يامغۇردىكى تامچە خىياللار

only

	يامغۇردىكى تامچە خىياللار     يامغۇرنىڭ ھەر بىر كىشىگە نىمىلەرنى بېرىدىغانلىقىنى ياكى ئېلىپ كېتىدىغانلىقىنى بىلمەيمەن، بىراق ئۇنىڭدىن كەلگەن تىمتاسلىق ھەم يوشۇرۇن چۇقان چوقۇم كىملەرنىڭدۇر يۈرىكىگە مەلھەم بولسا يەنە كىملەرنىڭ يۈرىكىگە قىلىچ كەبى ئۇرىلىدۇ. ئەسلىمە ھەم ئوخشىمايدۇدە.   تامچە-تامچە يامغۇرلاردىن كېلىۋاتقان بەرىكەتلەر نىمىشقىكىن غەمكىن دىللارنى ئاۋۇتالمايدۇ، نىمىشقىكىن خۇشال قەدەم بىلەن نىشانغا كېتىۋاتقان كىشىگىمۇ ئۆزى بىلمىگەن ھالدا تەشۋىشلەرنى سالىدۇ. ھاياتلىق يامغۇردەكلا يېقىملىق ھەم سوغۇق. كۈلىۋاتقان، يايراۋاتقانلارغا يېتىپ توشماس سالقىنلىق بەرسە، تۇرمۇش قەھرىتانىدا مۇز بولۇپ قاتقانلارغا يەنىمۇ بىر پەللە سوغۇق بەرمەكتە.   قايسى بىر يامغۇرلۇق كۈنلەردە ئۇنىڭ بىلەن بىرگە يۈگۈرگەن. خۇددىي يۈگۈرۈپ ماڭسا يامغۇردا يۆل بولۇشتىن ساقلانغىلى بولىدىغاندەك...ئۇ چاغدا ھېقاچان يامغۇردا يۈگۈرسە ئاستا ماڭغاندىنمۇ بەكرەك يۆل بولۇپ كېتىدىغانلىقىمىزنى بىلمىگەن...تۇرمۇشمۇ بەلكىم شۇنداقتۇر، قانداق نىشانلار ئۈچۈن جېنىمىزنى تىكىپ كۈچەپ يۈگرەيمىز، ئەكسىچە نورمال قەدەملەر بىلەن ئارزۇسىغا بىرچامدام بىر چامدامدىن كېتىۋاتقان كىملەرنىڭدۇر ئارقىسىدا قالىمىز.   يامغۇر غەمكىنلەرگە غەمكىن ياغىدۇ، مۇھەببەتلىك قەلبلەرگە رومانتىك يۇلتۇز كەبى ياغسا، يارا باسقان يۈرەكلەرگە گاھ مەلھەم گاھ تۇز سۈيى بولىدۇ. شۇنداقتىمۇ ئۇنى ھېچ كىشى بىزارلىق ھېس قىلمايدۇ، خۇددىي يامغۇر بىر يۇيۇش سۇيۇقلىقىدەكلا، مۇشۇ يېغىشىدا يەر زىمىندىكى داغلارنى، قەلبلەردىكى جاراھەتلەرنى يۇيۇپ كېتەلىشىگە ئىشەنگەندەكلا...   يامغۇر ئالدىراڭغۇ قەلبلەرنى دەم ئېلىشقا، كەڭ تەبىئەتنىڭ يېقىملىق پۇرىقىدىن تويماي نەپەسلىنىشكە بىر قىممەتلىك پۇرسەت. كۈنلىكىڭىزنى قويۇپ يامغۇردىن ھوزۇرلىنىڭ، يامغۇر بەلكىم سىزگە سوغۇقنىلا ئەمەس بەلكى ئاجايىب ئىللىق ۋە شىرىن تۇيغۇلارنمۇ بېرەلىشى مۇمكىن. only

mercury

	سوماي ساقلىۋالدىم .

dilnaz911

	بۈگۈن ئۈرۈمچىدە قاتتىق يامغۇر ياغدى،،ئەپسۇس بۇ ياخشى ئەسەرنى يامغۇردىن كىيىن يوللاپ قاپسىز،،،

jemis

	قەلىمىڭىزنىڭ كۈچلۇك لىكىگە قايىل بۇلدۇم قۇلىڭىزغا دەرت كەلمىگەي سىزگە ئامەت تىلەيمەن .

only

	dilnaz911 يوللىغان ۋاقتى  2014-5-31 03:12 PM بۈگۈن ئۈرۈمچىدە قاتتىق يامغۇر ياغدى،،ئەپسۇس بۇ ياخشى  ... يامغۇرغا قاراپ يازغانتىم بولمىسا، ئۈلگۈرەلمىدىم ،يېزىپ بولغۇچە توختاپ قالدى

dilnaz911

	only يوللىغان ۋاقتى  2014-5-31 03:14 PM يامغۇرغا قاراپ يازغانتىم بولمىسا، ئۈلگۈرەلمىدىم ،يې ... ،،كىيىنكى قېتىم بالدۇر يېزىپ قويۇپ بۇلۇتلار كېلىشىگىلا يوللاڭ،باشقۇرغۇچىلار تەستىقلىغۇچە يامغۇرمۇ ياغىدۇ،،

only

	dilnaz911 يوللىغان ۋاقتى  2014-5-31 03:17 PM ،،كىيىنكى قېتىم بالدۇر يېزىپ قويۇپ بۇلۇتلار كېلىش ... ھە ماقۇل ، بۇ ياخشى ئامالكەن

ئۇتغۇر

	تەپەككۇرى كۈچلۈك!

ئۇتغۇر

	only يوللىغان ۋاقتى  2014-5-31 03:53 PM ھە ماقۇل ، بۇ ياخشى ئامالكەن سىز خوتەنلىكما؟

only

	ئۇتغۇر يوللىغان ۋاقتى  2014-5-31 04:12 PM سىز خوتەنلىكما؟ ياق ،قانداق دەيسىز