مىترودىكى تىلەمچىنىڭ ئىككى يۈرۈش ئۆيى بار

xopur

	مىترودىكى تىلەمچىنىڭ ئايلىق تاپاۋىتى 10 مىڭدىن ئاشىدىغان بولۇپ، ئىككى يۈرۈش ئۆيى بار ئىكەن ئىلگىرى نەنجىڭ مېتىروسىدا پارچە پۇرات نەرسىلەرنى ساتىدىغانلار، ساختا تالون ساتىدىغانلار شۇنداقلا يەنە يولۇچىلارنىڭ كەينىگە كىرىۋېلىپ سودا قىلىدىغان مەككارلار، تىلەمچىلەر كۆپ ئۇچرايدىغان بولۇپ، لېكىن تۈنۈگۈندىن باشلاپ نەنجىڭ مېتىروسىدىكى قالايمىقانلىقنى ئوڭشاپ تەرتىپكە سېلىش يۈز كۈنلۈك پائالىيىتىنىڭ رەسمىي باشلىنىشىغا ئەگىشىپ، بۇ خىل كۆرۈنۈشلەرنى قەتئىي ئۇچراتقىلى بولمايدىغان بولۇپ قالغانىدى. لېكىن مېتىرودىكى بەزى تىلەمچىلەر ئوخشاشلا ‹ئەركىن ئۇرۇش قىلىش تاكتىكىسى›نى قوللىنىپ، ئۇ يەردىن قوغلىسا بۇ يەرگە بېرىپ، مېتىرودا يوشۇرۇنچە تىلەمچىلىك قىلىش ‹كەسپى›نى داۋام ئېتىۋاتاتتى. ئىگەللىنىلىشىچە، نەنجىڭ مېتىروسىدا تىلەمچىلىك قىلىدىغان بىر نەپەر تىلەمچىنىڭ بۇ كەسىپ بىلەن شۇغۇللىنىۋاتقانلىقىغا سەككىز يىل بولغان بولۇپ، گەرچە ئالاقىدار ئورۇنلار بۇ تىلەمچىگە يۈز قېتىمدىن ئارتۇق تەربىيە قىلىپ جەرىمانە قويغان بولسىمۇ، لېكىن ‹ كەسپىگە سادىق › بۇ تىلەمچى داۋاملىق ھالدا ‹ ئۆز خىزمەت ئورنىدا چىڭ تۇرۇپ› كېلىۋاتقانلىقىنىڭ سەۋەبى زادى نېمە ؟ چۈنكى بۇ مېتىرو تىلەمچىلىرىنىڭ تاپاۋىتى ئىنتايىن ياخشى بولۇپ، ئۇلار بىر ئايدا ناھايىتى قىيىنالمايلا 10 مىڭ يۈەندىن ئارتۇق كىرىم قىلالايدىكەن. نەنجىڭ شەھەر ئاھالىلىرى يولۇچىلارغا مېتىرودا يولۇققان تىلەمچىلەرگە سەدىقە بەرمەسلىكنى چاقىرىق قىلدى. 　　زامانىۋى تېز گېزىتى مۇخبىرىنىڭ ئەھۋال ئىگەللىشىچە، بۇ كەسپىي تىلەمچىلەر ئادەتتە بېلەت سېتىۋېلىپ مېتىروغا چىقىدىغان بولۇپ، ئۇلارنىڭ بۇ كەسپىگە سېلىنىدىغان كۈندىلىك دەسمايىسى ئارانلا 2 يۈەندىن 4 يۈەنگىچە بولىدىكەن. بۇ مېتىرودا جەمئىي 57 بېكەت، 80 تالدىن ئارتۇق ۋاگون بار بولۇپ، پەقەت نەنجىڭ شەھىرىدىكى بىرىنچى نومۇرلۇق مېتىرو قاتناش لىنىيىسىنى مىسالغا ئالساق، مەيگاۋ كۆۋرۈكىدىن ئولىمپىك تەنھەرىكەت مەركىزىگىچە بولغان لىنىيىنىڭ تاق يۆنىلىش مۇساپىسىگىلا يېرىم سائەتتىن ئارتۇق ۋاقىت كېتىدىكەن. بۇ مېتىرو لىنىيىسىنىڭ ھەر بىر ۋاگونىدا ئالتەدىن كىچىك ۋاگون بار بولۇپ، ئەگەر تىلەمچىلەر ھەر بىر ۋاگوندىن ئىككى يۈەن سەدىقە تىلىيەلەيدۇ، ئۇ ھەر كۈنى 8 سائەت ‹خىزمەت قىلىدۇ›، شۇنداقلا بىر ئايدا 26 كۈن ‹ ئىشلەيدۇ› دەپ ھېسابلىغاندا ، بۇ تىلەمچىنىڭ ئايلىق تاپاۋىتى 4992 يۈەنگە يېتىدىغان بولۇپ، ئۇنىڭ ئۈستىگە بۇ تىلەمچىلەرنىڭ تاپاۋىتىدىن ھېچقانداق باج ئېلىنمايدۇ. مېتىرولاردا تىلەمچىلىك قىلىدىغان بۇ تىلەمچىلەرنىڭ ‹قارىغۇ› لىرىنىڭ كۆزى ساق، ‹ئاقساق-چولاق›لىرىنىڭ تېنى بېجىرىم بولۇپ، نەنجىڭ مېتىروسىدا تىلەمچىلىك قىلىدىغان بۇ تىلەمچىلەرنىڭ غەلىتە ئىشلىرى ئاللىقاچان توردا پاش قىلىنغانىدى. نەنجىڭ مېتىروسىدىكى تىلەمچىلەر ئىچىدە توردا ئەڭ كۆپ ئاشكارىلانغىنى بولسا بىر ئەر تىلەمچى بولۇپ، بۇ تىلەمچى ئادەتتە مېتىرودا تىلەمچىلىك قىلغاندا ئۆزىنى ناگاھ كۆرسىتىپ، پۇتىنىڭ ئورنىغا قولىنى ئىشلىتىپ ‹ يول ماڭىدىكەن›، ئۇنىڭ يەنە بىر قولىدا بولسا پۇل يىغىدىغان قۇتىسى بار بولۇپ، ئۇ بىر تەرەپتىن ئالدىغا سۈرۈلگەچ يەنە بىر تەرەپتىن قولىدىكى قۇتىسىغا سېلىنغان تەڭگە پۇللارنى شاراقشىتىپ تىلەمچىلىك قىلىدىكەن. لېكىن ئادەمنىڭ ئىشەنگۈسى كەلمەيدىغىنى شۇكى، ناۋادا مېتىرودا باشقۇرغۇچىلارنى ئۇچرىتىپلا قالسا، بۇ ‹ناگاھ› نىڭ پۇت قولىغا قايتا جان كىرىپ،‹ ئۇچقاندەك يۈگۈرۈپ› كۆزدىن غايىب بولۇپ كېتىدىكەن. 　　تۈنۈگۈن نەنجىڭ شەھەرلىك مېتىرو ئاسراش ئىشخانىسىنىڭ مەسئۇل خادىمى تونۇشتۇرۇپ، بۇ ئەر تىلەمچىنىڭ فامىلىسىنىڭ ياۋ ئىكەنلىكىنى، ئۇنىڭ مېتىرودا تىلەمچىلىك قىلىپ تاپىدىغان كۈندىلىك تاپاۋىتىنىڭ 500 يۈەندىن ئاز بولمايدىغانلىقىنى، ھەتتا بەزىدە كۈنلۈك تاپاۋىتىنىڭ 1000 يۈەندىنمۇ ئېشىپ كېتىدىغانلىقىنى ئېيتقان. نەنجىڭ مېتىرو ئاسراش ئىشخانىسىنىڭ مېتىرو ئامانلىقىنى ساقلاش ۋە باشقۇرۇش خىزمەت ئەترىتىدىكى خادىملار بۇ تىلەمچىگە ئاللىقانچە يۈز قېتىمدىن ئارتۇق جەرىمانە قويغان بولسىمۇ، لېكىن بۇ تىلەمچى باشتىن ئاخىر ‹كەسپىنى تاشلىمىغان› ئىكەن. ‹ بىز ئاللىقاچان بۇ تىلەمچى توغرىسىدا تەكشۈرۈش ئېلىپ بارغان، بۇ تىلەمچىنىڭ ئۆيدىكىلىرى شۇنداقلا ئۇنىڭ ئۆزىمۇ ئۆز ئۆيىنىڭ ئىقتىسادىي ئەھۋالىنىڭ ئىنتايىن ياخشى ئىكەنلىكىنى ئىقرار قىلغان بولۇپ، ئۇنىڭ نەنجىڭ شەھىرىدە 2 يۈرۈش بىنا ئۆيى بار ئىكەن، بۇ تىلەمچى ناگاھ بولماستىن بەلكى پۇتى ئازراق ئاقسايدىكەن خالاس. ›. 　　ئاخىرىدا بۇ مەسئۇل خادىم نەنجىڭ شەھىرىدىكى ئاھالىلەرنى ئەسكەرتىپ،‹ شەھەر پۇقرالىرى ئادەتتە ياخشى كۆڭلى بىلەن بۇ تىلەمچىلەرگە ياردەم قىلىشنى ئويلاپ سەدىقە بېرىدۇ، لېكىن شەھەر پۇقرالىرى بۇ تىلەمچىلەرگە باشقا يول ۋە باشقا ۋاسىتىلەر ئارقىلىق ياردەم قىلسا بولىدۇ، بىز ھەرگىزمۇ بۇ خىل ھۇرۇن ، تەييار تاپ تىلەمچىلەرگە مېتىرودا ‹تاپاۋەت قىلىش› پۇرسىتى يارىتىپ بەرمەسلىكىمىز لازىم› دېگەن. مەنبە: جۇڭگو ئۇيغۇرچە رادىيو تورى

sayam

	بۇ ئىشنى شەرەپ ھىس قىلىپ يۇرىۋىرىدۇ بۇلار .

بانكىر

	جۇڭگۇدا پۇقرالارنىڭ شەخسىي ھوقوقى كومپارتىيە تەرىپىدىن دەخلى - تەرىز قىلىنامدۇ؟

چاقنار

	قارىغاندا بۇ بەسەيلەردىمۇ  تىلەمچى ،ھابدال خېلى با ئوخشايدۇ

sewdaye1

	مەن بىر چاغدا جىنەندە بىر تىلەمچىگە ئىچىم ئاغرىپ (10سانتىمىتىر ئۇزۇنلۇقتا بەكلا قىسقا پۇتى بار ئىكەن، ئاشۇ پۇتى بىلەن ماڭىدىكەن) 2 كوي بىرىپ قويسام، باشقا تىلەمچىلەر ماڭىمۇ بەر دەپ ئېسىلىۋالغان، بەرمىسەم تىللاپ كەتكەن تېخى، قارغاپ كىتىدىكەن.  مەن كۆرگەن شەھەرلەردە تىلەمچىلەرنى خېلى كۆردۈم، بەزىلىرى ناخشا ئوقۇپ، بەزىلىرى گىتار چېلىپ دىگەندەك تۈرلۈك ئۇسۇل، تۈرلۈك شەكىللەر بىلەن تىلەمچىلىك قىلىدىكەن.

Rujak

	ئىچكىردىمۇ ئۇيغۇر تىلەمچى پەيدا بوپ قاپتۇ ، توۋا دەپلا قالدىم ،

گۆزەل

	بۇ تىلەمچى راستلا ياخشى كىرىم قىلىدىكەن.

tuntaxvixi

	باش شۇجى شىجىنپىڭ بىلسە چاتاق

شرئەلى118

	تىلەمچىلەرنىڭ ئارقا كۆرۈنىشىنى تەكشۈرۈپ ، سەللا ئىمكانىيەت بار تۇرۇپ تىلەمچىلىك قىلغانلارنى ئېتىۋېتىش كېرەك …

زېلال

	توۋا، تىلەمچىلەرنىڭ بەزىلىرىنىڭ ساختىپەزلىك قىلىدىغىنى باشقىلاردىن ئاڭلىغان بولساممۇ ، تاپاۋېتىنىڭ بۇنچە يۇقىرلىقنى خىيالىمغا كەلتۈرۈپمۇ باقماپتىكەنمەن دېسە،