بىلىكى يوق بالا ئالى مەكتەپ ئىمتىھانىغا قاتناشتى

uyghari

	بىلىكى يوق بالا ئالى مەكتەپ ئىمتىھانىغا قاتناشتى         6-ئاينىڭ 7-كۈنى، دۆلەتلىك ئالى مەكتەپ ئىمتىھانى رەسمى باشلاندى، سىچۋەن ئۆلكىسى پەنجىخۈا شەھىرى 7-ئوتتۇرا مەكتىپىنىڭ بىلىكى يوق ئوقۇغۇچىسى پېڭ چاۋمۇ ھاياتىدىكى تۇنجى ئالى مەكتەپ ئىمتىھانىنى كۈتىۋالدى.         ئەتىگەن سائەت 7 يېرىمدا پەنجىخۈا شەھرىدە يامغۇر يېغىپ كەتتى. پېڭ چاۋ ئورنىدىن تۇرۇپ كىيىمىنى كىيىپ، يۈزىنى يۇيۇپ بولغاندىن كىيىن، دادىسى پېڭ چاڭفۇ بىلەن بىللە سىرتتىكى كىچىك ئاشخانىدا ئەتىگەنلىك تاماق يىدى، ھەمدە ئالى مەكتەپ ئىمتىھان مەيدانىغا يۈرۈپ كەتتى. يامغۇر يېغىۋاتقاچقا، پېڭ چاۋنىڭ دادىسى كۈنلۈك تۇتۇپ ئوغلىنى ئىمتىھان مەيدانىغا ئاپىرىپ قويدى.         ئىمتىھان مەيدانى سىرتىدا بالىلىرىنى ئىمتىھانغا قاتناشتۇرغىلى كەلگەن ئاتا-ئانىلار ئىنتاين كۆپ بۇلۇپ، ۋەزىپە ئىجرا قىلىۋاتقان قوراللىق ساقچىلار ۋە قاتناش ساقچىلىرى ئىمتىھان مەيدانىنىڭ سىرتىدا تەرتىپ ساقلاۋاتاتتى. پېڭ چاڭفۇ كۈنلۈك تۇتقان پېتى ئۇدۇللا ئوغلىنى ئىمتىھان مەيدانىغا ئەكىرىپ قويدى، ئۆزى مەكتەپ سىرتىدا جىددىلەشكەن ھالدا ئوغلىنى ساقلىدى.         پېڭ چاۋ سىچىۋەن ئۆلكىسى پەنجىخۈا شەھەرلىك 7-ئوتتۇرا مەكتەپ تولۇق 3-يىللىق 6-سىنىپ ئوقۇغۇچىسى بۇلۇپ، 6 ياش ۋاقتىدا يۈك ماشىنىسى سوقۇۋەتكەنلىكتىن ئىككى بىلىكىدىن ئايرىلىپ قالغان ھەمدە ئوقۇش پۇرسىتىدىنمۇ مەھرۇم قالغان. لېكىن ئۇ قەتئىي ۋاز كەچمەي، پولاتتەك ئىرادىسى بىلەن پۇتى ئارقىلىق كىيىم كىيىش، خەت يېزىش، تورغا چىقىشتەك ئىشلارنى قىلىشنى ئۆگەندى، ھەمدە باشلانغۇچ مەكتەپ، تولۇقسىز ئوتتۇرا مەكتەپ ۋە تولۇق ئوتتۇرا مەكتەپلەرنىڭ دەرسلىكلىرىنى ئۆگىنىپ بولدى.         سائەت 11 يېرىمدا ئىمتىھان ئاخىرلاشتى، پېڭ چاڭفۇ ئاگاھلاندۇرۇش سىزىقىنىڭ ئۈستىدە جىددىلىك بىلەن مەكتەپ تەرەپكە قارىدى.  پېڭ چاۋ ئىمتىھان مەيدانىدىن چىقىپ، مەكتەپ ئالدىدا دادىسى بىلەن كۆرۈشتى، دادا، بالا ئاددىغىنە پاراڭلاشقاندىن كىيىن ئۆي تەرەپكە قاراپ ماڭدى. چۈشلۈك تاماقنى يەپ بولغاندىن كىيىن ئازراق ئارام ئېلىۋالغان پېڭ چاۋ كىيىنكى ئىمتىھانغا قاتنىشىدۇ.         ئىگىلىنىشىچە، پېڭ چاۋ ئۆزىنىڭ تىرىشچانلىقى ئارقىلىق شىمال تەرەپتىكى ئالى مەكتەپلەرنىڭ ئاممىۋىي قۇرۇلۇش فاكولتىتىغا ئۆتۈپ، ئۆزىنىڭ ئالى مەكتەپ ئارزۇسىنى ئەمەلگە ئاشۇرۇشنى ئۈمىد قىلىدىكەن.                                                  مەنبە:  نۇر تورى

yaprak2012

	ئۇلۇغ اللانىڭ بەش ئەزايىمىزنى ساق ياراتقىنىغا مىڭ شۈكرى .

musilina

	بۇ بالىنىڭ تىرىشچانلىقىغا قايىل بولدۇم،ئەجرى يەردە قالمىغاي....

uyghari

	مەن بۇ تىمىنى نۇر تورىدا كۆرۈپ، بۇ مۇنبەرگە كۆچۈرۈپ يوللىغان ئىدىم، بىرىنچى قېتىم يوللىغاندا ئۈنۈمى ياخشى بولماي، ئىككىنچى قېتىم قايتا يوللىغاندا ، كومپيۇتېردا بار، ئەمما مەن يوللىمىغان بەزى رەسىملەرمۇ قوشۇلۇپ قاپتۇ. بۇنى ئۆزەممۇ بىلمەي قالدىم، تورداشلارنىڭ توغرا چۈشىنىشىنى ئۈمىد قىلىمەن.

sayam

	ھەر ۋاقىت ئۆگۈنۈش كىرەك ، بىلىم ھەر ۋاقىت يىڭىلىنىپ تۇرىدۇ .

jim-jit

	مىنىڭ    جىيەن    قىزىمنىڭ    بىر    كۆزىدە    تۇغما    كىسەل    بار   ئىدى    ،   يانە   بىر    كۆزى    نورمال   كۆرىتى    .    بۇ    قىتىم    ئېچكىردىكى    شىنجاڭ    سىنىپىغا    ئېمتاھان    بەرگەن    نومۇرنىمۇ    ياخشى    ئالغان    لىكىن    سالامەتلىك   تەكشۇرتكەندە   كۆز   بۆلۇمىدىكى   دوختۇر  ‹  سىنىڭ    بىر   كۆزۇڭ    ياخشى    كۆرمەيدىكەن    نومۇرىڭ   يۇقرى    بولغان   بىلەن   سالامەتلىك   تەكشۇرتىشتىن   ئۆتەلمەيسەن  ›   دەپتىكىن   ئۇ   قىزىم   شۇنداق   يىغلاپ   چىقىپتۇ      بىزنىڭمۇ   كۆڭلۇمىمىز   بەك   يىرىم   بولدى    .    ئۇ    قىزىمىزنىڭ    ئۇگۇنىشى    بەك   ياخشىتى   ھەر   يىلى   تەغدىرلىنىپ   كىلىۋاتىدۇ  .    ئاشۇ   كۆزىنىڭ   تەسىرىدىن   ئالى   مەكتەپكىمۇ   ئالماي   قالامۇ   دەپ   ئەنسىرەپ   تۇرىۋاتىمىز   ،   بۇ    توغۇرلۇق    بىلىدىغانلار    بولسا    يول   كۆرسەتسەڭلار   ئېنىق    بىلسەك    كۆڭلۇمىز   ئارام    تىپىپ    قالارمىكى  .   مەن   مۇشۇ   ئېش   توغۇرلۇق   مۇنبەرداشلاردىن    مەخسۇس    مەسلىھەت   سورىماقچى   ئېدىم   بۇگۇن    بۇ   تىمىنى   كۆرۇپ    مۇشۇلارنى    يىزىپ   ئولتۇرۇپتىمەن    .

hayat

	jim-jit يوللىغان ۋاقتى  2014-6-9 09:13 PM مىنىڭ    جىيەن    قىزىمنىڭ    بىر    كۆزىدە    تۇغما    كىسە ... پەقەت كۆز ئۆلچىمى بىر قەدەر يوقۇرى بولغان مەكتەپلەردىن باشقا مەكتەپلەرنىڭ ئۇنداق قاتتىق ئۆلچىمى يوق. مەسىلەن : كومپىيۇتىر ، لاھىيلەش دېگەندەك بىر قىسىم كەسىپلەر... ئۇندىن باشقا نۇرغۇن كەسىپلەردە بۇنداق ئۆلچەم يوق. ھازىر جىگەر كىسىلى بارلارنىمۇ ئايرىم كەسىپلەردىن باشقا كەسىپلەرگە (ئ.ەگەر يۇقۇملۇق بولمىسىلا) قوبۇل قىلىدۇ. شۇڭا خاتىرجەم بولسىڭىز بولىدۇ.

ئېلىجان.

	بەزى رەسىملەر  تۇلۇق ئېچىلمىدى يا ؟.............

zulpukar

	kokzat يوللىغان ۋاقتى  2014-6-9 07:12 PM ھەقىقەتەن قەيسەر ئەزمەتكەن،شۇ تاپتا مىنىڭ بەش ئەزاسى  ... قارىغاندا سىز ئوقۇتقۇچى ئىكەنسىزدە..........  ناۋادا ماۋۇ ئىنكاسىڭىزنى سىزنىڭ ئوقۇغۇچىلىرڭىز كۆرۈپ قالسا چۇقۇم كۈلۈپ، قۇرساقلىرى ئاغىرىپ دۇمىلاپ كېتىدۇ........... ئەكىسچە ئويلىنىپ قويماسلىقى مۇمكىن.......    ئىككى قۇلى بولمىغان بىلەن ئۇنىڭ ئۆگىنىشكە بولغان ئوتتەك قىزىقىشى، ئىرادىسى بەزى پەرزەنتلىرمىزنىڭكىدىن ئېشىپ چۈشىدىكەن.......