خەيىر (سۈرەتلىك نەسىر)

花公主

	سەبىر          سۆيگۈگە تويۇنغان قەلبىم بىلەن ئالتۇن ياشلىقىمنىڭ يەنە بىر گۈزەل سەھىرىنى كۈتىۋېلىپ،تاڭ قۇياشى بىلەن بەسلەشكىنىمچەئەتىگەننىڭ ساپ ھاۋاسىدىن ھۇزۇر ئالماقچى بولۇپ ئىشىكتىن چىقتىم.گۈزەل باھارنىڭ تەپتىدە توي قىزىدەك ياسانغان تەبىئەتنىڭ شوخ جىلۋىسى ۋە ئارامبەخىش خۇش ھىدىنىڭ چاڭقىغان دىلىمنى سۇغۇرىشى مېنى خىيالى دۇنياغا باشلىماقتا ئىدى.          كۈمۈش قوڭغۇراقنىڭ يېقىملىق جىرىڭلىشىغا ئوخشايدىغان قوڭغۇراق ئاۋازىنىڭ جانان چىنىسى چېقىلغاندا چىققان چاراڭ-چۇرۇڭ قىلغان ئاۋازنىڭ تىزلا ئەتراپقا تاراپ كەتكىنىدەك ئاستا-ئاستا تەبىئەت قوينىغا سىڭىپ كېتىشىگە ئەگىشىپ،ئۆگۈنۈشكە بولغان ئوتتەك قىزغىنلىق بىلەن سەھەرنىڭ تۇنجى سائەتلىك دەرسىگە قەدەم باستىم.مۇنبەردە مەن ياخشى كۆرىدىغان ئوقۇتقۇچى،سۆزلىنىۋاتقىنى مەن سۈيۈپ ئاڭلايدىغان دەرىس.ئەمما نېمە ئۈچۈنكىن خىيالىمنى باشقۇرالماي دەرسىنى خۇددى «گاچا فىلىم»كۆرىۋاتقان تاماشىبىندەك ھېچبىر سىزىمسىز ئاڭلىماقتىمەن.         «ياق!»دېگىنىمچە خىياللار دېڭىزىدىن شۇڭغۇپ چىقىپ،زىھنىمنى دەرىسكە مەركەزلەشتۈرۈش ئۈچۈن قاتتىق تىپىرىلدىم.بىراق بۇ ئۇرۇنۇشلىرىم ھېچىبىر نەتىجىسز قېلىۋاتاتتى،ھەرقانچە قىلساممۇ دەرىس يەنىلا مەيلىمنى ئۆزىگە تارتالمايۋاتاتتى.مەن خۇددى قاناتلىرى پاتقاققا چىڭڭىدە چاپلىشىپ قالغان ئاجىز قۇش بالىسى ئۆزىنى قۇتقۇزۇش ئۈچۈن قانچە تىپىرلىغانسىرى پاتقاققا تېخىمۇ چوڭقۇر چېتىپ كەتكىنىگە ئوخشاش،دەرىسكە دىققەت قىلىشقا قانچە ئۇرۇنغانسىرى ئۇرۇنۇشلىرىم ئەكىسچە تەسىر بىرىپ خىياللار قوينىغا بېشىمچىلاپ كىرىپ كېتىۋاتاتتىم.قانداقتۇر بىرنەرسە مەيلىمنى ئۆزىگە ماگنىتتەك تارتىپ كېتىۋاتاتتى.چۆچۈپ كەتتىم. توۋا،مېنى ئۆزىگە سىھىرلىۋالغان سىھىر ئېگىسى زادىكىمدۇ؟          خېياللىرىم سىھىر ئوردىسىغا قاراپ پەرۋاز قىلماقتا ئىدى.توساتتىن كۆزلىرىم گۈل-چىمەنلەر ئارسىدا توپ-توپى بىلەن ئۇچۇپ يۈرگەن ھەسەل ھەرىللىرىگە چۈشتى.ئۇلار شۇنچىلىك غەمسىز،خۇشال كۆرۈنەتتى.بىردە كۆلۈشسە يەنە بىردە بىر-بىرى بىلەن قوغلاشماقتا،ئويناشماقتا ئىدى.مېنى ھەيران قالدۇرغىنى بولسا ئۇلار بىرى-بىرى بىلەن ئوپمۇ-ئوخشاش كىيىم كىيىۋېلىشقان،يەنە تېخى ئاپپىراتلىرىنى قارىس-قۇرىس،يالىت-يۇلىت قىلدۇرغىنىچە ھېلى رەتلىك،ھېلى رەتسىز تۇرۇشقىنىچە بەس-بەستە سۈرەتكە چۈشىشىۋاتاتتى.         كۆزلىرىمنى ئۇۋلىۋىتىپ قايتا قارىدىم.دەرھەقىقەت،كۆرگەنلىرىم بولسا ئەمەلىيەت،يالغىنى يوق ئىدى.ئۇلار توساتتىن قاناتلىرىنى يىنىككىنە قېقىشقىنىچە ئۇچۇشقا تەمشىلىشتى. ئەمما شۇ دەملەردە ئۇلار كۆزۈمگە شۇنچىلىك يېقىشلىق ھەم تونۇش كۆرۈنۈشتى.ئەجىبا بۇلارنى بۇرۇن بىرەر يەردە كۆرگەن بولغىيمىدىم؟شۇندىلا بايقىدىمكى،ئەسلىدە ئۆزۈممۇ بىر كىچىك ھەسەل ھەرىسىگەئايلىنىپ قالغانىكەنمەن.بىراق نېمىشقىكىن ئۇلارغا پەقەتلا ئوخشىماي قېلىۋاتاتتىم.ھەر قانچە قىلىپمۇ بۇنىڭ تېگىگە يېتەلمىدىم.ھەسەل ھەرسىمۇ نەچچە خىل بولامدىغاندۇ يا؟        توساتتىن ئالدىمدا يوغان بىر قامۇس پەيدا بولدى.ھېلىقى ھەرىلەر قاناتلىرى بىلەن قامۇسنى بىر-بىرلەپ ۋاراقلاپ چىققاندىن كىيىن قامۇسنى قالدۇرۇشقىنىچە دەررۇ مەندىن يىراقلاپ كېتىشتى.شۇندىلا كۆڭلۈم پاللىدە يورىدى. توغرا، مەن قانداقمۇ ئۇلارنىڭ ئوخشىشى بولالاي،ئۇلار بولسا شىرنىلەرگە تويۇنۇپ تېخىمۇ ئۇلۇغ مەقسەت بىلەن گۈلزار ماكاندىن ئايرىلىپ سەپەرگەئاتلانماقچى بولغان ھوسۇل ئىگىللىرى،ئەمما مەن بولسام ئەمدىلا  شىرنە يىغىش ئۈچۈن ئەمدىلا گۈلزارلىققا قەدەم باسقان ئەمگەكچى ھەرە.       پارتىدېشىمنىڭ قاتتىق دۈشكەلىشى بىلەن ئېسىمنى يىغقىنىمدا ئالدىمدىكىنىڭ قامۇس ئەمەس دەرىسلىك كىتاۋىم ئىكەنلىكىنى،ئۆزۈمنىڭ دېرىزە سىرتىدىكى ئوقۇش پۈتتۈرۈش ئالدىدا تۇرغان ئاكا-ھەدىلەر بەرپا قىلغان سېھىرلىك مەنزىرىدىن ئېسىمنى يوقىتىپ ئولتۇرغىنى منىبىلدىم.ئۇلارنىڭ شادىيە كۈلكىللىرى ئەتراپنى بىر ئالغانىدى.ئۇلارشۇنچىلىك جۇشقۇن ،شۇنچىلىك خۇشال ھالەتتە ئىپتىخارلىق تۇيغۇسىغا چۆمۈلۈشكىنىچە باش كىيىملىرى ئاسمانغا ئېتىشىپ رەسىمگە تارتىش ئاپپاراتىنىڭ كۆزىدە مەڭگۈلۈك ئەسلىمە بولۇپ قېتىپ قېلىشماقتا ئېدى.كۆزلىرىدىن چاقنىغان رازىمەنلىك،مۇۋەپىقىيەت،مەنمۇنىيەت ئۇچقۇنلىرى يۈرۈكۈمنى تېشىپ ئۆتۈپ،مېنىڭ كىينىكى يولۇمنى يورۇتماقتا،مېنى سەگەك بولۇشقا چاقىرماقتا ئېدى.       يۈرۈكۈمنىڭ بىر يەلىرىدىن بىر خىل ھەسرەتلىك ئۆكسۈش،يەنە بىريەرلىرىدىن مۇھەببەتلىك كۈلكە ئاۋازى كۆتۈرۈلمەكتە .شۇ مۇرەككەپ ھېس قايناملىرىدا بىر خىل قىيالماسلىق تۇيغۇسى،چىن قەلىبتىن بەخىت  تىلەش تۇيغۇسى ئىسيان كۆتۈرمەكتە.ئىچ-ئىچىمدىن شۇنداق بىرلا نىدا ئوخچۇپ چىقماقتا:        - خەيىر ماڭا يۆلەك بولغانلار،خەيىر ماڭا مەدەت بولغانلار،خەيىر ماڭا غەمخان بولغانلار،خەيىر ئەزىز باشىم سىلىغانلار،خەيىر مېنىڭ ھالىم سورغانلار ،خەيىر دەردىم دەرمان بولغانلار، خەيىر ھوسۇل ئىگىللىرى،خەيىر يول كۆرسەتكۈچىللىرىم،خەيىر ئەزىزىلىرىم!                                         خەيىر! -مەنبە ئۆز قەلىمىم

بەرگى

	خەيىرنىڭ كىچىك تىمىسى سەبىرما ؟

mm19910203

	شۇنداق بىر كۆرۇنۇش كۆز ئالدىمغا كەلدىكى يىڭىدىن ئوقۇش پۇتتۇرۇش ئالدىدىكى ئاكا - ھەدىلەرنى كۆرگەن سەبىي قەلىبنىڭ ئاشۇ قەدىردانلارغا قىيمىغان سۆيۇملۇك ،يىقىشلىق قاراشلىرى كاللامدا نامايەن بولدى .     تىلى يىنىك ، چاققان ۋە شۇنداق تاتلىق نەسىر ئىكەن .

dilnaz911

	ياخشى يېزپسز،لېكىن ھېلىقى ساۋاقدىشىم دېگەن ئەسىرڭىزنىڭ ئاخىرىنى يازمايلا ،بۇنى يېزىپ چۈشۈپ كېتىپسىزغۇ؟

چاقنار

	ياخشى  نەسىركەن،،،،ھېلىقى ساۋاقدىشىمنىمۇ  ئۇنتۇپ قالماڭ

花公主

	بەرگى يوللىغان ۋاقتى  2014-5-27 04:02 PM خەيىرنىڭ كىچىك تىمىسى سەبىرما ؟ ياقەي،ئۇ مېنىڭن ئەسەر يوللىغاندىكى نامىم، يوللىغىچە ماۋزۇ يۇقاپ كېتىپتۇ.ئوڭشاپ قوياي دېگۈچە تەستىقلاپ بوپتۇ

花公主

	dilnaz911 يوللىغان ۋاقتى  2014-5-27 05:06 PM ياخشى يېزپسز،لېكىن ھېلىقى ساۋاقدىشىم دېگەن ئەسىرڭىزن ... ئۇنىمۇ پات يېقىندا سىلەر بىلەن يۈز كۈرۈشتۈرىمەن ئاللا خالىسا

花公主

	چاقنار يوللىغان ۋاقتى  2014-5-27 07:34 PM ياخشى  نەسىركەن،،،،ھېلىقى ساۋاقدىشىمنىمۇ  ئۇنتۇپ قالم ... ماقۇل

karguli138

	شۇنداق   ياخشى  چىقىپتۇ

花公主

	karguli138 يوللىغان ۋاقتى  2014-5-27 11:51 PM شۇنداق   ياخشى  چىقىپتۇ رەھمەت