ئۇيغۇر دوپپىسى

چاقنار

	ئۇيغۇر دوپپىسى    مىللىتىمنىڭ بەلگىسى پەخرى ئۇيغۇر دوپپىسى، قايىل ئېتەر ھەممىنى سېھرى ئۇيغۇر دوپپىسى، نۇر چاچىدۇ كىيگەننىڭ چېھرى ئۇيغۇر دوپپىسى، تاشلىۋەتسەڭ تاشىدۇ قەھرى ئۇيغۇر دوپپىسى، يېقىلمايدۇ مەڭگۈگە  تەختى ئۇيغۇر  دوپپىسى. يەتتە ياشتىن يەتمىش ياش يارىشىسەن ھەممىگە، غۇنچە كەبى قىزلارنىڭ ھۆسۈن قوشۇپ ھۆسنىگە، قوشۇلسا ئاڭا ئەتلەس ھەم كېلىدۇ گۈل گۈلىگە، سېنى  كىيسە  بوۋايمۇ  ئىشەنمەيدۇ  كۆزىگە، ئايرىپ تۇرار ئۆزگىدىن پەرقى  ئۇيغۇر دوپپىسى. چىمەن،بادام ،مارجان دەپ ئىسىملىرىڭ ئۆزگىچە، ھۈنەرۋەنلەر قولىدىن پۈتۈپ چىققان نۇر ئۈنچە، كىيەر شۇڭا قەدىرلەپ يىرتىلغان شۇ كۈنگىچە، ھەمرايىسەن سەيياھنىڭ مەنزىللەرگە يەتكۈچە، بىباھادۇر بىلگەنگە  نەرقى  ئۇيغۇر دوپپىسى. لېكىن ئەپسۇس بەزىلەر كۆزلىرىڭنى ياشلىدى، مەتۇلارنىڭ ئىشى دەپ سېنى چۆرۈپ تاشلىدى، سېنى كىيگەن بېشىنى تۈزەشتۈردى، ‹‹تاز››لىدى، بويۇن قىستىڭ قازناقتا   ئەتىۋارىڭ  ئازلىدى ، سۆزلەپ كەلسە يەنە بار  دەردى ئۇيغۇر دوپپىسى. ئەجدادىمىز قەدىرلەپ كىيىپ كەلگەن ئىدىغۇ، زەررىچىلىك نۇقسانمۇ تېپىلمايدۇ سەندىغۇ، ئويلاپ باقماي ئەسلىنى ساڭا زۇلۇم قىلدىغۇ ، كىيمەسلىككە باھانە ،سەۋەپ زادى  نېمىدۇ؟ خارلانمىسۇن تاشلىنىپ قەدرى  ئۇيغۇر دوپپىسى. بۈگۈن سېنىڭ بايرىمىڭ خۇشال بولغىن شادلانغىن، كەلگۈسىگە ،ئەتىگە ئۈمىد  بىلەن   ئاتلانغىن، جۇلالىنىپ  تېخىمۇ  كۆڭۈللەردە  نۇرلانغىن ، ئۇنتۇلمىغىن ھەرگىزمۇ،داستان كەبى يادلانغىن ، مىللىتىمگە تۇتاشقان  قەلبى  ئۇيغۇر دوپپىسى . مەنبە: ئۆز ئىجادىيىتىم 2014-5-5  ئېلىجان  مەتتوختى (چاقنار) ئەسكەرتىش: بۇ  شېئىر پۈتۈنلەي مىسرانىم  تورىغا   تەۋە، باشقا مۇنبەر، سالونلاردا    تارقاتسىڭىز ئەسلى مەنبەنى ئەسكەرتىڭ!

qqeziz

	بەك ياخشى يېزىپسىز ھازىر جەمىيتىمىزدە دوپىدىن نۇمۇس قىلامدۇ بەزلەر ئاتا ئانىسى ئۈلسە كىيدىغان بولمىسا ئۆيدە ئقشكاپنىڭ ئىچىگە تىقىپ قۈيدىغانلامۇ باكەن بىز ئۇيغۇرنىڭ دوپىسى بۈلغانكىن ھەممىز دائىم كېيلى دوپپا ئۈزى چىرايلىق كىيىم

akkiz

	بۇگۈن دوپپا بايرىمى . ئەجەپ ياخشى چىقىپتۇ

چاقنار

	bilqut يوللىغان ۋاقتى  2014-5-5 09:48 AM ۋاھ بەك ياخشى يېزىلىپتۇ، بۇنى كومپىيۇتېرىمغا ساقلىۋال ... ياقتۇرغىنىڭىزغا   كۆپ  رەھمەت   ،  ئاپتورى   مەن  شۇ        ئاستىدا   ئىسمىمنىمۇ    ئەسكەرتىپ   قويغان

qaraxani

	لېكىن ئەپسۇس بەزىلەر كۆزلىرىڭنى ياشلىدى، مەتۇلارنىڭ ئىشى دەپ سېنى چۆرۈپ تاشلىدى، سېنى كىيگەن بېشىنى تۈزەشتۈردى، ‹‹تاز››لىدى، بويۇن قىستىڭ قازناقتا   ئەتىۋارىڭ  ئازلىدى ، سۆزلەپ كەلسە يەنە بار  دەردى ئۇيغۇر دوپپىسى. بەلەن يېزىپسىز....

Uyghurbufet

	ئەجدادىمىز قەدىرلەپ كىيىپ كەلگەن ئىدىغۇ، زەررىچىلىك نۇقسانمۇ تېپىلمايدۇ سەندىغۇ، ئويلاپ باقماي ئەسلىنى ساڭا زۇلۇم قىلدىغۇ ، كىيمەسلىككە باھانە ،سەۋەپ زادى  نېمىدۇ؟ خارلانمىسۇن تاشلىنىپ قەدرى  ئۇيغۇر دوپپىسى   ئەمدىكى گەپ ئاتا-ئانىلاردا قالدى، ئۆزىمىزمۇ  كىيىپ، باللىرىغىمىزغىمۇ  ئۈگۈتۈش كىرەك...

كەمتەرى

	پاساھەتلىك شېئىركەن،قولىڭىزغا دەرت كەلمىگەي

ئالمىچى

ئالمىچى

	باش سۈرتىمدىكى بۇرەسىمنىڭ مەنىسى بار، دوپپا ئۇيغۇرلارغا، ئالما يۈرەككە، ئالمىدىكى ئاۋۇ يۈرەك مىھرى_مۇھاببەتكە ۋەكىللىك قىلىدۇ،

XERHAN

	مەن بىرەر يىلچە بولدى دوپپىغا كۆنۈپ قاپتىمەن ، دوپپىنىڭ ئورنىغا شەپكە كەيسەم ئانچە قاملىشالمىغاندەك بىلىنىدۇ . يالاڭباشتاق يۈرسەم خۇددى بىرەر يېرىمگە كىيىم كىيمەي ئېچىلىپ قالغاندەك ياكى بىرەر نەرسەم يوقاپ كەتكەندەك ھىس قىلىدىغان بولۇپ قاپتىمەن . شۇڭلاشقا كۆپىنچە ھاللاردا دوپپا كىيىمەن ، بولۇپمۇ ئاممىۋى سورۇنلاردا ، كوچا - كويلاردا ئاساسەن دوپپا كىيىمەن .