ئوقۇتقۇچىلارنىڭ ئىشلىتىشى چەكلەنگەن 40 سۆز

deris

	ئوقۇتقۇچىلارنىڭ ئىشلىتىشى چەكلەنگەن 40 سۆز 1.سېنىڭ ئورنىڭدا مەن بولسام ياشىمىغان بولاتتىم! 2.ھەجەپ دۆت ھاماقەت نىمىكەنسەن! 3.سېنى كۆرسەملا بىزار بولىمەن! 4.ساڭا كىم بەرسە شۇنى نەس باسىدۇ. 5.كاللاڭنىڭ دەردى بار ئوخشايدۇ.ئۆيگە بارغاندا ئاپاڭغا دېگىن سېنى بىر تەكشۈرتۈپ باقسۇن! 6.ھەي،ساڭا پەقەت ئامال يوقكەن. 7.ئولتۇرە قاپاقباش!بىلمىگەن ئادەم نېمىشقا قول كۆتۈرىسەن؟ 8.بالىڭىزنى ئوقۇتالمىغىدەكمىز،ئەڭ ياخشىسى ئۆيگە ئەكىتىڭ! 9.يۈزۈڭ ئابدۇخالىقنىڭ چەمى ئىكەنغۇ؟ 10.ئاغزىڭنى يۇم گېپىڭنى ئاڭلىغۇم يۇق! 11.ئۆتەپ بارە قېلىنلىقىنى قارا! 12.ئەڭ ناچىرى سەن بولۇپ قالدىڭ جۇمۇ! 13.بۇ كۆزمۇ يا تامنىڭ تۆشۈگىمۇ! 14.كاللاڭنىڭ سۈيى باركەن جۇمۇ! 15.بەك ئاجىزكەنسەن! 16.ئاغزىڭنى يۇم بەك ئاجىزكەنسەن! 17.بىر چەتتە تۇرە! 18.ساڭا ئەمدى ئامال يۇق ئىكەن. 19.ئۆتۈپ كەتكەن ياغاچ قۇلاق ئىكەنسەن. 20سەندە ۋىجدان دېگەن نېمە بارمۇ- يوق؟ 21.ھازىرقى بالىلار بۇرۇنقىغا يەتمەيدۇ جۇمۇ. 22.نەچچە قېتىم سۆزلەپ بەرسەم يەنە چۈشەنمىدىڭمۇ؟مەن تامغا سۆزلەپتىمەندە؟ 23.سەندەك ئوقۇغۇچىنى كۆرۈپ باقماپتىكەنمەن! 24.ئەتە داداڭ(ئاپاڭ)ۋەدىنامە يېزىپ كەلسۇن،يەنە چاتاق چىقارساڭ مەكتەپكە كەلگۈچى بولما! 25.ئوقۇتقۇچى دېگەن ئوقۇتقۇچى،ئۇ نىمە دىسە ھەق،ئاڭلىماي ھەددىڭ ئەمەس.ئاڭلىمايمەن دىسەڭ مەكتەپكە ئاياغ باسما! 26.يەنە مۇشۇنداق قىلساڭ ئاتا- ئاناڭنى چاقىرتىمەن. 27.سەندە ئەقىل دىگەن نەرسە بارمۇ؟ 28.سەن چىرايلىق گەپ قىلغاننى بىلمەيدىكەنسەن. 29.ھە قاپاقباش،مەكتەپكە بىكار كەپسەن –دە! 30.چىقىپ كەت!كۆزۈمدىن يۇقال! 31.ۋاي ئۆپكىسى يوق ئالدىراڭغۇ! 32.ئورنۇڭدىن قوپە! 33.ھۇ دېتى يۇق! 34.ھەي بۇلۇمسىز! 35.كاللاڭنىڭ دەردى بار ئوخشايدۇ تەكشۈرتۈپ باقە! 36.ھەي،ئىشەكتىن ھورۇن بىرنىمەكەنسەن! 37.ئۇچىغا چىققان نان قېپىكەنسەنغۇ! 38.نېرى كېتە،كاللاڭدىن ئۆتكەندە ئاندىن مېنى ئىزدىگىنە! 39.سىنىپنى تولا مالىماتاڭ قىلماي،نەگە بارساڭ بارغىنە! 40.قايسىڭ ياخشى ئۆگەنمىسەڭ ئاتا –ئاناڭنى چاقىرتىمەن! ______________ مەنبە:قاراماي مائارىپى

پىروزە

	ۋاي بىچارە ئوقۇتقۇچىلار.

ayxolisi

	ئەڭ دىققەت قىلىشى كېرەك . مۇشۇنىڭدىكى بەزى جۇملىلەر بالىلارنىڭ ئىستىقبالىنى بەلگىلەپ قويۇشى مومكىن .

sayam

	بۇنداق گەپلەرنى كىم دەيدۇ دەيسىلەر؛ نەدىكى چالا ئوقىغان ،كىچىكىنە بىرنەرسىنى بىلىپ قالسا شەپكىسىنى ئاسمانغا ئىتىپ ،ئۆزىنى تەڭداشسىز چاغلايدىغانلار. پىداگوگىكا ۋە پىسخىلوگىيەنى پەقەت ئۇگەنمىگەنلەر، نەدىكى چارۋىچىلىقتا ،يىزا -ئىگىلىكتە، يەنە بەزى ئەمەس مەكتەپتە ئوقىغانلار دەيدۇ .

sardor0908

	بىز ئوقۇيدىغان ۋاقىتتا بۇ سۆزلەرنىڭ ھەممىسىنى ئىشلىتەتتى .بۇ سۆزلەرنى ئاز قىلسا ،ئوقۇغۇچىلار ئالىم بولۇپ چىقامدىغاندۇ ؟؟؟

ئالمىچى

	بۇلارلا ئەمەس تىخى،ئوقوغۇچىلارنىڭ ئاتا-ئانا ئاچا-سىڭىللىرىنى چىشلەپ تارتىدىغان ئوقۇتقۇچىلارمۇ بار ئىدى..

Uyghurbufet

	ھەرقايسى كەسىپتە ياخشى -ناچىرى بولغاندەك ، ئوقۇتقۇچىلارنىڭمۇ ئەلۋەتتە بار!!!   باللىلارغا كۆيۈنىدىغان ، مەسئۇلىيەتچان، ئاسان چالۋاقامايدىغان ، گەپ -سۆزدە ئېغىر بېسىق ، كەسىپتە پىشقان ئوقۇتقۇچىلارمۇ بار.    ئاسان ئاچچىقلايدىغان ،قولىنىڭ ئۇچىدا ئىشلەيدىغان ،كۈن ئۆتكۈزىدىغانلىرىمۇ يوق ئەمەس؟؟!     مۇشۇنداق ئوقۇتقۇچىلار ئۇنداق ، سېستىرالار مۇنداق، ناخشىچىلار بۇنداق، يازغۇچى ،دوختۇر ....مۇنداق دەپ بىراقلا باھا بېرىش---بىر تاياقتىلا ھەيدەش--كەم ئەقىللىق. ئوقۇتقۇچىلار توغرىسىدا گەپ بولسىلا ، بىراقلا ماختاپ ئۇچۇرۋېتىدىغان ياكى بىراقلا يوققا چىقىرۋېتىدىغان ....بىرتەرەپلىمە قاراشتىن ساقلىنايلى!!!    ھەر ئادەم ئۆزگىچە! ھەر گۈلنىڭ پۇرىغى ،رەڭگى پەرىقلىق!

dolathenim

	ئوقۇتقۇچىلار دىققەت قىلىدىغان ئىشلار ناھايىتى كۆپ ئىكەن ، بىز ھەرقايسى جەھەتتە ئالاھىدە دىققەت قىلساق بولغىدەك.