جېنىمدىكى جان

Gvljahan

	جېنىمدىكى جان (خاسىيەت ئابلىمىت ) شۇتاپ ، تۇرماقتىمەن ئەينەكتىكى ئۆزەمگە قاراپ ، ھىچ، ھىچ ئىشەنگۈم كەلمەس، روھىم ، جىسمىم بىشەك ئېغىر بىتاپ .... تېخى ئون كۈن ئاۋال ، يۈرەتتىم بۇلۇتلاردا ، كۈلەتتىم بوستانلاردا ، خانىش سىياق ئىدىم ئانىلىق شەرىپىدىن ، نەقىسمەت ؟ نەھۈكۈم ؟! ھىچ بىلمىدىم ، دىل ئاسمىنىمدا بىمەھەل زاۋال ..... چۈشۈمدەك ، شىرىن خىيالىمدەك ، ئەسلىمىسىمان ، تۆت ياشار قىزىمنىڭ بۇدرۇق قوللىرى، قورسىقىمنى سىپار ئىدى مامۇق پەيسىمان : «ئۇكام ، تاتلىق ئۇكام ، چاپسان تۇغىلە، تە-تە ئىتەي مەن ، بۇلماق بىرەيمەن ، ئاڭلىدىڭمۇ ئۈنۈمنى ؟ تۇتۇپ ماڭساڭ قولۇمنى .....» كۈلەتتىم خەندان ئۇرۇپ ، «ئاھ، ئىككى قاناتىم بار بولدى ، شۈكرى ساڭا ئىگەم »، پىنھان ۋەدىلەر بىلەن خۇشلىقىمنى دىگەن ... ئوخچىغانىدى يۈرىكىمدە قان ، سىغماي تىنىمگە شادلىقتىن ، بەختىيارلىقتىن ، چېچەكلىگەنىدى جېنىمدىكى يېڭى بىر جان ، كۈتەتتىم ، باغاشلايتتىم ئۆزۈمنى ئۆزۈم ، ئايدەك بولسىدى دەپ -ئايدا ، گۈلدەك بولسىدى دەپ -گۈلدە، ئېغىر ، ھۇسۇللۇق بولسۇن دەپ -يەردە ئىدى، جۈپ قارا كۈزۈم .... تەغدىر تۇتتى مىنى مەھكەم ، ئۆزەم گۇيا ھاڭ لىۋىدە ، تەشنا پېتىم ، سۇسىز قۇدۇق بويىدا ، كارۋىنىدىن ئېزىققان يىگانە يولۇچى گۇيا ...... ئۆزەمدە ئۆزەم ئۆلدۈم ، مىدرىغان جان ، تەپكەن يۇمران تاپان ، يۈرۈكۈمنى لەرزىگە سالغان ، (ئىزىلدى قەلبىم .....) يالغۇزلىقىمدا ، بىقۇۋلىقىمدا ، بەردەم ئوغۇلنىڭ سۈرىتى ، چۈشۈم تامان ئىسىمدە قالغان .... ئاھ نىتەي ؟ دەردىمنى كىمگە دەي ؟! ھايات بەزىدە شىرىن ، يەنە بەزىدە مانا شۇنداق ئوغا ، ئازابنىمۇ چىرايلىق بىزەپ ، قىلىپ قويىدۇ سوۋغا، تۆت ئايلىق يېڭى جان ، بولدى ماڭا تۆت ئايلا ھەمرا ، تۆت ئايلا كۈلدۈم ، جېنىمنىڭ چېچىكى ، ئۇچرىدى قايسى بورانغا؟ يۇلۇقتى قايسى يامانغا ؟ تۆكۈلمەك بولدى .... جىسمىم مىنىڭ پۈكۈلمەك بولدى ، نەئىلاج؟ جېنىمنىڭ چېچىكىنى تىنىمدە كۆمدۈم ...... زارلىسام ، يىغلىسام ، چېچىمنى يۇلسام ، نەھال ؟ ، نە پايدا ؟ قەلبىمگە كىردى بىر نىدا : «بەزىڭلارنى ئاناڭلارنىڭ قارنىدا ، بەزىڭلارنى تۇغۇلغىنىڭلاردا ، يەنە بەزىڭلارنى مۇئەييەن ياشتا، ئالىمىز ئىلكىمىزگە ، بۇ ھايات ئۇيۇن ئەمەس ، بىلگۈچىلەرگە، پات ئارىدا ئاياندۇر ھەممە ....» نىتەي بەندىلىكىمدە ، كۆرسىتىپتۇ ھەقلىغىنى جىسمىمدە ، چىن پۈتتۈم ، بەرگىنى ئالەمچە سەۋر، ئالەمچە ئۈمىد، ئىسىملىدىم - مىرئادىل ، «ئۈمىدىم شۇكى ، پەرۋەردىگارىم -ئادىل ، تىگىمىز تۇپراق ، مەندىن ئاۋال قايتتىڭ يۇمرانىم ، سەھەر -شامدا سەن ئۈچۈندۇر دۇئايىم »، (شۇ تاپ كۆز ياشلىرىم سەلدۇر ، سەن سەۋەبلىك تۈكۈلگۈسى گۇناھىم  ، ) دىدىم پەقەت شۇنچىلا ، ئادەملىكىم قاسراق تاشلىدى، ئەقىدەم ھەم تىرەن مەنزىل باشلىدى. ............................................................. 2014-يىل 5-ماي مەنبە : خاسىيەت ئابلىمىت قەلىمى

قورغان

	چىن قەلىبتىن تۆكۈلگەن مۇڭلۇق دۇردانىلىرىڭىزنى ئوقۇپ ،مۇڭلاندىم ،اللاھ ئىشلىرىڭىزنى ئاسان قىلغاي.

Gvljahan

	سىلەر ماڭا يات ئەمەس ، مەن سىلەرگە يات ئەمەس ، شۇڭا قەلبىمدىكىنى تۆككۈم كەلدى ....ئاللاھ ھەممىمىزنىڭ ئىشىنى ئاسان قىلغاي ، مىنىڭ بېشىمغا كەلگىنى باشقا ئانىلارنىڭ بېشىغا كەلمىگەي ...

abdul915

	پەرزەنتىدىن ئايرىلغان ئانىلارنىڭ ئورنى جەننەت دېيىشىدىكەن قېرىندىشىم.

nurjula

	ئېسىت، سەۋىر قىلىڭ، قېرىندىشىم، ئاللاھ يەنە ئاتا قىلىدۇ، سىزلا ساق ساغلام بولسىڭىز، يەنە پەرزەنىت كۆرىسىز، ئىنشائاللاھ.

rahiyma

	سەۋر قىلىڭ ھەدە، ئاللاھ شۇ ناتىۋانىڭىزنىڭ ياتقان يېرىنى جەننەتتە قىلسۇن، ئامىن! سىزگىمۇ ەم ئىككى دۇنيالىق مەرتىۋە ئاتا قىلغاي، ئامىن!