ياقتۇردىڭىزمۇ؟ (2)

nurjahan0997

	پاشا يازدا چاقسا،ھەرە كۈزدە چاقسا،پىت-بۈرگە قىشتا چاقسا،يىلان ئەتىيازدا چاقسا،لېكىن مۇشۇ ئادەمزە پەسىل تاللىماي چېقىۋېرىدۇ.   بەندىگە بالا كەلمەس اللە يازمىغۇچە،اللە بالا يازماس بەندە ئازمىغۇچە.     ئەينەك چېقىلسا سۈپۈرۈپ تاشلىۋەتكىلى بولغان بىلەن يۈرەك چېقىلسا تاشلىۋەتكىلى بولمايدىكەن....يىراق ئادەملىرىڭدىن كەلگەن زەربە ئېقىن سۇدەك ئېقىپ كەلگىنى بىلەن،يېقىن ئادەملىرىڭدىن كەلگەن زەربە يۈرۈكىڭگە مىخ بولۇپ سانجىلىدىكەن.   سۈكۈتۈم ئېسىللىقىمدىندۇر،ھەربىر سۆزگە بېرىدىغان جاۋابىم بار لېكىن بىردە گەپكە قارايمەن گەپمۇ دەپ،بىردە سۆزلىگەنگە قارايمەن ئادەممۇ دەپ!!!   ئاياللار ئەرلەرنىڭ قوۋرۇغىسىدىن يارىتىلغان.ئۈستۈن تۇرۇش ئۈچۈن بېشىدىن ئەمەس،ئاياق ئاستى قىلىش ئۈچۈن پۇتىدىن ئەمەس،بەلكى باراۋەر بولۇش ئۈچۈن يان تەرىپىدىن،ئۇنىڭ قوغدىلىشى ئۈچۈن بىلىكىنىڭ ئاستىدىن،ئۇنىڭ سۆيۈلىشى ئۈچۈن يۈرىكىنىڭ يېنىدىن يارىتىلغان      ئادەمنىڭ ئىمانى كۈچلەنگەنسىرى ئۇنىڭ سۆزلىرى سىلىقلىشىدۇ،ھەدىستە شۇنداق دەيدۇ:بەندىنىڭ ئىمانى قەلبى تۈزلەنمىگۈچىلىك تۈزەلمەيدۇ،تىلى تۈزلەنمىگۈچىلىك قەلبى تۈزلەنمەيدۇ..... شۇنداق ئادەملەر باركى سەن ئۇلار ئۈچۈن ئون بارمىقىڭنى شام قىلىپ ياندۇرۇپ ھاياتىنى يۇرۇتۇپ تۇرىۋاتقىنىڭدا بىر بارمىقىڭ ئۆچۈپ قالسا توققۇز بارماقنى ئۇنتۇپ ئۆچكەن بىر بارماق ئۈچۈن سەندىن ھېساپ ئالىدۇ......!   ئارقىغا قارىماڭ،ئارقىدا سىزنى بىئارام قىلىدىغان ئۆتمۈش بار،ئالدىڭىزغا قارىماڭ،ئالدىڭىزدا سىزنى ئەنسىزلىككە سالىدىغان كېلەچەك بار لېكىن ئۈسىتىگە قاراڭ، ئۇ يەردە سىزنى بەخىتلىك قىلىدىغان رەببىڭىز بار....! ھېسىيات جىنايەتكە،كۆز خىيانەتكە،ئەقىل ھىدايەتكە باشلايدۇ......سەن ئۆتمۈشۈڭگە جاۋاپكار،بۈگۈنىڭگە خوجىدار،كەلگۈسىڭگە جاۋاپكارسەن.   بىز بەش نەرسىنىدەپ بەش نەرسىدىن ئايرىلىپ قېلىۋاتىمىز: پۇلنى دەپ ھالاللىقتىن،گۈزەللىكنى دەپ ھايادىن،ئىشرەتنى دەپ ھاياتتىن،خوتۇننى دەپ ئاتا-ئانىدىن،مىراسنى دەپ قېرىنداشتىن.   مۇھاببەتلىشىش ئاپتۇبۇسقا چىققانغا ئوخشايدۇ،چارچاپ قالسىڭىز ۋە زېرىكسىڭىز يېرىم يولدا چۈشىۋالسىڭىز بولىدۇ لېكىن نىكاھ ئايرۇپىلانغا چىققانغا ئوخشايدۇ،مەيلى چارچاڭ ياكى زېرىكىڭ سىز يېرىم يولدا چۈشۈپ قېلىشقا ئامالسىز......   سۆيگەنگە شۈكرى قىلمايمىز،سۆيمەيدىغاننىڭ ئارقىسىدىن كۈچ ئۇلاپ يۈگىرەيمىز،مانا بۇنى ئوققا تۇرماي پوققا تۇرۇش،ئۆز بەختىگە خالادا ئولتۇرۇش دەيمىز.   ياخشى كۆرگەن ئادىمىڭىزنى باشقىلارغا سېلىشتۇرۇپ يۈرمەڭ،دۇنيادا ئوپمۇ-ئوخشاش يۇپۇرماق يوق،توزنىڭ جۇلالىق قانىتى بولسىمۇ ئۇنىڭ بۇلبۇلدەك ناۋاسى يوق......!   كۆڭلۈمنىڭ تىلىمغا ئاچچىقى بار،تىلىمنىڭ كۆڭلۈمگە.كۆڭلۈم تۇيغۇلىرىنى چۈشەندۈرەلمىگەنلىكى ئۈچۈن تىلىمغا غەزەپ قىلغىنىدا،تىلىم چۈشەندۈرەلمىگۈدەك نەرسىلەرنى ئويلىغىنىم ئۈچۈن كۆڭلۈمگە قەھىر قىلىدۇ. ئۇيقۇنى قەبرىگە،ماختىنىشنى تارازا-مىيزانغا،خاتىرجەملىكنى سىرات كۆۋرۈكىگە،ئارزۇ-ئۈمىدنى جەننەتكە قالدۇرۇڭ.   ئالقىنىمنى يوغان ئاچتىم،تۇتىۋېلىپ قويىۋەتمىگەن ھەممە نەرسىلەرنى تاشلىۋېتەي،ماڭا تەئەللۇق نەرسە ھامان مېنىڭ،ماڭا تەئەللۇق بولمىغان نەرسىنى ھەر قانچە چىڭ سىقىمدىساممۇ ئۇ بارماقلىرىم ئارىسىدىن چىقىپ كېتىدۇ.   بىر چاي تولدۇرماڭا،ھاياتىم كەبى قۇيۇق بولسۇن،شېكەر سالما ئىچىگە دەردىم كەبى ئاچچىق بولسۇن،چىقار قوشۇقنى ئىچىدىن ماڭا ئوخشاش يالغۇز بولسۇن. يۈرىكىڭ ئۆزگەرسە پوزىتسىيەڭ،پوزىتسىيەڭ ئۆزگەرسە ھەرىكىتىڭ،ھەرىكىتىڭ ئۆزگەرسە ئادىتىڭ،ئادىتىڭ ئۆزگەرسە ئادىمىيلىكىڭ.ئادىمىيلىكىڭ ئۆزگەرسە تەقدىرىڭ،تەقدىرىڭ ئۆزگەرسە ھاياتىڭ ئۆزگىرىدۇ....!   ھاياتىمغا كىرىمەن دېسەڭ ئىشىك ئوچۇق،ھاياتىمدىن چىقىپ كېتىمەن دېسەڭمۇ ئىشىك ئوچۇق لېكىن بىر تەلەپ: ئىشىك ئالدىدا تۇرىۋالما،باشقىلارنىڭ يولىنى توسۇپ قويىسەن. بىز پۇتلىرى ئىششىپ كەتكۈچە ناماز ئوقۇيدىغان پەيغەمبەرنىڭ كۆزلىرى ئىششىپ كەتكۈچە ئۇخلايدىغان ئۈممەتلىرى بولۇپ قالدۇق،ئاخىرەتلىكىمىز ئۈچۈن ياخشى تەييارلىق قىلايلى قېرىنداشلىرىم،شۇنداق بىر كۈنلەر كېلىدۇكى ھېچنەرسە بىزگە ئەسقاتمايدىغان........ ھېچقانداق ئادەم ھاياتىمىزغا شۇنداقلا كىرىپ قالمايدۇ،بەزىلەر ئىمتىھان،بەزىلەر جازا،بەزىلەر ئاللاھنىڭ ھەدىيەسىدۇر......!   ئارتۇقچە گۇمانخورلۇق قىلماڭ،ھېچكىم پەرىشتىدەك ساپ ۋە پاك ئەمەس ئۆزىڭىزمۇ شۇنىڭ ئىچىدە،بۇ دۇنيا جەننەت ئەمەس،بۇ دۇنيانى جەننەت قىلىپ ئۆزگەرتىشكىمۇ ئىنتىلمەڭ،چۈنكى جەننەتنىڭ ئورنى بۇ دۇنيادا ئەمەس،پەقەت ئاشۇ جەننەتنىڭ ساھىبى بولۇشقا تىرىشىڭ،خۇددى ھەممىمىز مۇكەممەللىككە ئىنتىلگندەك!!!    مەنبە:ساقلىۋالغانلىرىم.

گۆزەل

	مەن بەكمۇ   ياقتۇردۇم، ساقلىۋالاي

WENAS@

	ھەجەپمۇ ئېسىل دۇردانىلارنى ساقلىۋاپسىزغۇ، مەنمۇ ساقلىۋالايچۇ. يەنە مۇشۇنداق ساقلىۋالغان كونا خاتىرىلەر بولسا چىقىرىڭە، بىزمۇ تەڭ بەھىرلىنەيلى.

tuntaxvixi

	مەنمۇ ياقتۇردۇم، بۇ يەردىكىنىمۇ كۆرۈپ بېقىڭلاhttps://uyghur-archive.com/misranim/thread-119747-1-1.html

چاقنار

	بەك ئېسىل ھېكمەتلەركەن،،تولىمۇ ياقتۇردۇم

ئالمىچى

	ياقتۇردۇم رەھمەت

ئۇتغۇر

	يازمىڭىزنى ياقتۇردۇم، ئەمما...

yasenm

	ئاياللار ئەرلەرنىڭ قوۋرۇغىسىدىن يارىتىلغان.ئۈستۈن تۇرۇش ئۈچۈن بېشىدىن ئەمەس،ئاياق ئاستى قىلىش ئۈچۈن پۇتىدىن ئەمەس،بەلكى باراۋەر بولۇش ئۈچۈن يان تەرىپىدىن،ئۇنىڭ قوغدىلىشى ئۈچۈن بىلىكىنىڭ ئاستىدىن،ئۇنىڭ سۆيۈلىشى ئۈچۈن يۈرىكىنىڭ يېنىدىن يارىتىلغان بۇ  گەپ ماڭا  بەك  يارىدى.  شۇنداق ئويلايدىغان قىزلارنى اللاھ ئۆمىرىنى ئۇزۇن قىلسۇن .

musilina

	يۈرەككە ئورنىتىۋالغۇدەك،بىر -بىرىدىن ئېسىل دۇردانە ئۈنچىلەركەن....... بەكمۇ ياقتۇردۇم..... ئەجرىڭىزگە تەشەككۈر....

nurihsan55

	بەك ئېسىلكەن       سىزگە رەھمەت     بەك ياقتۇردۇم  ھەر ۋاقىت يوللاپ تۇرارسىز   ! !! !!