خوش دېمەي كېتىمەن

ap~qilam

	‏‏خوش دېمەي كېتىمەن ‏ ‏ ‏قانچە رەت كۆزۈمدىن ئاققۇزدۇڭ ياشلار. ‏مۇھەببەت ھەققى دەپ چىدىدىم بىراق . ‏بارغانچە يەلكىمنى باسقاندەك تاشلار ، ‏بىلمىدىم خوشاللىق مەندىن بەك يىراق . ئالدىنىش ئۈستىگە قورۇلغان سۆيگۈ ، ‏ئادەمنى ئۇنچە شاد قىلمىسا كېرەك. ‏ئوقچۇيدۇ قەلبىمدە شۇنداق بىر تۇيغۇ، ‏بەرمەكچى بولغاندەك سېنىڭدىن دېرەك. ‏ ‏كور بولسۇن كۆزلىرىم تۇنجۇقسۇن گۇمان ، ‏كىمۇ ئۇ ياندىشىپ ماڭغان ئۇ يىگىت . ‏سۆزلىدىڭ-بىر دوستۇم يوقالسۇن تۇمان، ‏ۋە لېكىن قەلبىمگە ئۇرۇلدى چىكىت . ‏ ‏شۇ تاتلىق سۆزلىرىڭ دەيدۇ ھېلىھەم ، ‏ئاشىقىم دىلىمدىن سۆيىمەن سېنى . ‏مۇھەببەت يولىدا بەرگەن شۇ قەسەم ، ‏مەجبۇرلار ئۇنىڭغا ئىشەن دەپ مېنى . ‏ ‏بۇزدى شۇ پاراڭنى يانفۇن ساداسى ، ‏شۇئانلا چېھرىڭدە كۈلكە تەبەسسۇم . ‏ئەزدىغۇ بۇ دىلنى سۆيگۈ ئازابى ، ئىدىغۇ بۇ كۆڭلۈم شۇنچە ساپ مەسۇم. ‏ يۈرەكىم لەختە قان كۆڭلۈم شۇنچە غەش ، ‏شۇ كۈنى مۇھەببەت بىلىندى ئازاپ . ‏(مەيلىڭىز بارمىكىن قىزچاق بۈگۈن كەچ)، ‏دېگەن بۇ ئۇچۇرغا كەتتىمغۇ قاراپ . ‏ ‏كۆزۈمدىن ياش ئەمەس ئاقتىغۇ قان-قان، ‏ئاڭلىماس بولدۇم مەن نىم دېسەڭ دېگىن . ‏خوش دېمەي كېتىمەن ساق بولسىلا جان، ‏قەسەمنىڭ جازاسى تۇتىدۇ كېيىن . ‏ ‏مەنبەسى:ئەپچىلەم

sultannur

	يارايسىلە ئاداش،3-5- كۇبلىتلىرىدىن شۇنداق بىر مەنزىرىنى كۆرگەندەك بولۇۋاتىمەن.ئىجادىيەتلەر بەرىكەت تاپقاي!!!!

musilina

	تىلى راۋان،چىشىنىشلىك چىقىپتۇ شېئىرىڭىز.. شۇ مەنزىرە كۆز ئالدىمغا كەلدى..

nurjahan0997

	خوشلاشماي كەتكۈچىلەر بىر بولسا سەندىن قورقىدىغانلاردۇر بىر بولسا ساڭا يۈز كېلەلمەيدىغانلاردۇر.......

BUEREZAT

	كەتسەڭ كىتىۋەر يارىم، مىنىڭ نىمە پەرۋايىم.                                  -خەلىق قۇشاقىلرىدىن مىسرا

mima520

	مىنىڭ  كۆڭلۈمدىكىدەك چىقىپتۇ    يارايسىلە

sargarda

	nurjahan0997 يوللىغان ۋاقتى  2014-6-9 02:50 PM خوشلاشماي كەتكۈچىلەر بىر بولسا سەندىن قورقىدىغانلارد ... بىرى  بولسا   ئەڭ   پەسكەش ، رەزىل  كىشىلەردۇر...

jelwa

	sultannur يوللىغان ۋاقتى  2014-6-9 02:19 PM يارايسىلە ئاداش،3-5- كۇبلىتلىرىدىن شۇنداق بىر مەنزىرىن ... ئەگەشتىم  .......

1263318936

	ياخشى يىزىلىپتۇ.