چاڭقىغان يۈرەك-نەسىر

ئاي530

	چاڭقىغان يۈرەك                                     نەسىر                                           قەلىپ ئېتىزىم ئۇسسۇزلۇقتىن ھالسىرىماقتا....نىمىلەرگىدۇر تەلپۈنمەكتە. چاڭقاپ كەتكەن يۈرىكىم شۇ تاپتا بىر تامچە زەم-زەم سۇغا شۇنچىلىك تەشنا بولدىكى  قاخشال بۇلۇپ قۇرىغان گىياھسىز چۆللۈكتەك شۇنچىلىك غېرىپ. كۈڭۈل ئەينىكىمدىن خوشاللىقنىڭ نۇرى تامام ئۈچكەن،شۇنچىلىك غۇۋا بىر سىما ئەتراپقا بوشقىنا سايە تاشلاپ پىتىرماقتا. تەغدىرنىڭ ئاچچىق ئەلەملىرى ھۇجۇدۇمغا پولات تامغىدەك مەھكەم ئۇيۇلغان. مەن تەشنا بولغان ،زارىقىپ كۈتكەن خىيالى شەھىرىمدىكى بەخىت خۇددى مەندىن ئات چاپتۇرۇپ بەدەر قىچىۋاتقاندەك تۇيۇلماقتا.خىيال تەپەككۇرۇم مېنى يالغۇزلۇق،غېرىپلىق زىندانىغا مەھكۇم قىلماقتا.مەن بۇ چىگىش خىياللار ئامبىرىدىن يۇلقۇنۇپ چىقاي دىدىميۇ، چىقالمىدىم،تىپىرلاۋاتىمەن. قىينىلىۋاتىمەن.... رەھىمسىز دۇنيا ئامبۇر بىلەن چىڭ سىقىۋاتقاندەك نەپسىم يىتىشمەي بۇغۇلۇپ قىلۋاتىمەن. بالىلىق ئەسلىمەمنى ۋاراقلىسام ئۇرۇش-جىدەل بىلەن تولغان ماكان مېنىڭ مىھرى-مۇھەببەتكە تەشنا قەلبىمگە تىغ ئۇرغانىكەن.سەبى قەلبىم دىل يارىسى بىلەن قاتتىق ئېچىشىۋاتقان كۈنلەردە ئوخشىمىغان مۇھىتتىكى بىلىم يۇرتلىرى ماڭا دورا بىرىپتىكەن.ئەپسۇس بۇ دورا پەقەت ياماقچىلىق مەنپەت قىلغان بىلەن ھەرخىل كەيپىيات،مىجەز،قاراشلىرىمغا ئاساس ساپتۇ.مەن شۇنچىلىك بىچارە. نە بىر ماكان،مەرىپەت مەركەزلىرى،نە دوسلۇق ياكى قىز-ئوغۇللار ئوتتۇرىسىدىكى مۇھەببەتتە بولسۇن ھەممىنى مەندىن مەھرۇم قىپتۇ.مىھىرسىز تەشتەكتە يىتىلگەن ياۋا شاخ مانا چوڭ بولغاندا بولسا شۇنچىلىك قەيسەر يىتىلىپتۇكى مىۋىلىرىمۇ شۇنچىلىك ئاچچىق.قەلىپ ئىتىزىمغا بېسىپ كىرگۈدەك بىر كۈچ يوق. بىرخىل رىتىمدا كىتىۋاتىمەن.گۈزەل شەھەر،ئاجايىپ مەنزىرە، بىپايان دېڭىز،گويا جەننەتتەك ماكان،ھەيۋەت بىنالار بىلەن قورشالغان ئالى بىلىم يۇرتى، ماڭا شۇنداق چىداشنى ئۈگۈتۈپتۇ.تەبىئەتتىن ھۇزۇرلىنىشنى،كۈتۈشنى ،مىھرى -مۇھەببەت ئۇرۇقىنى تېخىمۇ كەڭراق تېرىشنى ئۈگۈتۈپتۇ.ئەپسۇس.بۇ ھەرخىل كەيپىيات،ھەرخىل تامچىلار بىلەن يۇغۇرۇلغان بۇ ئۇرۇق نە دوسلۇق ،نە مۇھەببەت ھىچقانداق كۈچەتنى يىتىشتۈرەلمەپتۇ.ماڭا پەقەت ھاياتىمغا مەڭگۈلۈك داغدام يول ئېچىپ سەۋىر بىلەن كۈتۈشتەك تەجرىبىنى ھەمراھ قىلغانكەن. ئاجىزانە يۈرۈكۈمدە پىلدىرلاپ تۇرغان ئارزۇ شاملىرى ماڭا ھەمراھ بۇلۇپ دىلىمنى يۇرۇتۇپ كەپتۇ.ئاجىز يۇرۇقلۇقتا سايە تاشلاپ كىتىۋاتقان قەدەملىرىم ئىشەنچ،مىھىر ئىزدەپ داۋاملىق تىرىشماقتا....              ئەلناز. 2014-5-4 كۈنى.

sargarda

	مېھىر   ئىزدەپ   يۈرىيسەن  نەدە  ...  ؟ مەن  تۇرسام   بۇ  يەردە  .....................!

قورغان

	ئىشەنچ ئادەمگە كۈچ-قۇۋەت ئاتا قىلىدۇ، تىرىشچانلىق غەلبىگە يېتەكلەيدۇ،  ئىستىقباللىق بولغايسىز

rahiyma

	مېھىر-مۇھەببەت چاڭقىغان يۈرەكنى قاندۇرغۇچى بۇلاقتۇر. مۇھەببەتسىز دىللار كۈلەلمەس، مۇھەببەتسىز كۆڭۈل سۆيۈنمەس.، مۇھەببەتسىز گۈللەر پورەك ئاچماس، مۇھەببەتسز باغلارمۇ گۈزەل بىلىمەس، مۇھەببەتسىز ھايات خۇددى قاقاسلىقتۇر.