بالىلىقىم تويمايمەن ساڭا

teneklerem

	بالىلىقىم قايتىپ كەلسەڭچۇ يىنىپ، ئوينىۋالاي شۇ تالنى ئات ئىيتىپ . بالىلارچە گۈدەكلىك ياراشماس دەيدۇ، تالنى مىنسەم بالىلىقنى  سىغىنىپ. يۈگۈرۋالاي كوچىلاردا يۇلتۇزلار كۆكتە، كۈندۈزدەك گويا ماڭا ئايدىڭ شۇ كىچە. يۈگۈرسەممۇ ھىرىش تۇيۇلماس بالىلىقتا، ھەرگىز توختىمايتىم نىشانغا يەتمىگۈچە. بالىلىقتا مۆكۈشمەك ئويناپ يۈرگەندە، تاپتىم دەيتۇق؛ ئۆز كۆزلەر كۆرگەندە. ئەمدى نەگە مۆكتۈڭ ئۆزۈڭ بالىلىق، يۈرەك قايتا ساڭا قانماي كۆيگەندە. بارات كەلگەن شۇ كىچە ھىلىمۇ يادىمدا، ئوت كۆيەتتى شۇ ئەسكى كامىردا. بارات كەلدى،بارات كەلدى قوشاقلىرىڭ، ياڭراتتىكەن شۇلار بالىلىقنىڭ سادالىرىدا. رامزان ئىيتىپ ئۆيمۇ-ئۆيگە توۋلاپ، يۈرەتتۇقكەن مەھەللىمۇ-مەھەللە يوقلاپ. قوشاقلىرىمىز كۆپ،بالىلارچە قەلبىمىزدە، كىتەتتى بەزىدە ئۆي ئىگىلىرى قوغلاپ. بالىلىقىم سەندە كۆپ مېنىڭ ئەسلىمەم، قايتقۇم كىلىدۇ بالىلىقنى ئەسلىسەم. بولدى رىئاللىققا قايتىپ كەل كۆڭلۈم، بالىلىققا تەلپۇنەر كۆڭۈل قانچىكى بەزلىسەم. قولدىن كەتكەندە ئادەم دائىم ئويلايدىكەن، ھايات قىس،ۋاقىت قىس يەنە تويمايدىكەن. كىرسىمۇ باشقا ئاق،ئەتتاكى ساقالغىمۇ ئاق، شۇندىمۇ خىيالىدا بالىلىققا قايتىپ ئوينايدىكەن.                                                 ئاپتۇرى: بەختىيار.                                                                         2014-يىلى5-ئاينىڭ9-كۈنى.

teneklerem

	ئوينا بالام،قانغىچە ئوينا، دىلىڭدا قالمىسۇن تۈگۈن. ۋاقىت تۇرمايدۇ؛ئالدىراڭغۇ كەلگۈسىگە ئوخشىماس بۈگۈن. بىز ئوينىغان ئۇيۇنلارنى ئوينا، چوقان سىلىپ جىمجىت كوچىدا. تىلىۋۇزۇرغا قاراپ سوراپ يۈرمە، باردۇر شۇلار بالىلىقىڭنىڭ قوينىدا. ئوينا بالام ،قانغىچە ئوينا، ئىز سىلىپ ئۆتكىن بالىلىقىڭغا. دىلىڭدىن شاتلىققا چۆمگىن، يەتمەس بالىلىقتىكى شاتلىقىڭغا. ئوينا بالام،قانغىچە ئوينا، ئىلىپ باراي سېنى تاغلارغا. ئانا تەبىئەتنى سۆيگىن دىلىڭدىن، تەرلىرىڭدىن كۆچەت تىك باغلارغا. ئوينا بالام،قانغىچە ئوينا، ئات قىلىپ چاپتۇرۇپ تالنى. سۇدا ماڭغان كىمىلەرگە چىقماي، چىقىپ كۆرۈپ باققىن سالنى. ئوينا بالام، قانغىچە ئوينا، بىزمۇ ئوينىغان گۆدەكلىكتە. ئۈزىۋالغىن سۇلاردا بىلىقلاردەك، بىزمۇ يۈرگەن كۆلچەكلىكتە. ئوينا بالام،قانغىچە ئوينا، قۇلاقلىقتىن تۆتقۇلاق ئىزدەپ. بىر كۈنلەردە ئاتا بولۇپ سەنمۇ، مەندەك بالاڭغا بىرەرسەن سۆزلەپ.                                            ئاپتۇرى:بەختىيار.

mihribanmm

	بالىلىقتا مۆكۈشمەك ئويناپ يۈرگەندە، تاپتىم دەيتۇق؛ ئۆز كۆزلەر كۆرگەندە. ئەمدى نەگە مۆكتۈڭ ئۆزۈڭ بالىلىق، يۈرەك قايتا ساڭا قانماي كۆيگەندە .....  ۋاقىتنى قايتۇرغىلى بولغان بولسا مەن چوقۇم 15ياشتىن بۇرۇنقى ھالەتلىرىمگە قايتقان بولاتتىم...

ئالمىچى

	ناھايتى ياخشى يىزىپسىز شىئىرنى شۇنداق مەزمۇنلۇق،   مەنمۇ جۆر بولۇپ، بۇرۇن يوللانغان شىئىرىمنى تورداشلار بىلەن يەنە بىر قىتىنم، ئورتاقلىشاي بالىلىقنى ئەسلەپ.... بالىلىقنى ئەسلىسەم شۇ دەم، كىرپىكلىرىم ياشقا نەملەندى. قۇلاق سىلىڭ دوس-بۇرادەرلەر، بالىلىقتىكى ھىكايىلەر باشلاندى. بالىلىقتا ئۆتەر ئىكەن كۈنلىرىڭ غەمسىز، ھەممە نەرسە ئويۇنچۇق بىلىنەر ساڭا. ئاخشاملىرى دوسلار بىلەن مۆكۈ-مۆكۈلەڭ ئويناپ، تاڭ ئاتسىلا ئويۇنۇڭ باشلىنار يانا. كىچىلىرى ئايدىڭدا قوغلاشماق ئويناپ، مەھەللىنى ئايلىنىپ ۋاڭ-چۇڭ قىلىشىپ. بارخانلاردا گۈلخان يىقىپ چۆچەك ئىيتىشىپ، بەلنى راسا چىڭ باغلاپ چىلىش-چىلىشىپ. قىش كۈنلىرى دوسلار بىلەن قار بوۋاي ياساپ، ئوينىشاتتۇق توپ-توپ بولۇپ قارلار ئىتىشىپ. كەچ بولغۇچە راسا ئويناپ قانماي ئويۇنغا، قايتىشاتتۇق قورساق ئاچسا ئۆيگە يىنىشىپ. تومۇز پەسلى بولغاندا سۇغا چۆمۈلۈپ، كۈلۈشەتتۇق ۋىلىقلاپ سۇلار چىچىشىپ. سۇ ئاستىغا چۈمكۈلۈپ بىلىقتەك ئۈزۈپ، ئويناۋىتىپ قانغۇچە سۇلار ئىچىشىپ...

چاقنار

	ئېسىل  شېئىركەن  ،،ساقلىۋالدىم

pinhani

	بالىلىقنى ھەممىمىز سېغىنىمىز. ئەپسۇس........................قايتۇرۇپ كەلگىلى بولماس.

jelwa

	مەن  ئاستا قاچاي ماۋۇ تىمىدىن .........

jelwa

	ياخشى يىزىپسىز  ............داۋاملىق تىرىشىڭ  .............

tokqi123

	ۋاقىت ئاتقان ئوق.ئۆتۇپ كەتتىمۇ ھەرگىز قايتىپ كەلمەيدۇ.شۇڭلاشقا ھەر بىر مىنۇتنى قەدىرلەپ مەنىلىك ئشلارغا سەرىپ قىلىش كېرەك،كېيىن پۇشايمان قىلىپ يۇەركنى زەرداپ قىلغاننىڭ ھىچ نەرسىگە پايدىسى يوق.

سىم@سىم

	بىرئايال زاھىر بورھاننىڭ« بالىلىققا قايتقۇم بار» دىگەن ناخشىسىنى غىڭشىپ ئولتۇراتتى ، يەنە بىرسى، ئىشتاننىڭ ئېغىنى يىرتىۋەتسىڭىز قايتىسىز دىگەنتى ، قاتتىق كۈلكە بولغان ، شۇنىڭدىن كىيىن ئۇ ناخشىنى ئېيتمايدىغان بولغان  .