ئۇيغۇرتىل-ئەدەبىيات كەسپى بۇيۇن قىسىپ قالمىسۇن

vmvdwar-uyhur

	بىر تۇلۇق ئوتتۇرنى پۈتتۇرۇپ ئالى مەكتەپ ئارزۇ تولدۇرۇش ئالدىدا تۇرۋاتقان تورداشقا بەرگەن مەسلىھەتىم .ئارزۇ تولدۇرۇش ئالدىدا تۇرۋاتقان بارلىق ئوقۇغۇچىلار ھەم تورداشلار بىلەن ئورتاقلىشش مەقسىتىدە مۇنبەرگە يوللاشنى لايىق كۆردۇم .بۇ مىنىڭ شەخسى كۆز قارشىم ،باشقىلارنىڭ ئۆز كۆز قارشىنى كەڭ -كۇشادە بايان قىلىشنى ئۈمۈد قىلىمەن . ئەسسالامۇ ئەلەيكۇم ،مەن يازغان خېىتىڭىزنى تەپسىلى ئوقۇپ چىقتىم ،گەرچە سىز ھەم سىزگە ئوخشاش مۇكەممەل تەربىيە ئالغان ئوقۇغۇچىلارغا يول كۆرسەتكۈدەك ،مەسلىھەت بەرگۈدەك قابىليىتىم بولمىسمۇ ،ئۆز پىكىرىمنى ئوتتۇرغا قۇيۇپ باقاي ،پايدىسى تىگىپ قالسا قىلغان ئىشىمدىن تۇلىمۇ خۇرسەن بۇلىمەن ،ئەگەر قۇرۇق گەپ قىلىپ ۋاختىڭىزنى ئېلىپ قويغان بولسام سىز ھەم بارلىق ئوقۇرمەنلەردىن ئەپۇ سۇرايمەن . مەن بىر تېخنىك ئىشچىلار مەكتىپىنى پۈتتۈرۈپ قالغان دەرس ۋە دىپلۇملارنى ئۆزلىگىمدىن ئۆگىنىپ ياكى تەتىللىك ئوقۇشلاردا ئوقۇپ ئاخىرى ئۆزۈم ئارزۇ قىلغان ئوقۇتقۇچىلىق كەسپىگە ئىرىشكەن بىر ئوقۇتقۇچى .مىنىڭ بۇ ئۆزۈمنى تۇنۇشتۇرغىنىم ئەمەس ،بەلكىم سىزنى بۇنىڭدىن بەزى نەرسىلەرنى ھىس قىلالايدۇ دەپ ئويلايمەن . سىزنىڭ بىرنچى تاللىشىڭىز سالامەتىلىكىڭز تۈپەيلى ئەمەلگە ئاشماپتۇ .لىكىن ئەڭ چوڭ ئارزۇيىڭىزنى يەنى (ئۇيغۇر تىل-ئەدەبىياتى )تاللاشتىن ئىبارەت بۇ ئارزۇيىڭىزنى ئۆزىڭىز نابۇت قىپسىز .مۇشۇ قىلمىشىڭىزغا قاراپ سىزنىڭ مۇستەقىللىق قارشىڭىز ئاجىزمىكىن دەپ قالدىم .ئويلاپ بېقىڭ ،سىز ئەدەبىياتنى ياخشى كۆردىكەنسىز ،يازغۇچى ياكى مۇخبىر بۇلۇشنى ئارزۇ قىلىدىكەنسىز ،بىراق ئاتا-ئانىڭىزنى دەپ بۇ تاللاشتىن ۋاز كىچىپسىز ،بۇنى چۈشنىشكە بۇلىدۇ .بىراق كىين ئۆزىڭىزنىڭ ئەڭ چوڭ ئارزۇيىڭىزنى تاللاش پۇرسىتى كەلگەندە بولسا باشقىلارنىڭ بۇ كەسىپنىڭ ئىستىقبالى يوق دىگەن بىر ئېغىز گىپى بىلەنلا ۋاز كىچىپسىز .سىزنىڭچە ئۇيغۇرتىلى- ئەدەبىياتى كەسپىنىڭ راسلا ئىستىقبالى يوقمىدۇ ؟بۇ كەسىپنىڭ ئىستىقبالى يوق دىگەنلىك ئۇيغۇرنىڭ ئىستىقبالى يوق دىگەنلىك ،شۇنداق ئەمەسمۇ .ئانا تىلدىن ئايرىلغان مىللەتنى قانداقمۇ بىر مىللەت سۈپىتىدە تەسسەۋۇر قىلغىلى بولسۇن .(ئەزەلدىنلا ئۆزىنىڭ ئانا تىلى بولمىسا بۇ باشقا گەپ )!ھەممەيلەن سىزگە ئوخشاش ئۇيغۇرتىل -ئەدەبىيات كەسپىنىڭ ئىستىقبالى يوق دەپ ۋاز كەچكىلى تۇرسا ئانا تىلىمىز ئەڭ ئالدى بىلەن نادانلار قۇلىدا ئەمەس بەلكى ھىلقى سىزگە يول كۆرسەتكەن ئالى مەلۇماتلىق «ئەقىللىق »ئادەملىرىمىزنىڭ قۇلىدا ۋەيران بۇلىدۇ .شۇڭا ئۇيغۇرتىل -ئەدەبىيات كەسپى ھەرگىزمۇ ئىستىقبالى يوق كەسىپ ئەمەس بەلكى پارتىيە بىزگە يارتىپ بەرگەن ئەڭ چوڭ پۇرسەت .ئەگەر ھەممەيلەن بۇ كەسىپتىن سىزگە ئوخشاش ۋاز كىچىدىغان بولساق بۇ كەسىپ تاقىلىپ قالىدۇ .ئانا تىلنى تەتقىق قىلىدىغان ،بېيتىدىغان ئۇنى قوغدايدىغان ئورۇن ،ئادەم سىياسەتمۇ قالمايدۇ ،شۇنىڭ بىلەن ئۆز ئانا تىلىمىزنى ئۆز قۇلىمىز بىلەن قەتلى قىلىمىز . ئەمدى ھازىرقى كەسپىڭىزگە كىلەيلى .« ئوقۇتقۇچىلىرىمىزمۇ ئوقۇش پۈتتۈرگەندىن كېيىن مۇتلەق كۆپ قىسمىمىزنىڭ ئوقۇغان كەسىپكە مۇناسىۋەتسىز خىزمەتلەرنى قىلىدىغانلىقىمىزنى، شۇ كەسىپنى قىلغان ھالەتتىمۇ ئۆگەنگەن نەرسىلەرنى ئاساسەن ئىشلەتمەيدىغانلىقىمىزنى كۆپ قېتىم سۆزلەپ ئۆتكەن»بۇ گەپلەرنى دىگەن مۇئەللىمنىڭ نەزەر دائىرسى سەل تارمۇ ياكى سىزگە ئوخشاش قۇرلۇش كەسپىنى تازا ياقتۇرمامدۇ بىلمىدىم ،لىكىن بۇ مۇئەللىمنىڭ بۇ گىپى ئۆزىنى ئۆزى ھاقارەتلىگەنلىك بوپتۇ ،ئۆزىنى ئۆزى كەمسىتىپتۇ .قۇرلۇش كەسپى دىگەن بۇ ئاتالغۇ ئىچىدە «ئۇيغۇر بىناكارچىلقى »دىگەن بىر ئۇقۇمنىڭمۇ بارلىقىنى ھىس قىلمىدىڭىزمۇ .ئۇيغۇرلارنىڭ قۇرلۇش سەنئىتىنىڭ دۇنيانى ھەيران قالدۇرغانلىقىنى ئويلاپ باقمىدىڭىزمۇ .مىللىيچە ئۇسلۇپتا كۆركەم قىلىپ سېلىنغان ھەشەمەتلىك بىنالارنى كۆرۈپ قەلبىڭىز ھاياجاندىن تىترەپ باقمىغانمۇ ؟سىز دەل ئەنە ئاشۇ قەلبنى ھاياجانغا سالىدىغان قۇرلۇش كەسپىدە ئۇقۇۋېتىپسىز ،بۇ سىز ئۈچۈن ئىنتايىن قىممەتلىك بىر پۇرسەت ،بۇنداق پۇرسەت ھەممەيلەنگە نىسىپ بۇلىۋەرمەيدۇ ،شۇڭا سىز بۇ كەسىپنى تاللىغانكەنسىز ،بۇ كەسىپكە بېشىڭىزچە چۈكۈپ كىتىڭ ،ئۇيغۇر بىكارچىلقى ھەققىدە ئىزدىنىڭ .كىشلەرنى قەلبىنى لەرزىگە كەلتۇرگىدەك قۇرلۇشتىن بىرنى لاھىيلەڭ ياكى شۇنىڭ ئۈچۈن تىرشىڭ ! قانداق ئىشنىڭ ئىستقبالى يوقلۇقىنى مەن سىزگە دەپ بىرەي .پەقەت تىرىشمىغان ئادەمنىڭ ھەرقانداق ئىشىنىڭ ئىستىقبالى يوق .ئەمدى سىزدەكەم بۇلىۋاتقان نەرسە ،روھ !ئويلاپ بېقىڭ .ئەدەبىيات كەسپىنىڭ قىممىتى بىرەر رومان ياكى ھىكايەۋەياكى بىر نەچچە پارچە شىئېر يېزىش بىلەن ئۆلچەنمەيدۇ ۋە شۇنىڭ بىلەنلا چەكلىنىپ قالمايدۇ .سىزنىڭ قۇرلۇش كەسپىڭىزنىمۇ ئەدەبىيات بىلەن بىرلەشتۈرگىلى بۇلىدۇ .ئۆزكەسپىڭىز ئۈستىدە ئىزدىنىڭ ،تەتقىقات ماقالىلىرىنى ئىلان قىلىڭ ،شۇنداق قىلسىڭىز ئۆزىڭىز ياخشى كۆرگەن يېزىقچىلىق ئارزۇيىڭىزمۇ رۇياپقا چىقىدۇ ،كەسپى ساھەدىمۇ زور مۇۋاپىقيەتلەرگە ئىرىشىسىز .ئىسىڭىزدە بولسۇنكى ھەرقانداق كەسىپتە بىر بوشلۇق بار ،تەتقىق قىلىشقا تىگىشلىك نەرسىلەر بار .بىز باشقىلار ئىجاد قىلىپ بەرگەن فورمۇلا ياكى قائىدىلەردىن ھالقىپ كىتەلمەيدىغان بۇنداق ئاجىز روھنى ئۆز ئىڭىمىزدىن سۈپۈرۈپ تاشلىيالىساقلا  ئالىملىرىمىز نىيوتۇننىڭ ھەركەت قانۇنىدىكى خاتالىق ۋە زىدىيەتلەرنى تېپېىپ چىققىنىدەك نۇرغۇن نەرسىلەرنى تېپىپ چىقىشىمىز ،ئىجاد قىلىشىمىز مۇمكىن . قىسقىسى سىز مەيلى ئىختىيارى ياكى باشقىلارنىڭ مەجبۇرلىشى بىلەن بۇ كەسىپنى تاللىغان بۇلۇڭ چۇقۇم بۇ كەسپتە بىرەر نەتىجە قازنىش ئۈچۈن تىرشىڭ ،ئاخىردا بۇ كەسپنى سىزنى مەجبۇرلىغان ئادەم ئەمەس بەلكى ئۆزىڭىز ئىشلىتىسىز .نەتىجە قازانسىڭىزمۇ ،مەغلۇپ بولسىڭىزمۇ بۇ پەقەت بىر سىزگىلا مەنسۇپ ! ھۆرمەتلىك ئاتا-ئانىلار سىلەر پەرزەنتىڭلار ئۈچۈن تۈرەك قېنىڭلارنى سەرىپ قىلدىڭلار ،ئۇلارنى ياخشى ،ياراملىق ئادەم بولسۇن دەپ ياخشى مەكتەپلەردە ئوقۇتتۇڭلار ،بالىلىرىڭىلار بۇنى ئەلۋەتتەھىس قىلدى ،سىلەردىن چەكسىز مىننەتدار بولدى .ياخشى ئوقۇپ سىلەرنىڭ ئۈمۈدىڭلارنى ئاقلاش ئۈچۈن كىچە -كۈندۈز تىرىشتى .ئۇلار سىلەر سىزىپ بەرگەن سىزىق بۇيىچە مېڭىپ مانا تۇلۇق ئوتتۇرنى پۈتتۈرۈپ ئارزۇ تاللاش پەيىتلىرىگىمۇ يىتىپ كەلدى .ئەمدى بولدى ،سىلەردىن ئۈتۈنۈپ قالاي بۇ چەمبىرەكنى بۇ يەردىمۇ سىزىپ بەرمەڭلار .12يىل جاپالىق ئوقۇغان ئۇماق پەرزەنتىڭلار ئۆز خاھىشى بۇيىچە ئۆز ئارزۇسىنى تاللاپ تولدۇرۇپ باقسۇن ،بۇلارنىڭ ئارزۇسى ،ئۇلارنىڭ كەلگۈسىدىكى تىرشش نىشانى .پەرزەنتىڭلارنىڭ ئارزۇسىنى ئۆز خاھشىڭلار بۇيىچە ،يەنى ئۆز ئارزۇيىڭىلار بۇيىچە تولدۇرۇپ بەرسەڭلار ئالى مەكتەپكە بېرىپ ئوقۇيدىغىنى سىلەر ئەمەس بەلكى باللىرىڭلار .باشلانغۇچتىن تارتىپ تۇلۇقنى پۈتتۈرگىچە ئۇلارنى نازارەت قىلىپ ،چەمبىرەك سىزىپ بىرىپ ئوقۇتتۇڭلار ،لىكىن ئالى مەكتەپتە ئۇنداق قىلالمايسىلەر ،چۈنكى ئۇ يەردە سىلەر يوق ،ئۆي ئەڭ يېقىن بولغاندىمۇ بىر ھەپتىدە بىر قېتىم قايتىپ كىلىدۇ .شۇنداق بولغانكەن سىلەر باللىرىڭىلارنى كونتىرول قىلالمايسىلەر .بالىلار بولسا دادام تاللاپ بەرگەن ،ئانام تاللاپ بەرگەن ،مىنىڭ قىزقشىم بولمىغاچقا مەكتەپتە سانغا ئۆتۈپ يۇرۋاتىمەن دەپ ئاخىردا ئۆزىنى ھەم سىلەرنىڭ بۈيۈك ئارزۇيىڭلارنى بىرگە ۋەيران قىلىدۇ .ھەتتا تۈرمىلەرگە يول ئېلىپ قېلىشىمۇ مۇمكىن .شۇڭا پەرزەنتىڭلار قانداق بىر كەسىپنى تاللايدىكەن بۇنىڭغا ھۆرمەت قىلىڭلار .ئۇلار ئۆز ئارزۇسىغا ئىرىشكەندىن كىيىن بۇ ئارزۇنى ئەمەلگە ئاشۇرۇش ئۈچۈن سىلەر چەمبىرەك سىزىپ بەرگەن ۋاقىتتىكىدىنمۇ بەكرەك تىرشىدۇ .بارلىقىنى ئاتايدۇ .باللىرىڭىلار قانداقلا بىر كەسىپنى تاللمىسۇن ئۇ كەسىپنىڭ چۇقۇم ئىتىقبالى بار «دېھقان بولمىسا نان نەدە ،تازلىق ئىشچىسى بولمىسا گۈزەل شەھەر مۇھىتى نەدە »بىز ئەڭ ناچار ،ئەڭ ئىستىقبالى يوق دەپ قارىغان كەسىپ بەلكىم ئەڭ ئىستقباللىق ،ئەڭ ئۇلۇغ كەسىپ بۇلۇشى مۇمكىن .شۇڭا باللىرىمىزغا چەمبىرەك سىزىپ بىرىۋەرمەستىن .ئۇلارنى ئەركىن تەپەككۇر قىلىشقا يېڭىلىق يارتىشقا ئىلىھاملاندۇرايلى ! ئەمدى كەسىپ تاللىماقچى بولغانلارغا كەلسەك ئىجتىمائى پەن يەنى ئۇيغۇر-تىل ئەدەبىياتى مەن يۇقىردا سولتان ئىنىمىزگە بەرگەن مەسلىھەتىم ھەممىڭلارغا ئورتاق مەسلىھەت بۇلالايدۇ .ئادەم پۇلنىڭ قۇلى بۇلۇپ قالماسلىقى كىرەك بولمىسا ئىمان -ئىنساپ ،غۇرۇر -ۋىجدان ھەممىسى كۆتۈرلۈپ كىتىپ شەخسىيەتچىلىك ئەۋىج ئېلىپ كىتىدۇ .بىر مىللەتنىڭ تىلىغا مۇناسىۋەتلىك بولغان بىر كەسىپنى ئىستىقبالى يوق كەسىپ دىسە بۇ پەقەت پۇل تاپقىلى ،ھۇقۇق تۇتقىلى بۇلىدىغان كەسىپ ئىستىقباللىق كەسىپ قالغىنىنىڭ ھەممسى قۇرۇق گەپ دىگەنلىك بولماي نىمە !؟ بىز ئەڭ ئالدى بىلەن ئادەم ،ئادەم بولغانكەنمىز مەلۇم كوللىكتىپ ،مەلۇم دۆلەت ،مەلۇم مىللەتكە تەۋە بۇلۇپ ياشايمىز .شۇنداق تۇرۇقلۇق ئۆز مەنپەئىتىمىز ،ئۆزىمىزنىڭ ئىستىقبالىىمىز ئۈچۈن دۆلەتنى ،مىللەتنى قۇربان قىلىشىمىز ئاقىلانىلىقمۇ ؟بۇ ھەرگىزمۇ ئادەم قىلىدىغان ئىش ئەمەس ،پەقەت سىز ياشاۋاتقان دۆلەت ،مىللەت ئامان بۇلىدىكەن ،مەۋجۇت بۇلۇپ تۇرىدىكەن ،سىزنىڭ ئىستىقبالىڭىز بۇلىدۇ ،يۈز-ئابرۇيىڭىز بۇلىدۇ ...................!

hujayin1

	ئەسسالاممۇئەلەيكۇم ئۈمۈتۋار ئۇيغۇر؟ ئالدى بىلەن مۇشۇنداق ياخشى پىكىرنى ئوتتۇرغا قويغانلىقىڭىزغا رەھمىتىمنى بىلدۈرىمەن.. مىنىڭچە ئالىي مەكتەپ ئىنتاھانى بەرگەنلەر 18-19ياشلار چاممىسىدىكى ئىنى-سىڭىللىرىمىزدۇر.. ئىنىللىرىمىزنىڭ مىللىي غۇرورى تىز ئۈسىۋاتقان،ئۆزىنىڭ كەلگۈسى توغرۇلۇق بىر قەدەر ئاقىلانە قارار چىقىرالايدىغان مەزگىل..شۇڭلاشقا ئوقۇغۇچىلاردا ئۈمۈت زور دەپ قارايمەن.

NURDEN

	تىما ئىگىسىنىڭ بايانى توغرا،بىز خەخ ئۈچۈن ياشىمايمىز ئەلۋەتتە.ئۆز ئارزۇسى ۋە ئالاھىدىلىكى بىلەن باش كۆتۈرۈپ دۇنياغا تونۇلغان ۋە ئۆزمىللىتىنى دۇنياغا تونۇتقان كىشلەرنى ئۇنۇتماڭ.

nurjahan0997

	مەدەنىيەت بوستانىنىڭ قايسى بىر پىروگگىراممىسدا ئۇيغۇر تىلى كەسپىدە ئوقۇۋاتقان ئىككى خەنزۇ ياشنى تونۇشتۇرغان ئىدى....ئۇيغۇرچىغا شۇنداق ئۇستا ئىكەندۇق....

rahiyma

	ئەسسالامۇ ئەلەيكۇم ئۈمۈدۋار-ئۇيغۇر ئەپەندىم، پىكىرىڭىزنى قوللايمەن. مەن بىر ئۇيغۇر تىل-ئەدەبىيات كەسپىنى پۈتتۈرۈپ جەمئىيەتكە قەدەم قويغان ياش. ئەينى ۋاقىتتا ماڭا مۇشۇ كەسىپتىن چاقىرىق كەلگەن چېغىدا ئەتراپىمدىكىلەرمۇ ماڭا بۇ كەسىپنىڭ ئىستىقبالى يوق دېگەن. ئۇنىۋېرستىتقا بارغاندىن كېيىنمۇ بىر نەچچە ساۋاقدىشىمىز بۇ كەسىپتىن ۋاز كېچىپ قايتا ئوقۇشنى تاللىغان. كىچىكىمدىن تىل-ئەدەبىيات دەرسىنى بەك ياقتۇراتتىم، كېيىنچە بىر ئەدەبىيات ئوقۇتقۇچىسى بولىمەن دەپ ئارزۇ قىلاتتم، گەرچە مەلۇم سەۋەبلەر تۈپەيلى بۇ ئارزۇيۇمغا يېتەلمىگەن بولساممۇ، ئەمما مەن بۇ كەسىپنى يەنىلا  قىزغىن سۆيىمەن. بۇ كەسىپنىڭ ئىستىقبالى يوق دەپ قارىغان ۋە شۇنداق دەيدىغان بارلىق قېرىنداشلىرىمىزغا شۇنى دەيمەنكى، ئىستىقباللىق بولۇش-بولماسلىق قايسى بىر داڭلىق ئۇنۋېرستىتتا ئوقۇغانلىق،  قايسى كەسىپنى تاللىغانلىق بىلەن مۇناسىۋەتسىز، مەيلى سىز قايسى كەسىپنى ئۆگىنىڭ ، شۇ كەسىپنى قىزغىن سۆيسىڭىز،شۇ كەسىپنى پۇختا ئىگەللىسىڭىز ئىستىقبال سىزگە قۇچاق ئاچقۇسى.

rahiyma

	nurjahan0997 يوللىغان ۋاقتى  2014-6-11 04:00 PM مەدەنىيەت بوستانىنىڭ قايسى بىر پىروگگىراممىسدا ئۇيغۇ ... ئىنىستىتوتىمىزدىمۇ مەخسۇس ئۇيغۇر تىلى فاكولتېتى بار ئىدى، خەنزۇ، خۇيزۇ، موڭغۇل، ... قاتارلىق ھەرقايسى مىللەتلەر ئۇيغۇر تىلى ئۆگىنەتتى، ئىستىقبالى يوق دېمەي.

musilina

	ئۇيغۇر تىل -ئەدەبىياتىنىڭ قىممىتىنى ھېس قىلالمىغان كىشى، ئۆزىنىڭ ئۇيغۇرلىقىنى ئۇنتۇپ قالغان كىشىدۇر... ئۇيغۇر تىلىنىڭ مەنىسىنىڭ چوڭقۇرلىقى،پاساھەتلىكى..... 32 ھەرىپىمىز بىلەن   مول مەزمۇنلارنى ئىپادە قىلالدىغانلىقىمىز بىزنىڭ ئۇيغۇر تىلىمىزنىڭ پەخرى.... ئىنتايىن ئەھمىيەتلىك بولغان تېمىدىن بىرنى يوللاپسىز.....

muttelib

	ئەگەر مۇشۇ كەسەپنى ئوقۇپ چىققانلار جەمىئەتتە بويۇن قىسىپ قالمىسىلا  كەسىپ ھەرگىز بويۇن قىسىپ قالمايدۇ.

nijatkurban

	ئۇيغۇر تىل ئەدەبىياتى كەسپىنىڭ ئىستىقبالى يوق دېگۈچىلەرنىڭ ھالىغا ۋاي، چۈنكى بۇ كەسپتە ئوقۇغان بەزى ياشلار پەقەت تىل ئەدەبىيات ئوقۇتقۇچىسى بولۇش ئۈچۈنلا بۇ كەسپنى ئۆگەنگىنى ئۈچۈن جەمئىيەتتە شۇنداق خاتا كۆز قاراش پەيدا بولۇپ قالغان. ھازىرقى ئۇنىۋېرسىتېتلىرىمىزدا تىل ئەدەبىيات كەسپىنى ئوقۇپ چىقىپ ھېكايە - شېئىرلارنى دېمەي تۇرايلى، ئۆزەڭ ئوقۇغان مەكتەپنى ياكى ئۆزەڭ چوڭ بولغان يۇرتنى تەسۋىرلەپ بىر پارچە چۈشەندۈرۈش ماقالىسى يېزىپ باق دېسە يازالمايدىغانلار  نۇرغۇن، ئىملاسىدىكى خاتالىقنى دېمەيلا تۇرايلى، يەنە شۇنداق تۇرۇپ جەمئىيەتتىن، ئوقۇغان كەسپىدىن ئاغرىنىدۇ، نەئۇزۇبىللا!!!!!!!!!

sutbulak

	توغرا بويۇن قىسىپ قالمىسۇن،بىراق ئەمەلى ھەركىتىمىز بىلەن قوللىساق ئاندىن ئۈنىمى بولىدۇ.