ھەققانىي: گەپ تاپتۇق ( ساتىرا)

akkani

	گەپ تاپتۇق (ساتىرا) ئاپتۇرى: ئابدۇۋەلى راخمان ھەققانىي توۋا دەيمەن يوتىغا بىرنى ئۇرۇپ گەپ تاپتۇق، ئەيىپ ئارتىپ بىراۋغا ئۆيدە تۇرۇپ گەپ تاپتۇق، قايسى بىرسى شان قۇچسا ئېغىز پۈرۈپ گەپ تاپتۇق، ئاپەت كەلسە ياخشىغا بەزمە قۇرۇپ گەپ تاپتۇق، قاملاشتۇرۇپ يالغاندىن پىتنە توقۇپ گەپ تاپتۇق. *** ئۆيدە پاتمان ئىش تۇرسا ئۆزگىلەرنى پايلايمىز، نىمىش قىلدى قوشنىمىز پاسىل تامدىن بويلايمىز، ئوڭ ماڭسىمۇ<<تەتۈر>>دەپ چوڭغا چېقىپ جايلايمىز، ھەر جەھەتتە مىنىڭدىن ئاشمىسۇن دەپ ئويلايمىز، تۆھمەت چاپلاپ ئىش تېرىپ ساقنى بۇزۇپ گەپ تاپتۇق. *** ئارىمىزدىن بېرەرسى قەد كۆتۈرسە قوللىماي، شۇ ھامانلا ئۇنىڭغا تىل سالىمىز پايلىماي، ياتنى دىدۇق<<داموللا>> ياندا تۇرسا تونىماي، شوڭا نەپنى خەق ئالۇر تەقدىر بىزگە بۇيرىماي، تىلىمىزدا گۇياكى ئات چاپتۇرۇپ گەپ تاپتۇق. *** ئوڭ كۆز يەيدۇ چەپ كۆزنى ئەگەر قاڭشا بولمىسا، دوستىمىزنى دوست ساتتى بىركىم نەپتە گوللىسا، ئۆچ كۆرىمىز ھەتتاكى كىمكى ھەقنى قوللىسا، ئەمدى كىمدىن كۆرەتتۇق تالەي قولغا قونمىسا، كۆزىمىزدىن ئۆزىمىز ياش ئاققۇزۇپ گەپ تاپتۇق. *** كارخانىچى ئىش قىلسا دىدۇق:<<ئىنسان ساختىسى،>> زىيالىنى تىللىدۇق،دىدۇق:<<كىتاپ خالتىسى،>> دەپ دېھقاننى كەمسىتتۇق:<<دادۈيجاڭنىڭ غالچىسى،>> ئارتىسلارنى دىدۇق بىز:<<ئوردا ئۇسۇل-سازچىسى،>> چىڭنى غاجاپ يۇمشاققا چىش پاتتۇرۇپ گەپ تاپتۇق. *** بىر بىرىنى چېقىشماس نەشتىرى بار چايانمۇ، زىچ ئورماننى سۇندۇرۇپ قايرىيالماس شامالمۇ، ئۇيۇشقاقلىق-دوستلۇقنى تەلەپ قىلدى زامانمۇ، پېتىمسىزغا سۇئالىم:ئوم ياشىساق يامانمۇ؟ نىچۈن تۈنلەپ ئۇخلىماي باش قاتتۇرۇپ گەپ تاپتۇق. *** ئەي ئوغلانلار ئەمەس بىز قارا تاغدىن-ئاق تاغدىن، ئاگاھ بولماق ۋاجىپتۇر يامان غەرەز مەككاردىن، ئارىمىزغا نىزانى كىملەر سالدى ئويلانغىن، ھەزەر دوستلار مىڭ ھەزەر!پۇرسەتپەرەس شەيتاندىن، ئۆزىمىزنى ئۆزىمىز دەرت تاتقۇزۇپ گەپ تاپتۇق. **********

nurjahan0997

	قىزىل كۆزلۈك،كۆرەلمەسلىك ۋە يا ئۆزى قىلالماسلىق، قىلاي دەپ بەل باغلىغانلارغا تۈرلۈك-تۈمەن بۆھتانىمىز باردۇر.                         -ئابدۇخالىق ئۇيغۇر  باردۇر ناملىق شېئىرىدىن. ھارمىغايسىز قېرىندىشىم.......

Gvlbargi0999

	ئاپىرىن قېرىندىشىم!.بەك ياخشى چىقىپتۇ بۇ ساتىرا!

بارون

	ئەسسالامۇ ئەلەيكۇم دوسلار . ماڭا ياردەم قىلغان بولساڭلار . كومپىيۇتۇرۇمدىكى مەلۇم بىر رەسىمگە مۇناسىۋەتلىك ھۆججەت يۇيىلىپ كەتتىمۇ ھىچ بىلمىدىم . ( 360 تا ۋىروس تازىلاپ بولغاندىن كىيىن شۇنداق بولۇپ قالدى ) ئۇيغۇرچە بىكەتلەردىن باشقا ھىچقانداق بىكەتتە يەنى تىڭشۈن ، سىنا ... دىگەندەك تور بىكەتلەرگە كىرسەم ھەرقانداق رەسىملەر ئېچىلمايۋاتىدۇ . بىلىدىغانلار ماڭا ياردىمىڭلارنى ئايىمىغان بولساڭلار . رەھمەت

ئالمىچى

	رامىزان كىلەي دەپ قالدى!! ھەر قانچە ئۇۋالچىلىققا ئۇچۇرساقمۇ ئۆزىمىزنى تۇتىۋىلىشىمىز زۆرۈر گەپنى ئاز قىلىپ ساز قىلايلى

izqel

	ئاياللارنى غەيۋەتچى دەيتۇق.ھازىر بەزى ئەرلەردە بۇ ئىش ئاينىپ قاپتۇ.ئۇششاق ئىشلارغا كاللىنى چاچماي ئۆزىنىڭ قىلىۋاتقان ئىشىغا كۈيۈنسە ياخشى بولاتتى. نامى چىققانلارنىڭ كەينىدىن گەپ تىپىش دۈشمەننىڭ ئىشى بىلسەك.ئوغۇل بالا بولساق،ھەقىقى ئەر دەپ قارىساق نامى چىققانلار بولسۇن نامى چىقمىغانلار بولسۇن گەپ تىپىپ قۇسۇر ئىزدىمەي قوللاش كىرەك قولدىن كەلسە.نىمە پايدىسى قوڭىنى كولىغاننىڭ. ھازىر بىز خەقنىڭ ھالى نەدە،ئۆرە تۇرغان بىلەن جان ئاز بىزدە.

NURDEN

	ناھايىتى ياخشى تىما بولۇپتۇ.ساتىرنىڭ رولىدىن پايدىلانغاندا ئۈنۈمى تىخىمۇ ياخشى بولىدۇ ۋەز نەسىھەتنىڭ ئۈنۈمى.تىنىڭىز ئۈزۈلۈپ قالمىسۇن.

kokzat

	بارون يوللىغان ۋاقتى  2014-6-14 05:16 PM ئەسسالامۇ ئەلەيكۇم دوسلار . ماڭا ياردەم قىلغان بولساڭل ... ۋاي شۇ 360 نى تىخىچە ئىشلىتىۋاتامسىز؟بۆرىنى قوتاڭغا باشلاپ قويۇپ قويامنى يەپ  كەتتى دەپ قاخشىغاندەك ئىش بولدىدەبۇ،مىنىڭچە سىتىمىنى قايتا قاچىلاڭ،ۋىن8 خىلى بىخەتەركەن،ۋىرۇسخور ئىشلەتمىسەكمۇ بولىدۇ.

ap~qilam

	Esil ,satira jahattiki izdinixigizga kaysi laman akka

ap~qilam

	Esil ,satira jahattiki izdinixigizga kaysi laman akka