سادىر پالۋان

توي

	سادىر ياتقان ئۆڭكۈر ئىمام ئىسمائىل ئىبنۇرى تىلسىم غارلار يۇنۇسنى يۇتقان بېلىق قارنىدەك، قىتئەلەر ئارا غەلەت ئىكەن ئوينىغاندەك مۈكۈشمەك. ***   *** يېڭى زاماننىڭ كېپەن ئوغرىسى، ئامانەت ساقلايدۇ ئۇنىڭ توغرىسى. ***   *** ئۇيغۇر تىلى لەيلەپ ئۆڭكۈردە دەسسىۋاپتۇ سادىر چەككەن، موخۇركىنىڭ كۈلىگە! ئىكىسپېدىتسىيىچى ياپونغا قىززىقارلىق تۇيۇلۇپتۇ، خۇددى ئەسسەبۇلكەھفىدەك. مولتوختىيۈزى قەدىمى مەھەلە كۆچ-كۆچ تارانچى ناخشا توۋلىغان. ئۆڭكۈردە بارمىش سادىر پالۋاننىڭ، سېپىل تەشكەن قاخشال قوۋۇرغىسى. سادىر ئۆڭكۈرى يېتىم ئوغۇلنىڭ ئىكەن ئىزناسى. بەش يۇلتۇزلۇق ئارامگاھنىڭ بوپتۇ ئۈلگۈسى. تاماششا ئەھلى چاپار دۈپۈرلەپ، بولماققا ئالدىراپ غارنىڭ ئېگىسى. ساماغا چۈشەر كىشنەپ تۇلپارلار، سادىر تەشكەن سېپىل ئۈستىدە. ئاڭقاۋ نەغمىكەش چەقتى دۇتارنى، پەدىسى بۇزۇلغاچ ئۆڭكۈر لېۋىدە. سادىرنىڭ قوينىدىن تۆكۈلەر ھەرىپ، چېرىكلەر قان يۇتۇپ ياتقاندا زەئىپ. ھەمزىسى ھەرىپنىڭ غارنىڭ ئىچىدە، تور توقۇپ كامانى ياماپتۇ سېرىپ. ئۆمۈچۈك تۇخۇملاپ كەتكەن ئەسنادا، كۆك كەپتەر ئۆلۈپتۇ باغرىنى يېرىپ. تىرىلىپ قاپتۇ سادىرمۇ ھايھات... خىزىردەك ئاجايىپ بىشارەت بېرىپ. نىشانلاپ سىرىتتا قويغان مالخىينى، سۈررەڭ قورام تاش بەرمەپتۇ كىيىپ. كۈلۈشۈپ بۇ ھالدا سەيياھ پەرەڭلەر، تارتىپتۇ سىنغا ئىلغار ئۈسكۈندە. كۈل بىلەن چېلىققان بارچە ماددىنى، ساتماق بوپ مېڭىپتۇ يىراق شىۋىتكە! سۈكۈتكە چۆمۈلۈپ سادىر يېزىسى، شامالنىڭ بولۇپتۇ ئۈلپەت-قولدىشى. لۈكچەك بورانمۇ گاھىدا ھۇۋلاپ، ئويغىتار شۇ غارنى بولۇپ سىردىشى. سۈبھىيدە تىترەيدۇ ئاجايىپ  سادا، ئەكسىنى ئۆڭكۈردە قالدۇرۇپ راسا. شىۋاقنىڭ دىماغنى چەككەن ھىدلىرى، روھ-تەنگە بېرىدۇ ئاجايىپ شىپا. مۇنبەر: توي

qaraxani

	بۇ شېئىر سادىر ئۆڭكۈرىدە قان پۇراپ ياتقان ئەزىمەتنىڭ غالىپ تىنىقلىرىغا تىنىقلىرىمنى قوشۇۋەتتى...ئاپتورنىڭ تەسەۋۋۇرىغا قايىلمەن....

gvlnigar

	ئۆتكۈر پىكىر ، قەلەم كۈچىگە ئاپىرىن

palwan502

	سادىر توغۇرلۇق يېزىلغان يازمىڭىزغا ئاپىرىن، غۇلجىدىكى پالۋاننىڭ مەقبەرىسىنىڭ غېرىپلىقىدىن ئىچىم سىيرىلدى، يازمىڭىزنى ئوقۇپ شۇ ۋاقىت ئىسىمگە كىلىپ كالدى.

سەدەف

	palwan502 يوللىغان ۋاقتى  2014-6-16 05:47 PM سادىر توغۇرلۇق يېزىلغان يازمىڭىزغا ئاپىرىن، غۇلجىدىك ... تورداش! ئىچىڭىزنىڭ  سېرىلغىنى --ۋىجدانىڭىزنىڭ ئازابىدىن دەپ ئويلۇدۇم . ئەسىرلەردىن  بۇيان ئىچىمىز سېرىلىدىغان ئىشلار كۆپ تەكرارلاندى. بىر مەسلىھەت: سىز يېتەكچىلىك قىلسىڭىز،توردا ئىئانە توپلاپ، خاتىرە ئۆيىنى قۇتقۇزۇپ قالساق،ۋىجدان ئازابىمىز يېنىكلىگەن بولاتتى. سىز قانداق ئويلاۋاتىسىز؟

palwan502

	بەك ياخشى گەپ بولدى، ناۋادا شۇنداق ئۇلۇغ ئىشقا باش بولالىسام ئۇزەمنى شۇنچىلىك بەخىتلىك ھىسابلايتىم، مۇمكىنچىلىك قانچىلىك