ئاشىق دېگەن مۇنداق بولسا

b1a2g

	ئاشىق دېگەن مۇنداق بولسا                            (ساتىرىك ھېكايە)                              ——بەگ ئالىپ          مۇشۇ كۈنلەردە بىرنەرسە يازماقمۇ تەسلىشىپ كېتىۋاتىدۇ، نۇرۇز كۈنى يېنىمدا ئولتۇرغان گۆش تاغىرى ئۆتكەندە يازغان ھېكايەمنى كۆرۈپ قاپتۇ. ئاچچىقى بەكلا كەلگەنمۇ يولدا ئالدىمنى قاراقچىدەكلا توستى ،ھەرنىمە بولسا نەچچە كۈننىڭ ئالدىدىلا تەنتەربىيەدە ئۇقۇيدىغان بىر قىز بىلەن يۈرىۋاپتىكەنمەن ، ئەگەر ئۇ يېنىمدا تۇرۇپ مېنى باتۇرلۇق بىلەن قوغداپ قالمىغان بولسا ھېلىغىچە ئۆزىمنى دوختۇرخانىنىڭ تېڭىق بۆلىمىدە ئۇرۇشتا يارلانغان ئەسكەردەك باش كۆزىم تېڭىلغان ھالەتتە كۆرەتتىم . - يازىدىغان نەرسەڭنى يېزىۋەر، - دېدى قىز دوستۇم،-مەن تۇرغىچىدا كىم ساڭا چېقىلالايدۇ؟ شۇنداق قىلىپ يۈرىكىم ئازراق ئۈستىگە چىقىپ يەنە بىر ھېكايىگە تۇتۇش قىلدىم.        سىنىپتا بىرقىز بار ،قاچان قارىسا تىلفۇنغا قاراپ ئولتۇرغىنى ئولتۇرغان، باشقىلاردەك سۈرىتىنى ئۇرۇقلىتىپ يۈرەمدىكىن دېسە ئۇنداق ئەمەس،لېكىن دەرىستە بۇلامدۇ،  يولدا بۇلامدۇ،  ھەتتا ئەتتىگەنلىك يۈگىرەشتمۇ قۇلىغىغا تىڭشىغۇچنى تىقىۋېلىپ تىلفۇنغا قارىغاچ يۈگۈرىدۇ . بىر كۈنى ئاشخانىدا تاماق يەۋەتىپتىكەن ، تېلفۇنغا قاراپ ئولتۇرۇپ قۇشۇقنى بۇرنىغا تەڭلەۋاتىىدۇ، قاراپ كۆڭلىم ئېلىشىپ ئېغىزىمغا كىرىپ بولغان تاماقنىيان دۇرىۋەتكىلى  قىل قالدىم . يەنە بىر قېتىم بىر پارتىدا ئولتۇرۇپ قاپتىكەنمەن ،تىلفۇنغا قاراپ بىكارغىلا قاقاپلاپ كۈلۈپ كېتىپ بارىدۇ ،كۈلگەندىمۇ سىنىپنى ئېچىۋەتكۈدەك  كۈلدى ،قورقۇپ كەتتىميۇ يەنىلا ئورنىمدا ئولتىرىۋەردىم ،بىردەمدىن كېيىن تۇيۇقسىزلا ھۆڭرەپ يىغلىغان پېتى مېنى ئۇرۇپلا كەتتى ،بۇ قېتىم رەسمىي قورقتۇم ،دېمىسىمۇ ساراڭغا سوت يوق تۇرسا ،ئالىمادىس قۇلۇقۇمنى كاپلا تۇتۇپ يۇلۇۋەتسە قانداق قىلغىلۇق. ھەرنىمە بولسا مۇئەللىم كېلىپ مېنى تىنىمسىز تېگىۋاتقان تاياق ئاستىدىن قۇتقۇزىۋالدى. بىردەمدىن كېيىن ئۇ قىزدىن نىم بولغانتى دەپ سورىسام لىيىڭزەي مۇھەببىتىدىن ئايرىلىپ قالدى دەيدۇ، مەن تېخى لىيىڭزەي دېگىنى بىرەر خەنزۇ دوستى بولسا كېرەك دەپ ئويلاپ ؛-ئايرىلىپ كەتكەن بولسا ھېچقىسى يوق ، مەن چىرايلىق خەنزۇ قىزلاردىن نەچچسى بىلەن ئوبدان تۇنۇش . بىرەسىنى تۇنۇشتۇرۇپ قويىمەن دەپ تەسەللى بېرىپ كېتىپتىمەن .كېيىن ئۇقسام لىيىڭزەي دېگىنى كورىيەنىڭ كىنوسىدا چىقىدىغان بىر سولتەككەن .   ئۆتكەندە قىز دوستۇم بىلەن كېتىۋاتسام يېنىمدىن ئېگىز ھەم مودا بىر قىز ئۆتۈپ قالدى،  مەن بېشىمنى 180 گىردۇس قايرىپ ئۇ مودا قىزغا  قاراپلا قاپتىمەن ، شۇ چاغدا ئۇ ساۋاقدىشىم تېلفۇنغا قاراپ مېڭىپتىكەن ، مېنى بىرنى سۇقىۋېدى ئارقىمغا ئۇچۇپلا چۈشتۈم .  ئەگەر مەن قىز دوستۇمنىڭ قۇلىغا ئېسىلىپ تۇرىۋالمىغان بولسام ئاشۇ پەيلىدە بىچارە  ساۋاقدىشىمنى ئۇرۇپ يەرگە چاپلىۋەتكەن بۇلاتتى.      ئۇ ساۋاقدىشىمنىڭ تېلفۇنى كېسەكتەك چوڭلىقتا بولۇپ تېخى تىلفۇننىڭ كەينىگە توك قاچىلىغۇچتىن بىرنى تېڭىۋالغان ئىدى، تېلفۇن ئالبومىدا ساپلا چېچى كۆزىگە چۈشىدىغان بىرىنىڭ سۈرەتلىرى تۇراتتى ،(ھە قاچان لىيىڭزەي دېگىنى شۇ ئوخشايدۇ ) بىر كۈنى ئولتۇرسام ئۇ قىز ماڭا كەچتە ئايرىم كۆرىشەيلى دەيدۇ، ماڭا كۆڭلى بار ئوخشايدۇ دەپ خوشلىقىمدىن ئېغىزىمنى يۇمالمايلا قالدىم . ئۆزىغۇ شوخ ،ئۇچۇق يۇرۇق ، چىراي دېسىمۇ يەتكۈچە بار قىز ئىدى . لېكىن بۇمۇ قاملاشمايدىغاندەك تۇراتتى ، ھازىرقى تەنتەربىيەدە ئۇقۇيدىغان قىز دوستۇم بۇرۇنقىللىرىغا ئوخشاش يېڭىسىنى تەييارلاپ بولۇپلا ئايرىلىپ كېتەيلى دېسەم ماڭىقسىنى ئېقىتىپ يىغلاپلا بولدى قىلمايتتى ،خائىنلىق قىلغىنىمنى بىلىپلا قالدىمۇ مېنى مەكتەپتىكى كۆلگە تاشلىۋېتىشتىن يانمايتتى . لېكىن ئىشلار كۈتكىنىمدەك بولماي قالدى ؛ بۇ ساۋاقدىشىم  ئەسلى مېنى توردىن لىيىڭزەينىڭ تېلفۇن نۇمۇرىنى تېپىپ بېرىڭ دەپ ئىزدەپتىكەن . ئۆتكەندە بىر قېتىم سورىغانتى ئېغىزىم قىچىشىپ توردا بامىكىن دەپ قويۇپتىكەنمەن.  ئۆزۈمغۇ بەكلا كۆڭىلچەك بالا ؛ ئاغىنىللىرىمنىڭ ھاجىتى چۈشسە باھانە تاپالىغىنىم بىلەن قىزلارقۇلۇمدىن كەلمەيدىغان ئىشلارنى تاپشۇرسىمۇ ئېغىزىم ئۆزىنى تۇيمالا ماقۇلغا كېتىپ قالىدۇ . شۇنداق قىلىپ مەيدەمگە مۇشلاپ تۇرۇپ ئىشلىرنى بىر قوللۇق بىجىرۈپ بېرىشكە ۋەدە بەردىم ،لېكىن ئۆزۈم تاپقان بالاغا نەگە باراي دەۋاغا دەپ ئالدىرتىپلا كەتتى ، كۈندە قاق سەردە چىرايلىق قىزلار بىلەن سەيلە قىلىپ كۆرگەن چۈشلىرمنى بۇزۇپ  مەن دېگەن نۇمۇرنى تاپتىڭىزمۇ دەپ تىلفۇن قىلىدۇ .ئىزدەۋاتىمەن دەپلا قۇتلىمەن ،كېيىن بۇ چارىمۇ ئاقماس بولدى ،سىنىپتا نەدە ئولتۇرسام يېنىمغىلا كېلىدۇ ، يا دەرىس ئاڭلىغىلى قويمىغان. ئاخىرى كورىيەچىنى ئۆگەنسىڭىز ئاندىن كۆرىشەلىگۈدەكسىز دەپ قويدۇم، لېكىن ئۇ يەنە ئېسلىۋېلىپ كورىيەچىنى ئۆگىنىدىغان نەرسە تېپىپ بېرىڭ دېدى. توردىن ئىزدەپ يۇرۇپ ئۈچ-تۆت يىلدا ئاران ئۆگۈنۈپ بولالىغىدەك  بىر پاتمان نەرسە چۈشۈرۈپ بەردىم ، قۇلاقمۇ نەچچە ئاي تىنجىغان بولدى .توۋا ، مۇھاببەتنىڭ كۈچ قۇدىرىتى راسلا بەكلا ئۇلۇغ ئوخشايدۇ ؛ ئېنگىلىز تىلىنى دەرىجە ئالمىساڭ دېپلۇم ، ئۇنۋان بەرمەيمىز دېسە پەرۋايىدا يوق يۈرگەن قىز ،لىيىڭزەينى دەپلا كورىيەچىنى نەچچە ئايدىلا خېلى بىر يەرگە ئاپىرىپ بوپتۇ ئۇ يەنە بېشىمنى ئاغرىتىشقا باشلىدى.  نەچچە قېتىم ئۇنىڭ ئۇرغان تېلفۇنى قىز دوستۇمنىڭكى بىلەن بىرلا ۋاقىتقا ئۇدۇل كېلىپ قېلىپ ، قۇلۇقۇم قىز دوستۇمنىڭ قولىغا چىقىپ تازا سوراققا چۈشتۈم. ئاخىرى بىر كۈنى كېچىچە ئۇخلىماي ،توردىن لىيىڭزەي دەپلا ئىسىملىكلەرنىڭ ھەممىسىنىڭ نۇمۇرىنى تېپىپ بەردىم . لېكىن ھېچ قايسسىسى ئۇ ئىزدىگەن لىيىڭزەي بولۇپ چىقماپتۇ ، بۇ ساۋاقدېشىم شۇنىڭدىن كېيىنلا جۈدەپلا كەتتى ، ياتاقتىكى بالىلاردىن سورىسام ياتاقققا پۈتۈن دېگۈدەك لىيىڭزەينىڭ سۈرەتلىرىنى چاپلىۋاپتۇ ،كۈندە دېگۈدەك ئوتتۇرا كېچىدە لىيىڭزەي دەپ توۋلاپ ياتاقتىكىلەرنىڭ ئۇيقىسىنى ھارام قىلىدىىكەن. شۇنداق قىلىپ بىچارە قىز مەۋسۇملۇق ئىنتاھاندا خېلى كۆپ پەنلەردىن قېلىپ قالدى .  ئىنتاھاننىغۇ خېلى كەڭرى ئالغان ،مەنمۇ جېنىمدا ئىنتاھان مەيدانىغا بىرمۇنچە قەغەز پارچىسى ئەكىرىپ، ئۈستەل  ئۈستىگە كۆچۈرۈپ دېگەندەك قىلىپ  ھەممىدە 85 تىن يۇقۇرى ئېلىپتىكەنمەن .لېكىن دەل ئىنتاھان ئالغان كۈنى لىيڭىزەينىڭ يېڭى كىنوسى چىققانمىش ،شۇنىڭ بىلەن بۇ ساۋاقدىشىم  ئۆزىنىڭ ئىنتاھان مەيدانىدا ئىكەنلىكىنىمۇ ئۇنتۇپ كىنو كۆرىشكە چۈشۈپ كېتىپتۇ . ئاقىۋەت ؛ بىچارە قىز سىنىپ قېلىپ قالدى .          كېيىن ئۇقسام كورىيەگە بېرىپ لىيىڭزەينى ئىزدەيمەن دەپ يۇقاپ كېتىپ نەچچە ئايدىن كېيىن ئېلىشىپ قېلىپ قايتىپ كەپتۇ . ئىلگىرى مۇھەببەتنى دەپ ئېلىشىپ قالىدىغانلارنى كىنودا كۆرسەم كۈلگۈم كېلەتتى ،پەرھاد-  شېرىن دېگەنلەرنىمۇ بەكلا ئەخمەق دەپ ھېساپلايتتىم،لېكىن ما قىزغا قاراپ رەسمىي قايىل بولدۇم،ئىسىت لىيىڭزەي دېگەن گۇيغا بۇنداق ساراڭدەك كۆيۈپ ئاشىقسىز مەشۇق بولۇپ يۈرگىچە ماڭا مۇشۇنداق كۆيسىچۇ ، ئۇ چاغدا مەنمۇ ئايدا بىر قىزنى ئالماشتۇرۇمەن دەپ ئولتۇرغىچە ئاشۇ قىز بىلەنلا ئۆمۈرلۈك بولۇپ كەتمەسمىدىم.       ئۇنىڭ ساراڭ بولۇپ قالغىنىنى ئاڭلاپ دوختۇرخانىغا يوقلاپ باردىم ،مېنى كۆرۈپلا لىيىڭزەي دەپ كەينىمدىن قوغلاپلا كەتتى ،مەكتەپتىكى ۋاقتىمىزدا نايناقشىپ يولنىمۇ ئوڭلاپ ماڭالمايدىغان قىز ما قېتىم جېنىمنىڭ بارىچە يۈگۈرسەممۇ كەينىمدىن يېتىشىۋېلىپ پېشىمگە ئېسىلىپ تۇرۇپ مەن چۈشەنمەيدىغان بىر تىلد سۆزلەپلا كەتتى(سۆزلىگەنى ھە قاچان كورىيەچە بولسا كېرەك ) ،قارىسام بۇ يەردىكى ساراڭلارغا قۇيۇپ بەرگەن ئويۇنىمىز بەك يېقىپ كەتتىمۇ چاۋاك چېلىپ كېتىپ بارىدۇ ، ھەتتانەچچىسى  تەسىرلەنگىنىدىن يىغلاپمۇ ئۈلگەرۈپتۇ . شۇنداق قىلىپ كونا ساۋاقدېشىمنى يوقلاپ بارىمەن دەپ تۆتىنچى دوختۇرخانىدىكىلەرگە قىززىق دارامما ئويناپ بېرىپ ساۋاپتىن بىر تاغار يۈدۈپ يېنىپ كەلدىم .          ئىشلانىڭ يامىنى كېيىن يۈز بەردى ؛ سىنىپتىكى باشقا قىزلاردىمۇ بىنورماللىق كۆرىلىشكە باشلىدى .لوپ ئەينەك تاقايدىغان ئۈگۈنۈش باشلىقىدىن تارتىپ ھەممە قىزلار ئاشۇ ئېلىشىپ قالغان قىزدەك دەرىس ۋاقتىدا بېشىنى ئۈستەلنىڭ تارتمىسغا تىقىپ قۇلۇقىغا تىڭشىغۇچنى قىستۇرۇپ لىيىڭزەينىڭ كىنولىرىنى كۆرىدىغان بولۇۋالدى.كىچىك ۋاقتىمدا يەنە بىر كۆرسەم دەپ بىر كىنو بولىدىغان، بىر پۇتى گۆرگە ساڭگىلىغان مۇماممۇ نامىزىنى قازا قىلىپ تۇرۇپ كۆرەتتى ، تېخى مەلىنىڭ دوقمۇشىدا بىر مۇنچە مۇمايلا بىر يەرگە كېلىپ مۇشۇ كىنو توغرۇلۇق سۆزلىشىپ كۈننى كەچ قىلىدىغانمۇ بولغان ئىدى . ھازىرمۇ شۇنداق بولۇۋاتاتتى؛ تەنەپپۇستىن چۈشتىمۇ ،ھەممە قىزلار  گۈررىدە بىر يەرگە يىغىلاتتىدە كېچىدىن ئۇخلىماي كۆرگەن كىنودىكى لىيىڭزەينى مۇلاھىزە قىلىشىپ كېتەتتى .  كېيىن ئىشلارنىڭ تېخىمۇ يوغىنى چىققىلى تۇردى؛ سىنىپتا بىر نەچچە جۈپ ئاشىق مەشۇق بارئىدى ، ئۇلارمۇ لىيىڭزەينىڭ سەۋەبىدىن ئايرىلىپ كېتىشتى ، كېيىن قېرىشقاندەك قىز دوستۇممۇ لىيىڭزەيگە ئاشىق بولۇپ قالدى ، تاماق يېسەكمۇ شۇنىڭ گېپى ،ھەتتا يولدىمۇ كىنو كۆرگەچ ماڭاتتى  ، ئەمدى ئۇ نەزەرمۇفىتى ئەھمەد شاھ قاراقاشىغا سوۋغا قىلغان بىزەڭ قىرچاڭغۇنىڭ ئۆزلا بولغان ئىدى: بىر قېتىم  تىلفۇنغا قاراپ مېڭىپ يولنىڭ بۇيىدىكى زىننەت چىرىغى ئېسىپ قويۇلغان كىچىك سىتولبىغا ئۈسسۈپ  چىراقلانى چېقىپ ،  باشقا قىزلارنى مېھمان قىلارمەن دەپ يىمەي -ئىچمەي يىغقان  بىر مۇنچە پۇلۇمنى  جەرىمانە قىلىپ تۈلەتكىلى سالدى . نەچچە قېتىم يولدا ماڭغانلارنى سوقۇپ _ ئۇچۇرۇپ باش كۆزلىرىنى ياردى، ھەممىدىن يامىنى تىلفۇنغا قاراپ مېڭىپ يول بويىدا جىم تۇرغان دەرەخلەەرگە  تولا كاللا  قۇيۇپ  قاش قاپقلىرىنى يېرىۋالدى.، يېرىلغان يەرلەرنى چوڭىنى تۆت بەش يىپتا كىچىكلىرىنى بىر نەچچە يىپتا  تاغار يامىغاندەك ئۈستى ئۈستىلەپ تىكىۋەرگەچكە   ئاخىرىدا يۈزىنى تاتۇق _ قورۇق بېسىپ يۈز ياشلىق مۇمايغىلا ئوخشاپ قالدى. لېكىن يەنىلا تاشلاپ  كەتكىلى بولمايتتى، چۈنكى يۈز -كۆزلىرى مۇمايغا ئوخشاپ قالغان بىلەن پۇت قولىدا رامبودەك كۈچ بار ئىدى، چىشىغا تەگسەملا مېنى ئۇرۇپ دەسسەپ خېمىر قىلىۋېتىشتىن يانماتتى.   شۇڭا ئامالسىز  ئۇنىڭ تىلفۇنغا قاراپ مېڭىپ  يەنە بىر نەرسىگە ئۈسسىۋېلىشىدىن ئەنسىرەپ بىرقولىدىىن يېتىلەپ ماڭىدىغان بولۇپ قالدىم .  ئۇزاق ئۆتمەي ئۇمۇ كىنوغا قاراپ بىردە يىغلاپ بىردە ساراڭدەك كۈلۈپ كېتىدىغان بۇلىۋالدى . بۇلىۋاتقان ئىشلارغا قاراپ ئۇنىڭمۇ ئاز ئۆتمەي بۇ بىچارىنىڭمۇ  تۆتىنچى دوختۇرخانىغا كىرىپ قالىدىغىنىغا كۆزىم يېتىپ خېيىم -خەتەردىن قورقماي  نىمە كۆرسەم كۆرەرمەن دەپ  خېتىنى بېرىۋەتتىم . بىزنىڭ سىنىپتا قىزلارنىڭ سانى ئوغۇللارنىڭ ئون ھەسسىگە تەڭ كېلپ قالاتتى ، شۇڭىمۇ ھەممەيلەن بېشىنى ئۈستەل تارمىسىغا تىقىپ كىنو كۆرۈپ ئولتۇرغاچقا سىنىپتا دەرىس ئاڭلايدىغانلار قالمىدى .شۇنداق قىلىپ باشقا قىزلارمۇ لىيىڭزەينىڭ دەردىدە ئىنتاھاندىن قېلىش ھەتتا مەكتەپتىن ھەيدىلىش خەۋپىگە دۇچ كەلدى. بۇنداق بولسا قانداق بولغىنى ، سىنىپتا مەن چاق -چاق قىلىپ چىشىغا تېگىدىغان ، چاچلىرىنى چۇۋۇپ تېرۈكتىرىدىغان ، دادامنىڭ مىڭ جاپادا تاپقان پۇلغا ئاشخانىلارغا  غادايغىنىمچە ئەگەشتۈرۈپ كىرىپ مېھمان قىلىدىغان  ئاشۇ قىزلار بولمىسا مېنىڭ بۇ مەكتەپتە قانداق ئوقۇغۇم كېلىدۇ  ، شۇڭا ئۇلارغا نەسىھەت بولسۇن دەپ بۇ ھېكايىنى يازدىم ، بەلكىم بۇنى كۆرسە لىيىڭزەينىڭ جىنى چاپلاشقان قىزلار ھوشىنى تېپىپ قالار . باشقۇ

b1a2g

	ئەسەر مەنبەسى ：باغداش مۇنبىرى

heslirim

	ئەسسالاممۇ  ئەلەيكۇم  ،  ۋاقىت  بەكلا  قىس  ھازىر  ئوقۇشقا  ۋاقىت بولمىغاچ   تېما ئىگىسدىن  ئەھۋال  سورغاچ  ئىنكاس   يېزىپ  ساقلىۋالاي ، ئاپتۇر غا  سىزنى  تەبرىكلەيمەن،  ھېلىمۇ  ياخشى سىزگە يۈلەنچۈك  بولالايغان،  خەق بوزەك  قىلسا  قالقان  بولغىدەك ، قورساق  ئاچقاندا  تالقان  بولغىدەك ،   ئۆژمە كۆڭۈللىك  قىلسىڭىز  بېشىڭىزغا بازغان  بولغىدەك ،  ھېكايە  يازسىڭز  ھېكايىڭىزنىڭ  باش تېمىسى ، داستان بولغىدەك  مەخەببىتىڭىزدىن  بىرسى  باركەن ، جىددى قۇتقۇزۇش  بۆلىمى ياكى  سۆڭەك بۆلىمىگە   يىراق  بۇلۇش ھەم ئاشۇ گۆش خالتىسنىڭ  تەھدىدىن قۇتۇلۇش ئۆچۈن ئاۋۇ  مىتىرۇ يەپ  ئىنىرگىيە تۇلۇقلىغان قىز دوستىڭىز بىلەن مەڭگۈ بىللە  بولغايسىز.  خەيىر كىيىنكى      ئىنكاسىمدا  كۆرۈشكىچە  ئامان  بولۇڭ. ياخشى  ئەسرىڭىزنى ئاللاھ  خالىسا  چوققۇم  ئوقيمەن،  رەھمەت

蓝狼-0947

	ئاپتور جىنىس ئۆزگەرتكەن قىز بالىما؟

مسكىنÍÍ

b1a2g

	蓝狼-0947 يوللىغان ۋاقتى  2014-5-29 02:14 PM ئاپتور جىنىس ئۆزگەرتكەن قىز بالىما؟ بۇ قانداق گەپ، مەن پەقەت ھازىرقى بىر قىسىم غىتمەك ئوغۇللارغا داراتمىلاش ئۈچۈن مۇشۇنداق يازغان، ھېكايە پۈتۈنلەي ئويدۇرما، پېقىرنىڭ ئەمەلىي تۇرمۇشى بىلەن بىر سىنىتلىق مۇناسىۋېتىمۇ يوق،

b1a2g

	蓝狼-0947 يوللىغان ۋاقتى  2014-5-29 02:14 PM ئاپتور جىنىس ئۆزگەرتكەن قىز بالىما؟ بۇ قانداق گەپ، مەن پەقەت ھازىرقى بىر قىسىم غىتمەك ئوغۇللارغا داراتمىلاش ئۈچۈن مۇشۇنداق يازغان، ھېكايە پۈتۈنلەي ئويدۇرما، پېقىرنىڭ ئەمەلىي تۇرمۇشى بىلەن بىر سىنىتلىق مۇناسىۋېتىمۇ يوق،

b1a2g

	蓝狼-0947 يوللىغان ۋاقتى  2014-5-29 02:14 PM ئاپتور جىنىس ئۆزگەرتكەن قىز بالىما؟ بۇ قانداق گەپ، مەن پەقەت ھازىرقى بىر قىسىم غىتمەك ئوغۇللارغا داراتمىلاش ئۈچۈن مۇشۇنداق يازغان، ھېكايە پۈتۈنلەي ئويدۇرما، پېقىرنىڭ ئەمەلىي تۇرمۇشى بىلەن بىر سىنىتلىق مۇناسىۋېتىمۇ يوق،

nurjahan0997

	قايتا ئوقۇي.....

mahmut0996

	蓝狼-0947 يوللىغان ۋاقتى  2014-5-29 02:14 PM ئاپتور جىنىس ئۆزگەرتكەن قىز بالىما؟ نىمە دەيدىغانسىز ؟ قايتا بىر تەپسىلەرەك ئوقۇپ چىقاي جۇمۇڭ .