دۇنيا لوڭقىسى تۇنجى مەيدان مۇسابىقە خەۋىرى

KOKNURA

	2014-يىلى 6-ئاينىڭ 13-كۈنى سەھەر ئۈرۈمچى ۋاقتى سائەت 2:00 دە، 2014-يىللىق برازىلىيە دۇنيا لوڭقىسى مۇسابىقىسىنىڭ تۇنجى مەيدان مۇسابىقىسى باشلاندى. ئا گۇرۇپتىكى ساھىبخان كوماندا برازىلىيە بىلەن كرودىيە سان پاۋلودىكى كورىندىئان تەنتەربىيە مەيدانىدا مۇسابىقە ئوينىدى. ساھىبخان كوماندا باشلىنىش مۇسابىقىسىدە 21 مەيدان ئۇتتۇرمىغان: دۇنيا لوڭقىسى مۇسابىقىسى تارىخىدا ساھىبخان كوماندا باشلىنىش مۇسابىقىسىدە 21 مەيدان مەغلۇپ بولمىغان ( 15 مەيدان غەلبە قىلىپ، ئالتە مەيدان تەڭلەشكەن)، برازىلىيە 18 قېتىملىق دۇنيا لوڭقىسى تۇنجى مەيدان مۇسابىقىدە مەغلۇپ بولۇپ باقمىغان، يېقىنقى توققۇز مەيداندا تولۇق غەلبە قىلغان. برازىلىيە ساھىبخان مەيدان 39 يىل مەغلۇپ بولمىغان: برازىلىيە ئالدىنقى يىلى دوستلۇق مۇسابىقىسىدە مېھمان مەيدان شىۋىتسارىيەگە مەغلۇپ بولۇپ مېھمان مەيداندا ئۇدا غەلبە قىلىش قەدىمى ئون مەيداندا ئاياقلاشتى، برازىلىيە 2002- يىلى پاراگۋايغا ئۇتتۇرغاندىن كېيىن ئۇدا 38 ساھىبخان مەيدان مەغلۇپ بولمىغان. 1975- يىللىق ئامېرىكا لوڭقىسى يېرىم ھەلقىلغۇچ مۇسابىقىسىدىكى ساھىبخان مۇسابىقىدىن كىيىن بۈگۈنگىچە ساھىبخان مەيدان مەغلۇپ بولمىغان. تۇنجى قېتىملىق خائىن توپ: بۇ قېتىملىق مۇسابىقىدە مارسىلو 11- مىنۇتتا خائىن توپ كىرگۈزدى، بۇ برازىلىيەنىڭ دۇنيا لوڭقىسى تارىخىدىكى تۇنجى خائىن توپ بولۇپ قالدى. برازىلىيەنىڭ 10- نومۇرلۇق توپچىسى 12 يىلدىن كېيىن قايتا توپ ئۇردى: 2002- يىللىق دۇنيا لوڭقىسىدا 10-نومۇرلۇق رىۋالدو توپ كىرگۈزگەندىن كېيىن 2006-2010- يىللىق دۇنيا لوڭقىسىدا برازىلىيەنىڭ 10- نومۇرلۇق توپچىسى توپ كىرگۈزۈپ باقمىغان، نېيمار 12 يىلدىن كېيىن قايتا توپ كىرگۈزگەن 10- نومۇرلۇق برازىلىيە توپچىسى بولدى. مۇسابىقە باشلىنىپ 45- سىكۇنىتتا كوۋاچ يىراقتىن تەپكەن توپ ئازراق قېيىپ كەتتى. 11-مىنۇتتا ئولىچ سول تەرەپتىن تۇيۇقسىز بۆسۈپ كىردى، نىكىكا يېلاۋىچ توپقا ئۈلگۈرەلمەي پۇتى تەگمىدى، مارسىلو دىققەتسىزلىكتىن ئۆز ۋارتاسىغا خائىن توپ ئۇردى. كرودىيە 1-0 نەتىجە بىلەن ۋاقتىنچە ئۈستۈنلۈككە ئۆتتى. 29-مىنۇتتا ئوسكار توپ بۆلۈپ بەردى، نېيمار بېكتىن ئۆتۈپ يىراقتىن توپ ئۇرۇپ نومۇرنى تەڭلەشتۈردى. 69-مىنۇتتا ئوسكار ئوڭ تەرەپتىن پاس بەردى، فىرەد چەكلەنگەن رايوندا توپنى توختىتىپ بەدىنىنى بۇرىغاندا، دىيان لاۋرىن يىقىتىۋەتتى، باش رېپىر نىشىمۇرا نۇقتا توپ ھۆكۈم قىلدى. نېيمار نۇقتا توپنى كىرگۈزدى. برازىلىيە 2-1 نەتىجە بىلەن ئۈستۈنلىككە ئۆتتى. 91- مىنۇتتا ئوسكار ئوتتۇرا يولدىن بۆسۈپ كىرىپ ۋارتاغا ھۇجۇم قىلدى، توپ ۋارتانىڭ سول ئاستى بۇلۇڭىدىن كىرىپ كەتتى. برازىلىيە 3-1 نەتىجە بىلەن كرودىيەنى مەغلۇپ قىلدى. برازىلىيەنىڭ سەپ شەكىلى (4-2-3-1) قاپقىچى: سەيسار بېك: ئارۋىس، دىياگو سىلۋا، داۋىد لۇيىس، مارسىلو ئارقا بەل: خوسې پاۋلىنىئو، لۇيىس گۇستاۋ ئوتتۇرا مەيدان: خۇلىك، ئوسكار، نېيمار ھۇجۇم: فىرەد كرودىيەنىڭ سەپ شەكىلى ( 4-2-3-1) قاپقىچى : پلەتىنكوسا بېك: دىيان لاۋرىن، كورلۇكا، سىما ۋسالىكو، دارىيو سىرنا ئارقا بەل: مودىرىچ، ئىۋان راكىتىچ ئوتتۇرا مەيدان: ئىۋان پېرىسىچ، ماتىئو كوۋاسىچ، ئولىچ ھۇجۇم: نىكىكا يېلاۋىچ باش رېپىر ياپونىيەلىك نىشمۇرا.

akeram190

	برازىلىيە ساھىبخانلىقنىڭ كۈچىنى كۆردى. نۇقتا توپ ھەقىقەتەن ئارتۇقچە بوپ قالدى، ئەسلى مەيدان ئەھۋالى كرودىيە پايدىلىق ئىدى مۇشۇ بىر نوقتا توپ ھەممىنى ئاستىن-ئۈستۈن قىلىۋەتتى ،تەڭلىشىپ1 نۇمۇر ئىلىشنى مەقسەت قىلغان مۇداپىيە قىلىۋاتقان كرودىيە پۈتۈن كۈچىنى ھۇجۇمغا قاراتتى چۈنكى 2-1بولغان نەتىجە ئاز قىلىۋاتقان ۋاقىت كرودىيەنى مەجبۇرى قىلدى .برازىلىيە مۇداپىيەسىنى ئاجىزلاتقان كرودىيەگە قايتۇرما ھۇجۇم قۇزغاپ يەنە بىر توپ ئۇرۇپ مۇسابىقىنى ئاياغلاشتۇردى .    ئەسلى برازىلىيەنى چىمپىيون بۇلىدىغانلىقىنى50%دەپ پەرەز قىلغان ئىدىم ،تۇنجى مەيدان مۇسابىقىنى كۈرۈپ برازىلىيەنى يۇقىرى مۆلچەرلىگنلىكىمنى ھەقىقەتەن ھىس قىلدىم .    ‹برازىلىيە دۇنيا لوڭقىسىدا قوللىنىلىدىغان يۇقىرى تېخنىكىلار›دىگەن تېمىدا مۇسابىقىنىڭ ئادىل ئۆتكۈزىلىدىغانلىقى بىرەر كۇماندىغا ئۇۋال قىلماسلىق ئۈچۈن نۇرغۇن نۇرغۇن يۇقىرى تىخنىكىلار بارلىققا كەلگەنلىكىنى كۆرگەن ئىدىم ،رىپپىرنىڭ بىر پۈشتىكى مۇسابىقىنى ئاستىن-ئۈستۈن قىلىۋەتكەنلىكى بۇ يۇقىرى تېخنىكىلار بىزنىڭ پەخىرلىنىشىمىزگە ..........

يازغۇچى

	برازىلىيەنىڭ بۇ مەيدان مۇسابىقە تۇتقان پوزىتسىيىسى ئىنتايىن ياخشى بولدى. كرودىيە تىرىشقان بولسىمۇ ئەمما توپچىلارنىڭ پسىخىكىسىنى تەڭشىيەلمەسلىكى ئۆزىنىڭ مەغلۇبىيىتىگە ئىشىك ئېچىپ بەردى. برازىلىيەنى ئۇتىدۇ دەپ ئويلىغانتىم لېكىن تۆت توپ ئۇرىدۇ، دەپ ئويلىماپتىكەنمەن. دۇنيا لوڭقىسى ئۆتكۈزگەنگە چۇشلۇق ئىش قىلدى.