بۇ جاھان نىم بولۇپ كېتىپ بارىدۇ

555rikabatqi

	ھۆكىمىتىمىزنىڭ ئىشىكنى سىرىتقا ئېچىۋېتىش شۇنداقلا سودىنى ئىلگىرى سۈرۈش سىياسىتىنىڭ تۈرۈتكىسىدە ،سودا كۈندىن كۈنگە روناق تېپىپ خەلقىمىزنىڭ تۇرمۇشى ياخشىلانماقتا بۇنىڭغا ئەگىشىپ خەلقىمىزنىڭ ئىستىمال سەۋېيىسىمۇ ئېشىپ بارماقتا ،بۇ ئېشىشلار بىرقىسىم ناكەستى ساختىپەزلەرگىمۇ پۇرسەت ئېلىپ كەلدى ،شۇنىڭ بىلەن پۇلنىلا تۇنۇيدىغان ساختىپەزلەر نۇرغۇن ساھەگە سىڭىپ كىرىپ ساختا مال ئىشلەپ بازارنى قالايمىقان قىلىشقا تۇتۇش قىلدى .ھۆكىمىتىمىز ساختا مالغا زەربە بېرىشنى باشلىۋېدى بۇلار سۇ ئۈستىدىكى كۈپۈكتەك مانا مەن دەپلا پاش بولۇشقا باشلىدى .بۇ ئەھۋاللارنى كۆرگەن ئىستىمالچىلار دۆلىتىمىزدە ئىشلەنگەن مەھسۇلاتتا مەسىلە بارمۇ قانداق دەپ گۇمانلىنىپ تۇرىشىغا ،بۇ پۇرسەتنىمۇ قولدىن بەرمىگەن توردىن چۈشۈپ قالغان يەنە بىرقىسىم ساختىپەزلەر چەتئەلدە ساختا مال يوق دەپ باشقىلارنىڭكىنى كۆپتۈرۈپ تەشۋېققىلىشقا تۇتۇش قىلدى ،يالغان گەپنىمۇ 3 قېتىم دىسە راسقا ئايلىنىپتۇ دىگەندەك بۇلارنىڭ تەشۋېقاتىنىڭ ئۈنۈمى ئالاھىدە بولدى . بۇ يالغان ياۋىداقلارنىڭ تەسىرىگە ئۇچرىغانلار بەلكىم شىنجاڭ دىيارىدا ئەڭ كۆپ بولسا كېرەك دەپ قارايمەن چۈنكى بۇيەردىكى خەلىقلەرنىڭ دىنى ئېتىقاتى ئۆرۈپ ئادىتى ئۆزگىچە مەدىنىيىتى باشقىلارغا زادىلا ئوخشىمايدىغان ئۆزىگە خاس بىر ھالەتنى شەكىللەندۈرگەن ئىدى ،بىرزامانلاردا داھىمىزنىڭ رەسىمى، ئىزنىكى قاتارلىقلارنى ئۆينىڭ ھەممە يىرىگە ھەتتا بەدەنلىرىگە ئورنىتىۋالىدىغان ھالەتنى شەكىللەندۈرگەن بۇ خەلىق ھازىر ئەتراپىدىكى ھەممە نەرسىدن شۈبھىلىنىپ تۇرغان بۇ خەلىققە«مۇسۇلمانچە »«ھالال»«شۈبھىدىن خالى» دىگەن سۆز ئىبارىلەرگە ئالاھىدە ئىشتىياق باغلىغان ئىدى .بۇنى پۇرسەت دەپ بىلگەن بىرقىسىم ناكەستى ساختىپەز تىجارەتچىلەرگە بولۇپلا بەردى ،ئۇلار مۇسۇلمانلار ئىسلامدىنى بىلەن ھىچقانداق مۇناسىۋېتى بولمىغان ياكى بولسىمۇ ئالاھىدە دۈشمەنلىك بىلەن قارايدىغان زىمىندىكى خەلىقلەرنىڭ بىرنىمىلىرىنى دىيارىمىزغا ئېلىپ كىرىپ ،مۇسۇلمانچە شۈبھىدىن خالى دەپ بۇيەردىكى خەلىقنىڭ ھىسسىياتىدىن ناتوغرا پايدىلىنىپ دىنىمىزغا ئېغىر ئاقارەت كەلتۈرۈدىغان ئەھۋاللار ماڭدامدا بىر ئۇچرايدىغان بولدى .بەلكىم تۆۋەندىكى سۆز ئىبارىلەرنى سىزمۇ ئاڭلىغان بولۇشىڭىز مۈمكۈن . گىرمانىيەدە مەلۇم بىر ئايال ئىسلام دىنىغا كىرىپ مۇلۇلمانچە گىرىم بۇيۇمى ئىشلەپتۇ ،بۇ شۇ ئايال ئىشلىگەن گىرىم بۇيۇمى. – ئوكرانىيە مۇسۇلمانلىرى ئىشلىگەن ........نەرسىلەر .-تايلاندا ئىشلىگەن مۇسۇلمانچە شۇبھىدىن خالى سۇننەت مەلھىمى -دىيارىمىزدا ئىشلەنگەن مۇسۇلمانچە ھاراق  .-مۇسۇلمانچە تازىلىق قەغىزى شۈبھىدىن خالى...... .بۇ يۈزماينى ئىشلەتسىڭىز بالىڭىز شۈبھىدن خالى چوڭ بولىدۇ ،ھەي توۋا ما ئېلانلارنىڭ لاۋزىلىقى ما بىرقىسىملارنىڭ ئۆزى ھاراق سورىنىدىن نېرى كېتەلمەي باشقىلارنىڭكى مەھسۇلاتىنى ھارم دىيىشلىرىچۇ تېخى . دەپ كەلسە بۇ مۇسۇلمانچە ئىسىمنى ئىشلىتىۋاتقانلارغا ھەيرانلا قالىدۇئادەم، بىرقىسىملارنىڭ دىنى ئىسىملارنى مەھسۇلات ئىسمى قىلىشتىن ئېشىپ شىركەتلەرنىڭ ئىسمى قىلىشلىرىچۇ ۋادەرىخا بۇلار بىلمەي قىلامدىغاندۇ ياكى باشقۇرىدىغان ئادەم بولمىغاندىكىن دىنىمىزنى كەمسىتىپ قىلامدىغاندۇ .ھازىرغۇ ئاشخانا رىستۇرانلاردا ساقالنى قۇيۇپ يۈزىنى يوگەپ بىرۋاق نامازدىن خەۋېرى يوق خەلقىمىزنىڭ ھىسسىياتىدىن پايدىلىنىپ تىجارەت قىلىدىغان ئىشلار ئادەتتىكى ئىش بولۇپ قالدى . چەتنىڭ نەرسىلىرى شۇنداق ئىشەنچىلىك دۆلىتىمىزدە ئىشلەنگەن مەھسۇلاتلار راس ناچارمۇ ؟ مەلۇم بىر دوستۇم تۆركىيەنىڭ مەھسۇلاتلىرىغا ئالاھىدە قىزىقاتتى ئۇ تۈركىيەدىن گىرىم بۇيۇمى ئەكىرىپ سېتىشنى ئويلاپ شۇيەردە ئۇقىۋاتقان سىڭلىسىغا تېلفۇن قىلغاندا ئۇ بۇرادىرىمىزنىڭ سىڭلىسى .-ئاكا مەن مۇشۇ توغرىدا قىزىقىپ نۇرغۇن گىرىم بۇيۇملىرى زاۋۇتى دىگەن يەرلەرنى سۈرۈشتۈردۇم ئۇيەرلەردە ئىچقانداق گىرىمبۇيۇملىرى ئىشلەنمەيدىكەن ئوبدانراقلىرىنى دۆلىتىمىزنىڭ گۇاڭجۇ شەھىرىدىكى گىرىم بۇيۇملىرى زاۋۇتىغا ھاۋالە قىلىدىكەن ئادەتتىكىسىنى فىرانسىيەگە ھاۋالە قىلىپ ياسىتىدىكەن مايەردە پەقەت قېپىنى ياساپ ئۆزىنىڭ زاۋۇت ئادرىسىنى سېلىپ بازارغا سالىدىكەن بۇنى ئوبدان ئويلۇنىڭ دەپتۇ. مەنمۇ ئىچكىرىدىكى يەرمەنكىلەردە نۇرغۇن چەتئەللىكلەرنى ئۇچرىتىمەن ئۇلاربىلەن پاراڭلىشىش جەريانىدا ئۇلارنىڭ دۆلىتىمىزگە مەھسۇلاتىنى ئېلىپ كەلگەنلەر بولماستىن  مەھسۇلات ئىشلىتىش ئۈچۈن كەلگەنلىكىنى بىلدىم بىرقىسىم كورىيە شىركەتلىرىمۇ گىرىم بۇيۇملىرىنى ئىشلىگەندە ئاشۇ تۈركىيە سودىگەرلىرىگە ئوخشاش ئۇسۇل قوللانغانلىقىغا شاھىتمۇ بولغانمەن . بىر مەھسۇلات دۆلىتىمىزدىن چىقىپ ئايلىنىپ كېلىپ يۈرتىمىزغا كەلگەندە ھارام نەرسىمۇ ھالال بولۇپ قېلىشتىن ساقلانسا ئاۋۇ مۇسۇلمانچە ھاراققا ئوخشاش نەرسىلەرنىڭ بازارغا كىرىشىدىن ئاگاھ بولساق !.نىمە ھارام نىمە ھالال تىجارەتچىلەر ئالدىراپ پەتىۋا پىچمىساق، ئىستىمالچىلارمۇ بۇنداق ئەھۋاللارنى كۆرگەندە ۋاقتىدا تورغا يوللاپ پاش قىلساق بۇ ۋاقىتتا ئىشلار سەل ئوڭشالغانمۇ بولاتتى. ئاخىرقى پاراڭ دولىتىمىزدە ئىشلەنسۇن ياكى چەتئەلدە ئىشلەنسۇن ئىشلەتكەن خوجايىن بۇنەرسىلەرگە پۇل خەجلەشتىن ئىلگىرى ئۆزىنىڭ تەلىپىنى قويىدۇ ،تەلىپىگە ماس كەلمەيدىكەن ھەرگىز ئالدىراپ مەبلەھ سالمايدۇ . مەنبە :قەلەم http://www.husnigul.com/ShowNews.asp?id=47 .

ana-yurtum

qiqakkiz

	مۇسۇلمانچە ھاراق دىگەن قانداق گەپ ئەمدى ؟ مۇسۇلمانچە ھاراق  دەپ تۇنجى ئاڭلىشىم .

nijatkurban

	ھازىر ئاز بىر قىسىم مويسىپىتلىرىمىزنىڭ ساقىلى ئالامەت پۇلغا يارايدۇ جۇمۇ، توخۇ گۆشىدىن تارتىپ ئىچىملىككىچە ساقال ئۇزۇن قويۇپ بىر ماختاپ بەرسە بىزنىڭ نادان خەلقىمىز « بەك ئىشەنچلىك » سۈمۈرۈپ سۈمۈرۈپ ئىچىپ كېتىدۇ. مېنىڭ سودىگەرلەرگە شۇنداق دېگۈم كېلىدۇ: خەلقنىڭ دىنىي ھېسسىياتىنى ئۆزۈڭلارنىڭ پۇل تېپىش قورالى قىلىۋالماڭلار. ھېلىمۇ نۇرغۇن كىشىلەر ئۇنىڭدىن پايدىلىنىپ كەتتى.

nijatkurban

	ئۆزبېكچە بىر ناخشا بار ئىدى، ئىككى مىسراسى ئېسىمدە قاپتۇ: ........... دۇنيا ئەمەس سوراقسىز، گۇناھلار قالماس جازاسىز. .........

چاقنار

	qiqakkiz يوللىغان ۋاقتى  2014-6-4 04:16 PM مۇسۇلمانچە ھاراق دىگەن قانداق گەپ ئەمدى ؟ مۇسۇلمانچە ھ ... ھەيران قالغۇدەك ئىشلار ئەمەس بۇ،، مەن بۇرۇن نىيە دە   ئىشلەۋاتقان چاغدا شۇ يەردە بىر مۇسۇلمانچە مەيخانا بارتى،،تېخى چوڭ يولنىڭ بويىدا  .    ھازىر بارمۇ يوق ئۇقمۇدۇم

faeza.akef

	ھىم....

nurjula

	مىنىڭمۇ مۇشۇ شۈبىھىدىن خالىي دەپ يېزىۋالغان خەتنى كۆرسەملا ئوغام قاينايدىغان بولۇپ قالدى، ھەممە مەھسۇلاتنىڭ تېشىغا شۈبھىدىن خالىي دەپ يېزىۋالغان بۇ قاپ يۇرەكلەر... تۇركىيەدە گىرىم بويۇملىرى ئىشلەنمەيدىكەن دىگەن گەپكە بەكلا ھەيران قالدىم، ياقتۇ، شۇنچە چوڭ بىر دۆلەتتە، قاراپ تۇرۇپ بىرەرمۇ مۇسۇلمانچە گىرىم بويۇمى زاۋۇتى بولمىسا قانداق بولۇپ كەتتى، شىنجاڭ دىيارىمىزدا ھېچ بولمىسا چىن نۇرى مۇسۇلمانچە گىرىم بويۇملىرى زاۋۇتىمىز بار، خاتىرجەم ئىشلەتسەك بولىدۇ، ھەنىم بولسا بار ،بولمىسا قانداق قىلاتتۇق كىن! يەنە بىر گەپ، مۇشۇ خانىش ۋە ھۆسنىگۈل گىرىم بويۇملىرىنىمۇ گۇۋاڭجۇ دا ياسىتىپ ئەكىلىدىكەن، نازارەت قىلىپ ياساتتى دەپ يېزىپ قويىدىكەن، بۇمۇ ئاشۇ شۇبھىدىن خالىيمىدۇ ھە، ھۆسنىگۈلنىڭ ھەقىقەتەن ياخشىكەن، ئىشلىتىپ باقتىم، بىراق يەنىلا كۆڭلۈمنىڭ بىر يەرلىدە دەرگۇمان....نازارەت قىلىپقۇ ياسىتىپتۇ ئەمدى،  نىمىشقا بۇ ھەقتە ئىشەنچىلىك دەپ ئېلان بەرمەيدۇ يا مەن ئاڭلىمىدىممۇ... ئىشقىلىپ ئەتىراپىمىزدىكى ئىستىمال بويۇملىرىمىزدا ساختىلىق بەك كۆپ، ھوشيار تۇرۇپ ئىشلەتمىسەك بولمايدۇ... فورقان  ئورۇقلىتىش ئىچىملىكى ...دىگەن ئېلاننى كۆرگەن چېغىمدا شۇنداق ھەيران قالغان ئىدىم،  شىركەت لىدىرى نىمە دىگەن قاپ يۈرەك، قۇرئان دىگەن گەپ بىلەن ئوخشاش تۇرسا دەپ، مۇشۇنداق دىسەم ئالارمۇ  دەپ قويغانمىدۇ ئۇ بىچارە ،  كىيىنكى ئېلانلار فورقات قا ئۆزگىرىپ قالدى، بىرەرسى تەنبىھ بەرگەنمۇ ئەمدى.... بولدىلا دەپ كەلسە بەك تولا بۇنداق ئىش، قىيامەت بولغاندا ئاخىرلىشارمىكىن.....

uyghari

	بىزنىڭ دۆلىتىمىزنى دونيادىكى ساختىلىقلارنىڭ پادىشاھى دەپ ئېيتىشقا بۇلىدۇ.

nurjahan0997

	بىر چاغلارداچوشقا گۆشى قاچىلانغان سۇلياۋ خالتىغا مۇسۇلمانچە دەپ يېزىپ قويۇپتۇ دەپ مۇشۇ مۇنبەردە بىرى سۈرۈتىنى چىقىرىپ قويۇپتىكەن.....