بـــەزىلــــــــەر

tvnlirikisi

	بـەزىلـــــەر . نىيازئەلى ئادىل . دوستۇڭمەن دەپ سىرىڭنى ئالار ئىكەن بەزىلەر، سەن يوق يەردە ھەممىنى يايار ئىكەن بەزىلەر. . ۋىجدانى يوق، يۈزى يوق، ئۇيالماستىن قىلچىلىك، بەرگەن ۋەدە - قەسەمدىن تانار ئىكەن بەزىلەر. . قىلىپ يالغان خۇشامەت كۈلۈپ قويۇپ ئالدىڭدا، كەينىڭدىنلا ئۆسەك سۆز تاپار ئىكەن بەزىلەر. . ھەزەر ئەيلەپ يۈرمىسەڭ شۇنداقلاردىن بىر كۈنى، خائىن بولۇپ دوستىنى ساتار ئىكەن بەزىلەر. . بۆرە بولۇپ ھۇۋلىسا بىلەتتىڭغۇ خەتەرنى، تۈلكە بولۇپ يېنىڭدا ياتار ئىكەن بەزىلەر. . قورساق تويسا جىم يېتىپ ئاچ قالغاندا ۋە لېكىن، غالجىر ئىتتەك ئۆزۈڭگە قاۋار ئىكەن بەزىلەر. . ھۆرمەت قىلىپ سۇ قۇيۇپ بەرسەڭ ئەگەر قولىغا، يۈندىسىنى يۈزىڭگە چاچار ئىكەن بەزىلەر. . خەشەكنى يەپ ئىنسانغا سۈت بېرىدۇ ئىنەكمۇ، ھايۋانچىلىك بولالماي ياشار ئىكەن بەزىلەر. . 2014 - يىلى 12 - ئىيون چارشەنبە غۇلجا مۇڭغۇلكۈرە شوتا يېزىسى

تەسەللى

	بەزىلەرنىڭ يۈرىكىگە تەككۈدەك قامچا بوپتۇ.  بىراق بەزىلىرنىڭ ۋېجدانى بولسا بەزىلەر دەپ نام ئالمايتى.

rahiyma

	ياخشى يېزىلىپتۇ، تۇراق، قاپىيىلىرى ماسلىشىپ، ئاھاڭدارلىقى كۈچلۈك چىقىپتۇ. ناخشا قىلىپ ئېيتسا بولغۇدەك.

sayramkizi

	ئۆزىنى ئۆزگىنى ئاياشنى، قەدىرلەشنى بىلسەك شۇ بەزىلەر دىگەن گەپمۇ چېقماستى سورۇندا....

Umidim

	يىڭىنى تاپقاندا كونىنى غاجاش ؛ نەپ تەگكەندە پەرۋانە بولۇپ دوست تارتىپ ، نەپ تەگمىگەندە يۈزىدىن-يۈزىگە غاجاش ؛ تېرىقتەك ئەۋزەللىكى بولسا ''تۆۋەنرەك '' تۇرۇپ قالغىنىنى غاجاش ، ''تۆۋەندە '' تۇرۇپ قالغىنى ''ئېشىپ'' كەتكىنىنى غاجاش...ئادەملەر شۇنداق بوپ كىتىۋاتىدۇ ، يىزىپ كەلسە ئورمانلار قەلەم ، دېڭىز سۈيى سىياھ بولۇپمۇ ئۈلگۈرمەمدىكىن دەيمەن

oylun

	بۇ شېئىرىڭىزنى بەكلا ياقتۇرۇپ قالدىم. راستىنلا بەك ياخشى يېزىلىپتۇ، ھارمىغايسىز...