ئەڭ قىممەتلىك ھەم ئىسىل نەرسە ...

.tuz.

	ئەڭ قىممەتلىك نەرسە بىر ئادەم پۈتۈن ئەس-يادى بىلەن دۇنيادىكى ئەڭ قىممەتلىك نەرسىنى تېپىشنى ئويلايدىكەن . ئۇ ئالدىغا ئۇچرىغانلىكى ئادەمدىن : __ دۇنيادىكى ھەممىدىن قىممەتلىك نەرسە نېمە ؟_دەپ سورايدىكەن . ___ئالتۇن ، ئالماس ، ساھىپجامال ، ھوقۇق، بىلىم ، __ ھەر كىم ئۆزى بىلگەنچە جاۋاپ بېرشىپتۇ. ئۇ ئادەم زادى نېمىنىڭ قىممەتلىكىنى بىلەلمەي ئۇنى جاھان كىزىپ تېپىش قارارىغا كەپتۇ . نۇرغۇن يىللار ئۆتۈپتۇ . جاھاننىڭ ھەممە يەرلىرىنى ئايلىنىپ چىقىپتۇ ، قېرىپ مۈكچىيىپ ،كېسەلچان بولۇپ قاپتۇ . ئەمما ھېلىقى قىممەتلىك نەرسىنى تاپالماپتۇ ، ئامالسىز ئۈمۈدىنى ئۈزۈپ غەمكىن ھالدا ئۆيگە قايتىپتۇ. قىشنىڭ سوغۇق بىر ئاخشىمى ئۇ ئاخىر ئۆيگە كەپتۇ . ئۆينىڭ دەرىزىسىدىن  غۇۋا چىراغ يورغۇدا ،ئۆيدىكىلەر ئىسسىق تاماق قويۇلغان شىرەنى چۆرىدەپ ،ئۇنىڭغا قالدۇرۇپ قويغان بوش ئورۇنغا قارىشىپ ، تىنىچ - ئامانلىق گىپىنى قىلىپ ئولتۇرشقىدەك . بۇنى كۆرۈپ ھېلىقى ئادەمنىڭ كۆزلىرىدىن ئىسسىق ياشلار تاراملاپ تۆكۈلۈپتۇ ، ئۇ ئاخىر ئەسلىدە دۇنيادىكى ئەڭ قىممەتلىك نەرسىنىڭ ئۆزىنىڭ ئائىلىسى ئىكەنلىكىنى ھەقىقىي ھېس قىلىپ بىلىپتۇ . ھاسسىلات : بىز ئائىلىنىڭ مېۋىسى . ئەمما ھامان ئۇنىڭغا سەل قارايمىز . بەخت ، خۇشاللىق ، شان- شەرەپ ، ئامەت ، ھوقۇق- مەرتىۋە ، بايلىق ۋە ئابروينىڭ پەقەت ئائىلىدە ھەقىقىي مەنىگە ئىگە بولدىغانلىقىنى كىچىكىپ ھېس قىلىمىز . ئەگەر ھەر بىرىمىز ئۆزىمىزنىڭ ئائىلىسىنى ياخشى قۇرۇپ ئۇنى قىزغىن سۆيسەكلا ھاياتىمىزدا تەم ، ياشىشىمىزدا مەنە بولىدۇ . ئائىلىسىدىن خۇشاللىق تاپالمىغان ئەدەمنىڭ جەمىيەتتىمۇ خۇشاللىقى بولمايدۇ .                ھەر كىمنىڭ ئۆزىگە ئېسىل بىر خوشامەتچى بىر پارچە ئېسىل قاشتېشىنى قولغا چۈشۈرۈپتۇ. ئۇنى چىڭ سۇلالىسىنىڭ ۋەزىرى زىفەنگە سوۋغا قىپتىكەن، رىفەن ئالغىلى ئۇنىماپتۇ . ئۇ ئادەم بۇ بەك ئېسىل قاشتېشى ، بۇنى سىلدەك مۆتىۋەر ئادەم تاقىمىسا ئادەتتىكى ئادەملەرگە ماس كەلمەيدۇ ، ____ دەپتۇ . بۇنى ئاڭلىغان زىفەن :____ سەن بۇ قاشتېشىنى بەك ئېسىل نەرسە دەۋاپسەن ، بىراق مەندە بۇنىڭدىنمۇ بەك ئېسىل نەرسە بار ، ئۇنىڭ نېمىلىكىنى بىلگۈڭ بارمۇ ؟ - دەپتۇ . ئۇ ئادەم كۆزىنى چەكچەيتىپ : _____ قانداق ئېسىل نەرسىدۇ ئۇ ، ____ دەپ سوراپتىكەن . زىفەن : _مەندىكى ئېسىل نەرسە شۇكى سېنىڭ نەرسەڭنى ئالماسلىق ،__ دەپتۇ . ھاسىلات : بىر ئادەم ئۈچۈن ، بولۇپمۇ ئەمەلدارلار ئۈچۈن پاك- دىيانەتلىك بولۇش بايلىق بىلەن ئۆلچىگىلى بولمايدىغان بىباھا قىممەتتۇر. پاك - دىيانەتلىك كىشىلەر ئۆزلىرىنىڭ بۇ گۈزەل پەزىلىتى بىلەن خەزىنىلەرنى سەرپ قىلىپمۇ قولغا كەلتۈرگىلى بولمايدىغان ئېسىل نەرسىگە ئېرشىدۇ . ئۇ بولسىمۇ خەلقنىڭ ھۆرمىتى ۋە ئىشەنچىسىدىن ئىبارەت . ئەپسۇسكى پۇل ۋە قاشتېشىنى ھەممىدىن ئەلا بىلگەن كىشىلەر كىشىلىك قەدىر - قىممىتى ۋە ئىززەت- ھۆرمىتىدىن مەھرۇم قالماقتا . پۇشايمان ياشلىرىنى تۆكۈپ ئىبرەت نىدالىرىنى توۋلىماقتا . مەنبە  : شىنجاڭ مەدەنىيتى

uyol

	ئېسىل------ھەقىقەتەن ئېسىل !

چاقنار

	رەھمەت  ،يىاخشى   يېزىپسىز

شرئەلى118

	ئېسىل تېما ！ شى جىنپىڭدەكلا ئەمەلداركەن ئاۋۇ

پەيزۋات

	ئائىلە  ھەقىقەتەن  قىممەتلىك.....دادامنىڭ بۇرۇندىن دائىم جىكىلەپ قويدىغان بىر گىپى بار ئىدى....ناشتىلىقتا ھەممىمىز بىرداستىخان بوپ ناشتا قىپ ھەرقانداق ئىشىڭلار بولسا ئاندىن  مېڭىڭلار دەپ............شۇچاغلاردا  سىرىتقا مېڭىشقا ئالدىراپتىكەنمىز...       ئەمدىلىكتە قاراپ ئولتۇرۋالايلى دىسەك  ئۇلاريوق......                              بۇرۇندىنلا قەدرى يوقتۇ رياندا بارى، ئىنسان دىگەن يوق نەرسىنىڭ ئىنتىزارى.

obulqasim

	پىتوفىنىڭ شىئرى يادىمغا كېلىپ كالدى

نــۆل

	ئېغىر كىسەل بولغاندا ساغلاملىق ئەڭ قىممەتلىك ۋە ئېسىل نەرسە يوقسىزلىقتا قىينالغاندا پۇل ئەڭ قىممەتلىك ۋە ئەڭ ئېسىل نەرسە ئۇسساپ چاڭقاپ كەتكەن ۋاقتىڭدا بىر ئىستاكان سۇ ئەڭ قىممەتلىك ۋە ئەڭ ئېسىل نەرسە قاتتىق سوغۇقتىن جالاقلاپ تىتىرىگەن ۋاقتىڭدا ئىللىق قۇياش نۇرى ئەڭ قىممەتلىك ۋە ئەڭ ئېسىل نەرسە بەك جىق ... بەك جىق ... ئەڭ ئېسىل ۋە ئەڭ قىممەتلىك نەرسە ھەممە يەردە ... ئەتراپىمىزدا ...

پىروزە

	بەك ئىسىل يېزىلىپتۇ.

گۆزەل

	نە ئاغرىسا جان شەدە دەپ،  نىمىگە ھاجىتىمىز چۆشسە شۇ مۇھىم ،ئەمما  مۇھىم نەرسىلەر يەنىلا كۆپ.

srlkadl

	ئىسل تېمىكەن ،،قەلمىڭىز توختاپ قالمىسۇن.