ھەققانىي: مىنىڭ يېقىنلىرىم ( شېئىرى چاقچاق)

akkani

	مىنىڭ يېقىنلىرىم ( ئادەم ئىسىملىرى ھەققىدە شېئىرى چاقچاق) (چاقچاقتا تىلغا ئېلىنغان ئىسىملارغا ئىسىمداش كېلىدىغان ئوقۇرمەنلەرنىڭ خاتا چۈشۈنىۋالماسلىقىنى ئۈمۈد قىلىمەن.چۈنكى بۇ بىر تەساددىبىلىق ھەم چاقچاق) ئاپتۇرى:  ئابدۇۋەلى راخمان ھەققانىي ** بىر دوستۇم بار ئىسمى« پولات»،تۇرقى كارامەت، يىقىلسىلا پۇتى سۇنار،نىمە ئالامەت. دوختۇرخانا كارۋىتىدىن كېتەلمەس زادى، بىر ئاچام بار تېخى ئۇنىڭ ئىسمى « سالامەت». ** كۈنۇ-تۈنۇ مەست يۈرەردۇر بىر ئاغېينەم بار، ھەيراندۇرمەن ئىسمى تېخى « ئىمام موللاخۇن»، چاشقان كۆرسە بەدەر قاچقان ساۋاقدېشىم بار، ۋاي..ۋاي تېخى بۇنىڭ ئىسمى « پالۋان خوجاخۇن». ** بوسوغىدىن قەدەم ئالماي ئۆتكەن بىرسى بار، ئەمما ئۇنىڭ نام-شەرىپى،ئىسمىدۇر « سەپەر». « قەيسەر» ئاتلىق ئاغىينەم بار كۈلۈپ كەتمەڭلار، دۈمبىسىگە چىۋىن قونسا چىچاڭشىپ كېتەر. ** سودىغا خام بىر دوستۇم بار ئىسمى «سېتۋالدى»، دېلىغۇلى ئاغىينەم بار ئىسمى «تېۋەككۇل». ئىسىم نەدە،ئەمەل نەدە قىزىق دۇنياكەن، « سۇلتان» ئاتلىق بىر يىگىت بار ئەمما ئۈزى قۇل. ** قويدىن قورققان بىر دوستۇم بار ئىسمى « قەھرىمان»، ساز دىگەنگە ئۆچ بىرسى بار ئىسمىدۇر «ساتتار». قۇلى قىسقا بىر قوشنام بار ئېتى « بەھرىمەن»، « چىنار قىز» دەپ قىز دوستۇم بار بويلىرى پاكار. ** « بەختىگۈل» دەپ قۇردىشىم بار، بەختى كەلمىگەن، گىپى ئۆتمەس ئاغىينەم بار ئىسمىدۇر « ھاكىم». ئېتى « غېنى» ئوڭ ياندىكى نامرات قوشنامنىڭ، ساۋادى يوق بىر دوستۇم بار ئىسمى دەل « ئالىم». ** كۈزى غۇۋا بىر دوستۇم بار ئىسمى « رۈشەن ئاي»، « سادىق» ناملىق تەڭتۈشۈم بار ئەمما ئۇ شاللاق. ئۆمۈر بۇيى سامساق يىمەي ئۆتكەن تاغام بار، شۇ تاغامنىڭ ئىسمى ئىدى مۇبارەك « سامساق». ** ئەتىسىگە كۆزى يەتمەس بىر تۇققۇنۇم بار، ئەمما ئۇنىڭ ئىسمى شۇنداق ئىدى « ئۈمۈدۋار». ھەر يىلدىلا لاياقەتسىز خىزمەتدېشىم بار، كىمۇ ئۇ؟ دەپ سورىساڭلار ئىسمىدۇر « ئىلغار». ** ھاياسىز بىر قىزنى كۆردۈم ئىسمى « پەزىلەت»، ئالا كۆڭۈل تونۇشۇم بار « ئادىل» ئىسىملىك. ھېچقانداق بىر ئىشى چىقماس زادى ۋۇجۇتقا، ھەقەمسايىم باردۇر شۇنداق « دادىل» ئىسىملىك. ** يېقىنىم بار گەپتە تۇرماس ئىسمى « ئىرادە»، ياۋاش لۆم-لۆم ئاغىينەم بار ئاتايمىز « دولقۇن»، بىر تال شامغا ئوت ياقالماس دوستۇم بار يەنە، ئەزان بىلەن قويغان ئىسمى ئاڭلاڭلار« يالقۇن». ** ئىشتا بوشاڭ بىر ئادەم بار ئىسمىدۇر « جۇشقۇن»، « ئىبادەت» دەپ ئارامگاھقا ئامراق بىرسى بار. مۈشۈك كۆرسە غال-غال تىترەپ قاچار يار بويى، شۇنداقلارنىڭ «يولۋاس»، « باتۇر» دىگەن ئىسمى بار. ** « تاش» ئىسىملىك يۇمشاپ كەتكەن دوستۇم بار مىنىڭ، « ئەزىز» ئاتلىق خارلانغان بىر مىسكىن بار ئەنە. دەپ باقايلى چاقچىقىمغا چاقچاقلار قېتىپ، ئىسمىغا ماس كەلمەيدىغان كىم-كىم بار يەنە.

akkani

	بۇ ئەسىرىمنى ۋورتتا تەھرىرلەپ ئوتتۇرىغا ئەكىلىپ يوللىسام يەنە بىر چەتكە كىلىۋاپتۇ.ئىمكان بولسا باشقۇرغۇچىلار ئوتتۇرىغا تەڭشەپ قويغان بولساڭلار.

پىروزە

	ياخشى چىقىپتۇ، خۇددى  غولجۇلۇق روزاخۇن ئاكىمىزنىڭكىدەك. رەھمەت

Nimjan

	ۋاھ، ئالامەت چاقچاق بوتۇ جۇمۇ!

izqel

	ئالىمجان بۇلۇمسىز دەيدىغان چوڭ ئەيساكاملار رولغا چىقىدىغان كىنۇدا شۇنداق مەزمۇنلار بار. نەدىكى سەت قىزلارنىڭ ئىسىمى پەرىزات.تولا ئاغرىيدىغاننىڭ ئىسىمى سالامەت. ....... دىبادىن چىقمايدىغاننىڭ ئىسىمى ئىمانگۈل.ھەي توۋا.

aldawa

	بەك قاملىشىپتۇ ، قەلىمېڭىز ھارمىغاي .

Janbar

	ھەققانىي ئاكامغا زور ئۇتۇقلارنى تىلەيمەن! يېقىندىن بۇيان يېڭى ئىجادىيەتلىرىڭىز ئازلاپ قېلىۋاتامدۇ نېمە ئاكا؟ ئەينى ۋاقىتتا ھەسەتخۇرلارنى بىر كۆرۈپلا 20 تال سېتىۋالغانتىم شۇندىن بۇيان خىلى ئىزدىسەممۇ ئەتراپىمدىن تاپالمايۋاتىمەن. يېڭى ھوسۇللىرىڭىز بولسا بەھىرلەنسەك بولاتتى ئاكا! سالامەتلىك يار بولسۇن!

alxir552

	بەش نامازنى تولۇق بىلمەس بىر تونۇشۇم بار، ھەيران بولماڭ «ھاجى» دېسەم ئۇنىڭ ئىسمىنى. ئۆز ئىسمىنى يازالامدۇ ھازىر بىلمىدىم، باشلانغۇچتىن قېچىپ چىققان «مەرىپەت» قېنى؟ قېچىپ كېتەر ھەممە ئۇنىڭ چىرايى كۆرسە، «ئايگۈزەل» دەپ ئاتايمىزغۇ مۇبارەك ئېتى. ھازىرغىچە بويتاق قالدى دوستۇم «مۇھەببەت»، قوپاللىقى كۆرسە قىزلار كېتەر شۇ پىتى.

ئۇتغۇر