كۆكلە ئۇيغۇر دىيارى

ablikim.karkax

	كۆكلە ئۇيغۇر دىيارى بەك كۈيىمەن مىللەتكە، يول قويمايمەن ئىللەتكە، كىم كۆيمەيدۇ بىزدەككە، كۆكلە ئۇيغۇر دىيارى. كىم يىقىلسا يۆلەيمىز، بارچىنى يات كۆرمەيمىز، بىز يالغاندىن كۆيمەيمىز، كۆكلە ئۇيغۇر دىيارى. يوقلاپ كەلدىڭ ئاپەتتە، كۈتكەن ياخشى سائەتتە، قالمايمىز ئەمدى دەرتتە، كۆكلە ئۇيغۇر دىيارى. ئىلچى ، ئارمان ئامىنە، ھەممىسى دوس ئاغىنە، مىراس ، كەۋسەر ئابىدە، كۆكلە ئۇيغۇر دىيارى. بارچە ئۇيغۇر ئەركىسى، كۈلگەي مەڭگۈ كەلگۈسى، ئاللاھ بەرىكەت بەرگۈسى، كۆكلە ئۇيغۇر دىيارى. ئۇيغۇر بولغاچ ئۇيۇلدۇق، ياخشى يولغا بۇرۇلدۇق، ئىنساپ بىلەن قۇرۇلدۇق، كۆكلە ئۇيغۇر دىيارى. ئامەت كەلسە كۈلەيلى، ئاپەتنى تەڭ كۆرەيلى، كىم يىقىلسا يۆلەيلى، كۆكلە ئۇيغۇر دىيارى. خۇش كەلدىڭلار ھەشقاللا، بەرىكەت بەرسۇن ئاللا، ئەل كۆڭلىنى ئالغانلا، كۆكلە ئۇيغۇر دىيارى. سىنى ئەسلەپ قالغان چېغىمدا كۆرگۈم كەلسە كۈيگە قاتىمەن، ھەر تىنىقتىن سىنى تاپىمەن، تەنھا تۈندە يىغلاپ ياتىمەن، سىنى ئەسلەپ قالغان چېغىمدا. بۇ دەردىمنى كىملەر بىلىدۇ، كىملەر مەندەك باغرى تىلىدۇ، سەنسىز ياشاش ئېغىر كىلىدۇ، سىنى ئەسلەپ قالغان چېغىمدا. ئويلىماي دەپ يىغلاپ يۈرىمەن، سەن بولمىساڭ دەرتتە ئۈلىمەن، كىچە يىغلاپ ، كۈندۈز كۈلىمەن، سىنى ئەسلەپ قالغان چېغىمدا. گۈللەر قالماس جىمى باغلاردا، يۈرەك يىغلار كۈيۈك داغلاردا، مەندەك غېرىپ يوقتۇر دۇنيادا، سىنى ئەسلەپ قالغان چېغىمدا.           ئارزۇ ئايلانسام مەن ئۇچار قۇشلارغا، يارنى ئىزدەپ تاپقان بۇلاتتىم. چاچلىرىنى يەلپۈتۈپ لەرزان، لىۋىگە-لەۋ ياققان بۇلاتتىم. بىلگەن بولسام كۆڭۈل سۆزىنى، كۈندە خۇشال قىلغان بۇلاتتىم. بۇلۇپ قالسا يۇلىدا دۈشمەن، خەنجەر بۇلۇپ تىلغان بۇلاتتىم. كىرسەم يارنىڭ شىرىن چۈشىگە، دىلنى - دىلغا چاتقان بۇلاتتىم. چاڭقاپ قالساڭ تەنھا تۈنلەردە، دەريا بۇلۇپ ئاققان بۇلاتتىم. بىلسەم ئەگەر سۆيگۈ ئەپسۇنى، يارغا ئۇقۇپ ئاتقان بۇلاتتىم. مەندەك كۆيسە كۆڭلىنى بىرىپ، يۈرەك باغرىم ئاچقان بۇلاتتىم.       ئىزدەپ ۋىسالنى ئايسىز كىچە يىغلايدۇ كۆزۈم، ئاي ئىزىدىن ، ئىزدەپ ۋىسالنى. بۇ دۇنيادىن ئىزدىسەم يوقتۇر، تەنھا تۈندە كۆڭلى خۇشالنى. تەنھا ياشاپ كۈلۈپ باقسىمۇ، چۇقۇم ئەسلەپ قالاركەن يارنى. دىلدىن سۆيگەن يارىم بولمىسا، ئاھ . كىملەرگە ئاتىمەن قارنى. نەدە بولسا ئىزدەپ تاپىمەن، كىم ئۇنتۇيدۇ كۆڭلىدە بارنى. ئاشىق دىگەن ئۇنۇتماس مەڭگۈ، تۇنجى كۆرگەن،سۆيگەن نىگارنى. كىم كۆيمىگەن سۆيگۈ ئۇتىدا، سۆيگۈ كۈيى چەككەندە تارنى. بىرى كۆيسە ، بىرى تاشلىماي، ئەسلەپ ياشار يۇلىغا زارنى.        باھار پەسلىدە ھاياتلىق قىسمىتى ، ئەگرى توقايلىق، نازلىنىپ  يۈرگەنلەر  تىرىدۇ  بىدە. قىنىغا پاتمايدۇ ،ئالدامچى ئازغۇن، مىسكىننىڭ داۋاملىق يۈرىكى زىدە. تۈلكىلەر ، يولۋاسقا قىلىدۇ ھەۋەس، ياخشىلىق تالىشىپ يۈرەر ئىچىدە. كۈندۈزى ھىجىيىپ ئالسىمۇ كۆڭۈل، خورەكنى باشلايدۇ ئاۋۋال كىچىدە. دۇنيامۇ ئوڭشىلار ،ئوڭشالغۇچە كۈت، يىقىلما دۇنيانىڭ رەڭلىك كۈيىدە. ئۆزگىگە قۇشۇلۇپ تۈرمىگىن يەڭنى، ھەقىقى خۇشالدۇر ھەركىم ئۈيىدە. مىسالغا تاللىما ، كۆكتە ئۈزگەننى، ئۇلارمۇ زىمىندىن چىققان ئەسلىدە. زىمىستان بەرمەيدۇ مەيىن شامالنى، گۈللەرمۇ ئېچىلار باھار پەسلىدە. مەنبە-قاراقاش

qiqakkiz

	ياخشى يېزىپسىز ئۇكام .

TanZiyla

	تمىڭىز ياخشى چقىپتۇ. قەلەم تۇتقان قوللىرىڭىز كۈچ قۇۋۋەتكە تولسۇن،

sardor0908

	رەھمەت .قەلەمىڭىز كۈچلۈككەن .... ئۇيغۇر دىيارىنىڭ كۆكلىشىدە تەرەققىيات ۋە مائارىپنى ھەربىر ئۇيغۇر كىشىلىك ھاياتىنىڭ قىممىتى ،ياشاش نوقتىسى قىلغاندا ئانداق كۆكلەيدۇ .

musilina

	ئۇيغۇر دىيارىنى كۆكلىتىش ھەر بىر ئۇيغۇرنىڭ بۇرچى.... بىر -بىرىدىن ئېسىل چىقىپتۇ شېئىرلىرىڭىز...

TAXNAI2

	قەلەم قۇۋۋىتىڭىز خېلى باركەن .....شۇنداق ياخشى يېزىپسىز .....ھارمىغايسىز،، مىللەتنى تەرەققى قىلدۇرۇش ئۈچۈن ھەر بىرىمىز ئىشنى ئۆزىمىزدىن باشلاشقا كېلىدۇ.... سىزگە نەتىجە يار بولسۇن..

xaxzeb

	تمىڭىز ياخشى چقىپتۇ. قەلەم تۇتقان قوللىرىڭىز كۈچ قۇۋۋەتكە تولسۇن،

BUEREZAT

	مۇشۇنداق ئىسىل شئېرنى بىز بىلەن بەھىرلەنگىنىڭىزگە رەھمەت.

sewdaye1

	ياخشى يېزىپسىز. مۇشۇ ئىلھام دىگەن ئاجايىپ نەرسە ھە.... بەزىلەر قەلەمنىڭ ئۇچىنى چىشلەپ نەچچە يىل ئولتۇرسىمۇ 2 مىسرا شېئىر يازالمايدۇ، بەزىلەر قەلەمنى قولغا ئالسىلا ئېسىل ئەسەرلەر بارلىققا كىلىدۇ. داۋاملىق تىرىشىڭ

ئەرتۇرا

	ئۇيغۇردىيارىنى كۆكلىتىدىغانمۇ، كۆكلەتمەيدىغانمۇ بىزئۇيغۇرلارنىڭ ئىناق ئىتىپاقلىقى!...