۈڭنى« خۇش»ئىتىپ،غەيۋەت قىلساڭ قىلىۋەر. ***

sahiba33

	ياخىشى يېزىپسىز،دىمىسىمۇ غەيۋەتخورلۇق ياخىشى ئادەت ئەمەس. ھەممىمىز غەيۋەتخورلۇقتقن ساقلىنايلى!!!

xaxzeb

	ياخىشى يېزىپسىز،دىمىسىمۇ غەيۋەتخورلۇق ياخىشى ئادەت ئەمەس. ھەممىمىز غەيۋەتخورلۇقتقن ساقلىنايلى!!!

TanZiyla

	ياخشى يىزىپسىز.     غەيۋەت-كۆرەلەلمەسلەر توقۇيدىغان يالغان ياۋداقتۇر.

sulgaz

	مەزمۇنى بەك ياخشىكەن  .مەن نەخ موشۇندا شىئىر ئىزدەپ تۇراتتىم