كورلا شەھەر باشلىقىغا ئوچۇق خەت

KURAX.JAN

	ھازىر ھەممە جايدا مۇشۇ سۇمەسىلىسى . بىزنىڭ كۇچادىمۇ ئۆستەڭ سۈيى  ( تاغ سۈيى ) بولمىغانلىقتىن 4- ئايدىن بىرى قۇدۇق سۈيى ئاز دېھقانلار ئاقتامىسىنىمۇ سۇغۇرۇپ بولالمايۋاتىدۇ . لىكىن چەت يېزىلاردا نەچچە ئون مىڭ مودىن بوز يەر ئاچقان ، ھەم ھازىر ئېچىۋاتقان ( لوبەنلەر ) بىمالال يەرلىرىنى تاغ سۈيىدە سۇغارماقتا .    يېزا رەھبەرلىرىدىن سۇرۇشتۈرسەك ، ئۇ لوبەنلەر نەچچە مىليۇنلاپ يەرگە مەبلەغ سالغانمىش ، شۇڭا ئۇلار زىيانغا ئۇچۇراپ كەتسە بولماسمىش .... ھەي ....دېھقانلىرىمىزنىڭ مەنپەئەتىچۇ ؟؟؟ بۇلارنى كىم ئويلىشىدۇ ؟؟؟

KURAX.JAN

	مەردان مۇقىيت بۇرۇن كورلا شەھىرىنىڭ شەھەر باشلىقىمىتى ؟ ھازىر ئاقسۇ ۋىلايىتىدە ۋالىيغۇ دەيمەن . مۇشۇ باشلىقنى خەلىقنىڭ مەنپەئەتىنى بەك ئويلايدۇ ، دەۋاتقان ھازىرقى شەھەرباشلىقىنىڭمۇ دېھقانلارنىڭ مۇشۇ قىيىنچىلىغىنى ۋاقتىدا ھەل قىلىپ بىرىشىنى . كورلا شەھىرىدىكى دېھقانلارغا قانائەتلەنگۈدەك جاۋاپ بىرىشىنى ئۈمۈد قىلىمەن .

لوپنۇرى

	كورلا مەملىكەت بويىچە پاكىز شەھەر نامىنى ئېلىش ئۈچۈن كۆپ تىرىشتى ھەم كۈچەپ كەلدى. ھېلھەم ئاشۇ نام ئۈچۈن ھېچنېمىگە قارىماستىن، مەبلەغنى شەھەر قۇرۇلىشىغا ئايانماي سېلىپ كېلىۋاتىدۇ. كورلا شەھىرىدىكى ئۈچ دەريا قۇرۇلىشى بۇنىڭ تىپىك مىسالى. بۇنىڭغا سېلىنغان مەبلەغنىڭ زادى قانچىلىك ئىكەنلىكىنى شەھەر ئاممىسى ئېنىق بىلمەيدۇ، ئەلۋەتتە. شەھەر گۈزەل بولسا ھەممەيلەن پەخرلىنىدۇ. لېكىن شەھەرنى گۈزەللەشتۈرۈش باھانىسى بىلەن خەلقنى جان تومۇرىغا پالتا چېپىش ئەقىلغە ئۇيغۇن ئەمەس. ھازىر تېخى بۇ قۇرۇلۇش تولۇق پۈتۈپ سۇ باشلىمىدى. نەگىللا قارىشىڭىز ھەيۋەتلىك كۆرۋۈك، شەھەرنىڭ ئۇ چېتىدىن بۇ چېتىگىچە دەريا. ئەمدىكى گەپ بۇ دەريا پۈتكەندىن كېيىن ئۇنى قۇرۇق تاشلاپ قويغىلى بولماس. قۇرۇق تاشلىمايمىز دەپ سۇ باشلىسا شەھەر ئەتىراپىدىكى دېھقانلارنىڭ سۇ ئىشلىتىش مەسىلىسىگە كاپالەتلىك قىلىش بەسى مۈشكۈل بولىشى مۇمكىن. ھازىر ھەممە جايدا ئاممىۋىي لۇشىيەن تەربىيىسى قانات يايدۇرلۇۋاتىدۇ. ھۆكۈمەت ئامما ئۈچۈن قانداق پايدىلىق ئىشلارنى قىلىپ بېرىشى كېرەك؟ دېگەن مەسىلە ھەققىدە سۆھبەت مۇنازىرىلەر بولىۋاتىدۇ. ھۆكۈمەت ئۆز شان-شەرپى ئۈچۈن پۇقرالارنى سۇدىن قىسسۇنمۇ؟ ياكى ئاممىۋىي لۇشىيەننىڭ روھى بويىچە دىھقانلارنىڭ سۇ ئىشلىتىش مەسىلىسىنى ھەل قىلىشى كېرەكمۇ؟ بۇنى ئاقىلانە رەھبەرلەر ئوبدان ئويلىنىشى كېرەك. كورلا شەھىرىنىڭ ئاساسلىق سۇ مەنبەسى باغراش كۆلى ھېسابلىنىدۇ. باغراش كۆلىنىڭ سۇ ئورنىنىڭ يىلدىن يىلغا تۆۋەنلەپ كېتىۋاتقانلىقىنى ھۆكۈمەت ئەلۋەتتە بىلمەي قالمايدۇ. شەھەر خەلقى ئۈچۈن خىزمەت قىلىشنى نىشان قىلغان ھۆكۈمەت كۈز ئالدىدىكى مەسىلەرنى ئويلاش بىلەن بىرگە، خەلقنى يىراق كەلگۈسىنىمۇ ئويلىشى كېرەك ئەلۋەتتە.

hokumran

	ئىنىمىز مارشال خەلق تۇرمۇشىغا مۇناسىۋەتلىك مۇھىم مەسىلىلەرنى ئوتتۇرىغا قۇيۇپتۇ. مەسىلە ئوتتۇرىغا قۇيۇلغانىكەن چوقۇم زۈرۈر بولغان ھەل قىلىش تەدبىرىنى قوللىنىپ ئاۋامنى خاتىرجەم قىلىش كېرەك.    1.  2013-يىلى- 12-ئاينىڭ 23-كۈنىدىن 24- كۈنىگىچە بېيجىڭدا ئېچىلغان مەركەزنىڭ يېزا خىزمىتى يىغىنىدا يېزىلارنىڭ جەمىيەتنى باشقۇرۇش خىزمىتىنى كۈچەيتىش توغرىسىدا مۇنۇلار كۆرسىتىلدى: يېزىلارنىڭ خەلق تۇرمۇشىنى كاپالەتلەندۈرۈش ۋە ياخشىلاشنى ئالدىن ئويلىشىش نىشانى قىلىپ، سېستىمىلىق تۈزەش، قانۇن بويىچە ئىدارە قىلىش، ھەر تەرەپلىمە تۈزەش، مەنبەدىن تۈزەش، قارىشىنى تۇرغۇزۇپ، دېھقانلارنىڭ خاتىرجەم تۈرمۇش كەچۈرۈشىگە، يېزىلاردا جەمئىيەتنىڭ تىنچ، تەرتىپلىك بولۇشىغا كاپالەتلىك قىلىش كېرەك. يېزىلاردىكى ئىجتىمائى زىددىيەتلەرنى ھەل قىلىشقا ئەھمىيەت بېرىپ، جەمئىيەتنىڭ مۇقىم، تەرتىپلىك بولۇشىغا كاپالەتلىك قىلىپ، دېھقانلارنىڭ ھەر جەھەتتىكى مەنپەئەت تەلىپىنى ۋاقتىدا ئىنكاس قىلىپ ۋە ماسلاشتۇرۇپ، ھۆكۈمەت بىلەن ئاممىنىڭ مەنپەئەت مۇناسىۋىتىنى ياخشى بىر تەرەپ قىلىپ، ئىجتىمائىي زىددىيەتلەرنىڭ مەنبەدىن ئالدىنى ئېلىش ۋە ئۇنى ئازايتىش كېرەك. (ئەسكەرتىش: بۇ مەزمۇنلار ‹‹ئاقسۇ گېزىتى››نىڭ 2013-يىل 12-ئاينىڭ 26-كۈنىدىكى مۇھىم خەۋەرلەر بېتىدىكى ‹‹مەركەزنىڭ يېزا خىزمىتى يىغىنى بېيجىڭدا ئېچىلدى›› ماۋزولۇق ماقالىدىن ئېلىندى.)       2.  ھازىر ئاپتونۇم رايۇنىمىزدىمۇ‹‹ئەل رايىنى ئىگىلەش، خەلق تۇرمۇشىغا نەپ يەتكۈزۈش، خەلق قەلبىنى مۇجەسسەملەش›› پائالىيىتى قىزغىن قانات يايدۇرۇلۇۋاتىدۇ. مەركەز بىلەن ئاپتونۇم رايۇنىمىزدىكى ھەر دەرىجىلىك پارتىيە- ھۆكۈمەت ئاپاراتلىرى يېزا ئىگىلىكى، دېھقانلارنى ھاللىق سەۋىيەگە يەتكۈزۈش، خەلىققە ئەمەلىي نەپ يەتكۈزۈش جەھەتتە نۇرغۇن خىزمەتلەرنى ئىشلەۋاتقان مۇشۇ پەيتتە كورلا شەھرى شاڭخو كەنتى رەھبەرلىرىنىڭ ئاۋامنىڭ ساداسىغا قۇلاق سالماي ئۆز مەيلىچە ئىش كۆرۈشى ئۇلارنىڭ خىزمەت ئىستىلىدا ئېغىر مەسىلىلەرنىڭ ساقلىنىۋاتقانلىقىنى بىلدۈرىدۇ. مۇناسىۋەتلىك ئورۇن، ۋە رەھبەرلەر ئۇلارنىڭ مەسئۇليىتىنى چوقۇم قاتتىق سۈرۈشتە قىلىشى كېرەك. 3.  ئىجتىمائىي مۇقىملىقنى ساقلاشنىڭ تۈپكى شەرتى بولسا ئاۋامنىڭ كۆڭلىنى مايىل قىلىش، ئاۋامنىڭ تۇرمۇشىنى خاتىرجەم قىلىش. ئاۋامنىڭ تۇرمۇشى خاتىرجەم بولمايدىكەن، جەمئىيەتنىڭ تىنچ-ئامان بولۇشىدىن شۇنداقلا ئەبەدىي ئەمىنلىكتىن ئەسلا سۆز ئاچقىلى بولمايدۇ. ئىچكى زىددىيەتلەردىن مۇقىمسىزلىق ئامىللىرىنىڭ كېلىپ چىقىشىنىڭ ئالدىنى ئېلىش ئۈچۈن كەنت رەھبەرلىرى شۇ يەردىكى دېھقانلارنىڭ جانىجان مەنپەتىگە تاقىشىۋاتقان سۇ مەسىلىسى، ياشلارنىڭ ئولتۇراقلىشىش مەسىلىسى، ۋە خەتەرلىك ئەسلىھەلەرنى رېمۇنىت قىلىش قاتارلىق ئىشلارنى دەرھال ھەل قىلىشى كېرەك. كەنت پۇخرالىرىنىڭ ماقۇللىقىدىن ئۆتمىگەن، ۋە كەنت، ئاۋام ئۈچۈن پايدا ئېلىپ كېلەلمەيدىغان زۈرۈرىيىتى يوق قۇرۇلۇش تۈرلىرىنى دەرھال توختىتىپ، كەنت پۇخرالىرى زۈرۈر ئېھتىياجلىق بولغان ئەمەلىي قىيىنچىلىقلارنى ۋاقتىدا ھەل قىلىشى كېرەك.          كۆرلىدىكى مۇناسىۋەتلىك رەھبەرلەرنىڭ كەنت پۇخرالىرىنىڭ ئەمەلىي قىيىنچىلىقىنى كۆرۈپ تۇرۇپمۇ، ئۆز بېشىمچىلىق بىلەن ئىش بېجىرىۋاتقان كەنت كادىرلىرىنىڭ مەسئۇليىتىنى قاتتىق سۈرۈشتە قىلىدىغانلىقىغا، ئاۋامنىڭ قىيىنچىلىقىنى ۋاقتىدا ھەل قىلىدىغانلىقىغا ئىشىنىمىز، شۇنداقلا مەسىلىلەرنىڭ ۋاقتىدا ھەل بولۇشىنى ئۈمىد قىلىمىز.

gulsumay

	‹ خەلق ئۈچۈن خىزمەت قىلىمىز › دەپ شوئار توۋلايدىغان باشلىقلار ، رەھبەرلەر قۇرۇق شوئار توۋلاش بىلەن بولۇپ كەتمەي ، ئاممىنىڭ يۈرەك ساداسىغا قۇلاق سالسا ياخشى بولاتتى... ھازىر قەيەردىلا بولمىسۇن ‹ شەھەر قۇرۇلۇشى › ، ‹ گۈزەل ناھىيە-شەھەر بەرپا قىلايلى › دېگەن شوئارلارنى كۆرىمىز ، ھەم ئاڭلاۋاتىمىز . بۇنىڭغا يۇقىرىدىن يېتەرلىك ماددىي مەبلەغ چۈشۈرۈپ بېرىۋاتىدۇ ھەقىچان... بىراق، جەلقنىڭ يۈرەك ساداسى ، ئاممىنىڭ نۆۋەتتىكى قىيىنچىلىقلىرى ھەل بولماي تۇرۇپ ، ئاتالمىش ‹ قۇرۇلۇش ›قا چۈشكەن مەبلەغلەر ئەسلى ئورنىغا ئىشلىتىلمەيۋاتقان ئەھۋاللار كۆز ئالدىمىزدا پولاتتەك پاكىت بولۇپ تۇرۇپتۇ. پۇقرالار ، دېھقانلار دەردىنى ئىچىگە يۇتۇشقا ، دادىللىق بىلەن چىش يېرىپ دەرد تۆكۈشكە ئامالسىز قېلىۋاتىدۇ . بۇ توغۇرلۇق سۆزلەپ كەلسە ئادەمنىڭ يۈرىكى ئېچىشىپمۇ قالىدۇ بەزىدە... يېزىڭىزدىكى مەسلىنىڭ ۋاقتىدا ھەل بولۇشىنى ئۈمىد قىلىمەن !

لەزىينە

	ھازىر كورلىىنىڭ ھەممە يېزىسىدا سۇ مەسىلىسى قىززىق نوقتا بۇلۇپ قالدى.يېزىگىمۇ كۈندە سۇ توغرىلىق  ئەھۋال ئېيتىپ يېزا باشلىقىنى ئىزدەيدىغانلار بار .ھەي ................بولدىلا ئارتۇق گەپ قىلماي