دوغاپچى

bahwanbiz

	دوغاپچى گۈپۈلدىگەن ئىسسقتا مۇز چانايدۇ دوغاپچى ، خۇش ئاۋازدا توختىماي زەپ سايرايدۇ دوغاپچى ، چاڭقاپ كەتكەن دىللارغا سوغ تارايدۇ دوغاپچى، خېرىدارنى ھۆرمەتلەپ ئۆز سانايدۇ دوغاپچى ، باشمالتاقتا ھەر مىللەت دەر ، يارايدۇ دوغاپچى . قاينىغاندا ھاۋانىڭ ھارارىتى يالقۇنلاپ ، دەل دەرەخنىڭ تۈۋىگە قاچار ھەر جان سالقىنلاپ ، ئوت چىقمامدۇ يوللاردىن تۇرسا بازار شاۋقۇنلاپ ، يىراقلاردىن قەدەملەر كېلەر سېنى نىشانلاپ ، توموزلاردا قايناقسۇ كىم خالايدۇ دوغاپچى ، نەدىن تاپتىڭ دەريانىڭ مونەك- مونەك مۇزىنى ، كىم چاقىدۇ تەڭگىسى جىرىڭلىغان كوزىنى ؟ كىم سۆيمەيدۇ سۈت پۇراپ مەرەپ تۇرغان قوزىنى ؟ شۇڭا تەڭشەپ تۇرىسەن بازارنىڭ تەم –تۇزىنى ، بىر قوشۇقتا بەدەنگە سوغ تارايدۇ  دوغاپچى ؟ ئېقىپ تۇرغان ياغلىرى سۈزمىلىرىڭ بۇزۇلماس ، غۇچۇرلىتار چىشلارنى كومور –كومور مۇز ئالماس ، ھەزىم بولغان ئالامەت ئاشقازاندا داپ چالماس ، قويۇققىنە زەم زەملەر سىڭگەن ئۈچەي ھېچ قانماس ، ئۇسسىمىغان خېرىدار بويۇندايدۇ  دوغاپچى . قەدىرلىگىن ئەمگىكىڭنى چىۋىنلەردىن ساقلىغىن ، كۈيە چۈشكەن مىراسىڭنى سەر ئاپتاپقا قاقلىغىن ، ئەل تەپەككۈر بىسلىرىنى ئەقىل نۇرىدا چاقلىغىن ، يەرمەنكىدە كېرىلىپ تۇر ، ئاتا ئۈمۈدى ئاقلىغىن ، قازىنىدا  ئەخلاقىنىڭ سىر ساقلايدۇ دوغاپچى. ئۈستىلىڭدىن ئاقسا يۇندا كۆيدى بەخت قۇيرىقى، ھوسۇلىدىن قاچار بەرىكەت بۇغداي ياكى قونىقى ، ھەر نىيەتكە باردۇر  سادا مىسلى قىيامەت سورىقى ، سەگىتىشتە ئاچسۇن كۆزۈڭ ئەھلى ۋىجدان بۇيرىقى، قىرۇ باسقان ئەينەكتە چاچ تارايدۇ دوغاپچى. ئۆپكە –ھېسىپ ، كاۋاپچىغا باشلاپ بەرگىن ئۇلىنىش ، رىقابەتنىڭ خامىنىدا ياراشمايدۇ خۇيلىنىش ، تارتقۇزىدۇ پۈتۈن ناننى كەمسۆز قىلىقتا ئۇيىلىش ، بىلىنمىگەي ئوتلۇق قىزىقىش بىر خىل غىدىقتا تۇيىلىش ، رازى بولسادۈشمىنىڭ كىم تالايدۇ دوغاپچى ؟ رىسالىسى ئۇيغۇرنىڭ قىلسۇن بۇنى ئېتىراپ ، ئۆزگىلەرگە قاچمىسۇن ھالال كەسپ پىتىراپ ، كېسەل بەكمۇ ئامراقتۇر يۈرگەنلەرگە تەر پۇراپ ، يوقاپ كەتكەن رېتسىپنى ئېرىنمىگىن تاپ سوراپ ! ئۈمۈدىنى خەلقىنىڭ چىن  ئاقلايدۇ دوغاپچى . ئاپتۇرى : ئابلەت مۇھەممەت باغۋەن

sargarda

	شېئىر ھەققىدە ھېچنىمە دېگۈم يوق  . ئىقتىساد نەزىرەسى  بۇيىنچە  ئېيىتقاندا : كاڭ ئۇستام ، <<  تۇڭيى >>   چايلىرىدەك  ،  خېمىۋيلىك   رەڭلەرنىڭ  قۇشۇپ ئىشلەنگەن  ئىچىملىكلەر  ئالدىدىدا   :   ئۇسسۇزلۇقنى  قاندۇرىدىغان  ، تەبىي ئىچىملىكلىرىمىزنىڭ  بۇيۇن قىسىپ   قېلىشى   ئەجەبلىنەرلىك  ئەمەس  ... خۇددى بىر قىسىم  جۇۋانلىرىمىزنىڭ   پۇلى   بولسىلا   :  <<  مۇھەببەت   مىللەت  ئايرىمايدۇ  >> دەپ خېنەنلىكلەرگە خوتۇن  بولۇۋالغىنىدەك  بىر ئىش... ماۋزۇسىدىن  سىزنىڭ  يازغانلىقىڭىزنى  پەرەز  قىلغان  ئىدىم  ...

abdusami1992

	ياخشى  يىزىپسىز  ،  مۇشۇ  دوغچىلىرىمىز  قالغان  مەدھىيلىمىگەن  ،   بوتۇلكۇلۇق  ئىچىملىكلەردىن   ئۆزىمىزنىڭ  دوغاپى  ياخشى  ،  بىز  قەشقەردە   دوغ   لا  دەيمىز  باشقا  يۇرتتا   دوغاپ  دەيدىغان  ئوخشىمامدۇ .     بارىكاللا   تىما  ئىگىسى .

چىمەنA

	abdusami1992 يوللىغان ۋاقتى  2014-5-4 09:24 AM ياخشى  يىزىپسىز  ،  مۇشۇ  دوغچىلىرىمىز  قالغان  مەدھىيلى ... توغرا دەيسىز،ھەممىنىمۇ مەدھىيلەپتۇق،ئويلاپ باقسام مۇنبەردە بالىلارغا ئائىت شېئىرلارنى ئۇچراتمىدىم.بۇ كەلگۈسى ئىزباسارلارنىمۇ ئۇنتۇپ قالساق بولماس.ھەممەيلەن ئىزدىنىپ،ھەم يېقىشلىق ھەم تەربىيىۋى ئەھمىيتى بار شېئىرلارنى ئۇلارنىڭ ھوزۇرىغا سۇنساق.

hujayin1

	تۇرپاندا دوغاپ يوقكەنغۇ؟شۇنچە ئىسسىق تۇرسا تۇرپان؟

sargarda

	misken.cn يوللىغان ۋاقتى  2014-5-4 02:08 PM ياخشىمۇسىز...  سىز روىلان تورىدىكى  سەرگادان شۇما ؟؟ ۋە ـ  ئەلەيكۇم   ئەسسالام  :   كەچۈرۈڭ    ،  ئەمەس...

tarimboyliri

	7-ئاي 8- ئايلارنىڭ تۇمۇز ئىسسىقىدا ساراڭ دوغاپتىن بىرنى ئېچۋالسا، باشقىچە روھلىنىپ كىتىدۇ ئادەم