ھەققانىي: كۈندە يوق

akkani

	كۈندە يوق                                                 ھەققانىي                          ئالچاڭشىما ئامەتتىن، دوستۇم ئامەت كۈندە يوق،                          مەيدە مۇشتلاپ ماختانما، چۈنكى راھەت كۈندە يوق.                           ھايات خۇددى بىر تەڭشەك، ھەرگىز ئاغماس سىڭايان،                          چىداش بەرگىن ھەممىگە، دەرت-مۇشاققەت كۈندە يوق.                         پۇل سانايدۇ تېلىقىپ، قىسمەن بايلار گېدىيىپ،                        يىغلاپ سالۇر كۈلگەنلەر، مۇنداق بەرىكەت كۈندە يوق.                        زار بولۇرسەن گاھىدا،بىر بۇردانان-زاغرىغا،                       يايراش،تويۇش، كىكىرىش، تەمى لەززەت كۈندە يوق.                        سەندە تۇرماس بۇ مەينەت، مەندە ھاي-ھاي پاكىزلىق،                       پەگاھ ماكان گاھىدا، كۆرپە-ئىززەت كۈندە يوق.                        غۇربەت قالساڭ مىشىلداپ، گۆشنان كۆرسەڭ كالچايما،                       تىنماي پوشكال يەيدىغان، ھېيىت-نىممەت كۈندە يوق.                       زارلىنىپسەن ئاڭلىسام، قالدىم دىبان پىيادە،                       ھەتتا ياياق يۈگرەرسەن، مەپە-سۆلەت كۈندە يوق.                      بولما غەمدىن ئۈمىدسىز، غالىپلىقتىن تەكەببۇر،                     ئىنسان بارمۇ مەغلۇپسىز، جەڭدە نۈسرەت كۈندە يوق.                     غاپىل كەتمە ئەي ئىنسان، تۇرمۇش يۇلى ئوي-دوڭغۇل،                    ھەميان بەزەن بوش قالۇر، دۇنيا-ئوقەت كۈندە يوق.                                             ******                                  مەنبە: ئۆز ئىجادىيىتىم.

چىمەنA

	بەك ياخشى يېزىپسىز ! ھارمىغايسىز قېرىندىشىم !

vukux

	ياخشى يىزىپسىز

musilina

	زارلانمىغىن تۇرمۇشتىن،دىشۋارچىلىق كۈندە يوق، ئاچ قالدىم دەپ قاخشىما،ئاچارچىلىق كۈندە يوق. يۇيىۋەتسەڭ تۈگەيدۇ،مەينەتچىلىك كۈندە يوق، بۇ كۈنلەرمۇ كېتىدۇ،ناھەقچىلىك كۈندە يوق.

abugazi123

	دائىم كىرىپ ئويناپ تۇر چۈنكى مۇنبەر كۈندە يوق، شۇنچە مىززىلىك پۇراپ تۇر ئەتتىر ئەنبەر كۈندە يوق. ھىھى  قاملاشمىدىمۇ نېمە. ھەققانىكا  بەك كەمدىدار بولاپ كەتلا يا

تەسەللى

	بوشاشمىغىن يولۇڭدىن، پۇرسەت ساڭا كۈندە يوق، گەر ماڭمىساڭ يورۇقتا،  كۈندۈز ساڭا كۈندە يوق. تۆۋبە قىلغىن گۇناھقا، ھايات باقى ئەمەستۇر، دىنغا پۈتۈن كىرمىسەڭ ، بەخىت ساڭا كۈندە يوق. ئەسسالامۇ ئەلەيكۇم. ھەققانىكا داۋاملىق كىرىپ تۇرسىلا. سىلىدىن ئىلھام ئېلىپ قالدىكەنمىز.

zulpikar29

	بولما غەمدىن ئۈمىدسىز، غالىپلىقتىن تەكەببۇر،                      ئىنسان بارمۇ مەغلۇپسىز، جەڭدە نۈسرەت كۈندە يوق ناھايىتى ياخشى يېزىلىپتۇ  ،  قولۇڭىزغا دەرت بەرمىسۇن

ئۇتغۇر

	ماكۇي ئۆستەڭ بويىدا، سېرىق قۇچقاچ ئوينايدۇ. ‹‹ھەققانىي›› دېگەن شائىر، كۆپ تەرەپنى ئويلايدۇ.