پوچتىكەش

sayramkizi

	پوچتىكەش (نەسىر) پوچتىكەشنىڭ بىر جۈپ قولى گۈل، شۇنداقلا چۆل، گېزىت -ژورناللارنى مۇشتىرلارغا ۋاقتىدا –تېز يەتكۈزگەن چاغدىكى قولىنى گۈل دېسەك، شۇ كۈنلۈك گېزىت–ژورنالنى ۋاقتىدا تارقىتالمىغا كۈنلىرى قولىنى چۆلگە ئوخشىتىمىز، چۈنكى شۇ كۈنلۈك گېزىت- ژورنالنى قولىغا ئالغان مۇشتەرلەر خەلق رايى ۋە دۆلەت ئەھۋالىدىن خەۋەردار بولۇپ، ئىلىم –پەن، ئۇچۇرلاردىن دىللارغا نەقىش ئويىدۇ، ۋۇجۇدىغا بىلىمدىن كۈچ –ئېنېرگىيە، ئىلھام ئالىدۇ. ئالغان بىلىمنى كۈچكە ئايلاندۇرۇپ ھەر قايسى سەپلەردە جانلىق ئىشلىتىپ، ماددىي –مەنىۋىي تۇرمۇشنى بېيىتىدۇ... ئىش ئۈنۈمىنى ھەسسىلەپ ئاشۇرۇپ، ئاۋام خەلققە بېھساپ بايلىق يارىتىپ، ۋەتەننى ئەمىن تاپقۇزىدۇ، مانا بۇلار پوچتىكەش تارقاتقان گېزىت- ژورناللارنىڭ خاسىيىتىدىن كېلىدۇ، شۇڭلاشقا پوچتىكەشنىڭ بىر جۈپ قولىنى گۈل دەپ تەرىپلەيمىز. ئەگەر گېزىت-ژورناللار ۋاقتىدا تارقىتىلمىغان كۈنلىرى بولۇپ قالسا، مۇشتىرلار قەلبىگە بىلىمدىن نەقىش ئويالمايدۇ، دۇنيا ئىشلىرىدىن خەۋەردار بولالماي تىت-تىت بولىدۇ. مەنىۋىيىتى سۇسلىشىپ ئىشىدا ئۈنۈم بولمايدۇ «بۇلارنىڭ ھەممىسى پوچتىكەش گېزىت- ژورنالنى ۋاقتىدا تارقاتمىغان كۈندىكى سەۋەنلىكنىڭ كاساپىتىدىن بولىدۇ، شۇڭلاشقا پوچتىكەشنىڭ گېزىتى-ژورنال تارقىتالمىغان كۈنلىرىمدىكى بىر جۈپ قولىنى چۆلگە ئوخشىتىپ ئۆكىنىمىز. ئەي پوچتىكەش، ھەر كۈنى ھەر ئىككى قولۇڭنى تەڭ ئىشقا سېلىپ، گېزىت-ژورنال تارقىتىشنى بىر مىنۇتمۇ توختىتىپ قويما: مۇشتىرلار قولۇڭدىن بەھرى ئېلىپ بىخلىنىدۇ، كۆكلەيدۇ، شىرىن يىغىپ كىشىلەرگە سۇنىدۇ،كۆكلەردە پەرۋاز قىلىدۇ. قولۇڭدىن–ئىشىڭدىن سۆيۈنۇپ، غەيرەت-جاسارىتىنى ھەسسىلەپ ئاشىدۇ، ئۆزەڭنىڭمۇ قەدىرى –قىممىتىڭ كۆپ بولىدۇ. ھازىرقى «ئەل رايىنى بىلىش، ئەلگە نەپ يەتكۈزۈش، ئەلنى مايىل قىلىش» پائالىيىتى كەڭ ئەۋج ئېلىۋاتقان كۈنلەردە سېنىڭ مەسئۇلىيىتىڭ تېخىمۇ ئاشتى. خەلق تۇرمۇشى قۇرۇلۇشىغا ئاتلانغان يېزا- قىشلاقلاردىكى كادىرلارنىڭ گېزىت- ژورناللارغا بولغان تەشنالىقى يەنىمۇ ئاشتى. نۆۋەتتىكى شەرت-شارائىتنى 20- ئەسىرنىڭ 60- يىللىرىغا سېلىشتۇرساق ئاسمان –زېمىن پەرقلىنىدۇ. ئەينى چاغلاردىكى پوچتىكەشلىرىمىزنىڭ خىزمىتى تولىمۇ جاپالىق، گېزىت- ژورنال تارقىتىش خىزمىتىمۇ مۈشكۈل ئىدى . 1957- يىل 4- ئايدىكى ئوبلاستىمىزنىڭ پوچتا خىزمىتى ئىشقا كىرىشكەن ۋاقتىنى ئېلىپ ئېيتساق مۇساجان، ياسىن مېھمان، نىزام، تالىپ، تۇرسۇن قاتارلىق پوچتا خادىملىرىمىز يېزىلارغا پوچتا يوللانمىسى يەتكۈزۈشتە 2400 كىلومېتىردىن ئارتۇق مۇساپىنى پىيادە ياكى ۋېلسىپىت بىلەن يەتكۈزەتتى. ھازىر پوچتا مۇلازىمەت تورى شەكىللەندى،خەت-چەك،خالتا،پېرۋوت چېكى، گېزىت-ژورنال تارقىتىش، پوچتا ماركىسى توپلاش قاتارلىق كەسپلەر قۇرۇلدى. پىيادە يەتكۈزۈشتىن ئاپتوموبىل، كومپىيۇتېر ئارقىلىق يەتكۈزۈش ئىشقا ئاشۇرۇلدى، 1998- يىل ئوبلاستنىڭ پوچتا بىلەن تېلېگراف كەسپى ئايرىلىپ باشقۇرۇلغاندىن كېيىن تەرەققىيات تېخىمۇ زور بولدى. شۇنداقتىمۇ پوچتىكەشلەرنىڭ خىزمىتى جاپالىق، ھەم شەرەپلىك بولۇپ كەلدى، يىلنىڭ تۆت پەسلىدە ئوخشاشلا جاپا چەكتى. ئەمما ئۇلار تارقاتقان گېزىت –ژورناللاردىن مۇشتەرلار بەھرى ئېلىپ ئالەمچە ھوزۇر ئالدى، دۆلەت ۋە خەلق قۇدرەت تاپتى. بىز پوچتىكەشلەرنىڭ جاپا- مۇشەققەتتىن باش تارتمايدىغان قەيسىرانە روھىغا قايىل، بىز ئۇلارنىڭ بىر جۈپ ئىشچان قولىغا مەدەت تىلەيمىز، بۇ قوللاردىن تېخىمۇ كۆپ خۇشپۇراق گۈللەر ئۈنىدىغانلىقىغا ئىشەنچىمىز كامىل! 2014- يىل 4ـئاينىڭ 30ـ كۈنى بورتالا

پىروزە

	ياخشى يېزىلىپتۇ

hujayin1

	پوچتا توغرۇلۇق بىلمىگەنلەرگە ئىزاھات بەرگەن بولسىڭىز. مەسلەن،قانداق شارائىت،قانداق ۋاقىتتا پوچتا ئىشلىتىش ئەڭ مۇۋاپىق؟ پوچتىدا خەت-چەكلەرنى قايسى ئورۇندا،قانداق سالىمىز،قانچىلىك ھەق كىتىدۇ？ 不惑之年hi与认同了芙蓉豆腐

qintax

	ھازىر پوچتا ئىشلېرى تەرەققىي قىلدى پوچتالىيونلار گېزىت–ژورناللا ئەمەس تارقىتىدىغان نەرسىلېرى كۇندىن كۇنگە كۆپىيىپ كىتىۋاتىدۇ، مەسلەن : ئامما توردىن سىتىۋالغان نەرسىلەر ۋاھاكازا دىگەندەك، بۇنى دىمىسەممۇ بەزىلەر بىلىدۇ. ھەقىقەتەن جاپالىق.

alimjan739

	ھازىر پوچتا ئىشلېرى تەرەققىي قىلدى پوچتالىيونلار گېزىت–ژورناللا ئەمەس تارقىتىدىغان نەرسىلېرى كۇندىن كۇنگە كۆپىيىپ كىتىۋاتىدۇ، مەسلەن : ئامما توردىن سىتىۋالغان نەرسىلەر ۋاھاكازا دىگەندەك، بۇنى دىمىسەممۇ بەزىلەر بىلىدۇ. ھەقىقەتەن جاپالىق. شۇنداق

qaraxani

	خەت پوسۇلكىلار يېتىپ بارغان قوللارغا ،دىللارغا قانچىلىك شاتلىق ۋە تەسللى نېسىپ بولۇش شۇ دەقىقىنى بېشىدىن ئۆتكۈزگەن كىشىگە بەكمۇ ئايان،زارىقىپ كۈتۈش،يولىغا قاراش  ۋاقىتنى پارچىلاش ۋە بوغۇزلاش بىلەن ئۆتىدۇ،پوچتىكەشنىڭ يولىغا قاراش خۇددى بىر ئۇچۇر ئەلچىسىنىڭ يولىغا قاراش دىمەكتۇر ،بۇ نەسىرنىڭ ئىستىتىك رولىدىن كۆرە بىلىش رولى گەۋدىلىك ئىكەن...

NURDEN

	بۇلارنى يازمىسىڭىز پوچتىكەشلەرنى ئۇنتۇپقالغۇدەكمەن.سىز ئۇلارنىڭ خىزمىتىدىن خىلى تونۇشتەك قىلىسىز جۇما.مەنمۇ تىمىڭىزنى باشقا مۇنبەرلەرەە يوللاپ قوياي باشقا قىرىنداشلىرىمىزمۇ پايدىلانسۇن،بەھىز ئالسۇن.