چوڭ بولمامسەن زادىلا
ئاڭلاپ بەزى گەپلەرنى قايناپ قالدىم شۇندىلا،
يازماي دېگەن ئەسلىدە يېزىپ سالدىم بولدىلا.
بەزىلەرگە ھەق ئىكەن تىل – ئاھانەت بۇندىلا،
ھەر ئادەمنىڭ كەينىدە پىتنە – پاسات گەپ تولا،
يېشىڭغۇ چوڭ ۋە لېكىن چوڭ بولمامسەن زادىلا.
«ئەيدىز مەن» دەپ يازسام گەر ئەيدىزكەن دەپ ئويلىساڭ،
«جىنايەتچى» دەپ يازسام گۇناھىمنى سورىساڭ.
«خۇشامەتچى»، «تەخسىكەش» دەپ سالسامغۇ قوغلىساڭ،
«كېسەل» دېسەم ئۆزۈڭچە لوقمان ھەكىم دورىساڭ،
يېشىڭغۇ چوڭ ۋە لېكىن چوڭ بولمامسەن زادىلا.
«سەرگەردان» دەپ سۆزلىسەم دەيدىكەنسەن مۇساپىر،
«بىناماز» دەپ يازسامغۇ شۇئان «يوقال، ۋۇ كاپىر».
ھەممە ئىشقا چات كېرىپ بولامتىڭ يا باھادىر،
بىر كىشىنى ئايرىشقا ئادەم زاتى بىقادىر،
يېشىڭغۇ چوڭ ۋە لېكىن چوڭ بولمامسەن زادىلا.
بىلەرمەننىڭ دەستىدىن گاچا بولۇپ ئۆتەيمۇ؟
نادان بىلەن تەڭ بولۇپ ئاۋارە بوپ يۈرەيمۇ؟
ياكى كاللاڭ ئېچىلىپ، چوڭ بولۇشۇڭ كۈتەيمۇ؟
كۈدە – كۆرپە يۈدۈپلا سەندىن نېرى كېتەيمۇ؟
يېشىڭغۇ چوڭ ۋە لېكىن چوڭ بولمامسەن زادىلا.
ئۆز قەلىمىم
ئەمدى ئارتۇقچە سۆز بىھاجەت دەپ ئويلىدىم. ئاسانلا ھاياجانلىنىدىغان، ھەممىنى راست دەپ چۈشىنىۋالىدىغان قېرىنداشلار بېشىڭلىنى سىلكىۋىتىپ بىر ئوقۇپ باقارسىلەر.
بۇ يازمىنى ئاخىرىدا alxir552 تەھرىرلىگەن. ۋاقتى 2014-5-21 05:57 PM
يوللىغان ۋاقتى 2014-5-21 05:55:21 PM
.gif)
.gif)
ساقلاپ باقايلى مەيدانىنى ئۆزگەرتىپلا قۇرۇق چىندە چاي بار دەيدىغاندىن بىرسى كەپ قالىدۇ ھېلى .gif)
.gif)
