غەزەل

kirani

	ئەسسالامۇئەلەيكۇم قېرىنداشلار.ئاز بولسىمۇ بىر غەزەل يازغانتىم،كۆرۈپ ھۇزۇرلانغاچ پىكىر بېرەرسىلەر. بىل يىگىت ئەركەكلىكىڭ ئەۋلادقا ئەنداز بولغۇسى، ئىز بىسىپ ئوغلانلىرىڭ،ئەل يۇرتقا پەرداز بولغۇسى. ئەل ــ ۋەتەن دەپ رەنجى مېھنەتتە ئۇزاتقان قىشلىرىڭ، بول ئۈمىدۋار،بىر كۈنى خەلقىڭ ئۈچۈن ياز بولغۇسى. بەس شۇڭا،چۆللەر ئارا،كۈلپەتتە قالساڭ رەنجىمە، كەلگۈسى باسقان ئىزىڭ،بەلكىم پايانداز بولغۇسى. ھىممىتىڭ ــ روھىڭدا ياڭرايدۇ ئېلىڭنىڭ كۈلكىسى، سەن ياراتقان تۆھپىدىن ئەۋلادلىرىڭ ماز بولغۇسى. «ئات ئىزىنى تاي باسۇر» ئېيتقان ئەجەپ ھېكمەت ئىكەن، سەن نىچۈكتۇرسەن،ساڭا ئوغلانلىرىڭ ماس بولغۇسى. ئى قىرانى،بىتۇيۇق مىندىڭ قەلەم تۇلپارىغا، كى خۇدايىم بەرسە ئوغلۇڭمۇ چەۋەنداز بولغۇسى.                                                                                              2014-5-22 ئەسكەرتىش: سەن ياراتقان تۆھپىدىن ئەۋلادلىرىڭ ماز بولغۇسى. بۇ مىسرادىكى ماز سۆزى زوقلىنىش،ئىپتىخارلىنىش،پەخىرلىنىش …دىگەندەك مەنىلەردە كىلىدۇ. بىزنىڭ تۇرپان شىۋىسى. ھازىرمۇ بەك كەڭ قوللىنىلىدۇ. ۋاقىپ بولۇنغاي.مەسىلەن: يارىم ماڭا ناز قىلۇر، كۈلۈپ مىنى ماز قىلۇر. يار قەدرىنى بىلمەيسەن، زىمىستاننى ياز قىلۇر. ئاچىل دىن. ئابدۇخالىق ئۇيغۇر شىئېرى.

wolkan0998

	غەزەلمۇ ياخشى يېزلىپتۇ  ئەسكەرتىشنىمۇ ياخشى بېرىپسىز بولمىسا  مەنمۇ خاتا چۈشۈنۈپ قالاكەنمە

nurihsan55

	misken.cn يوللىغان ۋاقتى  2014-5-23 12:21 AM ماز سۆزى زوقلىنىش،ئىپتىخارلىنىش،پەخىرلىنىش ؟؟؟ توۋا  ... مەنمۇ شۇ  قېرىندىشم

تەقدىر07

	قەشقەردىكى مەنىسىدىن تۇرپاندىكى مەنىسى ياخشىكەن .غەزەل ياخشى چىقىپتۇ.

zohran1

	ئېسىل چىقىپتۇ.سىزگە ئاپىرىن قىرانى

kirimjanyasin

	ياخشى يېزىلىپتۇ..رىتىم،تۇراقلىرى،رەزىنلىرى جايىدا كەپتۇ

kirimjanyasin

	ۋەزىنلىرى ياخشى كەپتۇ

Janbar

	«ئات ئىزىنى تاي باسۇر» ئېيتقان ئەجەپ ھېكمەت ئىكەن، سەن نىچۈكتۇرسەن،ساڭا ئوغلانلىرىڭ ماس بولغۇسى. بۇ بىيىتتتىكى قاپىيە سۆزى غەزەل رەۋىسىگە ئوخشاشماي كەلگەن، ئالماشتۇرۇش مۇمكىنمۇ؟ يەنى سەرۋاز، ئەلپاز، دەمساز،پەرۋاز، ئۇستاز سۆزلىرىنى قاپىيە ئورنىدا كۆرۈپ باققايسىز!

kirani

	Janbar يوللىغان ۋاقتى  2014-5-23 09:37 PM «ئات ئىزىنى تاي باسۇر» ئېيتقان ئەجەپ ھېكمەت ئىكەن، سەن ... ھەقىقەتەنمۇ شۇ بىيىت باشقا كوپلىتلارنىڭ ئىزچىللىقىغا سەل ماسلىشالمىغان ئىدى…مەن يەنە بىر كۆرۈپ باقاي،رەھمەت.