شەيتانلار شەھرى

ablikim.karkax

	ئادىللىق يوق ئەسلا جاھاندا، نى باتۇرلار كەتكەن ئارماندا. پاك دىيانەت كۆمۈلۈپ كەتسە، دۇنيا كۈلمەس قۇرۇق يالغاندا. داۋام ئۈزۈپ چىقتى ئازغانلار، چەتتە قالدى تارىخ يازغانلار. كۆپ ياخشىلار يىغلاپ قاقشىدى، خار بولغاچقا گۆھەر قازغانلار. تارىخ قانچە يېزىلسۇن قايتا، روشەنلىشەر زىيان ھەم پايدا. ئۆزگەرمەيدۇ لېكىن شۇم دەۋران، بىزلەر غەليان قىلساقمۇ قايدا. كەلگەن-كەتكەن كارۋانلار بۈيۈك، سالغان چاغدا دەرياغا كۆۋرۈك. تەۋرەنمەيدۇ چۇقۇم يەر-جاھان، بولسا ياخشى سۇلتانلار تۆۋرۈك. ئويغۇنۇڭلار ئەي زۇلمەت ئەھلى، بۇ  دۇنيانىڭ  تۇتماقتا  قەھرى. بىرمۇ ياخشى قالمىغان دۇنيا، بۇلۇپ قالار شەيتانلار شەھرى.         ياش چاغلا ئۇ زامانلا ، ياش چاغلا، قانلار قىززىق شاش چاغلا. تۈن نىسپىدە باغ ئارلاپ، قولدا تاياق-تاش چاغلا. قىز-چوكانلار ناز قىلغان، بۇلبۇل كىلىپ ياز قىلغان، بىز ئۆردەكنى غاز قىلغان، ئۇ زامانلا ، ياش چاغلا. يولدا قاتار - قاتار بىز، ھەر قەدەمدىن قالغان ئىز، ھەۋەس قىلغان،كۆيگەن سىز، ئۇ  زامانلا  ،  ياش  چاغلا. تارتقان دەرتلە ئاز كەلگەن، قىش كەينىدىن ياز كەلگەن، سۆيمەي قۇرۇق ناز كەلگەن، ئۇ  زامانلا  ،  ياش  چاغلا. ئاشىق-مەشۇق بولغان ھەم، قۇرۇق كۆزنى قىلغان نەم، گۈدەك باشقا تولغان غەم، ئۇ زامانلا ، ياش چاغلا. قىشتا  قارلار  ئېتىشقان، قار  ئۈستىدە  يېتىشقان، بىردە ھۇرۇن،بىر ئىشچان، ئۇ زامانلا ، ياش چاغلا. سىنى كۆرمەي ئۈلۈپ كەتسەم كىتەر بولسام گۈزەل يارنى، بىر قېتىم كۆرۈپ كەتسەم. كۆز يۇمماي كىتەرمەن،ئاھ.. سىنى كۆرمەي ئۈلۈپ كەتسەم. دەرت كەلسە غېرىپ باشقا، مەن  ئېيتاي  قارا  تاشقا، جۈپ  كۆزلەر  تولۇر  ياشقا، سىنى كۆرمەي ئۈلۈپ كەتسەم. چىن سۆيگۈ ئازاپ بەردى، بىر   باشقا   مىڭى   كەلدى، قان يىغلاپ كىتەي ئەمدى، سىنى كۆرمەي ئۈلۈپ كەتسەم. ساڭا قالسۇن گۈزەل ئالەم، ئۆزۈڭ بولغاچ يۈرەك پارەم، كىتەرمەن ئاھ. كۆزۈمدە نەم، سىنى كۆرمەي ئۈلۈپ كەتسەم.         يار يۇلىدا يازمىشىم يارغا يېقىن، يېلىنىپ يۈردۈم يەنە. ياخشىلار يانىمدا يوق، يامىنى يۈرمەس يەردە. يۈرىكىم يىغلار يىنىك، ياشلىرىم يەردە يېتىپ. يار يۈرەكنى يەكلىسە، يۈرىمەن يۈزنى يېپىپ. يىغلىدىم يالغۇز يالاڭ، يۈزلىمەس يار يولىدا. يار يۈرەكنى ياشلىدى، ياتتىم يىغلاپ يۇرتىدا. مەنبە-ئابلىكىم قاراقاش

NURDEN

	شىئىرلىرىڭىزنى ئوقۇپ بىرخىل ھۇزۇر ئالدىم بەكلا جانلىق يىزىپسىز.

بانكىر

	لاسۋىگاس، ئاۋمىن، ئۈرۈمچى، شاڭگاڭ، ھاۋاي ئارىلى، لوندون، پارىژ............................شەيتان بار،

obulqasim

	ۋاي قېرىلىق

پىروزە

	بىرىنجى شېرىڭىزنى بەكمۇ ياقتۇردۇم، ھەم ئىچىم ئاچچىق بولۇپ قالدى.

چاقنار

	بەك ئېسىل شېئىرلاركەن،،،ساقلىۋالدىم

تاغگۇلى

	رەھمەت قېرىندىشىم،شېىرلىرىڭىزدىن زوق ئالدىم ،قەلەم تۇلپارىڭىز ھارمىغاي.

ئۇتغۇر

aplamillitim

	ياخشى يېزىپسىز،،بەكمۇ ياقتۇردۇم، ،قەلەم تۇلپارىڭىز ھارمىغاي.