ئىلىمسىز سۆزلەشنىڭ خەتىرى

altun

	ئىلىمسىز سۆزلەشنىڭ خەتىرى ئۆزىگە يات بولغان قانداق بىر ساھەدە سۆزلەشتىن، ياكى ئۇ ھەقتە قەلەم تەرۋېتىشتىن ئىلگىرى،ئالدى بىلەن شۇ ساھەنى چۈشۈنۈش،بىلىش،ئۇنىڭغا خاس بولغان ئىلىملىرىنى ئىگەللەش، ھەممىگە ئايدىڭ ئەقەللى ئىشتۇر. يىقىنكى بىرنەچچە كۈن ئىچىدە ئادەمنى بىئارام قىلىدىغان ئىشلارنىڭ بىرىسى،مەلۇم زىيالىلارنىڭ ئۆزكەسىپىدىكى ئورنى،جەمئىيەتتىكى نۇپۇزىدىن پايدىلنىپ،ھېچ قانداق ئىلىمسىز ھالدا قاپ يۈرەكلەرچە دىنى ساھادە، ئۆزىنىڭ بىرتەرەپلىمە چولتا ئىددىۋىي كۆز قاراشلىرىنى ئىسلام نامىدىن ئوتتۇرغا قۇيۇپ،ئىسلامنى چۈشۈنۈش بۇسۇغىسىدىكى ياشلارنى قايمۇقتۇرشى بولىۋاتىدۇ. ئۇلارنىڭ ئۆز كەسپىدىكى يىتۈك ئالىم ئىكەنلىكى، ۋە قولغا كەلتۈرگەن نەتىجىسى، بەزى كىشلىرىمىزنى، توغرىنى توغرا، خاتانى خاتا دەپ ھۆكۈم قىلىشتا ۋە بەزى چۈشەنچىلەردە گاڭگېرتىپ قۇيۋاتىدۇ. بىر دوختۇر ئۆز كەسپىدە قانچىلىك ئۇتۇقلارنى قازانغان ،تەجىربىسى مول بولسىمۇ،بىناكارلىق ھەققىدە سۆز قىلىپ،ھەرخىل چىرتىيوژلازنى سىزىشىنى ھېچكىم قۇبۇل قىلمايدۇ. شۇنىڭدەك دىنى ساھادىمۇ ئۇ ساھەگە ئارىلاشقۇدەك ئىلمىي سەۋىيە ۋە ئىلىم ئەھلىگە خاس سالاھىيەت  يوق تۇرۇپ دىنى ئىسلاھاتچى سۈپىتىدە ئوتتۇرغا چىقىپ،غەيرى قاراشلارنى تارقىتىشى، بەزى ئىنچىكە مەسىللەردە قەلەم تەرۋېتىشى،شۇ ساھەگە قىلىنغان ھۆرمەتسىزلىك بولۇپلا قالماي،ئېغىر مەسئۇلىيەتسىزلىك بولۇپ،بۇ تېخىمۇ قۇبۇل قىلىنمايدۇ، چۈنكى بۇنداق كىشىلەر قارىماققا يىڭى پىكىرى كۆز قاراشلارنى ئوتتۇرغا قويغاندەك قىلسىمۇ،ئۇلار ئوتتۇرغا قويغان پىكىر ئىسلامنىڭ ئەسلى ماھىيتىدىن خېلىلا يېراق بولغاچقا، شەكسىزكى تۈزەيدىغىنىدىن بۇزىدىغىنى كۆپ بۇلىدۇ. بەزى قېرىنداشلىرىم مىنى ئۇلار بىلەن مۇنازىرلىشىشكە ئۈندىدى، مەن قۇشۇلمىدىم ھەم قۇشۇلمايمەن چۇنكى ئۇلار مۇنازىرلىشىشكىمۇ يارىمايدۇ،مەندە ئۇلارنىڭ كەسپىدە مۇنازىرلەشكۈدەك سالاھىيەت بولمىغىنىدەك، ئۇلاردا دىنى ساھەدە مۇنازىرلەشكۈدەك سالاھىيەت يوق، ئۇلار ئۆزىنىڭ ئىددىيسىگە دەلىل ئىزدەپ، مەلۇم تەبلىغچى ياكى باشقا كىشلەرنىڭ،ئۆزىنىڭ پىكرىگە ماس كىلدىغان ۋە ئۇنى قۇۋەتلەيدىغان قاراشلىرىنى تاللاپ، ئۇنى بىرىنجى  دەلىل مەنبە سۈپىتىدە دەلىل كەلتۈرۈپ،ئۆزىنىڭ قاراشلىرنى كۈچلەندۈرۈشكە ئۇرۇنىۋاتقانلىقىنىڭ ئۆزى بۇنىڭغا ئىسپات بۇلالايدۇ،ئۇنىڭ ئۈستىگە ئۇلار سۆزلىرىنى نەقىل كەلتۈرگەن كىشىلەرنىڭ كۆپىنچىسى شەرىقشۇناسلاردىن تەركىپ تاپقان دىن دۈشمەنلىرى بولۇپ، ئىسلام دۇنياسىدا ئىتراپ قىېلىنغان بىرەر ئالىمنىڭ سۆزىنى نەقىل قىلمايۋاتىدۇ. ۋەھالەنكى دىنى مۇنازىردىكى دەلىلەر مەنبەسى: قۇرئان ،ھەدىس، ئىجما ، قىياس قاتارلىق ئاساسلىق تۆت مەنبەلەرنى چۆرىدىگەن ئاساستا بۇلىشى كېرەك ئىدى. ئەگەر يۇقارقى مەنبەلەردىن دەلىل ئالغۇدەك ئىقتىدار بولمىىسا، ھېچ بولمىغاندا شۇنى چۆرىدىگەن ئاساستىكى،ئىسلام دۇنياسىدا ئىتراپ قىلىنغان ئالىملارنىڭ بولسىمۇ سۆزلىرىنى نەقىل قىلىش ئەڭ ئەققەللى ئۆلچەم ئىدى، مانا مۇشۇنىڭدەك نادانلارچە ئىزدىنىشنىڭ تۈرتكىسىدە ئۆزى بىلىپ بىلمەي ئىبنى تەيمىييەگە ئوخشىغان ئىسلام پىشۋالىرىغا تۆھمەت قىلىپ سالىدىغان ئىشلار يۈز بېرۋاتىدۇ. ئىسلام بىر پۇتۇنلۈككە ئىگە دىن بولۇپ،ئاساسى گەۋدىلىرىنى بىلىپ،ئۇمۇمى پىرىنسىپلىرنى چۈشۈنگەندىن كىيىن ،نۇرغۇن مەسىلىلەر ئىختىلاپسىز ھەل بۇلىدۇ.ئەكىسچە بولغاندا نۇرغۇن ئىختىلاپقا سەۋەب بولۇپ، قۇرئابدا تىلغا ئېلىنغان، ئۆزىنى ئىسلاھاتچى دەيدىغان بۇزغۇنچىلار قاتارىدىن بولۇپ قالىدۇ، شۇنداقتىمۇ مەن ئۇلارنى  دىننى ئىزدەنگۈچى دەپ ياخشى گۇمان قىلىپ تۇرۇپ،ئىسلام ھەققىدە ئىلىمگە ئىگە بولماي تۇرۇپ سۆزلەشنى نەقەدەر خەتەرلىك ئاقىۋەتكە باشلايدىغانلىقىنى ئەسكەرتىمەن. قۇرئان كەرىمدە بۇ ھەقتە ئۇچۇق ئايەت كەلگەن :« بەزى كىشىلەر اﷲ (نىڭ قۇدرىتى ۋە سۈپەتلىرى ۋە دىنى) ئۈستىدە ھېچقانداق دەلىلسىز مۇنازىرىلىشىدۇ، ھەر بىر سەركەش شەيتانغا (يەنى ھەقتى توسقۇچى كۇففارلارنىڭ كاتتىباشلىرىغا) ئەگىشىدۇ.ﷲ ھۆكۈم قىلىدۇكى، كىمكى شەيتانغا ئەگىشىدىكەن شەيتان ئۇنى ئازدۇرىدۇ، ۋە جەھەننەمنىڭ ئازابىغا سۆرەيدۇ. سۈرە ھەج 3~4 ئايەت» «بەزىلەر (توغرا تونۇشقا ئېلىپ بارىدىغان) ھېچ قانداق ھەقىقى ئىلىمسىز، ھىدايەتسىز ۋە نۇرلۇق كىتابسىز ھالدا اﷲ توغرىسىدا مۇنازىرىلىشىدۇ، (ئۇنىڭ مۇنازىرىلىشىشى نوقۇل نەپسى خاھىشى ۋە تەرسالىقىدىندۇر).ئۇلار (كىشىلەرنى) اﷲ نىڭ يولىدىن ئازدۇرۇش ئۈچۈن مەغرۇرانە يۈرىدۇ، ئۇ دۇنيادا خارلىققا دۇچار بولىدۇ، ئاخىرەتتە ئۇنىڭغا كۆيدۈرگۈچى ئوتنىڭ ئازابىنى تېتىتىمىز) سۈرە ھەج 8~9 -ئايەت» «بىلمەيدىغان نەرسەڭگە ئەگەشمە (يەنى ئۇ ھەقتە سۆزلىمە، بىلمىگەننى بىلدىم، كۆرمىگەننى كۆردۈم، ئاڭلىمىغاننى ئاڭلىدىم دېمە)، (ئىنسان قىيامەت كۈنى) قۇلاق، كۆز، دىل (يەنى سەزگۈ ئەزالىرى) نىڭ قىلمىشلىرى ئۈستىدە ھەقىقەتەن سوئال - سوراق قىلىنىدۇ سۈرە -ئىسرا 36-ئايەت» «بەزىلەر (توغرا تونۇشقا ئېلىپ بارىدىغان) ھېچ قانداق ھەقىقى ئىلىمسىز، ھىدايەتسىز ۋە نۇرلۇق كىتابسىز ھالدا اﷲ توغرىسىدا مۇنازىرىلىشىدۇ، (ئۇنىڭ مۇنازىرىلىشىشى نوقۇل نەپسى خاھىشى ۋە تەرسالىقىدىندۇر).ئۇلار (كىشىلەرنى) اﷲ نىڭ يولىدىن ئازدۇرۇش ئۈچۈن مەغرۇرانە يۈرىدۇ، ئۇ دۇنيادا خارلىققا دۇچار بولىدۇ، ئاخىرەتتە ئۇنىڭغا كۆيدۈرگۈچى ئوتنىڭ ئازابىنى تېتىتىمىز) سۈرە ھەج 8~9 -ئايەت» پەيغەمبەر ئەلەيھىسسالام بىلىمسىز سۆزلەشنىڭ جازاسى ھەققىدە مۇنداق دەيدۇ : كىمىكى قۇرئان توغرىسىدا بىلىمسىز گەپ قىلسا ئۆزىگە دەۋزاختىن بىر كىشلىك ئۇرۇن تەييارلاپ قويسۇن تېرمىزى رىۋايىتى يەنە بىر ھەدىستە : كىمىكى قۇرئان ھەققىدە بىلىمسىز گەپ قىلىپ توغرىنى دىگەن بولسىمۇ خاتا قىلغان بولىدۇ . تېرمىزى رىۋايىتى قەلەمدە: ئۈمىدۋارمەن

aisadap

	‏توغرا ، بىلمىگەن ساھەدە گەپ قىلىش ۋە قەلەم تەۋرىتىش ئۆزىگە ھەم ئەتراپىدىكى كىشىلەرگە قىلغان كۈچلۈك مەسئۇلىيەتسىزلىك بولۇپ ھېساپلىنىدۇ،بىلمەي تۇرۇپ گەپ قىلىش ئېھتىيات قىلىنىدىغان ساھەلەرگە دىققەت قىلمىغاندا ئۇنىڭدىن كېلىپ چىققان ئاقىۋەت تولىمۇ يامان بولىدىكەن،شۇڭا بىز ھەممىمىز ئۆزىمىزگە ،سۆزىمىزگە مەسئۇل بولۇشقا بەك دىققەت قىلساق بولغۇدەك،بىلمىگەننى بىلمەيمەن دەپ ئىزدىنىش ئارقىلىق بىلىدىغانلاردىن سوراپ ئۆگۈنۈش ھەم بىزگە( ئۆگۈنۈۋېلىش ئارقىلىق) پايدىسى بار،ھەم ئۆگەتكۈچىگە( بىلگەنلىرىنى ئۆگۈتۈشنىڭ ساۋاپ ۋە مۇكاپاتى بەكمۇ چوڭ) پايدىسى بار. ‏لېكىن بىلمەي تۇرۇپ ئۆگۈتۈشنىڭ بولسا ئاقىۋېتى بولسا تولىمۇ يامان.

hedayet

	ئەسسالامۇ ئەلەيكۇم!    اللە رەھمەت قىلسۇن قېرىندىشىم!

پىروزە

	بەك ئەھمىيەتلىك تېما بوپتۇ.

kokboraa

	ئازىراق  كىچىكىپ  قالغان  بولسىمۇ  ئەمما  ناھايىتى  ياخشى  تىما  بولۇپتۇ  .  ئاللا  ئەجىرىڭىزنى  بەرسۇن.

watan151

	قۇچقاچ بولسىمۇ قاسساپ سويسۇن

boratigin

	ئەسسالامۇ ئەلەيكۇم. سىزدىن مۇنۇ4 سۇئالنى سوراپ باقاي. 1- سىز ئەشۇ زىيالىلارنىڭ بىلمەي تۇرۇپ سۆزلىگننى قانداق بىلسىز؟ 2- سىزنىڭ ئاشۇ زىيالىلارنى (مۇنازىرەلىشىشكە سالاھىتى توشمايدۇ) دىيشىڭىزدىكى سەۋەپ. ئۆزىڭىزنى بەك چوڭ بىلىپ ھاكاۋۇرلۇق قىلغىنڭىزمۇ ياكى ھەق يولنى ئىزدەپ قەلەم تەۋرەتكەن ئاشۇ زىيالىلاغا ھەقنى سۆزلەشتىن ۋازكەچكىنىڭىزدىنمۇ؟ 3-ئسلام دىنى پەقەت موللا ئىماملارنىڭ دىنىمۇ؟ 4- سىز بىلگەندىن كىين نىمشقا  ئاشۇ خاتا ئىزدىنشلەنىڭ ئۆزىگە ۋاقتىدا رەدىيە بەرمەيسىز؟ سۇئالىم تۇگدى. ئەمدى تورداشلارغا دەيدىغنىم ماۋۇ تىمىدىكى ئايەتنى كۆرگەندىن كىيىن ماۋۇ دىن توغرىسىدا گەپ قىلساق سەل دەڭسەپ بىقىپراق گەپ قىلىلى ئالاھىدە ئەسكەرتىش: مەن دىن ھەققىدە سۆزلىمدىم . پەقەت تىما ئىگىسىدىن كۆڭلۈمدىكى مىنى بىئارام قىلغان سۇئالنى سورىدۇم خالاس.

ئوقۇغىن

	وَمِنَ النَّاسِ مَن يُجَادِلُ فِي اللَّەِ بِغَيْرِ عِلْمٍ وَلَا ەُدًى وَلَا كِتَابٍ مُّنِيرٍ بەزىلەر (توغرا تونۇشقا ئېلىپ بارىدىغان) ھېچقانداق ھەقىقىي ئىلىمسىز ھىدايەتسىز ۋە نۇرلۇق كىتابسىز ھالدا اﷲ توغرىسىدا مۇنازىرىلىشىدۇ (ئۇنىڭ مۇنازىرىلىشىشى نوقۇل نەفسى- خاھىشى ۋە تەرسالىقىدىندۇر).[سۈرە ھەج 8-ئايەت]

ristumar

	ئالاھ ئەجرىڭزنى  بەرسۇن ناھايتى ئەھمىيەتلىك تىما يوللاپسىز