ئېمىل دەريا بويلىرىدىن شىخو دىيارىغىچە ...

abaytarim

	ئېمىل دەريا بويلىرىدىن شىخو دىيارىغىچە ...       ( دۆربىلجىن ناھىيىلىك 1 -باشلانغۇچ مەكتەپتىن شىخو شەھەرلىك 6 - باشلانغۇچ مەكتەپكە زىيارەت ، تەجرىبە ئالماشتۇرۇش ئۈچۈن كەلگەن ئابلاھەت ، ئاينۇر ، دىلبەر ، خەمىت ، مەردانلارنىڭ قۇتلۇق قەدەملىرىگە بېغىشلايمەن) خۇش كەپسىلەر ئۇستازلار ...                         ئېمىل دەريا بويلىرىدىن ھارماي كەلدىڭلار ،               دۆربىلجىننىڭ سالامىنى ئېلىپ ئۇستازلار ،               قارشى ئالار قارا سۇ  كېلىپ تۇرۇڭلار ،               ئۆگېنەيلى بولۇپ بىز ئۇستاز - شاگىرتلار  .                                    ئىزناسى بار قەدىمىي يۇرت ، قاراسۇ ھەم دۆربىلجىن ،                                    بۇ ماڭا گۇۋاھ تەڭرىتاغ ، ئېمىل دەريا سۆزۈم چىن .                                    ئىلىم ئىزلەپ بوۋام مەھمۇد ، ئۆتكەن ئېمىل قېشىدىن ،                                    ئوقۇپ كۆرگىن ئىشەنمىسەڭ « دېۋان لۇغەت تۈرك » تىن .           «قارا ئېمىل » قىيا تاش رەسىملىرى مەشھۇردۇر ،           سىرى تېخى ئېچىلماي تۇرار ئۆزى بەك مەغرۇر .           «كونا تۈگمەن » ، « قارادۆڭ » ئۇيغۇرۇمنىڭ ئىزناسى ،           ئۆگەن ! ، ئىزدەن ! ، تىرىشقىن ، بار ئۇ يەردە كۆپ دەستۇر .                                دۆربىلجىندە كۆز ئاچتى ، يېتۈك زۇنۇن قادىرى ،                                ئەسىرىدە بار ئىدى « جاھالەتنىڭ جاپاسى » .                                « غۇنچەم » ، « گۈلنىسا » ئۇچرىشالماي ئارماندا ،                                 يۇتتى ئەسىر دەرت - ئەلەم ، بېرىشەلمەي تەسەللىي .            « ئارسلان » (1) دەك شائىرلار چىقىپ تۇردى بۇ يۇرتتىن ،            ئوقۇتايلى ئەۋلادنى چىقىپ تۇرسۇن كۈنسايىن .            خۇش كەپسىلەر ئۇستازلار ، سىلەرگە كۆپ ئاپىرىن ،            كۆز تەگمىسۇن دوستلۇققا ، قوندۇرمايلى چاڭ - چىۋىن .                               دوستلۇقىمىز ئاق قەغەز سىزىلمىغان ئاق پېتى ،                               سىزايلى بىز ئۇنىڭغا گۈلزارلىق بىر باغچىنى .                                دوستلۇقىمىز مۇزىكا ، يېزىلمىغان تېكىستتى ،                                يازايلى بىز بىرلىكتە ئېيتىلمىغان ناخشىنى .              ناخشىمىزدىن ياڭرىسۇن ، كۈلكە -شادلىق ، مەرىپەت ،              ناخشىمىزدىن ياڭرىسۇن ، ئىناقلىق ھەم سائادەت .              خۇش كەپسىلەر ئۇستازلار دۆربىلجىندىن سالامەت ،               يۈز كۆرۈشۈپ چۈشىنىش ، بىزگە پۇرسەت - غەنىيمەت .           (1)  دۆربىلجىندە تۇغۇلغان ئاتاقلىق شائىر ئارسلاننى كۆرسىتىدۇ .           مەنبە : كۆڭۈل ئىزھارىم .   ئەبەي تارىم . شەھىرى شىخو .                      2014 -يىل 5 -15 -كۈنى .             تولۇقلىما مەزمۇن (2014-5-20 06:44 AM): « غۇنچەم » بىلەن « گۈلنىسا » ئۇچرىشالماي ئارماندا . « بىلەن » چۈشۈپ قالغان . تولۇقلىما مەزمۇن (2014-5-20 02:54 PM): 2-كوبلىت 2- مىسرادىكى « بۇ ماڭا » ئەمەس ،   « بۇڭا » دەپ ئوقۇغايسىلەر .

XAHZAD

	ياخشى يېزىپسىز مۇمكىن بولسا ئىمىل دەرياسى توغرۇلۇق ئازراق چۈشەنچە بەرگەن بولسىڭىز راسنى دىسەم مەنمۇ بىلمەيدىكەنمەن بۇ دەريانى

abaytarim

	XAHZAD يوللىغان ۋاقتى  2014-5-20 01:25 AM ياخشى يېزىپسىز مۇمكىن بولسا ئىمىل دەرياسى توغرۇلۇق ئا ... ئېمىل دەرياسى دۆربىلجىننى كېسىپ ئۆتىدىغان قەدىمىي دەريادۇر .

nurihsan55

	دۆربىلجىن دىگەن قەيەر ئەمدى ؟

nijatkurban

	كىم كەلدى، نېمىگە كەلدى، نېمە ئىشلار بولدى؟ تەپسىلىي دېمەمسىز . داڭلىقراق كىشى بولسىغۇ ھە پالانى كەپتۇ دېسەك بولىدۇ، لركىن كەلگەنلەرنى بىز تونۇمىساق.

چاقنار

	ياخشى يېزىپسىز.،،

Ay_Henim

	قەيەرلەردىكى دەريا ئۇ مەن چۇشەنمەيدىكەنمەن

Ay_Henim

	چاقنار يوللىغان ۋاقتى  2014-5-20 10:42 AM ياخشى يېزىپسىز.،، سىز قەيەرگە بارسىڭىز ياخشى يېزىپسىز دىگەن سۆزدىن باشقا سۆزنى ئىشلەتمەمسىز ياكى كۇندە يادىلامسىز ، سىز مىنىڭچە تىمىلارنىڭ ئوقۇماي ياخشى يېزىپسىز دەپلا چىقىپ كىتىدىغاندەك قىلسىز

abaytarim

	nijatkurban يوللىغان ۋاقتى  2014-5-20 09:43 AM كىم كەلدى، نېمىگە كەلدى، نېمە ئىشلار بولدى؟ تەپسىلىي د ... كىمنىڭ ، نېمە ئىش بىلەن كەلگەنلىكىنى ئەسكەرتىپ بولدۇم . مەشھۇر شەخسلەردىن دۆربىلجىن 1 -باشلانغۇچ مەكتەپ ئوقۇتقۇچىلىرى كەلدى . ئۈستىگە يېزىپ قويدۇم . ئۇلار بىز ئۈچۈن ھەرقانداق مەشھۇر كىشىلەردىن قېلىشمايدۇ .