مۇئەللىمنى تىللايمەن

alxir552

	مۇئەللىمنى تىللايمەن توشتى ۋاقىت-سائىتىم مۇئەللىمنى تىللايمەن، تۈزۈت قىلماي بۇ قېتىم مۇئەللىمنى تىللايمەن. كەپ قالدىغۇ نۆۋىتىم مۇئەللىمىنى تىللايمەن، قايرىپ قويۇپ ھۆرمىتىم مۇئەللىمنى تىللايمەن، ئەمدى يوقتۇر تاقىتىم مۇئەللىمنى تىللايمەن. يېڭى كەلگەن قىز ئىكەن قاراپ باقسام بىركۈنى، ئوخشاتمىدىم تۇرقىدىن مۇئەللىمگە ھېچ ئۇنى. ئۆزى قانداق بىر ئىنسان، بىلمەمدىكىن يا بۇنى؟ باغۋەنگە خاس غورۇرى، ۋىجدان، ئەخلاق، روھ قېنى؟ ئەمدى يوقتۇر تاقىتىم مۇئەللىمنى تىللايمەن. مەن بالامغا ئانا تىل ئۆگىتەلمەي ئاۋارە، ئۆيدە بولسا مەيلىغۇ، مەكتىپىدە نە چارە. «مېنى لاۋشى دېگىن» دەپ مۇئەللىمى سەكپارە، قانداق ئاتاش بىلەلمەي سەبىي بالام بىچارە، ئەمدى يوقتۇر تاقىتىم مۇئەللىمنى تىللايمەن. بۇيرۇپتىكەن بىر نومۇر قويۇش ئۈچۈن بايرامغا، «ئاپام مېنى ئاي دەيدۇ» ئۆگەتتىم مەن بالامغا. بىر كۆرۈپلا ئېيتىپتۇ «ماسلاشماپتۇ زامانغا»، ئوينا «گاڭنام سىتايىل» ياكى «ياڭ ياڭ بوۋام» غا، ئەمدى يوقتۇر تاقىتىم مۇئەللىمنى تىللايمەن. تەكلىپ قىپتۇ بايرامغا، باردىم بالام كۆرگىلى، ئادەممۇ يا مايمۇنمۇ بولماس لېكىن بىلگىلى. يوقمىكىنە بازاردا تۈزۈك كىيىم كەيگىلى، ئۆز بالامدىن نومۇس قىپ قالدىم تاسلا ئۆلگىلى، ئەمدى يوقتۇر تاقىتىم مۇئەللىمنى تىللايمەن. «روھىمىزغا ئىنژېنېر» دېگەن «ئەخمەت» بوۋىمىز، لېكىن روھنى بۇلغىسا ئەمدى قانداق قىلىمىز؟ قاچانغىچە ئەۋلادقا ئىگە بولماي يۈرىمىز؟ ماختاۋەرمەي بەزىدە تىللاشنى ھەم بىلىمىز، ئەمدى يوقتۇر تاقىتىم مۇئەللىمنى تىللايمەن. ئۆز قەلىمىم بەلكىم بەزى قېرىنداشلار سەل ئاشۈرۋەتتىمۇ نېمە دەپ ئويلاپ قېلىشى مۇمكىن. لېكىن ھازىر بۇنداق كۆرۈنىشلەر تېلىۋىزوردا ئەمەس يېزامدىكى يەسلىدە يۈز بېرىۋاتىدۇ.

تىمتاس123

	(ساتىرا)                    ق. روزى(تىمتاس) مەن بۇ شىئىرنى مائارىپتىكى بەزى بىر شاللاق جان باقتى بىچارىلەرگە بىغىشلايمەن.ئۇلۇغ تۆھپىكار ئۇستازلار بۇنىڭدىن مۇستەسنا ئىنشا ئاللا.ئۇلارغا بىز ھۆرمەتتە ،پۈتۈن دۇنيا ھۆرمەتتە. سۈرۈم يامان ئۆزگىچە ،كۈلمەيدىغان مۇئەللىممەن. روھىم ئۆچكەن نۇرانە كۈيمەيدىغان مۇئەللىممەن. خەلقىم دەيمەن يۈرەكتىن سۈيمەيدىغان مۇئەللىممەن ئاقنى قارا قىپ قويۇپ كۈرمەيدىغان مۇئەللىممەن خىجىللىقىم بار لىكىن ئۈلمەىدىغان مۇئەللىممەن. ۋەزنى ئىغىر سۆزۈمنىڭ جان بىقىشتۇر شۇئارىم. ئۆزنى ئۇنتۇپ ئۆزگىنى بولدى ماختاش خۇمارىم. بولسا رىزقىم زىيادە تىلىگىم شۇ دۇئارىم. بەخىت كۆردۈم ھەم شۇنى كەچۈرۋىتەر خۇدايىم. زالالەتكە قاپاقنى تۈرمەيدىغان مۇئەللىممەن. يۈرسەم دەيمەن ئۆزگىچە ،سەيلىگاھقا بارغۇ بار. چىقسا ماشىم بارىغا مودا كىيىم ئالغۇم بار. قىنىپ ئويناپ دىبادا مەي شاراپقا قانغۇم بار ئۆزلۈك شۇئار لىۋىمدى ئۆزلىكىمدىن تانغۇم بار. ئىزا تارتماي ئەجداتتىن سۆزلەيدىغان مۇئەللىممەن. يوق بالىلار كىچىكمەي كەلسە مەندىن قورقىشى. تارتىلمىسا نومۇر ھەم مەيلى ناگان يوقىشى. يۈرسە دەيمەن تۈزۈمدە ،ئىغىر كىلەر سوقىشى. ئۇنداقلارنى ھەيدەيمەن بولسۇن ياخشى ئوقىشى. ئىناقلىقنى ھەر زامان كۈيلەيدىغان مالىممەن تارىخچىمەن سۆزلىمەس ئوقۇش كىتاپ قەرىزىم. قۇرۇق پاراڭ سىتىش ھەم كۈن ئۈتكۈزۈش پەرىزىم. چىقماس تولۇق ئايلىغىم يۇقۇرغا بار ئەرىزىم. دەرىس ئاڭلاش بولسا گەر شۇ كۈن بۇلۇر نەزىرىم چاندۇرمايمەن بارچىنى ئوڭلايدىغان مۇئەللىممەن. مىسلى كەتكەن تارىخنىڭ ئەجداتلارنىڭ ئىزى مەن، بوۋىلارنىڭ ئۈمۈدى ئەۋلاتلارنىڭ يىزى مەن. مەن يىقىلسام تۇرالماس ئۇيغۇرۇمنىڭ تىزى مەن. سۆيگۈسى مۇڭ مۇقەددەس نەۋ باھارنىڭ سىزى مەن. شۇ سازغا ئۇز قەلىپ كۈي ،تۆكمەيدىغان مۇئەللىممەن.

شرئەلى118

	مائاش ئۈچۈن ئىشلەيدىغانلار ئازايسا  ، كەلگۈسىمىز پارلاق بولاتتى

fayeza

	‏راسلا شۇنداق بولۋاتىدۇ ،مۇئەللىم دىگەن پەقەت بىرەر نەرسە ئۈگەتكەن بىلەنلا ئەمەس بەلكى يۈرۈش-تۈرىشى،ئەدەپ-ئەخلاقى بىلەن ئوقوغۇچىلارغا ئۈلگە بولغاندا ئاندىن ھەقىقى ھۆرمەتكە سازاۋەر بىر  تەربىيلىگۇچى بولىدۇ .

fayeza

	‏راسلا شۇنداق بولۋاتىدۇ ،مۇئەللىم دىگەن پەقەت بىرەر نەرسە ئۈگەتكەن بىلەنلا ئەمەس بەلكى يۈرۈش-تۈرىشى،ئەدەپ-ئەخلاقى بىلەن ئوقوغۇچىلارغا ئۈلگە بولغاندا ئاندىن ھەقىقى ھۆرمەتكە سازاۋەر بىر  تەربىيلىگۇچى بولىدۇ .

چاقنار

	ياخشى يېزىپسىز،،ھازىرقى ۋەزىيەتتە  تىللايدىغان ئەمەس ئۇرۇشقا لايىق ئوقۇتقۇچىلارمۇ با ئوخشايدۇ،بەزى ئوقۇتقۇچىلارنىڭ خىزمەت قىلىشى نوقۇل پۇل ئۈچۈندەكلا،،ئوقۇغۇچى بىرنىمە ئۆگەندىمۇ يا نېمىش قىلدى كارى يوق، سۆزلەۋاتقان دەرسنى ئوقۇغۇچىلار چۈشىنىۋاتامدۇ بىغەم سىنىپتىكى پارتا ئورۇندۇقلارغا دەرس سۆزلەۋاتقان .يەنە ھەددىدىن ئارتۇق تەن جازاسى بېرىدىغان ئوقۇغۇچىلارنىڭ كىشىلىك قەدىر قىممىتىگە ھۆرمەت قىلمايۋاتقان  ئەھۋاللارمۇ يوق ئەمەس. ئەلۋەتتە ھەممە ئوقۇتقۇچىلارنى بىر ھەيدىۋەتكىنم يوق،ھەقىقى ئىنسانىيەت روھىنىڭ ئىنجىنىرى دېگەن نامغا لايىق ئېسىل مۇئەللىملىرىمىزمۇ  نۇرغۇن،. بىزنىڭ يۇرتتىكى بىر مەكتەپتە ئوقۇغۇچىلارنىڭ بىرلىشىپ  مۇئەللىمنى  زەنجىر بىلەن باغلاپ ئۇرغانلىقىنى ئاڭلاپ  ھەيرانۇ ھەسلىكتە  يۇقىرىدەك خىياللارنى قىلىشىم،مۇئەللىملەردە كىشىلىك ساپا قالمىدىمۇ ياكى،ئوقۇغۇچىلار زوراۋانلىشىپ كەتتىمۇ؟

sewdaye1

	بىزنىڭ بۇ يەردە يەسلى ئوقۇتقۇچىلىرىنىڭ كىيىملىرى بىرخىللاشقان. ھەممىسى بالىلار كىيىملىرى ئۇسلۇبىدا كىيىنىدۇ.  ھىس قىلىشىمچە گىرىم قىلىشىغىمۇ چەكلىمە قويىدىغان ئوخشايدۇ. لىكىن بىر يىرى پەقەتلا ئۇيغۇرچە ئۈگەتمەيدىغاندەك ھىس قىلدىم. مەلىمىزدىكى كىچىك بالىلارنىڭ يەسلىدىن قايتىپ كىلىپ بىرەر ئۇيغۇرچە ناخشا ياكى قوشاق ئېيتقىننى ئاڭلىمايمەن. توختىماي خەنزۇچە ناخشا قوشاقلارنى ئېيتىشىپ، غەلىتە بىر خىل ئويۇنلارنى ئوينىشىپ يۈرىدۇ. ياخشى يىرى بولسا ئۇلار مۇئەللىمىنى لاۋشى دىمەيدىكەن ئاپا دەيدىكەن.

FIRDEWIS

	نادىر تېما！

Uyghurbufet

	مۇئەللىملەر ئەلۋەتتە گەپ -سۆزدە ، يۈرۈش -تۇرۇشتا، كىيىم-كىچەكتە باللارغا ، جەمىيەتكە ئۈلگە بولۇشى كىرەك…… ئەمما مەكتەپلەردە << لاۋشى نى خاۋ>>……دەپ ئۈگەتكەننى مۇئەللىملەردىن كۆرۈش……ھازىرقى مائارىپ سىياسىتىنى چۈشەنمىگەنلىك……ھەرقانداق مۇەللىمنىڭ ئۆز تىلىدا ئۈگەتكىسى بار…… ئانا تىل ئۈگەتمىدىڭ دەپ مۇئەللىملەرنى تىللاش……ئىشەككە كۈچۈڭ يەتمىسە ، ئۇر تۇقۇمنى ……دىگەندىن باشقىسى ئەمەس

ئۇزقىز

	نىمە دىگۈلۈك؟ بەزى گەپلەرنى دېمەك..ھەي! ئوقۇتقۇچىلارنى تىللىمايلى، ئۇلار پەقەتلا باشقۇرۇلغۇچى.