|
|
|
|
ئالدامچىنىڭ ئادەمنى، ئالداشلىرى ئاساندۇر. ئالدىغاننىڭ ئازابى، ئاخىرەتتە ئاياندۇر. ****************
ئەدەپ-ئەخلاق ئەزەلدىن، ئەينىكىدۇر ئەمەلنىڭ. ئەلنى ئەزگەن ئەمەلدە، ئەشەددىيسى، ئەمەلنىڭ. *******************
مەيخۇمارلارمەستلىكە، مەينەتلەرگە مىلىنەر. ماڭدامدامىڭ مۈدۈرۈپ، مىژىلدايدۇ مىڭىلەر. ****************
پىخسىقلارنىڭ پىخسىقى، پۇرچاقنىمۇ پارچىلار. پۇل پوملاشتۇر پىلانى، پۇڭچەنگىمۇ پىرقىرار. *****************
تەييارتاپلار تىرىشماي، تەييارنىلا تالايدۇ. تۆشەكلەرگە تاشلىنىپ، توڭرىسىنى تاتلايدۇ. ****************
يالغانچىلار يالغاننى، يۈزسىزلەرچە ياسايدۇ. ياخشىلارنى يامانلاپ، يۈرەكلىرى ياشنايدۇ. ******************
چېقىمچىلار چىدىماس، چاقنىغاننى چاقىدۇ. چىمەنلىككە چىدىماي، چاتقاللىقنى چاتىدۇ. ****************
ھورۇنلارنىڭ ھۈنىرى، ھەرىكەتسىز ھالەتتۇر. ھېرىسلەنمەي ھۈنەرگە، ھالسىرايدۇ،ھالاكتۇر. ********************
قويمچىنىڭ قىلىقى، قىلتاق-قاپقان قۇرۇشتۇر. قويمىچىغاقويۇلغان، قاراقىسمەتكەقاراردۇر. *****************
ئوما ئورار ئوسمانجان، ئومىقىنى ئويلايدۇ. ئومىقىدۇر ئولىسمان، ئۇيۇنىنى ئوينايدۇ. ***************
ساۋاتسىزنىڭ سىياقى، سالپا-ساياق ساراڭدەك. سانىلالماس سۈلكەتلىك، سۆرىلىدۇ سازاڭدەڭ. *****************
ھۈنەرلىكلەر ھېچقاچان، ھۇلۇقمايدۇ ھۆرمەتلىك. ھېرىسلەنگەچ ھۈنەرگە، ھەركەتلىرى ھىممەتلىك. *******************
يالاقچىلار يۇقۇرىنڭ، يالىقىنى يالايدۇ. يىقىتماققا ياخشىنى، يالغان-ياۋداق ياسايدۇ. *******************
ھەسەتخورلارھامانە، ھالسىرايدۇ ھەسەتتىن. ھاڭغا ھۈرەر ھەقنىمۇ- ھوقۇشلاردەك ھوۋلاشتىن. *******************
ساختىپەزلەر سۆزىنى، سىلىق-سىپايە سۆزلەيدۇ. سەزدۈرمەستىن ساختىلاپ، سىرىتماققا سۆرەيدۇ. ******************
يىتىملارنى يىغلاتماڭ، يۈرىكىدە يارسى. يۈرۈڭ يېقىن ياردەمدە، ياتسىراتماڭ ،ياخشىسى. *******************
داۋالايدۇ داخانلار، دەيۈزلەرچە دەرتمەننى. دىيانەتلەر دەپسەندە، دەستەكلەيدۇ دۇرۇتنى. *****************
دارىتمىلاپ دوختۇرنى، دۇئاسىنى داڭلايدۇ. دۆتلەشكەنلەر دۈرۈلدەپ، داخانلارغا داتلايدۇ. *******************
مازاقلىماڭ مېيىپنى، مېيىپلارمۇ مەشھۇردۇر. مېيىپلارنى مەنسىتمەي، مۇشىتلىغانلار مەرەزدۇر. *******************
پارىخورلار پىتنىخور، پەمىلەيدۇ پۇل-پىچەك. پۇتلىماققا پېقىرنى، پىرقىرايدۇ ،پاي-پىتەك. *********************
ماختانچاقلار ماختىنپ، مەيدىشىنى مۇشىتلايدۇ. مەۋجۇتلىقى مېۋىسىز، مەۋقەسىنى مورلايدۇ. ******************
ئىگىلەڭلار ئىلىمىنى، ئىزدىنىشتىن ئىمتىياز. ئىشەنچىسىز ئىلىمسىز، ئىلىملىكتە ئىپتىخار. ******************
شەھۋانىيلىك،شاللاقلىق، شەكلەندۈرەر شەنىڭنى. شىرىن-شىكەر شەرەپلەر، شاۋقۇنلىتار شۆھرەتنى.
******************
زىبالارغا زوقلىنىپ، زورۇقمىغىن زىيادە. زىغىرلايدۇ زاتىڭنى، زارلانمىغىن زىنھارە. ***************
غەيۋەتخورلار غەليانلاپ، غالىپلارغا غوتۇلدار. غەمكىنلىشىپ غەيۋەتتىن، غۇچۇرلىدى غورۇرلار. *******************
ئاپتۇرى:كىرىمجان ياسىن(زەپەر) بۇ يازمىنى ئاخىرىدا kirimjanyasin تەھرىرلىگەن. ۋاقتى 2014-5-21 08:46 PM
|
|
|
|
|
|