ئانام كەتكەندە

uyghur50

	يىللار ئۆتتى،باھار كەتتى. سىنى ئەركىلەتكەن قوللار جان ئوغلۇم دەپ مىھرىڭنى كۈيلىگەن دىللار ئەمدى يوق! ھەر يان بېقىپ، سەن ياتقان ئۆينىڭ ئىشىكىنى قېقىپ ، ئېغىر ئۇھسىنىش ئىلكىدە يەنىلا رەسىمىڭنى باغرىمغا بېسىپ يالغۇز قايتىمەن ئانا!   كۇچىلاردا يىتىمچىلىق دەردىدە تەمتىرەپ يۈرگەن شۇ يۈلەكسىزلەرنى بۇزەك قىلغىنىمنى ئويلاپ يۈرۈگۈم يېرىلدى،شۇ بالىلارمۇ بىرۋاقىتلاردا شۇنداق سەرسانچىلىق دەردىنى تارتقان بولغۇيتتى ھە ؟ كۇچىلاردا كۆزۈمگە تەلمۈرگەن  كۆزلەرگە،زور ئۈمۈد بىلەن ئالدىمغا مىھىر سوراپ سونۇلغان قوللارغا ئەشۇلار كەبى ئىمكانسىز بىر تامچە كۆز يېشىمنىمۇ بولسا قويۇپ ئەشۇ قاغجىراق كۆڭۈللەرنىڭ تەشنالىقىغا قىلچىلىك بولسىمۇ داۋا بولالمىغانلىقىندىن قەلبىم ئۆرتىنىدۇ،شۇنچە ئىلاجسىزلىقىمدىن دىلىم كۆيىدۇ،مۇشۇ دەم قۇياش ھەققىدە ئويلاشقا ھېچكىمنىڭ مەيلى يوق،چۈنكى كۆڭۈل كۆزى كور بولغان ئۇشبۇ دەملەردە قۇياش ھەم بىزگە بىھۇدە.                                                                               بىچارە كۆزلەر، ئىزلەيدۇسىنى…                                                         تىنىقلار توختىماقتا، ئوغلۇڭ ساڭا تەلمۈرمەكتە…… ……   ئاھىمدىن تەۋرىدى يۈرەك تەنلىرىم، تىنىمنى قاپلىدى ئاچچىق ھارارەت. پۇتۇمدا قالمىدى مېڭىشقا دەرمان،   قەلبىمدىن يۇقىدى ئوتلۇق جاسارەت.       كۆزلىرىم نەمدەلدى ھەريانغا بېقىپ،   تۆت تامدىن ئۆزگىنى تاپالماي ئەسلا.   سەن ياتقان ئۈيۈڭنىڭ ئىشىكىنى قېقىپ،   جاۋاپسىز قەدەملەر كۈتۈلەر تەسلا.     سەپەرگە ئاتلانسام دۇئا بىرەتتىڭ،   ئامان بول ئوغلۇم دەپ يىغلاپ كىتەتتىڭ.   قانمايتتىڭ بارىم دەپ ئوغلۇڭغا ئەسلا،   يېنىشلاپ كۈزۈمگە سۈيۈپ كىتەتتىڭ.       ئېچىندىم قىلغان شۇ تەنتەكلىكىمگە،   بۇ غەمسىز باشىمغا ئەلەم يەتكەندە.   ھۆركۈرەپ يىغلىدىم سۈرەتكە بېقىپ،   جانىجان يۈلەنچۈك ئانام كەتكەندە. 2014/04/29 ئۈرۈمچى ئىلھام يازمىسى!

hazart

	ئاتىدۇر قۇرىماس مەزمۇت بىر چىنار ، ئانىدۇر خۇرىماس مۇھەببەتكە باي . ئاتىسىز-ئانىسىزنى دىمەڭ  دەردى يوق ، يۈرگىدە قان ئاقار كۈلسىمۇ چىراي .

سەدەف

	لاياقەتلىك بىر ئانا ۋەتەننىڭ نامى بىلەن ئاتىلىدۇ.

malika1234

	ياخشى يىزىپسىز .

uyghur50

	malika1234 يوللىغان ۋاقتى  2014-5-3 04:43 PM ياخشى يىزىپسىز . رەھمەت

چىمەنA

	مەنمۇ ئانامنى ئەسلەپ قالدىم.