تاڭنۇر : ئۇلۇغ ئانام بالام دەپ

تاڭنۇر

	تاڭنۇر : ئۇلۇغ ئانام بالام دەپ ئاپتورى : خەيرۇللا قۇربان ‹ تاڭنۇر › چاچلىرىغائاق كىردى ، ماڭلىيىدا تەر قۇردى ، ئۆمۈرئېتى ھالسىردى ، ئۇلۇغ ئانام، بالام دەپ . تۈن كىچىدە ئۇخلايدۇ ، راھەت نىمە ئۇقمايدۇ ، پەرزەنىت مىھرى چاقنايدۇ ، ئۇلۇغ ئانام ، بالام دەپ. ئىنتىلمەستىن راھەتكە ، قۇل بولماستىن ئامەتكە ، ئېزىقمىدى غەپلەتكە ، ئۇلۇغ ئانام بالام دەپ . ھەقنى سۆزلەپ ھارمىدى ، جاپادىن ھەم قاچمىدى ، ۋىجدان، غورۇر ساتمىدى ، ئۇلۇغ ئانام بالام دەپ . ھارام يولدا ماڭمايدۇ ، غەپلەت بىلەن ياتمايدۇ ، مەنپئەت  سۈيىدە ئاقمايدۇ ، ئۇلۇغ ئانام ، بالام دەپ . قولى قاداق يېرىلدى ، بىلى ياردەك ئىگىلدى ، پاكلىق ھىدى چېچىلدى ، ئۇلۇغ ئانام ، بالام دەپ . ئۇلۇغ ئانام ئاشۇنداق ، ياشاۋاتىدۇ بالام دەپ ، ھۆرمەت تازىم قىلىمەن ، مېنىڭ ئانام ئۇلۇغ دەپ .

musilina

	ئىككى پەرزەنتكە بولساممۇ ئانا، ئانام يەنە يەيدۇ غېمىمنى. ئاتا- ئانام جاپاسى كۆرۈپ، يىغا باسار ئېزگۈ دىلىمنى. ئاتا -ئانىلارغا بولغان مەدھىيىلەر مەڭگۈ تۈگىمەستۇر......

چاقنار

	ئېسىل شېئىربوپتۇ،،،

uyol

	ھەقىقەتەن ئېسىل چىقىپتۇ تاڭنۇركا..............

Azizan

	ياخشى يېزىلىپتۇ . ئايرىم مىسرالىرىغا سەل ئىش قوشۇش لازىممۇ قانداق . سۈف ~

nurjahan0997

	مېھرى ئاتەش قەدىردانلىرمىز ھەر جايدا ئامان بولسۇن.....

arka1

	ياخشى يىزىپسىز

gulsumay

	ئاز ئەمەس بىز ئۈچۈن تۆككەن تەرلىرىڭ،    مۇشەققەت يولىدا يازغان خەتلىرىڭ.    تەڭداشسىز بىر ناخشا سېنىڭ دەرتلىرىڭ،    ئالەمنى لال قىلغان تېڭىرقاشلىرىڭ.    سەن مېنىڭ ھاياتىم قەدىردان ئانا !    قەيسەرلىك بابىدا ئالىسەن تىنىق،    ۋۇجۇدۇڭ سۆيگۈگە تولۇپ دائىم لىق.    سەن بولغاچ تاڭلاردا تارايدۇ پاكلىق،    ئەجرىڭدىن كۆكلەيدۇ دىللاردا شاتلىق.    سەن مېنىڭ ھاياتىم قەدىردان ئانا !    سەلتەنەت گۈلىدە بېزەپ جاھاننى،    ئاق سۈتۈڭ يۈرەككە پۈتتى ئارماننى.    تۈنلەردە ياڭرىتىپ ئەللەي ناخشاڭنى،    بالام دەپ ئاققۇزدۇڭ تالاي تاڭلارنى.    سەن مېنىڭ ھاياتىم قەدىردان ئانا !    سەن بولغاچ باھاردەك ئۆتىدۇ قىشىم،    سەن بولغاچ كۆزلەردىن ئاقمايدۇ يېشىم.    سەن بولغاچ كەم ئەمەس ھەركۈنلۈك ئېشىم،    سەن بولغاچ كۆكلەرگە يېتىدۇ بېشىم.    سەن مېنىڭ ھاياتىم قەدىردان ئانا !