يېڭى ھادىسە - تۈركىيە قىزغىنلىقى - فىلىم

Misranim

	ئەسسالامۇ ئەلەيكۇم ئەزىز قېرىنداشلار، 5- ئاينىڭ 8- كۈنىدىكى ئۈرۈمچى تېلۋىزىيەسىنىڭ چىن يۈرەكتىن چىن سۆزلەر پىروگراممىسىدا ‹ يېڭى ھادىسە - تۈركىيە مەدەنىيتى قىزغىنلىقى › ئاساسىي تېما قىلىنغان بىر قېتىملىق سۆھبەت ئۆتكۈزۈلگەن ئىدى، ئالدىراشچىلىقلار تۈپەيلىدىن ،تورغا ۋاقتىدا يوللاپ تورداشلار بىلەن ئۇچراشتۇرالمىغان ئىدۇق . بۈگۈن فىلىم تورغا يوللىنىپ كۆرۈرمەنلەر ھوزۇرىغا سۇنۇلدى .. پىروگراممىدا داڭلىق ئوبزورچى يالقۇن روزى ئاكام بىلەن بىرگە تۈركىيە ناخشىچىلىرى، تۈركىيە مەدەنىيتى، تۈركىيە كىنو فىلىملارغا بولغان قىزىقىشلارنىڭ ئىجابىي ۋە سەلبىي تەرەپلىرى توغرىسىدا سۆھبەتلەر بولۇنۇپ بۇ مەسىللەرگە ئۇستاز يالقۇن روزىنىڭ بىرقىسىم خۇلاسە پىكىر تەلەپلىرى،  بىزلەردىن كۈتىدىغان ئۈمىدلىرى بايان قىلىندى، ھەم توردىكى تۈركىيە قىزغىنلىقلىرى، تۈركىيەنى قوللاش ۋە قارشى تۇرۇش تەرەپدارلىرىنىڭ ئىنكاسلىرى مۇنازىرە قىلىنىپ ئۆتۈلدى ، تۈركىيە قىزغىنلىقىنى قايسى تەرەپتىن تەرەققىي قىلدۇرۇش ، قايسى تەرەپلەرگە دىققەت قىلىش توغرىسىدا بىرقەدەر كەڭ دائىرلىك سۆھبەتلەر بولۇندى.. فىلىم ھوزۇرۇڭلاردا..... نورمال چىقمىسا ياكى، IPAD,IPHONEلاردا كۆرمەكچى بولسىڭىز بۇ خەتنى چىكىش ئارقىلىق كۆرسىڭىز بۇلىدۇ... فىلىمدىكى بىر قانچە جۈملىلەر : ئالىي مەكتەپنىڭ كارىدورلىرىدىن چىقىۋاتقان ،كېتىۋاتقان قىزلىرىمىزغا قارايدىغان بولساق  بۇلار خۇيزۇلارنىڭ تولغىما قۇيماقلىرىدەك تولغۇشۇپ كۈلۈشۈپ كېتىدۇ ... بىزنى بەك ئەنسىرتىۋاتقان ،بىزگە ناھايىتى زىيان بولىۋاتقىنى تۈركىيەگە ئوقۇشقا چىقىش قىزغىنلىقى ،بۇنىمۇ مودىغا ئايلاندۇرۋالساق ، سىزنىڭ بالىڭىز چىقسا مەنمۇ بالامنى چىقىرىمەن دىسەم مانا بۇ نادانلىق بولىدۇ. شۇڭا چەتئەلگە ئوقۇشقا چىقىش كېرەك ،كۆپلەپ چىقىش كېرەك .چىققاندىمۇ ئۇنداق باشقۇرالمىغان بالىسىنى چىقىرۋىتىدىغان مودا قوغلىشىپ چىقىرۋىتىدىغان ئۇنداق ئەخمەقلىق بىلەن ئەمەس،بىر ئوقۇش قىزغىنلىقى بىلەن ،ئوقۇش نىشانى بىلەن چىقىش كېرەك .. ھەرقانداق بىر دۆلەتتىن بىر مەدەنىيەت ئالماشتۇرغۇچىلار كەلسە بىز ھەرقاچان كۈتىۋىلىشىمىز كېرەك، بىراق ھەرقانداق ئىشنىڭ چېكى بولىشى كېرەك . بىر ئادەمدىكى مەسىلنى ،بىر خەلىققە يۈكلەپ تۇرۇپ تەنقىدلەش ئۇ نورمالسىزلىق ... فىلىمگە مۇناسىۋەتلىك بىرقىسىم رەسىملەر؛ مىسرانىم ئۇيغۇرچە ئۇنۋېرسال تور بېكىتى

xoh-xoh1

	ماۋۇ تېمىغا ئوت كىتىدىغان بولدى ئەمدى،،،

uyol

	بۇ سان پىروگرامما ھەقىقەتەن ياخشى ئىشلىنىپتۇ، يالقۇنكام بىلەن ئابابەكرى .ئاكامنىڭ سۆزلىرى ھەقىقەتەن ئادەمنى ئويلاندۇردى. رەھمەت جاپا چەكتىڭلار

ئالمىچى

	ئورونلۇق تەكلىپ پىكىرلەر بىرىلىپتۇ، ئويلىنىپ بىقىشقا تىگىشلىك

ئەنسارى.

	خېلى جايىدا تەھلىل قىلىنىپتۇ، تەشەككۈر

hayat

	يالقۇن روزىنىڭ سۆزلىرىنىڭ ھەقىقەتەن ئاساسى بار . بولۇپمۇ ئاياللارنىڭ كوچا -كويلاردا ئورۇنسىز كۈلۈش ھادىسىگە بەرگەن باھاسى دەل جايىنى تىپىپتۇ. بۇ گەرچە بىزگە نىسبەتەن ئادەتتىكىدەك ئىش بولسىمۇ بىراق مەدىنيەت نوقتىسىدىن قارىغاندا ھەقىقەتەن بىر مىللەتنىڭ ساپا ئېڭىغا بىرىپ چىتىلىدىغان نازۇك بىر مەسىلىگە بىرىپ تاقىشىدۇ. ئۇندىن باشقا ھېلىقى ناخشىچىنىڭ قايتىپ بارغاندىن كيىن مىكرۇ بىلۇگغا يازغان ئۇيغۇر قىزلىرى توغۇرىسىدىكى شۇ بىر جۈملە سۆزى (يەنى ئۇيغۇر قىزلىرى مىجەزى سەل شاتىراق ئىكەن) مۇشۇنىڭ ئۆزىلا بۇ تور بىكەتتە نەچچە ۋاقىتتىن بۇيان مۇشۇ توغۇرىسىدا بولىۋاتقان مۇنازىرىلەرگە نىسبەتەن يېتەرلىك جاۋاپ بولۇپتۇ. گەپ شۇنى چۈشىنىشتە. مۇشۇنداق ئەھمىيەتلىك سۆھبەتلەرنىڭ كۆپلەپ ئېلىپ بىرىلىشى كەڭ ئۇيغۇر جەمئىيتى ئۈچۈن تولىمۇ پايدىلىقتۇر.

ئاشقىن1

	بىز دۇنيادىكى ھەر قانداق مىللەتنىڭ ئىلغار تەرەپلىرىنى ئۆگىنىشكە تەييار تۇرۇشىمىز كېرەك،لېكىن ئۆزىمىزنى ھەرگىز ئۇلاردىن تۆۋەن ئورۇنغا قويۇۋېلىشىمىزغا بولمايدۇ.ئىقتىساد ۋە مائارىپتا سەل ئارقىدا قالغان بولساقمۇ،بىز ئۇيغۇرلار يەنىلا ئىنسانىي ئىززىتىمىز بىلەن ياشاۋاتقان مۇنەۋۋەر مىللەتلەردىنمىز.   تۈركىيە قىزغىنلىقى ھەر ھالدا كۆرىيە قىزغىنلىقىدىن ياخشى.

izqel

	ياخشى پىكىرلەرنى بىرىپتۇ.گەپنىڭ قىسقىسى ئەجدادىمىزنىڭ سۆزى بويىنچە سۇنى سىڭگەن يەرگە سەپ. يەنى ئىھتىياج نىمىنى تەلەپ قىلسا شۇنى قىلىش،دورامچىلىق بىلەن ئىش تۇتۇش ياخشى ئاقىۋەت بولماستىن پۇشايمانغا قالىدىغان ئىش چىقىدۇ.ئۇ چاغدا بىز يەنە باشقىلارغا گۇنا قۇيامدۇق؟تۈركىيە قىزغىنلىقى ئاخىردا تۈركىيە مەدىنىيتىگە ئىلىپ بىرىشى مۇمكىن.بىز ھازىر يىڭى يىپەك يولى قۇرلۇشى ئارقىلىق سىرىتقى دۇنيا بىلەن ئۇچىرشىش پەيتىدە تۇرۋاتىمىز.مەدىنىيەتلەر سەرمايىنى يۈرۈشتۈرۋاتىدۇ.بۇ ئەلۋەتتە بىزنىڭ بۇرۇنقى دۇنيانىڭ ئۇنتۇلغان بۇلۇڭ پۇچقاقلىرى دەپ ئاتالغان دىيارىمىزغا نىسبەتەن يىڭىلىق ھىسابلىنىدۇ. بىر مايمۇن دەرەخقە چىقالىسا يىڭىلىق دەپ قاراپ باشقا تىمساق شىر بۆرە قويلارمۇ جەزمەن دەرەقتە بولىشى كىرەكمىدى.شارائىت ھامان باشقا باشقا تاللاشقا يۈكلەنگەن.باشقىلارنى دوراشنىڭمۇ چىكى بار.دورىساقمۇ ئاۋۋال بىزگە ماس كىلەمدۇ يوقنى ئويلاش كىرەك.تۈركىيە دەرۋەقە بىز ئۇيغۇرلار بىلەن قانداش دىنداش بىر يىلتىزداش.بىراق تۈركىيەنىڭ سىياسى مۇھىتى جۇغراپىيلىك ئورىنى ۋە ياشاش ئالاھىدىلىكىدە بىز بىلەن پەرىقلىق.شۇنداقتىمۇ قارايدىغان بولساق مەن كىچىك چىغىمدا بۇ يەردە شارالخاننىڭ مودىسى بولۇپتىكەن.كىيىن كورىيە مودىسى بولدى.بۇ ئەلۋەتتە كىنو پىلىم بىلەن كىرگەن تاشقى جاراھەت.ئەمدى تۈركىيە فىلىمچىلىكى ۋە تۈركىيە توغۇرلۇق بولىۋاتقان دوسىتلۇق ھەمكارلىق كىلىشىملىرى ۋە ئۇ يەردىكى ئۇيغۇر قىرىنداشلار توغۇرلۇق بىرىلىۋاتقان ئۇچۇردىن بىز تەبىيلا تۈركىيەنى تاللاپ قالدۇق.بىزنىڭ سەنئەت سۈيەر قىزلىرىمىزدىكى بىر قىسىم ئەھۋاللارباشقا گەپ.مىنىڭچە مۇشۇ سەۋەبلەر بىزدە تۈركىيلىكلەرنى دوسىت قىرىنداش كۆرۈش ۋە ئىنتىلىشنى پەيدا قىلغان دەپ قارايمەن.

tohtihan1

	hayat يوللىغان ۋاقتى  2014-6-5 05:29 PM يالقۇن روزىنىڭ سۆزلىرىنىڭ ھەقىقەتەن ئاساسى بار . بولۇپ ... كىمنىڭ قايسى بلوگى ؟ تەكشۈرۈپ باققىم كېلىۋاتىدۇ . ئىسمىنى دېسىڭىز تېپىش تەس ئەمەس ، ئەگەر راست شۇنداق بولسا ئۇنى تويغۇزۇپ قويۇشمۇ قولىمىزدىن كېلىدۇ . ئەگەر ئۇنداق بولمىغاندا گەپ تاپقانلارنى يىغىشتۇرۇشمۇ تەس ئىش ئەمەس . بۇ ھاياجانلانلىق ئەمەس ، چۈنكى بۇ بىزنىڭ نومۇسىمىزغا بېرىپ تاقىلىدۇ .

iltebir

	بۇ سۆھبەتنىڭ، بەزى مودا قوغلۇشۇپ بالىلىرىنى چەتكە چىقىرىدىغان كىشىلەر ئۈچۈن ،ئازراق بولسىمۇ ئويغىنىش ئېلىپ كېلەلىشىنى ئۈمىد قىلىمىز.