سادىر ياتقان ئۆڭكۈر

ئىبنۇرى

	سادىر ياتقان ئۆڭكۈر                  ئىمام ئىسمائىل ئىبنۇرى                                           تىلسىم غارلار                              يۇنۇسنى يۇتقان بېلىق قارنىدەك،                                           قىتئەلەر ئارا                          غەلەت ئىكەن ئوينىغاندەك مۈكۈشمەك.                                            ***   ***                            يېڭى زاماننىڭ كېپەن ئوغرىسى،                          ئامانەت ساقلايدۇ ئۇنىڭ توغرىسى.                                          ***   ***                             ئۇيغۇر تىلى لەيلەپ ئۆڭكۈردە                             دەسسىۋاپتۇ سادىر چەككەن،                                 موخۇركىنىڭ كۈلىگە!                ئىكىسپېدىتسىيىچى ياپونغا قىززىقارلىق تۇيۇلۇپتۇ،                            خۇددى ئەسسەبۇلكەھفىدەك.                           مولتوختىيۈزى قەدىمى مەھەلە                        كۆچ-كۆچ تارانچى ناخشا توۋلىغان.                        ئۆڭكۈردە بارمىش سادىر پالۋاننىڭ،                       سېپىل تەشكەن قاخشال قوۋۇرغىسى.                                   سادىر ئۆڭكۈرى                         يېتىم ئوغۇلنىڭ ئىكەن ئىزناسى.                  بەش يۇلتۇزلۇق ئارامگاھنىڭ بوپتۇ ئۈلگۈسى.                       تاماششا ئەھلى چاپار دۈپۈرلەپ،                      بولماققا ئالدىراپ غارنىڭ ئېگىسى.                     ساماغا چۈشەر كىشنەپ تۇلپارلار،                     سادىر تەشكەن سېپىل ئۈستىدە.                     ئاڭقاۋ نەغمىكەش چەقتى دۇتارنى،                     پەدىسى بۇزۇلغاچ ئۆڭكۈر لېۋىدە.                     سادىرنىڭ قوينىدىن تۆكۈلەر ھەرىپ،                     چېرىكلەر قان يۇتۇپ ياتقاندا زەئىپ.                     ھەمزىسى ھەرىپنىڭ غارنىڭ ئىچىدە،                     تور توقۇپ كامانى ياماپتۇ سېرىپ.                     ئۆمۈچۈك تۇخۇملاپ كەتكەن ئەسنادا،                     كۆك كەپتەر ئۆلۈپتۇ باغرىنى يېرىپ.                     تىرىلىپ قاپتۇ سادىرمۇ ھايھات...                     خىزىردەك ئاجايىپ بىشارەت بېرىپ.                     نىشانلاپ سىرىتتا قويغان مالخىينى،                     سۈررەڭ قورام تاش بەرمەپتۇ كىيىپ.                     كۈلۈشۈپ بۇ ھالدا سەيياھ پەرەڭلەر،                     تارتىپتۇ سىنغا ئىلغار ئۈسكۈندە.                     كۈل بىلەن چېلىققان بارچە ماددىنى،                     ساتماق بوپ مېڭىپتۇ يىراق شىۋىتكە!                     سۈكۈتكە چۆمۈلۈپ سادىر يېزىسى،                     شامالنىڭ بولۇپتۇ ئۈلپەت-قولدىشى.                     لۈكچەك بورانمۇ گاھىدا ھۇۋلاپ،                     ئويغىتار شۇ غارنى بولۇپ سىردىشى.                    سۈبھىيدە تىترەيدۇ ئاجايىپ  سادا،                    ئەكسىنى ئۆڭكۈردە قالدۇرۇپ راسا.                    شىۋاقنىڭ دىماغنى چەككەن ھىدلىرى،                    روھ-تەنگە بېرىدۇ ئاجايىپ شىپا. 2014.6.12 تولۇقلىما مەزمۇن (2014-10-10 01:09 PM): روھ تەنگە بېرىدۇ ئاجايىپ مەنا.

qaraxani

	شېئىرىڭ ئاۋرالنىڭ باغرىدىكى غېرىپ سادىرنىڭ قىسمەتلىرىنى ئەسلەتتى،شېئىر شەكلى باش قىسمى  چاچما شېئىر، ئاخىرى ۋەزنلىك شېئىرنىڭ ئۇسلۇبىغا ئايلىنىپتۇ،بىراق يەنىلا مەزمۇن خاھىش ئۆز مەنزىلىگە يېتىپتۇ...

sidam

	مەن  شېئىر  ئۇقۇسام  ئاجايىپ ھۇزۇر لىنىمەن    ئاپتۇرغا رەھمەت   شېئىر بىر ياقتۇرۇپ  قېلىپ  خاتىرەمگە  كۆچۈرۈۋالدىم    ئەيىبكە بۇيرۇمىغايسىز

sidam

	رەھمەت

vmvdwar-uyhur

	مەزمۇننى ناھايتى ياخشى ئىپادىلەپ بىرىپسىز ،قەلەم تۇلپارىڭىز ھارمىغاي

quwax

	سادىر مەنۇ سادىرمەن                                     سادىربۇلماي نىمەمەن

مېھرىما

	مەن كىچىك ۋاختختىمدا سادىر پالۋان قوشاقلىرىنى ىنتايىن ياقتۇرۇپ وقۇيتۇم،بۇ شېىرنىڭ  مەزمۇنى مىنى قاتتىق تەسىرلەندۇردى....

Samira120

	barikalla

joda☠

	quwax يوللىغان ۋاقتى  2014-6-13 01:14 PM سادىر مەنۇ سادىرمەن                             ... سادىر دەپ ئېتىم يامان ، ئونبەش ياشتا ئاتالغان. دەسلەپتە تۇتۇلغاندا ، دوڭ يامۇلغا سولانغان. يامۇلنىڭ ياغاچلارى ، ئېگىز قارغاي چەنزە. يامۇلنى تىشىپ چىققان ، سادىر ئۆزى خوخەنزە .   ئازراق ئەگىشىپ قويدۇم ...

kadirsiz

	ئەپسۇس  كۆپىنچىمىز سادىر توغۇرلۇق باشلانغۇچتىكى ئەشۇ شېئېردىن بېلەك ھىچ قانداق تارىخىنى بىلمەيمىز،  سادىر ئۇيغۇرۇمنىڭ پەخرى! شىرمەرد ئەزىمەت، ئۇنىڭدا ئەجدادلىرىمىزنىڭ قورقماس روھى بار!          سادىر پالۋاننىڭ  تارىخىنى بىلىدىغانلار بولسا يوللاپ قۇيساڭلار،بىلىۋالساق.