بۆرەك سېتىپ توي قىلىش (تەۋسىيە)

intizar

	بۆرەك سېتىپ توي قىلىش      مەزكۇر ئەسەر ئىجادىي ئەسەر بولۇپ،  .ئەسەردىكى ۋەقەلىك چىن ۋەقەلىك بولۇپ (ئا)نىڭ تەمىنلىشى بىلەن يىزىلدى.    ئىلاۋە:     مەزكۇر ئەسەرنىڭ يېزىلىش مەقسىدى:     ھازىرقى دەرىجىدىن تاشقىرى تويلۇق تەلەپ قىلىش، شۇ ۋەجىدىن  ياشلارنىڭ پۇل ئۈچۈن بەدەل تۆلىشى  سۆزلەنگەن.    بۇنىڭغا كىم سەۋەپچى؟  ئەلۋەتتە ئاز ساندىكى كىشىلەرنىڭ زىيادە ئابروي پەرەسلىكى، شۆھرەت پەرەسلىكى  سەۋەپچى خالاس.     بۇ ئەسەر ئەسەردىكى كىشىلەرنىڭ قوشىلىشى بىلەن مىسرانىم مۇنبىرىگە تىما شەكىلدە يىزىلدى       ئالىي مەكتەپنى يىڭى پۈتتۈرۈپ ئىش كۈتۈپ تۇرغان ۋاقتلىرىم ئىدى ،بۇ ۋاقىتلارنى بوش ئۆتكۈزگۈم كەلمەي ئازراق بىر ئىش قىلىپ ئۆيدىكىلەرنىڭ يۈكىنى يەڭگىللىتىش مەقسىتىدە ئىش ئىزدەپ سىرىتقا چىقتىم ،لىكىن مەندەك بىر كىتاپ خۇمار ئادەم  بۇ شەھەردە نىمە ئىشمۇ قىلالا دىگەن خىيال كەلدى .     مەن باشقا سودىگەرلەردەك ماللارنى ئاۋازىمنى قويىۋىتىپ  توۋلىيالمايمەن . چۈنكى مەن بىر زىيالى . قانداق قىلىش كىرەك؟ دىگەن سۇئال بىشىمنىڭ ئۇستىدە ئۇيان- بۇيانغا ئۇچاتتى ،كاللامغا دەررۇ بىر ئامال كەلدى ،بۇ ئامالىمدىن ئۆزۈممۇ مەمنۇن ئىدىم. گېزىت سېتىش دۇككىنىنىڭ ئالدىغا كىلىپ ئىقتىساد گېزىتىدىن بىرنى ئالدىم، بىراق كەسپىمگە چۈشىدىغان بىرمۇ بوش ئورون يوق ئىدى،شۇ ئاچچىغىمدا يېقىن ئەتراپتىكى بىر تورخانىغا كىرىدىم .      مۇھەببەتنىڭ باشلىنىش نوقتىسى دەل مۇشۇ تورخانا بولدى. تورغا چىقىپ بىرىنجى بولوپ قىلىدىغان ئىشىم دەرھال چ چ ئىچىش ئىدى، چ چ رىمدا سىنىپتىكى ساۋاقداشلىرىمدىن بىر نەچچىسى بار ئىدى .ئۇلارغا خەت يازدىم، ئارىدىن پەقەت ياسىنلا خەت قايتۇردى ،ئۇنىڭدىن گەپ سوراشقا باشلىدىم.           -ھە! ئاداش قانداقراق ئەھۋالىڭ؟ نىمە ئىشلار بىلەن ئالدىراش؟ياسىن:           -ياخشى ئاداش ئۆزىڭنىڭچۇ؟شىركەتتە ئالدىرش ئىشلەۋاتىمەن!           -نىمە؟ شىركەت؟نىمە شىركەت ئاداش؟   ياسىن:           -سەن بىلمەيسەنغۇ دەيمەن ؟يىقىندا ئۈرۈمچىلەردىكى بىر شىركەتتە خىزمەت تاپتىم، ياتاق، تاماق كۆتۈردىكەن. ئايلىق مائاشىم نەچچە مىڭ يۈەندىن ئاشىدۇ ………..      مەن:-؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟      نىمە دىيشىمنى پەقەتلا بىلەلمىدىم .بىشىمدىن تۇتۇن چىقىپ كەتكەندەك بولوپ قالدىم. سىنىپىمىزدىكى ناچار دىگەن ئادەم ھەر ئايدا نەچچە مىڭ يۇەندىن مۇئاشقا ئىشلەۋاتسا ،مەن نىمىشقا شۇنداق قىلالمايمەن ؟دىگەن خىيال كاللامغا كەلدى. دەرھال  ئۇچۇر تورىنى ئاچتىم ئۇچۇر تورىدا بىر نەچچە شىركەتكە خىزمەتچى خادىم قوبول قىلىدىغانلىقىنى كۆرۇپ دەرھاللا تەپسىلىي ئوقوشقا كىرىشتىم ، بىراق ئۇلار دىگىنىگە مەن چۈشمەيدىكەنمەن، مەن دىگەنگە ئۇلار ماس كەلمەيدىكەن .يەنە رايىم ياندى. شۇ ئولتۇرشۇمدا بىر نەچچە سائەت ئولتۇرۇپتىمەن.      ئەمدى ئورنىمدىن تۇراي دەپ تۇرسام يىنىمغا بىر قىزچاق كەلدى. دەسلەپتە بۇ قىزغا دىققەت قىلماپتىمەن. چۇنكى مەن بۇ ۋاقىتلىرىمدا قىزلارغا ئانچە بەك ۋاي دىمەيتتىم، ھەممە ۈخىيالىم شۇ ئۆينىڭ يۇكىنى يەڭگىللىتىشلا ئىدى .ئۇ قىز يىنىمدىكى كومپىيوتىردا ئولتۇردى ۋە مىنىڭ كومپىيوتىرىمغا بىر ھازا قاراپ تۇردى. بۇ قىزنىڭ قاراپ تۇرغانلىقىنى ھىس قىلغان بولساممۇ لىكىن ئۇ قىز تەرەپكە قاراشقا جۇرئەت قىلالمىدىم .ئارىدىن ئۇزۇن ئۆتمەي ئۇقىز:         - ياخشىمۇسىز !بۇ كومپىيوتىردا ئادەم بارمۇ؟-دەپ بوش ئاۋازدا سورىدى. مەن ئاستا ئۇ قىز تەرەپكە قارىدىم. بۇ  ئۆمرىمدە بىر ناتونوش قىز بىلەن يېقىن ئارلىقتا كۆزىگە مۇشۇنداق تىكىلگەن ۋاقتىم بولسا كىرەك . قىزنىڭ كۆزلىرى بۇلاقتەك يۈزلىرى يۇمىلاق، كۆزلىرى كۈلۈپ تۇرىدىغان قىز ئىدى .       -يوق.- دىدىم بوش ئاۋازدا جاۋابەن.      ئۇ قىز گەپ سۆزسىز ئولتۇردى نىمىشقىدۇر بۇ قىزغا شۇنداق گەپ قىلغۇم كەلدى -يۇ لىكىن  نىمە دىيشىمنى، گەپنى قەيەردىن باشلىشىمنى بىلەلمىدىم .ئاخىرى گەپ- سۆزسىز تورخانىدىن چىقىپ كەتتىم.      ئۆيگە پىيادە قايتقاچ شۇ قىزچاقنى ئويلاپ ماڭدىم .تۇيۇقسىز بىر دەرۋازىغا بىزنىڭ كەسىپتىن بىر شىركەتكە بىر نەپەر ئوغۇل، بىر نەپەر قىز قوبۇل قىلىدىغانلىقى توغرىسىدىكى ئۇختۇرۇشنى كۆرۈپ قەۋەتلا خۇشال بولدۇم ۋە دەرھال يانچۇقىمدىن قەلەم- قەغەزنى ئېلىپ شىركەت ئادرىسى ۋە ئالاقىلشش تىلفۇن نۇمۇرىنى يىزىۋالدىم .تىزىملىتىش ئىمتاھان ۋاقىتلىرى ئەتە سەھەردە باشلىندىكەن، شۇڭا شۇ ئىشلارنى پىلانلاپ ئۆي تەرەپكە قاراپ خىيالىمدا ئۆيگە قايتىپ ياخشى دەم ئىلىپ، ئەتە روھلۇق ئورنۇمدىن تۇرۇشنى ئشلىرىمنىڭ ئالغا بىسىشىنى تىلەپ ئۆي تەرەپكە يول ئالدىم.      ئۆيگە قايتىپ كېلىپلا كارۋاتقا ئۆزۈمنى تاشلاپ ياتتىم.      سەھەردە ئورنىمدىن  تۇردۇم. شۇنداق روھلوق كەيپىيات بىلەن ئىمتىھان نوقتىسىغا قاراپ يول ئالدىم.خىيالىمدا تور خانىدىكى ھېلىقى قىز بار ئىدى .نېمىشقا بۇنداق بولۇپ قالغانلىقىمنى ئۆزۈممۇ بىلمەيتتىم.      ئىمتىھان مەيدانىغا كىردىم. نىمىشقىدۇر ئازراق جىددىيلىشىۋاتاتتىم،لىكىن ئۆزۈمنى زورىغا بسىپ تۇراتتىم،سورالغان سۇئاللاغا بەرگەن جاۋابىمدىن ئۆزۈم رازى ئىدىم .      ئىمتىھان مەيدانىدىن چىقتىم . خىيالىم قاياقلاردىدۇر ئۇچۇپ يۈرەتتى،ئۆيگە قايتىپ قەدىناس كارۋىتىمدا يېتىپ خىيال سۈرۈشكە باشلىدىم.     ئىمتىھان ئاياغلىشىپ ئىككى كۈندىن كىيىن ھېلىقى شىركەتتىن ئۆيگە تىلفۇن كەلدى،ئۇلار مىنىڭ ئىمتىھاندىن ئۆتكەنلىكىمنى ئۇقتۇررۇش ئۈچۈن تىلفۇن قىلغان ئىكەن،ئۆزۈمچە ئاجايىپ خۇشال بولدۇم .شۇنداق قىلىپ ھەپتىنىڭ بىشىدا ئىشقا چۇشىدىغان بولدۇم.     ھەپتىنىڭ بىشى شىركەت خادىملىرىغا ئوخشاش كاستۇم- بۇرۇلكا كىيىپ ،مەغرۇر ھالدا ئىشقا ماڭدىم،قولومدا ئۆزۇمنىڭ قىسقىچە تارىىخىم بار ئىدى.شىركەت بىناسىدىن كىرىپ ئۇدۇللا دىرىكتور ئىشخانسىىغا قاراپ ماڭدىم. كاردوردا ئۆزۈمچە دىرىكتورنىڭ چىرايىنى كۆز ئالدىمغا ئەكىلىپ باقاتتىم، بىراق قانداق ئويلىسام ئويلاپ بولالمايتتىم . قولومنى ئېگىز كۆتۈرۈپ دىرىكتور ئىشخانىسىنىڭ ئىشىكىنى بوشقىنە چەكتىم. چۇنكى بۇ بىر ئەدەپ ئەخلاق ئىدى.كىرىڭ ! دىگەن ئاۋاز بىلەن تەڭ ئىشىكنى ئىچىپ كىردىم.دىرىكتورىمىز 40 ياشلار چامىسىدىكى بىر ئەر كىشى ئىدى. ئۇنىڭ بىلەن سالاملاشقاندىن كىيىن ئۆزۈمنى تونوشتۇرۇپ ئۆتتۈم،ئۇنىڭ مۇئامىلىسى شۇنداق سوغوق ئىدى،شۇنداق بولسىمۇ ئۆزۈمنى بىسىۋىلىپ ئولتۇرۇدۇم.تۇيۇقسىزئۇنىڭغا بىر تىلفون كەلدى.ئۇ تىلفوننى ئىلىپللا :       -ھە جىنىم قانداق؟ئاخشام پەيزى بولدى- ھە! دىگەندەك تۇزسىز گەپلەرنى قىلىشقا باشلىدى.مۇشۇ نەچچە مىنۇت ئىچىدە بىزنىڭ دىرىكتورنىڭ قانداق ئادەم ئىكەنلىكىگە ھۆكۈم قىلپ بولغان ئىدىم.يەنە ئىشىك چىكىلدى. دىرىكتور قولىدىكى تىلفوننى باشقىلار كۆرمىسە بولمايدۇ دىگەندەك مەھكەم تۇتىۋالغان ئىدى،ئىشىك ئاستا ئىچىلدى ،كۆزۇم ئىشىك تەرەپكە مەركەزلەشتى،ئىشىكتىن مەن تورخانىدا ئۇچراتقان ھىلىقى قىزچاق كىرىپ كەلدى.ئۇنى كۆرۇپ نىمىشقىدۇر يۈرۈكۈم ئەنسىز سوقۇپ كەتتى.ئۇنى كۆرگەن ھىلىقى دىرىكتور قولىدىكى تىلفوننى خوش دىمەستىنلا قويوپ، سەت ھىجىيىپ:       -  بىرەر ئىش بارمىتى؟- دەپ سورىدى.ئۇ قولىدىكى ئۆزىنىڭ تەرجىمالىنى دىرىكتورغا سۇندى،ۋە ئۆزىنى تونۇشتۇرۇشقا باشلىدى.ئۇنىڭ ئىسمى گۈلقىز ئىدى.راسىت ئۇ ئىسمى- جىسمىغا لايىق گۈل ئىدى.      بىز بىر ئشىخانىغا بۆلۈندۇق.ئاي ئۆتتى،يىل ئۆتتى،گۈلقىز بىلەن دەل بىر يىل بولغاندا گەپ قىلىشتۇق .بىز شۇ گەپ قىلىشقانچە مۇھەببەت قاينىمىغا چۆكۈپ كەتتۇق.ئارىدىن ئۇزۇن ئۆتمەي مۇنداق بىر ئىش يۇز بەردى.      بىر كۇنى گۈلقىز دىرىكتور ئىشخانىسغا كىرىپ كەتتى.مەنمۇ ئۇنىڭغا زەڭ سالماپتىمەن ،يەنە بىر خىزمەتدىشىمدىن ھېلىقى  بىزنىڭ دىرىكتورىمىزنىڭ گۈلقىزغا بەتقىلىق چاقچاق قىلغانلىقىنى بىلدىم.چىشلىرىم غۇچۇرلاپ كۆزلىرىمگە قان قۇيۇلغاندەك بولدى ،گەپنىڭ ئاخىرى چىقىپ بولغۇچە دىرىكتورنىڭ ئىشىكىنى تىپىپلا كىردىم ،ۋە زەردە بىلەن :        -  ھىييي سىنىمۇ ئوغول بالا دىگىنى بولامدۇ ؟ۋاي لاتا! -:دەپلا  ئالدى- ئارقامغا قارىماي چىقىپ كەتتىم. پۈتكۈل شىركەت جىمىپ كەتكەن ئىدى،مەن گۈلقىزنىڭ قولىدىن تۇتقان ھالدا شىركەتتىن چىقىپ كەتتۇق .     دەل شۇ كۇنى مەن گۇلقىزغا توي قىلىش تەكلىبىنى بەردىم،ئۇ شۇ ۋاقىتتىلا كۆزۈمگە تىكىلىپ قارىدى.يۇرەكلىرىم جىغغىدە بولدى .ئۇ ماڭا قاراپ تۇرۇپ:      - مەن ئاپام بىلەن دىيشىپ باقاي- دەپلا ئۆيىگە قايتىپ كەتتى.     ئارىدىن بىر ھەپتە ۋاقىت ئۆتۇپ كەتتى گۇلقىزدىن خەۋەر يوق ئىدى.شۇ ئىشلار بولۇپ ئىككىنجى ھەپتىسى گۈلقىز ئۆيۈمگە تىلفون قىلىدى.    ئۇ تىلفون قىلغان بولسىمۇ باشقا  گەپ قىلمىدى،ۋە پەس ئاۋازدا :       -ئاپام 50000مىڭ يۈەن تويلۈق ئالىمەن دەيدۇ ، قانداق قىلارمىز؟-دىدى.    بىشىم زىڭڭىدە قىلدى. ئەللىك مىڭ قانداقمۇ دەرمەن ئۆيدىكىلەرگە ؟دىگەن خىياللار مىنى قىينىاشقا باشلىدى. ئامالسىز :       -مەنمۇ ئۆيدىكىلەر بىلەن دىيشىپ باقاي.- دەپلا تىلفوننى قويۋەتتىم،شۇ ئاچچىغىمدا تورخانىغا كىرىدىم،يەنە شۇ  ئۇچۇر تورىدا پۇل تاپقىدەك بىرەر ياخشى ئامالنىڭ بار -يوقلىقىنى بىلىش مەقسىتىدە ئۇچۇر تورىغا كىردىم تۇيۇقسىز كۆزۇم( جىددى قان لازىم )دىگەن ئۇچۇرغا چۇشتى.دەرھال خىيالىمغا (قان سىتىش)دىگەن ئىككى خەتلا كەلدى. قان ساتسام ئالارمۇ؟ مىنىڭ قىنىم توغرا كىلەرمۇ؟ دىگەنلەرنى ئويلاپ كەتتىم.مەيلى قانداقلا بولسۇن ئۇچۇر يوللىغۇچى بىلەن ئالاقىلشىپ بېقىش نىيتىگە كەلدىم.قارشى تەرەپكە تىلفون قىلدىم بىراق ئىرىشكەن جاۋابىم مىنىڭ خىيالىمغا يىقىنمۇ كەلمەيتتى،ئۇلارمۇ قىيىن ئەھۋالدا قالغانلىقىنى كۆپ پۇل بىرەلمەيدىغانلىقىنى ئىيتتى،ئامال قانچە يەنە باشقا  ئامال تىپىش نىيتىگە كەلدىم. قىسقا ۋاقىتتا قەيەردىن مۇنچىۋالا  پۇل تاپارمەن دىگەنلەر كاللامنى تىخىمۇ قالايمىقانلاشتۇردى،يەنە نىمە ئامال  تورنى ئاختۇرۇشقا  باشلىدىم،تۇيۇقسىز چ چ رىمغا قىسقا ئۇچۇر كەلدى، بۇ توپتىن كەلگەن قىسقا ئۇچۇر ئىدى.مانا مەن ئىزدەۋاتقان  يول.      بىر تورداش بۆرەك ئالماشتۇرماقچى بولغان ئىكەن ،بۆرىكىنى سىتىش خىيالى بارلار بولسا ئالاقىلششنى ئىيتىپتۇ .كىيىنكى ئىشلارنى ئويلاشمىدىم،دەرھاللا ئالاقىلاشتىم ئۇ كىشى بىلەن كۆرۈشمەكچى بولدۇم. مەن ئەتىسى بىر قۇر كىيىم بىلەنلا چىقىپ ھىلىقى بۆرەك ئالماقچى بولغان كىشى بىلەن كۆرۈشكىلى باردىم،ئۇ كىشى مىنى دوختۇرخانىغا ئىلىپ  بىرىپ ئىككىمىزنىڭ بۆرىكىنىڭ ماس كىلىش نىسبىتى80%بولىدىغانلىقىنى ئىنىقلىدى .      شۇنداق قىلىپ بىر بۆرىكىمنى80مىڭغا دىيىشتىم. ئىچىمدە بىر تۇرۇپ ئەندىشە قىلدىم بىر تۇرۇپ بۇ ئىشىمدىن مەمنۇن بولدۇم. شۇنداق قىلىپ بىر ھەپتىدىن كىيىن بۆرەك ئالماشتۇرۇش ئوپراتىسيسى قىلماقچى بولدى. ئوپىراتسىيە كۈنى پۈتكۈل خىيالىم گۈلقىزدا ئىدى،ئوپراتسىيە تۈگىدى.      مىنى ئوپراتسىيە قىلغان دوختۇر مىنىڭ تىنىمنىڭ ناھايىتى ئاجىزلىقىنى قۇۋەتلىك غىزالىنىشقا دىققەت قىلمىسام بولمايدىغانلىقىنى ئىيتتى،   دوختۇرخانىدىن چىقىپ 80مىڭ يۈەن خەلق پۇلىنى قولۇمغا ئالدىم ،لىكىن تىنىم بۇرۇنقىدەك ساغلام ئەمەستەك تۇيۇلدى، شۇنداق بولسىمۇ باشقىلارغا چاندۇرمىدىم.     ئارىدىن ئون بەش كۈنلەر ئۆتكەندىن كىيىن گۈلقىز بىلەن كۆرۈشتۈم ئۇنىڭغا توي قىلىشقا يەتكۈدەك پۇل تاپقانلىقىمنى ئىيتتىم،ئۇمۇ شۇنداق خۇشال بولدى. شۇنداق قىلىپ ئىككىمىز ۋە ئىككى ئۆيدىكىلەرنىڭ دىيششى ئارقىلىق توينىمۇ قىلىۋالدۇق.     لىكىن مىنىڭ ئۇنىڭ ئالدىدا تىل قىسىنچىلىقىم بار ئىدى،بىز توي قىلىپ بىر ئايدىن كىيىن مەن  ئۇنىڭغا بۆرەك ساتقان ۋاقىتلىرىمنى ئېيتىپ بەردىم.ئۇ گەپلىرىمنى ئاڭلاپلا پاڭڭىدە يىغلىۋەتتى،ئۇنىڭ نىمە ئۇچۇن يىغلىغانلىقى بىلگەن ئىدىم.بۆرىكى يوق ئەركىشىنى قانداقمۇ ئەركىشى دىگىلى بولسۇن ؟!     ئۇ شۇ كۇندىن باشلاپ غەمكىن بولۇپ قالدى. ماڭا دەيدىغان گەپلىرىمۇ ،بۇرۇنقى شوخلىقلىرىمۇ شۇنىڭ بىلەنلا ئاياغلاشقان ئىدى،مەن خىزمەت ئىزدىمەكچى بولدۇم،ئۇيان ئىزدەپ ،بۇيان ئىزدەپ ئايلىقى مىڭ يۈەن بىرىدىغان ئاممىۋىي ھاجەتخانا ئىشىكىگە قارايدىغان خىزمەت تاپتىم ،چۇنكى مىنىڭ بۇ ئەھۋالىمدا باشقا خىزمەتنى قىلالىشىم ناتايىن ئىدى.ئۆزۇمگە بەزى ۋاقىتلاردا شۇنداق ئاچچىقىم كىلەتتى.      بىر تولۇق كۇرۇسنى پۈتتۈرگەن زىيالىي تۇرۇپ، ئاممىۋى ھاجەتخانىغا بىلەت سىتىش خىزمىتى قىلىۋاتقىنىمغا ئىچىندىم ،لىكىن نىمە ئامال ؟ بۇ كۇنلەر بىر - بىرىدىن مەنىسىز ئۆتۇشكە باشلىدى،      كۈنلەر كۈنلەرنى، ئايلار ئايلارنى قوغلىشىپ  ئۆتەۋاتقان كۈنلەردە تىنىم تىخىمۇ ئاجىزلاپ كەتتى ،بىر كۈنى گۈلقىز  ماڭا ئىچ ئاغرىتقان تەلەپپۇزدا :      -نىمە بولدىڭىز؟ مىجەزىڭىز ياخشى ئەمەسمۇ نىمە ؟دەپ سورىدى . بىراق مەن چىرايىمغا زورلاپ كۈلكە يۈگۈرتۈپ :       - ياقەي  ناھايىتى ياخشى- دىدىم. بىراق يىقىندىن بىرى راسىتلا مىجەزىم يوق ئىدى.      مەلۇم بىر كۈنى ھاجەتخانىدىكى بىر كۈنلۈك خىزمىتىم ئاياغلاشتى ،ۋە ئۆيگە قايتماقچى بولدۇم ،تۇيۇقسىز قاتتىق يامغۇر يىغىپ كەتتى.بۇ يامغۇر خۇددى ماڭا ئىچ ئاغىرتىۋاتقاندەك خۇددى مىنىڭلا باش كۆزۈمگە چۈشىۋاتقاندەك تۇيۇلدى،مەن بۇرۇندىن يامغۇر ھاۋاسىغا شۇنداق ئامراق ئىدىم.كىچىك ۋاقىتلىرىمدا يامغۇر ياغدى دىسە چوڭ يولدا نەچچە ئون مىنۇت يامغۇرغا چىلىنىپ تۇرىۋالاتتىم،لىكىن بۈگۈن بۇ يامغۇر بەك قاتتىق ياغدى،ئاستا مىڭىپ ئۆيۈمگە كىردىم.ئۆيگە كىرىپلا ھىلىقى بۇرۇنقى كارىۋىتىمغا ئۆزۈمنى تاشلاپلا ياتتىم،شۇ يىتىشىمنىڭ ئۆزۈمنىڭ بىر ئۆمۈر يىتىپ قالىدىغانلىقىمنى خىيالىمغىمۇ كەلتۇرمىگەن ئىكەنمەن.      ئەتىسى ئورنىمدىن تۇرىدىغان ۋاقىتتا پەقەتلا تۇرالمىدىم،گۈلقىز ئەتىگەندىلا ئىشقا كەتكەن ئىدى،پۇت قوللۇرۇم ئۆزۈمنىڭ ئەمەستەكلا ،جان دەيدىغان نەرسە يوق نىمە بولغىنىمنى پەقەتلا بىلەلمىدىم،ئاخىرى ئامالسىز ئاپام بىچچارىگە تىلفۇن قىلدىم .ئۇلار ناھايىتى تىز سۇرئەتتە كەلدى ،ئاپامنىڭ يەنە شۇ بىچچارە چىرايىغا قاراپ بىرنەرسە دىگۈم كەلمىدى.تۇيۇقسىز باشلىرىم ۋىڭڭىدە قايدى،ئىسىمنى بىلمەي يىقىلىپ كەتتىم،كۆزۇمنى ئاچسام دوختۇرخانىدا يىتىپتىمەن .ئاپام ئالدىنى تام تەرەپكە  قىلىپ  يىغلاۋاتقان ئىكەن،دادام قولىنى چىشلىگىنىچە دوختۇرخانا ياتىقىدىن سىرىتقا قاراپ تۇرۇپتۇ.گۈلقىز بىشىنى تۆۋەن سالغان ھالدا كارۋىتىمنى بىشىدا ئولتۇرۇپتۇ ،كۆزۈمنى ئىچىشىمغا ھەممەيلەن يىنىمغا كەلدى.      ئۇلار ماڭا گەپمۇ قىلمىدى،يەنە شۇ ئاپام بىچچارە :     -بالام قانداقراق تۇرىسەن؟-دەپلا ئۈن سىلىپ يىغلاپ كەتتى.دادام قىزارغان كۆزلىرىنى باشقا تەرەپكە بۇراپ :]      -يىغلىماڭلار ئانىسى بولغۇلۇق بولدى ،ئەمدى بولغاندا نىمىگە يىغلايسىلەر؟-دىدى.بۇ گەپلەردىن- بىر بۆرىكىمنىڭ يوقلىقىنى ئۇلارمۇ بىلىپ قاپتۇ-دە، دەپ ئويلىدىم،ۋە گۈلقىزغا قارىدىم .ئۇنىڭ كۆزلىرى قىزارغان بىر كۈندىلا  ئورۇقلاپ كەتكەندەك كۆرىنەتتى.                       -نىمە  بولدۇڭلار ؟ھەممىڭلار يىغلاپ كىتىپسىلەرغۇ؟  نىمەبولدى؟-بۇ سۇئالىمغا ھىچكىم جاۋاپ بەرمىدى.       بىر ۋاقىتلاردا دوختۇر كىردى،مەن ئالدىراشلا:       - دوختۇر مەن  نىمە كىسەلكەنمەن؟-دەپ سورۇدۇم .دوختۇر؛       -ئىنىم سىزدىن يوشۇرۇشنىڭ ئورنى يوق مىڭىڭىزدە ئۆسمە باركەن،بۇ ئۆسمىنى ۋاختىدا ئىلىۋەتمىسەك ھاياتىڭىزغا خەۋپى بار،لىكىن بۇنىڭغا 400مىڭ يۇەن كىتىدۇ.-باشقا گەپكىمۇ ئانچە ئاھ ئۇرۇپ كەتمىدىم ،لىكىن ئاۋۇ پۇلنىڭ ھىساباتىنى ئاڭلاپ بىشىم يەنە ئاغرىشقا باشلىدى،بىچچارە دادام-ئاپامدا نەدە ئۇنچىلىك پۇل ؟كاللامغا كەلمىگەن خىياللار كىلىشكە باشلىدى،دوختۇرخانىدا بىر ھەپتە يىتىشىمغىمۇ نەچچە مىڭ يۈەن كىتىپتۇ .      بۇ جايدىن تىزراق چىكىتەي دىگەن خىياللار بىلەن گۈلقىزغا كۆڭلۈمدىكى سۆزلەرنى ئىيتتىم.     مەن ئۇنىڭ كۆزىگە قاراپ تۇرۇپ:        -جىنىم سىنى ياخشى كۆرىمەن !بۇنىڭغا ياراتقۇچى ئىگىمىز گۇۋاھ .    مەن ئۇنىڭغائۆزۈمنىڭ قانداق بولۇپ كىتىدىغانلىقىمنى  باشتىن چۇشەندۈردۈم،ۋە ئاجرىشىپ كىتىشنى ئوتتورغا قويدۇم ››ئۇ مىنى ياخشى كۆرىدىغانلىقىنى مەندىن قانداق ئىش بولسا ئايرىلىپ كەتمەيدىغانلىقىنى ئىيتتى، ئۇنىڭ بۇ سۆزلىرىدىن ئۇنداق خوش بولغان بولساممۇ،بىراق ئۇنىڭدىن بەكمۇ ئەندىشە قىلاتتىم،ئۆزۈمنىڭ ئۆلۈمگە كۈندىن- كۈنگە يىقىنلىشىۋاتقانلىقىمنى ھىس قىلغاندەك بولدۇم.     بىشىمدىكى ئۆسمە ماڭا بولغان بىر بىسىم بولۇپ قالغان ئىدى، بىر بۆرەك يوق تىخىمۇ زەئىپلىشىپ كەتكەن ئىدىم.بۇ ئىشلارنى ئۆيدىكىلەر تىخى بىلمەيتتى،قانداق قىلىشىم كىرەك؟ قانداق قىلسام كاۋاپمۇ كۆيمەيدىغان، زىخمۇ كۆيمەيدىغان ئامال تاپالايمەن؟ دىگەنلەرنى قايتا- قايتا ئويلاشتىم. لىكىن ياخشىراق ئامال تاپالمىدىم. ئاخىرى خىيالىمدا بىر پارچە خەت يىزىپ ئۆيۈمدىكىلەرگە كۆڭلۈمدىكى سۆزلەرنى قىلماقچى بولدۇم ۋە بالنىستتا يىتىپ تۇرۇپ بىرتال قەلەم بىر ۋاراق قەغەزنى قولۇمغا ئالدىم .      قەلەمنى تۇتۇپ تۇرغان بولساممۇ نىمە يىزىشىمنى بىلەلمىدىم،شۇنداق بولسىمۇ بىر نەرسىلەر جىجاپ يۈرۈپ بىر ۋاراقنى توشقۇزۇپ ياستۇقۇمغا باستۇرۇپ قويدۇم.      نىمىشقۇدۇر كۆڭلۈم سىرىتنى تارتىپ تۇراتتى،سىرىتقا چىقىش ئۈچۈن بالنىستىن سىرىتقا قاراپ ماڭدىم. تۇيۇقسىز بەدەنلىرىم بۇرۇنقىدىن يەڭگىللەپ قالغاندەك قىلاتتى،كىسەللىرىممۇ ساقىيىپ كەتكەندەك قىلاتتى،كۆڭلۈم باشقىچىلا خۇشال ئىدى.      سىرىتنىڭ ھاۋاسى شۇنداق ياخشى ،مەيىن شامال ئىللىق قۇياش نۇرى سىخى نۇرىنى پۈتكۈل كائىناتقا چىچىۋاتقان ھەممە ئادەملەر نىمىلەرگىدۇر خۇشالدەك كۆرىنەتتى،ئۆمرۈمدە بۇنداق ئازادىلىك ھىس قىلمىغان ئىكەنمەن،سىرىت تەرەپكە قاراپ يول ئالدىم،تۇيۇقسىز قارــــــــــــــت  قىلغان ئاۋازنىلا ئاڭلىدىم....     شۇنداق قىلىپ ئالىم قاتناش ھادىسسىگە يولۇقتى ۋە ئۇنىڭ ھەممە نەرسە كەم ھاياتى ئاياغلاشتى.     ئۇنىڭ ئەگرى توقاي قىسقا ھاياتى شۇنداق ئاياغلاشتى،ئۇ ھادىسىگە يولۇققان ۋاقىتتا ئۇنىڭ جەسىدىنى قورشىۋالغانلار شۇنىڭغا ھەيرانكى، ئۇنىڭ چىرايىدا كۈلكە جىلۋىلىنىپ تۇراتتى.     ئۇنىڭ ئايالى  ھادىسە بولۇپ بىر يىلغىچە ئۇنىڭغا قارلىق تۇتتى،بىر يىلدىن كىيىن ئالىمنىڭ ئايالى ئەشۇ مەھەلىدىكى يەنە بىر كىشى بىلەن توي قىلدى. ئۇ كىشى گۈلقىزنى ئالغىندىن ماختىنىپ:     - ئۈچىنجى قىتىم ئالغان ئايالىممۇ قىز چىقتى-دەپ داۋراڭ سالاتتى،لىكىن گۈلقىز قەلب قىزلىقىنى ئالىمغا بەرگەن ئىدى،گەرچە ئۇنىڭ جىسمانىي جەھەتتىكى قىزلىقى بولسىمۇ ئۆزىنىڭ ۋىجدانى قىزلىقى ئالىمنىڭ قولىدا ئىدى.      گۈلقىز ئالىمنىڭ ۋاپاتى بولۇپ ئۈچ يىلدىن كىيىن بىر ئوغۇل تۇغدى.     ئوغلى دەل ئالىمنىڭ ئۆلىمى كۈنى تۇغۇلدى،گۈلقىز بۇ ئوغلىغا ئالىم دەپ ئىسىم قويدى.   .                                         مەنبەسى: نەۋائى ئۇيغۇر تور بىكىتى بۇرۇن بۇ ئەسەرنى ئوقۇپ ھازىرقى جەمىيىتىمىزنىڭ بىرقىسىم چىكىدىن ئاشقان قىلمىشىلىرىنى ئەكىس ئەتتۇرگەن بولغاچقا مۇشۇ مۇناسىۋەت بىلەن مەن كومپىيوتىرىمغا Wordشەكىلدە ساقلاپ قويغان ئىدىم،لىكىن نەۋائى ئۇيغۇر تور بېكىتى ئېچىلمىدى،شۇنىڭ بىلەن بىرگە مىسرانىم مۇنبىرىدىكى تورداشلار بىلەن ئورتاقلاشماقچى بولدۇم

namsiz139

	ناھايىتى ياخشى تىما بولۇپتۇ ، ھەممىسى ئۇلۇغ ئىسلام دىنىمىز ۋە پەيغەمبەر ئەلەيھىسسالام نىڭ يولينى چىڭ تۇتمىغانلىقىمىزنىڭ نەتىجىسى ...........

sanjay

	دىمىسىمۇ  بۇنداق ئىشلار ھېلىھەم بار          تويلۇقنى  يۇقىرى قۇيىۋالىدىغان       ئالتۇن زەنجىر    ئۇ  بۇ  بولوپ  تويلۇق  بىر يەرلەرگە  بېرىپ قالىدۇ            ئۆي ئالمىسا تېخى       زىننەتلىمىسە تېخى    باشقىلار  زاڭلىق قىلىۋاتقان    بۇلارنىڭ ئۆيى بەك مەتۇ  دىيىشىپ      بەزى كىشلەر    قىزىنى ئەرگە ئەمەس   پۇلغا بىرىدىغاندەكلا ......................................

faeza.akef

	نەسارالار  نەسەب  سۈرۈشتۇرىدۇ، يەھۇدىلار پۇل مال سۈرۈشتۇردۇ، مۇسۇلمانلار  تەقۋالىقنى سۈرۈشتۇردۇ،،،،،،،،،،،،،،،،،،،،،،،            ھازىرقى  ئاتا  ئانلار  نىمىنى  ئويلايدىكىن ،  بىز  لايىق  تاپساق  تويلۇقنى ئېغىر سېلىپ تۇرۋالىدۇ ،  ئۆزلىرى  لايىق  تاپسا   ئۈستەك  بېرىپ  توي قىلغۇدەك  قىپ كېتىدۇ...........

izqel

	ئەگەردە بىزدە ئىشسىزلىق بۇنچە ئىغىر بولمىسا ئىدى بۇ يىگىت ئىش ئىزدەپ تورخانىغا كىرمىگەن،كۈل قىزنى ئۇچراتمىغان،شاپاق دىرىكتورغا ئىشلىمىگەن،كىيىن توي غىمى ئۈچۈن بۆرەك ساتمىغان،كىيىن ئايلىنىپ قىلىپ دوختۇرخانىدا ياتمىغان،مىڭە ئۆسمىسىمۇ بولمىغان ئاخىردا ئاتا ئانا ۋە چىرايلىق خوتۇننى داغدا قويۇپ قازا قىلمىغان بولاتتى.باش جىنايەتچى بولسا ئىشسىزلىق.

چاقنار

	بەك تەسىرلىك كەن،ئىشسىزلىق  ،توي غېمى   ،،،،،،،،مەندىمۇ شۇ غەم

گۆزەل

	بۇ  ئىشقا نىمە دىگۈلۈك ئەمدى ، ھەي  ھايات ، تاتلىق تەرىپىڭگە ئادەم قانمىغان ، ئاچچىق  قىسمىتىڭگە  جاندىن كەچكىدەك بۇلغان ، نىمىلا دىگەن بىلەن مىنىڭچە بۆرىكىنى سىتىشى ياخشى تاللاش بۇلماپتۇ.

d@tman

	بەك تەسىرلىك كەن

intizar

	faeza.akef يوللىغان ۋاقتى  2014-5-16 06:48 PM نەسارالار  نەسەب  سۈرۈشتۇرىدۇ، يەھۇدىلار پۇل مال سۈرۈش ... سىزنىڭ بېشىڭىزدىن نۇرغۇن ئىشلار ئۆتكەن ئوخشايدۇ ھە شۇنىڭغا قارىغاندا

intizar

	چاقنار يوللىغان ۋاقتى  2014-5-16 07:44 PM بەك تەسىرلىك كەن،ئىشسىزلىق  ،توي غېمى   ،،،،،،،،مەندىم ... ئاۋايلاڭلار جىما يەنە ئۆپكە جىگەر ئۇچەي ئاشقازانلارنى سېتىپ كەتمەڭلار