مۇھەببەت دىگەن شۇنداق بولسا

intizar

	مۇھەببەت دىگەن شۇنداق بولسا بىر جۈپ ئەر -ئايال بولۇپ ، ئۇششاق تىجارەت قىلىپ تۇرمۇشىنى قامدايدىكەن . بىر كۈنى ئەر قاتناش ھادىسىسىگە ئۇچراپ يارىلىنىپتۇ ، بىراق ئۇنى سوقۇۋەتكەن شوپۇر قېچىپ كىتىپتۇ . ئەر داۋالىنىش پۇلىدىن ئەنسىرەپ دوختۇرخانىدىن چىقىپ كەتمەكچى بوپتۇ . دوختۇر ئەرنىڭ پۇتىنى ئوپىراتسىيە قىلمىسا مېيتىپ بولۇپ قالىدىغانلىقىنى ئېيتىپتۇ . ئەر يەنىلا دوختۇرخانىدىن چىقىپ كىتىش پىكىرىدە چىڭ تۇرۇپتۇ . شۇنىڭ بىلەن ئايالى : << رەسمىيەتلەرنى بېجىرىپ كىرەي ، ئارام ئېلىپ تۇرۇڭ >> دەپ چىقىپ كىتىپتۇ . ئارىدىن بىر سائەت ئۆتكەندىن كىيىن ، ئايال ناتونۇش ئەر بىلەن كىرىپ كەپتۇ . ناتونۇش ئەر ئۇنىڭغا : - سىزنى سوقۇۋەتكەن كىشى بولىمەن ، قېچىپ كەتكەندىن كىيىن ۋىجدانىم چىدىمىدى ، شۇنىڭ بىلەن سىزنى كۆپ ئىزدىدىم ، بۈگۈن ئايالىڭىزنىڭ سىزنى سوقۇۋەتكەن كىشىنى ئىزدەپ چىقرىپ قويغان ئېلانىنى كۆرۈپ كەلدىم ، - دېگىنىچە 30 مىڭ يۈەننى ئۇنىڭ ئالدىغا قۇيۇپتۇ .   ئارىدىن بىر مەزگىل ئۆتۈپ ئەر دوختۇرخانىدىن ساقىيىپ چىقىپتۇ ، ئۇ دوختۇرخانىنىڭ دەرۋازىسىدىن چىقىۋېتىپ ، بىر باققالغا قاراپ تۇرۇپ قاپتۇ . ئەسلىدە ھېلىقى 30 مىڭ يۈەن بەرگەن ئەر بۇ يەردە باققالچىلىق قىلىۋاتقانىكەن . ئەر باققالدىن بۇنىڭ قانداق ئىش ئىكەنلىكىنى سوراپتۇ . - راستىنى ئېيتسام ، مەن سىزنى سۇقۇۋەتكەن كىشى ئەمەس . مۇشۇ يەردە باققالچىلىق قىلىمەن . شۇ چاغدا ئايالىڭىز ماڭا 30 مىڭ يۈەننى تۇتقۇزۇپ سىزگە ئېيتقان گەپلەرنى دىيىشىمنى ئېيتتى . ئىشتىن كىيىن ماڭا 100 يۈەن بەردى ، ئەمما مەن ئالمىدىم ، - دەپتۇ باققال . ئەر شۇندىلا ئايالىنىڭ دىئابىت كېسىلىنى داۋالىتىش ئۈچۈن يىغقان 30 مىڭ يۈەننى ئۆزىگە ئىشلەتكەنلىكىنى ىلىپتۇ . ئايال :   - مىنى كەچۈرۈڭ ، سىزنى تۇنجى قېتىم ئالدىدىم ، سىز سالامەت بولسىڭىزلا پۇل دېگەن تېپىلىدۇ ، سەللىمازا ساقايغاندىن كىيىن تىرىشىپ ئىشلەپ ، داۋالىنىش ئۈچۈن يىغقان پۇلۇمنى <<تۆلەپ>> بېرەرسىز - دەپتۇ كۈلۈپ تۇرۇپ .   ئەقىللىق ئاياللارنىڭ خۇشاللىقى باشقىلار بىلەن بەسلىشىپ ئېسىل كىيىنىش ياكى ئالىي رېستۇرانلاردا ئېسىل غىزالىنىشتىن ئەمەس ، بەلكى ئېرىنىڭ رازىلىقى ، پەرزەنتلىرىنىڭ بەختىدىن كىلىدۇ . يۇقىرىقى ھېكايىدىكى ئايالنى شۇنداق ئايال دىيىشكە تامامەن بولىدۇ . ئۇ ياخشى نىيەتلىك ئالدامچىلىقى بىلەن ئېرىگە بولغان پاك مۇھاببىتىنى ئىپادىلىدى . مۇھاببەت دېگەن شۇنداق بولسا ...

پىروزە

	راستىنلا چوڭقۇر مۇھەببەتلىك تېما بوپتۇ، رەھمەت سىزگە.

intizar

	پىروزە يوللىغان ۋاقتى  2014-5-13 10:10 PM راستىنلا چوڭقۇر مۇھەببەتلىك تېما بوپتۇ، رەھمەت سىزگە. مەن ئويلايمەن ۋىجدان غورۇر ھەر ۋاقىت مۇھەببەتتىن  ئۇستۇن تۇرۇش كىرەك

پىروزە

	intizar يوللىغان ۋاقتى  2014-5-13 10:18 PM مەن ئويلايمەن ۋىجدان غورۇر ھەر ۋاقىتتىن ئۇستۇن تۇرۇش  ... ناھايتى توغرا دېدىڭىز لېكىن، ئاغىزىمىزدا شۇنداق دېگەن بىلەن ئەمەلىيەتتە زادى قانچىمىز مۇشۇنداق قىلالايمىز، ۋىجىدان، غورۇر دېگەن بۇ سۆزلەرنىڭ مەنىسى بەكلا چوڭقۇر، بۇنىڭ ھۆددىسىدىن چىقماقمۇ بەكلا تەس.

intizar

	پىروزە يوللىغان ۋاقتى  2014-5-13 10:22 PM ناھايتى توغرا دېدىڭىز لېكىن، ئاغىزىمىزدا شۇنداق دېگە ... راس دەيسىز ھازىرقى جەمىيىتىمىزدىكى ياشلارنى ۋە چوڭلارنى ئېلىپ ئېيىتقاندا ئۇلاردىكى ۋىجدان غورۇر خىرەلىشىپ كىتىپ بارماقتا،كەلگۇسى ئەۋلاتلارغا كۆڭۇل بۇلۇش ۋە ئۇلارنى تەربىيەلەش ياخشى ئەمەس

چاقنار

	ھەقىقەتەن  كىشىنى  چوڭقۇر  ئويغا  سالغۇدەك  تېما  بوپتۇ  ،،

پىروزە

	intizar يوللىغان ۋاقتى  2014-5-13 10:28 PM راس دەيسىز ھازىرقى جەمىيىتىمىزدىكى ياشلارنى ۋە چوڭلا ... مىنىڭچە بۇ مەسىلە ئۆزىمىزدىمۇ، چوڭلاردىمۇ بار، ئاساسلىقى ھازىرقى بىز ياشاۋاتقان جەمىيىتىمىزدىمۇ بار، ھازىرقى سىرتقى ئامىللارنىڭ تەسىرىدىن بىزدە نۇرغۇنلىغان ئۆزگىرىشلەر بولدى.

زېلال

	ئەگەر جەمىئىيتىمىزدە يۇقىرقىدەك ئېسىل پەزىلەتلىك ئاياللار تېخىمۇ كۆپ بولسىدى، ھازىرقىدەك ئاجرىشىش نىسبىتىدە رېكورت يارىتىلىپ بالىلار يېتىم قېلىپ يۈرمىگەن بولار ئىدى ...

intizar

	bilqut يوللىغان ۋاقتى  2014-5-13 10:38 PM تەستىقلاۋېتىپمۇ ئوقۇپ بولغان ئىدىم، يەنە بىر قېتىم ئو ... سىزگىمۇ رەھمەت ،مۇھەببەتنى چۇشەنمەيدىغانلار چۇشىنىۋالسۇن