قەبرىستانلىقـتا زىيارەت

سائەت

	تۆنىگۈن  جۈمە كۈنى چۈشتىن كىيىن بىكار بوپ قېلىپ يېنىمدىكى ساۋاقدىشىمغا بىرەر يەرگە بېرىپ بىللە  ئايلىنىپ كېلىشنى ئېيىتتىم.  ئىككىمىز قەيەرگە بېرىشىنى بىلەلمەي گاڭگىراپ قالدۇق. بىردەم ئويلانغاندىكىن مەن قەبرىستانلىققا بېرىپ كەلگىم بارلىقىنى ساۋاقدىشىمغا ئېيتتىم.ئۇ ھەيران بولۇپ مەندىن :<قەبرىستانلىقتا ئۆلۈپ كەتكەن تۇققانلىرىڭىز قېرىنداشلىرىڭىز بارمىتى>دەپ سورىدى. مەن ئۇ يەرە ئۆزۈمنىڭ ھېچقانداق تۇققىنى ۋە قېرىنداش دوسلىرىمنىڭمۇ يوقلىقىنى پەقەت مۇسۇلمان قېرىنداشلىرىمنىڭ قەبرىلىرى بارلىقىنى. ئۆزۈمنىڭ ئۇزۇندىن بېرى بارغۇم بار لىكىن بارالمىغانلىقىمنى بېرىپ قەبرىلەرنى زىيارەت قىلىپ ئۆلۈمنى ئەسلىگۈم بارلىقىنى ئۇنىڭغا دېدىم. بىز قەبرىستانلىققا كەلدۇق. مەن ئۆتكەن يىلى داۋۇد قارىمنى ئۇزۇتۇپ قەبرىگە قويۇش ئۈچۈن بارغانچە كەپ باقمىغان ئىدىم.    قەبرىستانلىققا كېلىپ بىرىنجى بولۇپ كۆزۈمگە چېلىققىنى قەبرىستانلىقنىڭ ئالدىدىكى ھەيۋەتلىك  ئاق رەڭلىك چوڭ مەسچىت بولدى، ئىككىنجى بولڭپ كۆزۈمگە چىلىققىنى قاتار-قاتار كەتكەن قەبرىلەر بولۇپ بەزىلىرى ئاددىغىنە توپا بىلەنلا ياسالغان بەزىلىرى سېمۇنۇت بىلەن ياسالغان يەنە بەزىلىرى  گۇمبەزلىك خۇددىي مەسچىتلەرگىلا ئوخشايدىغان چوڭ-كىچىك قەبرىلەر ئىدى. بىز قەبرىلەرنىڭ ئارىسىدىكى كەڭ يولدا كېتىۋاتقاچ ئىككى تەرىپىمىزدىكى قەبرىلەر گە ئىنچىكىلىك بىلەن نەزەر سالدۇق. قەبرە تېشىنىڭ ئۈستىگە يېزىلغان خەتلەرنى ئوقۇپ ماڭدۇق تېخى بەزى يازغۇچى شائىرلارنىڭ قەبرە تېشىغا شۇ كىشى ھايات ۋاقىتلىرىدا يازغان شېئىر ۋە كىتاپلارنىڭ ئىسىملىرى، ۋە ھايات ۋاقتىدا قىلغان ئىش ئىزلىرى دېگەندەك چۈشەندۈرۈشلەر بارئىدى. بەزىلىرى ئاددىغىنە نەچچە قۇر خەت بىلەن چۈشەندۈرۈلۈپ يېزىلغان بولسا ،يەنە بەزىلىرى تاسلا قاپتۇ چۈشەندۈرىمەن دەپ رومان يېزىۋەتكىلى. مېنى ھەممىدىن بەك ھەيران قالدۇرغىنى بولسا بەزى  قەبرىلەرنىڭ ئۈستىگە چوڭ قىلىپ(××جەمەت قەبرىسى)(××ئائىلە قەبرىسى)دەپ يېزىۋاپتۇ. ئۇلار قەبرىنى چوڭ  ياساتقۇزۇپ ئۆلمىگەن كىشىلەرگىمۇ قەبرە ياساپ قويۇپتۇ ئۆلمەي تۇرۇپ قەبرىسى ياسىلىپ بولدى دېگەن گەپ ئۆلگەندە بىللە ياتامىش. بۇ نىمىدىگەن بىمەنىلىك كۈلكىلىك ئىش ھە!!!!! بۇ  ئىشلارنى ئويلاپ كېتىۋېتىپ تۇيۇقسىز پەيغەمبەر ئەلەيھىسسالامنىڭ بئىككى ھەدىسى ئېسىمگە كەلدى. بىرىنجىسى: ئاللاھ قەبرىلەرنى ئېگىز قىلىپ قاتۇرۇپ ياساشنى چەكلىگەن بۇ گۇناھ.ئىككىنجىسى پەيغەمبىرىمىز قەبرىلەرنىڭ ئالدىدىن ئۆتكەندە قەبرىدىكى كىشىلەر گە سالاپ بېرىپ ئى قەبرە ئەھلى سىزلەر بىزدىن بالدۇر كەتتىڭلا بىزمۇ ھەم يېقىندا سىلەرنىڭ قېشىڭلار غا بارىمىز دېگەن.      قەبرە ئېگىز ياسىلىپ قاتۇرۇلسا مىيىت ئازابلىنىدۇ......       بىز پەيغەمبىرىمىزنىڭ سۈممىتى بويىچە قەبرىدىكىلەرگە سالام بەردۇق. ۋە قەبرىدىكىلەرنى تونىمىساقمۇ ئاللاھتىن گۇناھلىرىنىڭ كەچۈرۈلىشى  ئۈچۈن دۇئا قىلدۇق.. بىز توختىماي ئايلاندۇق    بەزى ھەيۋەتلىك ياسالغان قەبرىلەرنىڭ ئىشىكلىرى ئوچۇق ئىكەن بىز مىيىت قويىدىغان يەرگە قاراپ باقتۇق.   ئاھ خۇدا نېمىدىگەن قورقۇنۇشلۇق نېمە دېگەن قاراڭغۇ  نېمىدىگەن مۇزدەك ھە !!!!! يۈرۈگۈم قارتتىدە قىپ كەتتى مېنى ۋەھىمە قورشىۋالدى. يۈرۈكۈپ ئەنسىز سوقۇپ كەتتى. بىز شۇنداقلا قاراپ قويغانغا بۇنداق قورقۇنۇشلۇق بولسا ئۆلگەن كىشى قانداقمۇ بوپ كېتە ھە!!!!!!    قېرىنداشلىرىم ئاللاھدىن قورقۇيلى. 2014-6-7 كۈنى شەنبە ئۈرۈمچىدە يېزىلدى                     -مۇھەممەد    (istihlal)

سائەت

	[backcolor=rgba(255, 255, 255, 0)]ئەسسالامۇ ئەلەيكۇم قېرىنداشلار.     پىكرى بارلار چىرايلىق دېسەڭلار مۇنازىرىلەشسەك بولىدۇ.     ھەرگىز مۇنبەرنىڭ تەرتىپىنى قالايمىقانلاشتۇرماڭلار

خۇش

	ئەسسالامۇ ئەلەيكۇم تېمىڭىزدا  بىزلەرگە  دىمەكچى بولغان مەقسقدىڭىز توغرا بولسىمۇ ئۇنى بىزلەرگە توغرا ئۇسۇلدا يەتكۈزىشىڭىزدە بەزى كەمتۈكلەر بار..... دىننى مەسىلىلەردە ھىسىياتقا بىرىلىپلا پەتىۋا ئاچساق توغرا بولماس ، ئالايلۇق سىز ئىككى ھەدىسنى نەقىل ئالدىڭىز بۇلار قايسى كىتاپتىن ئېلىنغان،كىم رىۋايەت قىلغان.... ھىچ بولمىسا ئۇ ھەدىسلەر سىزنىڭ ئىسىڭىزدە تولۇقى بىلەن ئېنىق بارمۇ؟   ....دىمەكچىمەنكى بەزى سۆزلەر ئوقۇرمەنگە  سەل ھىسىياتقا بىرىلىپ كەتكەندەك  تۇيغۇ بىرىدىكەن

nurizadam

	تېخىمۇ چوڭقۇر بولسا بەك ياخشى بۇپتىكەنتۇق!خېلى ياخشى بوپتۇ!ھەممىمىز ھامان كىرىدىغان قەبرە !

musilina

	ئىپادىلىمەكچى بولغان مەقسەت -مۇددىئا توغرا،بىراق ئىپادىلەش جەھەتتە يېتىشسىزلىك بار.... تىل بايانلىرى سەل تەرېتىپسىز....

qiqak123

	ياخشى  تېما  بوپتۇ

uyghur730

	ئالدىدىكى ئىنكاسلاردا توغرا ئېيتىپتۇ ،بۇنداق تىمىلارنى يازغاندا تولۇق تەييارلىق بىلەن ئىزدىنىپ يېزىڭ،ئۆزىنىڭ قەبرىسىنى ئالدىن ياسىتىپ قۇيۇش خاتا ئەمەس،بەلكى شۇ ئادەمنىڭ ئۆزىنىڭ ھەرقاچان ئاللاھنىڭ دەرگاھىغا كىتىدىغانلىقىنى بىلگەنلىكتىن ،ئۆلۈمنى ياد ئىتىپ تۇرغانلىقىنىڭ ئىپادىسى.لىكىن سىمۇنىتتىن قاتۇرۇپ ھەشەمەتلىك قىلىۋېلىش ياخشى ئەمەس.

xaban010

	قالايمىقان  تالاشمايلى  بۇ قېرىندىشىمىز  ھەممىمىزنىڭ ھامان قەبرىدىن ئىبارەت   ئاخىرقى زاماننىڭ  ئىشىكىدىن  ھامان ئۆتىدىغانلىقىمىزدىن ئىبارەت  بىر  ھەقىقەتنى  سەمىمىزگە  ساپتۇ،،،،،،بۇ جايدا ئۇنداق ئىپادىلەپسىز مۇنداق ئىپادىلەپسىز دەپ ئولتۇرماي   قەبرىلەرنى كۆپ زىيارەت قىلىشىمىز گۇناھلىرىمىزغا  بالدۇرراق تەۋبە  قىلىشىمىز  لازىم قېرىنداشلىرىم...رەھمەت تېما ئىگىسى  ئاللاھ ئەجىرىڭىزنى بەرسۇن

سائەت

	خۇش يوللىغان ۋاقتى  2014-6-7 10:28 PM ئەسسالامۇ ئەلەيكۇم تېمىڭىزدا  بىزلەرگە  دىمەكچى بولغا ... ۋەئەلەيكۇم ئەسسالام قېرىندىشىم.   مەن پەتىۋا ئاچمىدىم.    بۇ ھەدىسلەر ياخشى كىشىلەر باغچىسى دېگەن كىتاپتا بار.   مەن قانچىنجى نۇمۇرلۇق ھەدىس ئىكەنلىكىنى بىلمەيمەن لېكىن كۆرگەنلىكىم ئېنىق.  ياخشى كىشىلەر باغچىسى دېگەن كىتاپتكى ھەدىسلەرنىڭ ھەممىسى توغرا ھەدىسلەر.  بۇ كىتاپنى يازغان كىشىمۇ نەچچە تۈمەنلىگەن ھەدىسلەردىن تاللاپ ئەڭ توغرا ھەدىسلەرنى كىتاپقا كىرگۈزگەن.   مەن داۋاملىق بۇ كىتاپنى ئوقۇپ تۇرىمەن. لىكىن كىتاپ ھازىر يېنىمدا بولمىغاچقا قايسى بەتتە كىم رىۋايەت قىلغانلىقىنى بىلمەيمەن.

سائەت

	musilina يوللىغان ۋاقتى  2014-6-7 11:05 PM ئىپادىلىمەكچى بولغان مەقسەت -مۇددىئا توغرا،بىراق ئىپا ... دېققەت قىلاي ئەسكەرتىپ قويغىنىڭىزغا كۆپ رەھمەت