ئۆپكە تۇبىركىليۇزدىن قۇتۇلغىلى بولامدۇ ؟

mewize

	ئەسسالامۇ ئەلەيكۇم مىسرانىم ئەھلى،كەمىنىدىن ھەممىڭلارغا سالام ！ مىسرانىمغا تىزىملىتىپ كىرگەندىن بۇيان ، مۇنبەردىكى ئىسىل تېمىلاردىن ھۇزۇرلىنۋاتقان ئىدىم، ئەمدى ئۇزۇندىن بۇيان  ئىچىمدىكى دەتلىرىمنى  مۇشۇ مۇنبەردە تۈكۈۋېلىشنى مۇۋاپپىق كۆردۈم،مەن 2011-يىل 1-ئاينىڭ 15-كۈنى  ئۆزۈمنىڭ ئۆپكە تۇبىركىليۇز كېسلىگە گىرىپتار بولغىنىمنى بىلدىم، بۇ ۋاقىت مەن ئالىي مەكتەپ ئوقۇشنىڭ ئاخىرقى يىلى ئىدى،مانا مۇشۇ كېسەل سەۋەبى بىلەن ئوقۇش توختىتىشقا مەجبۇر بولدۇم. شۇنىڭ بىلەن ئاپتۇنۇم رايۇنلۇق كۆكرەك كېسەللىكلىرى دوختۇرخانىسىدا   60 كۈن بالنىستتا تۇنجى قېتىملىق داۋالىنىشنى بېشىمدىن ئۆتكۈزدۈم،تۇنجى تەكشۈرۈش نەتىجىسى مۇنداق ： سول قانات ئۆپكە پۈتۈنلەي كادىن چىققان،ھەمدە 3دانە كاۋاك بولغان ،ئوڭ تەرەپنىڭ يېرىمى دىگۈدەك كادىن چىقىپ 2تال كاۋاك بولغان دىدى ،كىيىن بىر مۇتەخسىس تۆشۈكنى چوڭ ئادەمنىڭ كۆزىدەك چوڭلۇقتا دىدى ، بۇ چاغلاردا تۇبىركىليۇز كېسەللىردە كۆرۈلدىغان ئالامەتلەرنىڭ ئېغىر قىينىشنى بېشىمدىن ئۆتكۈزدۈم،بالنىستتىن چىققاندىن كىيىن تۆت ئايدەك ئۆيدە مۇناسىۋەتلىك كۈتۈندۈم،بۇ جەرياندا سالامەتلىكىم خېلى نورمال ھالەتكە كەلگەن ئىدى .چۈنكى بۇ كېسەل ئۇزۇقلۇق ۋە ئىمۇنىت كۈچ بىلەن زىچ مۇناسىۋەتلىك ئىكەن،شۇندىن كىيىن ئۆزۈمنىڭ قىزىقىشى بىلەن مەلۇم ئۇرۇندا بىر يىلدىن كۆپرەك خىزمەت قىلدىم بۇ جەرياندا دوختۇر يېزىپ بەرگەن دورىلارنى ئاساسەن داۋاملىق ئىستىمال قىلدىم،ئەمما بۇ دورىلارنى ئاشقازان ئاساسەن كۆتىرەلمەيدىكەن، شۇنىڭ بىلەن دورىنى توختاتتىم،ئارىدىن ئۇزۇن ئۆتمەي سالامەتلىكىم ناچارلاپ يەنە شۇ دوختۇرخانىدا يەنە داۋالاندىم ،يەنە ياخشىلاندىم ،يەنە خىزمەت قىلدىم（چۈنكى مەندەك 24ياشلا ئۆپچۆرىسىدىكى ياشلارنىڭ ئۆيدە بۇلۇپمۇ دېھقان ئۆيىدە بىكار تۇرۇش ،چوڭلارغا يۈك بولۇپ يۈرۈشتەك ھىسياتنى ھەممىڭلار چۈشىنسىلەر）،شۇنىڭ بىلەن ئۆتكەن يىل 10-ئايدا يەنە ئۆيگە قايتىپ كەلدىم،سالامەتلىك يەنە ناچارلاشتى شۇنىڭ بىلەن تا ھازىرغىچە ئۆيدە ئارام ئېلۋاتىمەن، بۇ يەتتە ئايلىق ئارام ئېلىش جەريانىدا سالامەتلىكىم تازا ياخشى بولمىدى،ئۆيدە پەقەت تېلفۇندا تورغا چىقىشتىن ،نورمال ئوزۇقلىنىش بىلەن بولدۇم، شۇنداق قىلىپ بۇ كېسەلدىن زادى قۇتۇلالمىدىم،ھازىر ئۆيدە كېسەللىك ئاسارەتلىرى،ئىقتىسادى بېسىم،پىسخىك بېسىمنىڭ تەسىردە مىجەز خارەكتىر ،تۇرمۇش ئادەتلىرىمدە ئېغىر دەرىجىدە ئۆزگىرىش بولدى، شۇڭا كەڭ مۇنبەر ئەھلىدىن بۇ كېسەلدىن قانداق قۇتۇلۇش،پىسخىك بېسىمنى قانداق ھەل قىلىش ھەققىدە  مۇنبەر ئەھلىدىن ياردەم سوراپ بۇ تېمىنى يېزىپ ئولتۇرۇپتىمەن، كەڭ دوستلارنىڭ ياردىمىنى ئايىماسلىقىنى ئۈمىد قىلىمەن تېمىنى تېلفۇندا يازغان بولغاچقا ئىملا خاتالىقى ،مەزمۇن تەرەپلەردە خاتالىق بولسا ئۆزرە سورايمەن

XERHAN

	ئەسسالامۇ ئەلەيكۇم ، ئۆپكە تۇبىركۇليۇز ( ئۆپكە سىلى ) توغرىسدا ئاز تولا ئاڭلىغانلىرىم ۋە كۆرگەنلىرىم بار ئىدى . بۇ كىسەللىكنىڭ تۈپتىن ساقىيدىغانلىقىنى ياكى ساقايغانلارنى ئۇچراتمىغان بولساممۇ ئەمما يىمەكلىك ئارقىلىق داۋالىنىش ۋە كىسەلگە قارىتا ئىمونىتىت كۈچىنى ئاشۇرۇشنى ئاڭلىغان ئىكەنمەن . بىرىنجى پايدىلىق يىمەكلىك چامغۇر ، چامغۇرنى يۇمشاق پۇشۇرۇپ يىسىمۇ ياكى گۆش بىلەن بىللە قاينىتىپ يىسىمۇ بولىدىكەن . ئىككىنجى پايدىلىق يىمەكلىك يالپۇز ، يالپۇزنى قاينىتىپ چاي قىلىپ ئىچىپ بەرگەندە ياللۇغ قايتۇرۇش ئۈنۈمى ياخشى بولىدىكەن . ئۇندىن باشقا ئۆپكىنىڭ تەبىيتى سوغۇقچان بولغاچقا تەبىيتى سوغۇق يىمەكلىكلەر مەسىلەن ، قېتىق ، ماۋوژنا ، كالا گۆشى ...دىگەندەكلەرنى ئاز ئىستىمال قىلىش ياكى ئىستىمال قىلماسلىق كىرەك ئىكەن . ئامال بار ئىسسىقلىق مىقدارى يۇقىرى يىمەكلىكلەر ۋە قۇۋۋەتلىك يىمەكلىكلەرنى ئىستىمال قىلىپ تۇرسىلا سالامەتلىكى روشەن ھالدا ئەسلىگە كىلىدىكەن . چۈنكى ئۆپكىنىڭ مەلۇم قىسىملىرى كىرەكتىن چىقسىمۇ يەنە ساق قالغان قىسىملىرى كۆكلەپ بۇرۇنقى ھالىتىگە كىلىپ نورمال خىزمەت قىلىش مومكىنچىلىكى بار ئىكەن .

101nazinin

	قېرىندىشىم ياخشى تۇرۇپسىز.مەنمۇ ھەم شۇ كىسەل بىلەن ئاغىرىپ ساقايغان ئادەم.لىكىن مەن دەسلەپكى مەزگىلىدىلا بايقاپ ۋاقتىدا داۋالىنىپ ساقىيىپ كەتكەن.سىزگە دةيدىغىنىم ئەڭ ئاۋال ئوزۇقلۇنۇشقا ئالاھىدە ئەھمىيەت بېرىشىڭىز كېرەك.تاماق يىگۈڭىز كەلمىسىمۇ زورلاپ يىيىشنى ئۈگىنىۋېلىشىڭىز كېرەك.ئادەتتە كۈندە بىر پارچە ئۇستىخانلىق قوي گۈشى(بولسا چوڭ ياشتىكى قوي بولسا ياخشى)ھەم يەرلىك چامغۇرنى شورپا قىلىپ گوشىنى يەيسىز ھەم سۈيىنى ئىچىپ بەدەننى قۇۋەتلەندۈرىسىز.شەرتى تاكى ئۈچ كىلودىن بەش كىلوغىچە سەمىرگەنگە قەدەر داۋاملاشتۇرىسىز.شۇنىڭ بىلەن بىرگە تىبىركىلىيوز كىسىلىنىڭ دورىسىنى ئاز دىگەندە سەككىز ئايدىن ئون ئايغىچە داۋاملىق يەيسىز.تەكلىۋىم ھەقسىز دورىنى يىمەڭ.دوختۇر تەڭشەپ بەرگەن ئألچەم بويىچە ھەممىسىننى ئارلاشتۇرۇپ يەيسىز بۇ دورىلارنىڭ ئىچىدە ئىچكئى  ئەزالارنى ئاسرايدىغانلىرى بىر قەدەر كۆپ(مەن لىفۇپىڭ،ۋىتامىن ب 6،ب 12 قاتارلىق دورىلارنى سەككىز ئاي يىگەن.ئەڭ ياخشى دوختۇر ئۆزىڭىز،كۆپ ھەركەت قىلمايسىز،كۆپرەك ئارام ئالىسىز،ئۆزىڭىزنى چارچاتمايسىز،قايتا قايتا تەگەپ قېلىشنىڭ،زۇكام بولۇشنىڭ ئالدىنى ئالىسىز.دىگىنىڭىزگە قارىغاندا سىز ئىشلەيمەن دەپ قايتا قايتا ئاجىزلاپ ئائىلىڭىزگە تېخىمۇ بېسىم ئەكەپسىز.بىر يىل سەۋىر قىلىپ،مىجةزىڭىزنى ياخشىلاپ ئامال بار ساقايسىڭىز ئاندىن ئائىلىڭىزدىكىلەرنىڭ بېسىمىنى ھەقىقىي يىنىكلىتىپ بېرىسىز.قالغىنى ئۆزىڭىزنىڭ تىرىشچانلىقى ۋە سەۋرىسىگە باغلىق.

بانكىر

	مىنىڭ يىقىن  دوستوممۇ تۇبىركۇليۇز بوپ قىلىپ، ئۆپكىسىگە سۇ چۈشۈپ، نەپەس ئىلىشى قىيىنلاشقان، ناھىيلىك دوختورخانىدا ئۆپكىدىكى سۇنى تارتىپ ئالىمىز دىگەندە، باشقا كىشىلەر ئۇنداق قىلسا كىيىن ئۆلۆپ كىتىدىكەن دەپ گەپ قىلغانلىقتىن، سۇنى تارتىمىغان. دوختورخانىدىن چىقىپ كەتكەن. كىيىن قىرى كەپتەر گۆشىنى پىشۇرۇپ يەپتۇ، كاۋاپ يەپتۇ، تۆگە سۈتى ئىچىپتۇ، 5 يىلدىن بۇيان يامان ئەمەس ساقىيىپ قالدىغۇ؟ ھازىر ياغاچچىلىق ( ئۆي بىزەش بىلەن شۇغۇللىنىۋاتىدۇ) قىلىدۇ. 2013 - يىلى تۇنجى تويىنى قىلىپ، ھازىر دادا بولۇش ئالدىدا تۇرىۋاتىدۇ. ئاللا  سىزگىمۇ شىپالىق بەرسۇن. غەمنى بەك تولا قىلماڭ، قورساققا تاماق خىللىماي، گۆشنى كۆپرەك يىسىڭىز پايدىسى بار.

karakhan07

	بۇ كىسەلنىڭ شىپاسى توغىرۇلۇق بىر نەرسە بىلمەيدىكەنمەن. كونىلار:ئاللاھ  بىرلەپ ئالغان بىلەن قوشلاپ بېرىدۇ دەپ قۇيۇدىغان. ئۈمدلىك ياشاڭ! كىسلىڭىزنىڭ شىپا تېپىشىنى تىلەيمەن. بولسا ئۇستا تېۋىپلارغا كۆرنىپ بېقىڭ!

mewize

	چامغۇر ۋە قوي گۆشى بىلەن قىلىنغان شورپا،كەپتەر شورپىسى دىگەنلەرنى خېلى ئۇزۇن ۋاقىت ئىستىمال قىلدىم،سەمىرىش باسقۇچىغا كەلگۈچە ئۇلاردىن چىقىپ كېتىدىكەن ئادەم،كۈندە بېرە ۋاق،نەچچە ئاي يەۋەرگەندىكىن،گۆشنى كۆرسەم كۆڭلۈم ئېلىشىدىغان بوپ كەتتىم،گۈلقەنىتنىمۇ تولا يەپ تاتلىق نەرسىگە يرقىن يولىماس بولدۇم، دوختۇرخانىدىن بەرگەن دورىلار لى فۇ پىن دىڭ،يى ئەن دىڭ چۈن ۋە جىگەر قوغداش دورىلىرنى تۇنجى قېتىم 11ئاي،ئىككىنچى قېتىم 10ئايغا يېقىن يىدىم. ھازىر يەنە شۇ ئۆپكىدىكى كاۋاك تېخى پۈتۈپ بولالماپتۇ، ماغدۇرسىزلىق، ئازراقلا ماڭسام ھاسىراپ ھۆمۈدەش،ۋە ئازراق يۆتەل ئالامەتلىرى با، يۇقرى قىزىتما،ئوغرى تەرلەش ئالامەتلىرى تۈگەپ قالدى

bozyigit0997

	ئاللا   شىپالىق بەرسۇن.مىنىڭ بىلىشىمچە :(1-) تۈگە سۈتى ئىچىسىز، بولسا يېڭى ساغقان سۈت بولىشى كېرەك .(2-) كۈندە بىر ۋاق تامىقىڭىز چوقۇم قوي گۆشى بىلەن چامغۇردا قىلىنغان شورپا بولىشى كېرەك.(3-) دەم ئېلىشنى ئاساس،يەڭگىل ھەركەتنى قوشۇمچە ئېلىپ بارىسىز.(4-)زۇكامدىن، چاڭ-توزاڭ، ئىستىن  ئىمكان بار  ساقلىنىسىز.(5-) تۇبىركۇليۇزنىڭ دورىسىنى يەيسىز.(تۈگە سۈتى ئىچكەن مەزگىلدە دورا يىسە ،دورىنىڭ كۇچى بولمايدۇ دىگۈچىلەرمۇ بار )

mewize

	يېقىندا قۇم بورانلىق ھاۋا رايى ئاياغلاشقاندىن كىيىن، شامال ياكى سوغۇق ھاۋادا قالمىغان،ئاساسەن ئۆيدە تۇردۇم،ئەمما مۇشۇ ھەپتىدىن بۇيان كۆكرەك قىسمىم بىر خىل ئاغرىيدىغان بوپ قالدى،بۇ يىل بىرىنچى ئاينىڭ بېشىدا CTدا تەكشۈرتكەن ئىدىم،ھېلقى دوختۇر تازا ئالدىراش چاغدا كىرىپ قالغان ئوخشايمەن،دوختۇر شۇ  تۆشۈك باكەن دەپلا قۇيۇپ چىقىپ كەتتى ،ئۇنىڭدىن 8ئاي بۇرۇن چۈشكەن CT دىبەنلەر بىلەن سېلىشتۇرۇپ ،كېسەللىك ئەھۋالىنى تولۇق بىلىش ئۈچۈن ئۇرۇنغان بولساممۇ شۇ چاغدىكى دوختۇرنىڭ سوغۇق مۇئامىلىسىگە ئۇچۇردۇم ھەم بىلەلمىدىم، ئەمدى يەنە ئاشۇ ئۈرۈمچىگە بېرىپ تەكشۈرتۈشنى ئويلاۋاتىمەن،ئەمما بەزى كىشىلەر CTغا كۆپ چۈشسە بەك زىيانلىق دەپ پىكىر بەرگەن بولغاچقا قانداق قىلىشنى بىلمەي تۇرۇپلا قالدىم، بۇ CT دا تەكشۈرۈش ئادەم بەدىنىگە قانچىلىك زىيانلىقتۇ ؟  مەن زادى قانداق قىلسام بولا  ؟

mewize

	تۆگە سۈتىنىمۇ ئىچتىم، بىر ئايدىن كۆپرەك ۋاقىت ،ئەمما مەلۇم سەۋەبلەر تۈپەيلىدىن توختاپ قالدى، ئۆزۈم شۇ تۆگىگە قاراپ تۇرۇپ ساغدۇرۇپ ئىچكەن،ئەمما بىزنىڭ ناھىيدە تاپالمىغاچقا باشقا ناھىيگە بېرىپ يېتىپ قوپۇپ ئىچكەن