مۇشائىرىگە تەكلىپ ( شاھسەنەم)

xahsanam

	مۇشائىرىگە تەكلىپ ئەسسىلاممۇ ئەلەيكۇم ! قۇرداش دوستلېرىم ، ھەممىڭلار تىنىچ ئامان تۇرۋاتامسىلەر؟ كۈلكىلېرىڭلار ھەقىيقى بۇلۇپ ، چىھرىڭلارنى نۇرلاندۇرۇپ تۇرالىۋاتامدۇ؟ ئۇلۇغ ئاللاھ ھەر بىرىمىزنى ھەر بىر كۈنىمىزدە بەخىت ۋە تىنىچلىقتىن خاتىرجەم قىلسىكەن دىگەن ئۈمىدتىمەن ..... ۋاقىتنىڭ قىسلىقىدىن مۇنبەرگە كىرەلمىگىلى خېلى كۈنلەر بۇلۇپ قاپتۇ ، بۈگۈن قارىسام شىئېر يوللىغان ئەزالار خېلى كۆپكەن ، شۇڭا مىنىڭ مۇشائىرە ئىلىپ بارغۇم كىلىپ قالدى ، قەلەم كۈچىڭىزنى سىناپ باققۇڭىز بارمۇ ؟ بۇرۇنقى مىسرانىم مۇنبىرىدىن مۇسلىنە ھەدەمدىن باشقىلارنى كۆرمىگىلى ئۇزۇن بولدى ....يىڭى ئەزالارنى تۇنۇپ كەتمەيدىكەنمەن ، شۇنداقتىمۇ مىنىڭ مۇشائىرگە تەكلىپ قىلىشىمغا ۋاقتىڭىز بولسا قاتنىشىپ مۇنبەرنى قىزىتقان بولساق ...... قىنى ئەمىسە باشلايمىز . مۇھەببەت بۇ ھاياتتا مەڭگۈگە ئۆلمەس بىر تىما . مۇھەببەتكە تەبىر بېرىشنى مۇشائىرىمىزنىڭ ئاساسلىق تىمىسى قىلساق قانداق ؟ مەن باشلىدىم ئەمىسە : مۇھەببەت يىقىملىق مۇڭلۇق مۇزىكا ، ئاشىقلار قەلبىنى ئەللەيلەيدىغان . مۇھەببەت ئۇ جىمجىت بىر ئېقىن دەريا، چىن بولسا سۆيگۈڭىز شاۋقۇنلايدىغان . مۇھەببەت ھاياتنىڭ ئالتۇن گۈلتاجى ، شەرىم ۋە ھايادىن چاقناپ تۇرىدىغان . ۋاپا ھەم ساداقەت بولسا قەلىبتە ، پاك سۆيگۈ سازىنى ياڭراق چالىدىغان . مۇھەببەت ئۇ يەنە ئۆلمەس بىر تىما ، يۈرەكنى تىترىتىپ، كۆز ياشلايدىغان. مۇھەببەت ھاياتتا مېھرىبان ئانا ، چىن مىھىر سۆيگۈسى بالقىپ تۇرىدىغان . قىنى ئەمىسە شىئېرغا ھېرىسمەن دوستلېرىم مۇھەببەتكە ئۆز كۆز قارىشىڭىزنى سىڭدۈرۈپ تەبىر بېرىپ بىقىڭ . مۇشائىرىمىزنىڭ ھەر بىرىڭلارغا شادلىق ، مۇنبىرىمىزگە قىزغىنلىق ئىلىپ كىلىشىنى ئۈمىد قىلىمەن . ئاللا ھەممىڭلارنى بەخىت ئىگىسى قىلسۇن . مەنبە: ئۆزۈم

dolkuni

	مۇھەببەت گوياكى بىر ئەزىم دەريا، چاڭقىغان گىياھقا بېرىدۇ تامچە . مۇھەببەت گوياكى ھەقىقەت ئوقى ، ناھەققە رەھىمدىل بولماس زەررىچە.

dolkuni

	مۇھەببەت يەنىلا بىر مەھۇم ئۇقۇم ، ئارمىنى ،ئىستىكى ، ئېزىتقۇ ھەم بار. قەدىرگە يەتمىسە زەھەردىن ئاچچىق، دىل بولۇپ كۈيگەنگە تاتلىق بىر تەم بار. مۇھەببەت مەنىسى تېرەن بىر مەنا، مۇھەببەت مەڭگۈگە يېشىلمەس بىرسىر. بەخىت بار . بايلىق بار ، گۇمرانلىق ھەم بار، مۇھەببەت ئەبەدىل تۇگىمەس شېئىر .

xahsanam

	ناھەققە رەھىمدىل بولغان مۇھەببەت ،   خارلايدۇ قەلىبنى بوزەك ھەممىگە.   كېرەكتور مەردانە قورۇقماس قەلىپ ،   ۋىسالنى كۈتەركەن قۇربانلىق بەرسە .

تاڭنۇر

	ۋىسالنى كۈتەركەن قۇربانلىق بەرسە . ھوسۇلنى يىغاركەن ،ئۇرۇقنى تەرسە ، مۇھەببەت گاھىدا مىھمان بۇلاركەن قەلىبنىڭ ئىشىكىنى تۇيدۇرماي چەكسە .

Giripjan

	مۇھاببەت ئۇ گويا پارلىغان قوياش، بىرىدۇ يۈرەككە ئىللىق ھارارەت. شاھسەنەم بولسا گەر غېرىپقا قاياش، شۇندىلا تاپىدۇ غېرىپجان نۇسرەت.

xahsanam

	مۇھەببەت ۋەھىمىلىك ئىگىز بىر قىيا ، ئاۋايلاپ مىڭىشتور ئۇنىڭكى سىرى . مۇھەببەت ئۇ يەنە ئۈزۈلمەس ناخشا ، قەلىبنى سۈيۈندۈرەر يىقىملىق كۈيى .    dolkuni   قەلىمىڭىزگە رەخمەت  ... تۇلىمۇ ياخشى يېزىپسىز .     [s:79]

شىرىن

	مەن مۇھاببەت تۇغرىلىق سۇزلىگىم يۇق [s:88]  [s:58] سۇيگۇ ئۇچۇن ئالغا!!!!! [s:112]  [s:59]

dolkuni

	مۇھەببەت -ۋاستىسى ئالدامچىلىقنىڭ ، مۇھەببەت- دەستىكى نۇمۇسسىزلىقنىڭ ، مۇھەببەت- ھەركىمگە ھەرخىل بىر تۇيغۇ ، مۇھەببەت- چىغىرى ئۈمۈتسىزلىكنىڭ ، مۇھەببەت -مەنزىلى ھايات ياشاشنىڭ ، مۇھەببەت - ئارزوسى قېرى ھەم ياشنىڭ ، مۇھەببەت - ئىستەككە تولغان بىر دۇنيا ، ،ۇھەببەت  - قوشمىقى كۆزدىكى ياشنىڭ .

xahsanam

	مەن بولسام شاھسەنەم سۆيگۈ سۇلتانى ، شاھ غېرىپ بۇلىدۇ كۈڭۈلگە دەرمان . قۇشاققا قاتىمەن ئېيتار ئۇ ناخشا ، كۈڭۈلدە شۇ ۋىسال بولدىغۇ ئارمان .