دوپپا دىگەن ‹‹كىملىك››تۇر

تۆتتاش

	دوپپا دىگەن ‹‹كىملىك››تۇر تۆتتاش بايرام بۈگۈن بولغاچقا دوپپا كەيدىم ئۆزگىچە،     دوپپا كىيىپ يول ئالدىم ئېتىز-قىرلار تۈزگىچە،       ئەمدى سالماي كىيۇرمەن باھار ،ياز ھەم كۈزگىچە، دىدىم شۇنداق ئاۋامغا قايتىپ كەلگەچ ئۆيگىچە،       دوپپا دىگەن ئودۇمۇم  ھاياتلىقتىن ئۆلگىچە. ئەجداتلىرىم ئۇلۇغلاپ تەۋەرۈك قىپ ساقلىغان، دوپپا كىيىپ خاسلىقنى، ئۆز-ئۆزىنى ئاقلىغان، نۆۋىتىدە شۇنداھەم ئەدەپ - ئەخلاق ياقلىغان، دوپپا بىلەن  ئىماننى ،ئېتىقاتنى پاكلىغان، دوپپا دىگەن‹‹يول خېتى››قۇرۇلتايدىن يانغۇچە. مەن ئېيتىمەن ناخشىنى، دوپپا ئۇيغۇر ناخشىسى، دوپپىلاردەك باش كىيىم تېپىلمايدۇ ياخشىسى، چۈنكى دوپپا نۇر چاچقان ئۇيغۇرلارنىڭ تاجىسى، دوپپا مىنىڭ بەلگەمدۇر، مەن بىر ئۇيغۇر تامچىسى، داستان قىلىپ كۆيلەيمەن بېشىم كۆككە يەتكۈچە. دوپپا دىگەن‹‹كىملىك››تۇر،بىر مىللەتنى تۇنۇتقان، پاك ئۇدۇمنى ئەۋلادقا ھېكمەت قىلىپ يۇرۇتقان، بىراق بەزى گۆدەكلەر بۇ ھېكمەتنى ئۇنۇتقان، چىقارمىغىن ئىسىڭدىن بىز دوپپىدىن ئۇيۇشقان، دوپپا ئۇيغۇر ئۇدۇمى، ئەلمىساقتىن كەلگۈچە. دوپپا بىزنىڭ بەلگىمىز 55 خىل مىللەتتىن، تاشلىمايلى دوپپىنى ساقلىنىپ بىز ئىللەتتىن، ئۆگىنەيلى ئۆز-ئارا ئىتىپاقلىق خىسلەتتىن، نۇرلاندۇرغىن ئۆزەڭنى دوپپا‹‹كىملىك››ھېكمەتتىن، ‹‹دارغا ئېسىلىپ ئۈلىۋال››دوپپىدىن ۋاز كەچكۈچە. دوپپا كىيگەن قوشناڭغا كۆزلىرىڭنى ياشلىما، ناماز بوپتۇ ئۆيدە دەپ، دوستلىرىنى باشلىما، ‹‹سەۋىر قىلىڭ››دەپ قولنى، مۈرىسىگە تاشلىما، ‹‹بەلباغ››يوق دەپ بىلىدە، گەدىنىڭنى قاشلىما، ماتەمسىزمۇ كىيگەن بىز، كىرگۈچە ياش يۈزگىچە. دوپپا كىيسە ئۆز-ئارا مىھرى تۇنۇش ئۆز بۇلۇر، ھەۋەس قىلىپ بىزلەرگە ھەممە جايدا كۆز بۇلۇر، بارچە مىللەت ئىناق  دەپ جاراڭلىغان سۆز كىلۇر، تۇنۇشمىغان كۆڭۈللەر دوپپا بىلەن ئۆز بۇلۇر، دوپپا كۆرسە دوپپىنى تەكلىپ قىلار تۆرگىچە. تاشلىۋەتسە كىم ئۇنى ئەلدىن يانار سورىقى، شۇڭا دائىم بۇلۇدۇ دوپپىلارنىڭ كۆرىكى، دوپپا دىگەن تەۋەرۇك-ئۇيغۇرلارنىڭ يۈرۈكى، دوپپىلاردىن ياتلاشقان بولماس مىللەت ئۆرنىكى، قەدىرلەيلى دوپپىنى  بۇ دۇنيادى كەتكىچە. توقسۇ

tawgaq

	ھەممەيلەننىڭ دوپپا بايرىمىغا مۇبارەك بولسۇن

qaraxani

	باش خوۋلۇغى دوپپا تەلپەك، تائام خوۋلۇغى پولو چەلپەك...

چاقنار

	رەھمەت    بەك   ئېسىل   شېئىر   بوپتۇ   ،ھارمىغايسىز

sayam

sayam

كەمتەرى

	نەغمە تۇقۇپ  دوپپا دەپ پارتىيەنى ياقلىغان، دوپپا بىلەن  ئىماننى ،ئېتىقاتنى پاكلىغان،

uyol

	ھەقىقەتەن ئېسىل چىقىتۇ. ھەممىڭلارنىڭ دوپپا بايرىمىغا مۇبارەك بولسۇن

nazigul8

	بۇ شېئىرمۇ ياخشى يېزىلىپتۇ، دوپپا ھەقىقەتەن  ئۇيغۇلارنىڭ ئۇيغۇر «كىملىكى». ئەگەر تېما ئىگىسى خاپا بومىسا، ئا ئىككى مىسرانى تۆۋەندىكىدەك ئۆزگەرتسە بولامۇ، كۆرۈپ باقسا.  بۇ پەقەت گەپ-سۆز چىقىشلانىڭ ئالدىنى ئېلىش ئۈچۈنلا ئويلىغىنىمتى، (ھىلىمۇ شۇ ئىككى مىسراغا دىققەت قىلغانلا باكەن) ئارتۇق ئىشقا ئارلاشقان بوسام، كومىگەنگە سېلىۋېلىڭلا-ھە... نەغمە توقۇپ دوپپا دەپ ئۇيغۇرۇمنى ماختىغان، دوپپا كىيىپ  ئىماننى ،ئېتىقاتنى ساقلىغان،

abugazi123

	‏دەپسەن دوپپا خان تاجىم، ‏ياغلىق لىچەك ھىجاپچۇ؟ ‏ئەۋرەتلەرنى يۆگىگەن ، ‏پۈركەنجە ۋە جىلبابچۇ؟ ‏ دىن ئۇقىمى ئەمەس ئۇ، ‏پەقەت مىللەت بەلگىسى. ‏دۇرۇس ئەمەس قىزلارغا، ‏ئەركەكلىرىڭ كەيگىسى. ‏ ‏ئەۋرەت ئېچىپ ھەر يەردە، ‏قىلما شۇئار دوپپىنى . ‏بىر كۈن پەقەت كىيىپلا، ‏باسالمايسەن ئورنىنى. ‏ ‏دوپپا كىيىش شەرەپ دەپ، ‏قىلغان قۇرۇق شۇئارىڭ، ‏ئاقماس ئەجداد ئالدىدا، ‏ئۇنداق شەكلى دەۋايىڭ. ‏ كىيىسەن بايرام ئايەمدە، ‏ياكى نەزىر ماتەمدە، ‏شۇدۇر مانا ئەھۋالىڭ، ‏داۋراڭ سالسەن ئالەمدە. ‏ دوپپا ماختاپ شائىرلار ، ‏نەزمە قوشاق قېتىشتى. ‏ھىجاپ سۆيگەن مەستۇرە، ‏زىندانلاردا يېتىشتى. ‏ ‏كەيمە ئەمەس كەي دوپپا، ‏بىر كۈنگىلام خاس ئەتمە. ‏مومام كەيگەن دوپپا دەپ، ‏كاززاپلىقنى راس ئەتمە. ‏ ‏يازماي دېگەن ئەسلىدە، ‏سۈكۈت قىلىپ تۇراي دەپ. ‏لېكى  يازدىم چىدىماي، ‏ھەقنى شۇنداق قوللاي دەپ. ‏ ‏ئاپتور :ئەبۇ غازى ‏2014.5.5 يېزىلدى(كەچ) ‏ ‏‏ ‏ئىلاۋە:مەزكۇر شېئىر ،ئاتالمىش دوپپا بايرمچىللىرغا ئاتاپ يېزىلدى. ‏دوپپا مىللىتىمىزنىڭ ئەنئەنىسى كىملىكى، ‏لېكىن ئەرلەرنىڭ نامەيەندىسى. ‏ئايال ھەمشىرلىمىزگە كىيىش دىنى ۋە مىللى نۇقتىدىن  ،رۇخسىەت قىلىنمىغان. ‏دوپپا كىيىش دىندا چەكلىمىگە ئۇچرىمىغان، ‏رۇخسەت قىلىنغان ئۆرۈپ ئادەت.مىللى مەسئۇلىيەت. ‏لېكىن بايرامغىلام تەدبىقلاش ،ئەقىل ئىگىسگە ماس كەلمەيدىغان ئۇقۇم. ‏كەيمىسە يامان بولىدۇ‏ دەپ قاراش بولسا، ‏بۇ ئاساسسىز بىرگەپ . ‏ئاخىردا ئاللاھ ھەممىمىزنى ،ھەقىقەتنى تونىيدىغان خەلىق قىلىپ بەرسۇن. ‏ھەرگىز مىللەتنى دىندىن ئۈستۈن قىلۋالغانلارنىڭ قاتارىدن قىلىپ قويمىسۇن. ‏ئاخىردا دىننى مىللەتنى سۆيدىغان ھەقىقى مۇتتەقىنلەردىن  قىلسۇن.. ‏كامالى ئېھتىرام بىلەن :ئەبۇ غازى ‏ ‏ ئەمگىكىمىزگە ھۆرمەت قىلىڭ !!!! ‏ئىشلىتىش ھوقۇقى بارلىق مۇسۇلمانلارغا مەنسۇپ!!! ‏