يەر شارىدىكى سىرلىق جاي 51- رايۇن

kadirsiz

	X ئارخىپىدىكى سىرلىق ۋە مۈجمەل بولغان، نۇرغۇن كىشىلەر ئادىشىپ قالىدىغان يەر دەل رىۋايەتتىكى ئامىرىكىنىڭ 51-رايۇنىدىن ئىبارەت. ھەممە يەردە تارقىلىپ يۈرگەن مىش-مىش پاراڭلار، سىرلىق پارتىلتىش، نۇرغۇن خىراجەت، قەتئىي ئىنكار قىلىش، 51-رايۇن چۇقۇم ئامىرىكا ھەربىي تەرەپنىڭ ئەڭ چوڭ مەخپىيتىدۇر. 51-رايۇن قىمار شەھىرى لاسۋىگاستىن ئاپتۇمۇبېل بېلەن ئىككى سائەتلىك يول يىراقلىقتا بۇلۇپ، ئۇزۇندىن بۇيان دۇنيادىكى UFOھەۋەسكارلىرى ۋە ئامىرىكىنى تەتقىق قىلغۇچىلار چۈشىنىشنى ئۈمىد قىلىپ كىلىۋاتقان جاي، يۈزەكى قارىغاندا 51- رايۇن تىپىك ھەربىي بازىغا ئوخشىماستىن، ئەكسىچە ھوللىيۋودنىڭ ئىلمىي فانتازىيە كىنولىرىدىكى كۈرۈنۈشكە تېغىمۇ بەك ئوخشايدۇ. چوڭ تىپتىكى ئايرۇپىلان ئىسكىلاتى، ماددىي ئەشيا ئىسكىلاتى، بىر قانچە ئايرۇپىلان ئۇچۇش-قۇنۇش يۇلى، بوشلۇقتىكى قاتناش تىزگىنلەش ئانتىناسى قاتارلىقلار ئاددىي ھالدا 51-رايۇننىڭ 144كىۋادىرات كىلومىتىرلىق دائىىردىكى ئاساسىي مەزمۇنىنى تەشكىل قىلغان. دىققەت قىلىشقا ئەرزىيدىغىنى شۇكى، ئۇلارنىڭ ئارىسىدىكى بىر قانچە ئايرۇپىلان ئىسكىلاتى ئادەتتىن تاشقىرى چوڭ بۇلۇپ، ئۆگزىسى ئاق سىرلانغان. بوشلۇقتىكى قاتناشنى تىزگىنلەش ئانتىناسىنىڭ ئىگىزلىكى45.72 مىتىرغا يېتىدۇ، تىك تۆت تەرەپنىڭ تەگلىكنىڭ ئۇزۇنلىقى121.92 مىتىرغا يېتىدىغان بۇلۇپ، ئۇنى ناھايتى زور نەرسە دىيىشكە بولىدۇ، بۈگۈنكى كۈندە ئۇ 51-رايۇننىڭ بەلگىسى بۇلۇپ قالدى.        51-رايۇن توغرىسىدا، ئامىرىكا ھەربىي تەرەپ ئىزچىل تۈردە ئىنكار قىلىپ كەلدى. ئامىرىكا زىمىنىدىكى مەخپىيەتلىكى ساقلاش دەرىجىسى ئەڭ يۇقۇرى بىر پارچە يەر بۇلۇش سۈپىتى بېلەن، بۇ رايۇن ئامىرىكا خەرىتىسىدە كۆرسىتىلمىگەن. ئاشكالاپ قۇيۇشتىن ساقلىنىش ئۈچۈن، ئامىرىكا ھەربىي تەرەپ زور مەبلەغ سەرىپ قىلىپ ، 51-رايۇننىڭ ئەتراپىدىكى تەخمىنەن 9000 ئېنگىلىز موسى يەرنى سېتىۋېلىپ، ئۇ يەرنى چەكلەنگەن ھەربىي رايۇن قىلىپ، ھەر قانداق ئادەم ياكى تەشكىلاتنىڭ ئۇنىڭغا، جۈملىدىن ئۇنىڭ ھاۋا بوشلۇقىغا يېقىنلىشىشنى مەنئىي قىلغان.        نىۋادا ئىشتاتىنىڭ خەلىق ئاۋئاتسىيە خەرىتىسىدە كەڭ دائىردىكى ئۇچۇش چەكلەنگەن رايۇنى كۆرسىتىلگەن، ئەمما ھىچ قانداق ئالاقىدار ئىزاھات يوق. مەزكۇر رايۇنغا ئالاقىدار ھەر-قانداق رەسىم، فۇتۇ سۆرەتلەرنى سىرتقا ئاشكارلاشقا قەتئىي بولمايدۇ. 1994-يىلغا كەلگەندە ئامىرىكا ھەربىي تەرەپ  ئاندىن ئاغزىنى سەل ئاچتى، ئەمما پەقەت بۇ يەرنىڭ ھەربىي بازا ئىكەنلىگىنىلا ئېتراپ قىلدى. مەزكۇر رايۇننىڭ زادى نىمە سەۋەپتىن قۇرۇلغانلىقى، قايسى خىلدىكى سىناق قىلىش بېلەن شۇغۇللىندىغانلىقىنى ئاشكارلاشنى رەت قىلدى. 3 يىلنىڭ ئالدىدا ئامىركا زۇڭتۇڭى ئىشتاتلىق ھۆكۈمەتنىڭ 51-رايۇننى باشقۇرۇش ھۇقۇقىنى قايتۇرۋېلىش توغرىسىدا بۇيرۇق ئېلان قىلدى. شۇنىڭ بېلەن 51-رايۇن بىۋاستە ئامىرىكا ھۆكۈمىتى ۋە بەش بۇرجەكلىك بىنانىڭ باشقۇرۇش تەۋەلىكىگە ئۆتتى.          ئامىركىدىكى ئادەتتىكى پۇخرالار 51-رايۇننى ھوللىيۋود كىنولىرىدىن چۈشەنگەن، بۇنىڭغا ئاساسەن ئۇلار مەزكۇر رايۇندا مۇتلەق مەخپى تېخنىكا بارلىقىغا قەتئى ئىشىنىدۇ.  51-رايۇننىڭ ئەتراپىدا ئولتۇرۇشلۇق كىشىلەرنىڭ ھەممىسى دىگۈدەك ئۆز ئۈيىنىڭ ئارقا تەرپىدە شار شەكىللىك، ئۈچ بۇلۇڭ شەكىللىك، ياكى ئۇچار تەخسە شەكىللىك نامەلۇم جىسىمنى كۆرگەنلىكىنى ئېيتقان. قاتتىق گۈلدۈرلەش ئاۋازلىرى ئۇلارنى تۇرمۇشتا خاتىرجەم بولالمايدىغان قىلىپ قويغان، ئۇلار 51-رايۇنغا نارازىلىق بلدۈرگەندە بو غەلىتە ئاۋازلار سىرلىق ھالدا غايىپ بولغان.         ئەسەبىيلەشكەنUFO ھەۋەسكارلىرى ھەر يىلى 5-ئاينىڭ 30-كۈنى بۇ يەرگە كىلىپ يىغىلىش ئۆتكۈزىدۇ، ئۇلار 51-رايۇنغا ۋە تاشقىي پىلانىت ئادىمىگە، بۇلۇپمۇ ئاتالمىش يېشىل ئۆيگە چوڭقۇر ئىشىنىدۇ.  يېشىل ئۆيدە باشقا پىلانىت ئادىمىنىڭ توڭلىتىلغان جەسسىتى، پاچاقلىنىپ كەتكەن ئۇچار كېمە شۇنىڭ ئىچىدە، دەپ قارايدۇ.  X ئارخىپىدا يېشىل ئۆي بىر قانچە قېتىم كۆرسىتىلگەن، لېكىن ھەقىقىي ئەھۋال ئاشكارلىناي دەپ قالغان ۋاقىتتا تۇيۇقسىزلا ئۈزۈۋېتىلگەن. ئېيتىشلارغا قارىغاندا ئامىرىكىنىڭ يېڭىدىن ۋەزىپىگە تەيىللەنگەن ھەر بىر زۇڭتۇڭى ئۇ يەرگە بېرىپ ئېكىسكورسىيە قىلىدىكەن، ئوبامامۇ ئۇ يەرگە بارغانمىدۇ يوق؟ بىر قانچە ئون يىلدىن بۇيان 51-رايۇن ئىزچىل تۈردە ئامىرىكا پۇخرالىرىنى تەڭلىكتە قۇيۇپ كەلدى، سانسىزلىغان مۇنازىرە  ھەممىشە بىر ياققا قايرىپ قۇيۇلدى. ئامىرىكا ھۆكۈمىتى 51-رايۇندا زادى نىمىش قىلىۋاتىدۇ؟ بۇ بىر مەخپىي X ئارخىپىدۇر.                             مەنبە: دۇنيادىكى 100 سىرلىق جاي دىگەن كىتاپتىن ئېلىندى.

545007486

	سۈرەتلىرى بولسا كورۇپ باقسام بوپتىكەن

sardor0908

	ئامىرىكىنىڭ كۆپلىگەن فانتازىيىلىك فىلىملىرىنىڭ سىنارىيە ئاپتۇرلىرىنىڭ ھەربىي يۇقىرى قاتلام خىزمەت قىلغانلىق تارىخى بار .شۇڭا 51-رايون بىلەن ئامىرىكا ھوللىۋود فانتازىيىلىك كىنولىرى مەستانىلەرنىڭ 51-رايون قىزىقىشىنى يىلدىن -يىلغا قوزغىدى .ھەتتا نۇرغۇنلىغان ئامىرىكىلىق دۆلەت باج كىرىمىنى ئىشلىتىش ئىنىق بولمىدى .ئەگەر 51-رايون توغرۇلۇق چۈشەنچە بەرمىسە باج تاپشۇرۇشنى رەت قىلىشمىز دەپ نامايىشلارنىمۇ قىلغان ئىدى .

nurjahan0997

	ئاڭلىمىغان پاراڭلار ئىكەن بۇ؟

ئايچىن

	51-رايون دەپ مەنمۇ ئاڭلاپ باقماپتىمەنكىنا....

izqel

	بەلكىم ئۇ يەر سوۋىت مەزگىلىدىكى سوغۇق مۇناسىۋەتلەر دەۋرىدىكى ھەربى لاگىر بولىشى مۇمكىن.ياكى ھەربى سانائەتنىڭ سىناق نۇقتىسى بولىشىمۇ مۇمكىن.نىمىلا بولسا بەرىبىر.ھەر بىر دۆلەتنىڭ مەلۇم دەرىجىدە مەخپىيەتلىكى بولىدۇ.ئاددىيسى ھەر بىر ئائىلىنىڭمۇ باشقا قولۇم قۇشنىلار ئۇرۇق تۇغققانلار ۋە باللىرىغىمۇ ئاسان كۆرسەتمەيدىغان مەخپىيتى بولىدۇغۇ.ئازىراق يەرنى مەخپىي قىلىپ قۇيسا نىمە بوپتىكەن.رايۇنىمىزدىمۇ ئۇششاقتال يىزىسىدەك ئىلگىركى يادىرۇ سىنىقى قىلغان ھەر قانداق ئورۇننىڭ كىرىشى چەكلىنىدىغان رايونلىرىمۇ بارغۇ.قوملۇقنىڭ ئوتتۇرسىدىمۇ بارغۇ دەيمەن ھەربى ھاۋا ئارمىيە بازىللىرى.شۇنى بىر تەكشۈرۈپ ئىچىۋەتسە.2000- يىللاردىمۇ ئەيتاۋۇر دۆلىتىمىز ھاۋا ئارمىيەسى تەكلىماكان قۇملۇقىنىڭ ئوتتۇرسىغا ھاۋا ئارمىيە مۇداپىيە ۋە ئۇچۇش قونۇش ئەسلىھەسىنى ئورنىتىدۇ دەۋاتقان. ئامېركىنىڭ نامدا ھەربى بازا ئەمەلدە نىمە قىلىۋاتقىنىنى كىم بىلىدۇ دەيسىلەر.

qog

	مۇشۇنىڭ بىلەن ئىككىنجى قىتىم ئاڭلىشىم .

Muslim_Padichi

	ئاۋال تىما ئېگىسىنىڭ ئەمگىكىگە رەھمەت! بۇ توغرىسىدىكى  بىرقانچە پارچە تارتىلغان ياكى تەقلىدى سۈرەتلەر! ----------------------------- ----------------------------------- ------------------------------------------ --------------------------------------- -------------------------------------------- -------------------------------------------- -------------------------------------------------- تەسۋىرلەپ ئىشلەنگەن كىنو ياكى ئۇيۇنلار! ------------------------------------- --------------------------------- ------------------------------------ ------------------------------------------ --------------------------------------                 - تامام            - رەھمەت

Muslim_Padichi

	545007486 يوللىغان ۋاقتى  2014-5-23 02:14 PM سۈرەتلىرى بولسا كورۇپ باقسام بوپتىكەن ئاۋال تىما ئېگىسىنىڭ ئەمگىكىگە رەھمەت! بۇ توغرىسىدىكى  بىرقانچە پارچە تارتىلغان ياكى تەقلىدى سۈرەتلەر! ----------------------------- ----------------------------------- ------------------------------------------ --------------------------------------- -------------------------------------------- -------------------------------------------- -------------------------------------------------- تەسۋىرلەپ ئىشلەنگەن كىنو ياكى ئۇيۇنلار! ------------------------------------- --------------------------------- ------------------------------------ ------------------------------------------ --------------------------------------                 - تامام            - رەھمەت

ushqol

	51-رايون دەپ بىر كېنوسىمۇ بارغۇ ئامرىكىنىڭ ......