نىگارنى ئوخشاتتىم كۆكنار گۈلىگە

KUMALTAGH

	نىگارنى ئوخشاتتىم كۆكنار گۈلىگە   ئەمەتجان زۇنۇن ئارتۇچ غېرىب دىل بېغىمدا ئۆستى چېچەكلەپ ، سەۋدايى مەسىت بولدۇم خۇشبۇي ھىدىدىن . جۇلاسى ئوتقاشتەك ھاردىم پەرۋىشلەپ ، ۋۇجۇدۇم تىترىدى كۆيۈك رىشتىدىن . ھەر باقسام كۆزلىرىم تورلاشتى ، تالدى ، ھەر پۇراپ خىيالىم كەتتى ئەرىشكە . پاك روھىم ئەسلىمدىن ، ۋەسلىمدىن  تاندى ، ئازابلىق تولغاندىم  قەددى، قەدرىمگە . زەئىبلىك پايانى ئالدى قوينىغا ، قۇياشلىق باھارىم تەپتى مۇزلىدى . ئايلاندىم ئاقىۋەت تىرىك مۇردىغا ، سۈپسۈزۈك ئارمانلار گېلىمدىن بوغدى . نە بەخىت ،نە شاتلىق ...  سورۇلدى  كۆككە ، بىر دەملىك ھوزۇردىن ، شەيتان پەيلىدىن . نىگارنى ئوخشاتتىم كۆكنار گۈلىگە ، دوزاختا قۇتۇلماق بولدۇم دەردىدىن  . مەنبە ؛ قەلىمىم

KUMALTAGH

	ئەخلاق ئەمەتجان زۇنۇن ئارتۇچ ئادەم زىننىتى ئەخلاق ، ئادەم قىممىتى ئەخلاق . پاكلىق ، ئىمان جۈملىسى ، ھايات ھىممىتى ئەخلاق . ئۆمۈر دېگەن ئاتقان ئوق ، ئەخلاق بىلەن دىل يورۇق ، روھىمىز پاك ، كۆڭۈل توق ، پاكلىق جىلۋىسى ئەخلاق . ئەخلاق بىلەن بەركەت بار ، ئىناقلىق بار ، ھۆرمەت بار ، مەنزىللەردە نۇسرەت بار ، ۋىجدان نىممىتى ئەخلاق . ئىنسانىيلىق  ئۇلۇغى ، چىن گۈزەللىك قۇت تۇغى ، ھەق - دىيانەت ئۇرۇقى ، ئوتلۇق رىشتىسى ئەخلاق . مەنبە ؛ قەلىمىم .

axek13999649893

	ئەخلاق ئادەم زىننىتى  . بەك توغراگەپ  بۇ .ئەخلاقسىز ئادەم نىمگە  .وخشا ھە

sewdaye1

	كۆكنار دىگەن ئەپيۇن شۇمۇ؟

huoxuelian

	ئەخلاق ئادەم ئۇچۇن ئەڭ مۇيىم

jelwa

	ياخشى  يىزىپسىز  .........ئەخلاق  ئادەم  زىننىتى  دەپ  قويىمىزغۇ  ............

KUMALTAGH

	sewdaye1 يوللىغان ۋاقتى  2014-5-26 11:29 AM كۆكنار دىگەن ئەپيۇن شۇمۇ؟　 كۆكنار گۈلىدىن ئەپيۇن ، مورفىن ۋە ناركوز دورىللىرى ياسىلىدۇ .

پالۋان

	ئوخشىتىپ نىگارنى كۆكنار گۈلىگە، كۆڭلىڭىز تاپتىمۇ، دوستۇم پاراغەت، دوزاختا دەردىدىن قۇتۇلاي دەپسىز، نىگارنىڭ ئۇ دەردى دوزاختا راھەت. دوزاخنىڭ ئوتىنى ئىشىق ئوتىغا سېلىشتۇرۇش ۋە ئوخشىتىش مېنىڭ پىكرىمچە توغرا ئەمەس!

qaraxani

	ئوخشۇتۇشلىرىڭىز ھەم تېمىلىرىڭىز تولىمۇ جايىدا ھەم تېتىملىق ئىكەن ،يازمىلىرىڭىز يۈرەكنىڭ ۋېنا تومۇرىغا قان بەردى ،ئالتۇن قۇرلارنى دائىم كۆرۈپ تۇرساق ...

sewdaye1

	نىگارىنى ئەپيۇنغا ئوخشىتىپتۇ دە ئەمسە ئەپيۇندىن يىراق تۇرۇڭلار ھە!