يامغۇر ئوقار شېئىرلىرىمنى

esyankar75

	يامغۇر ئوقار شېئىرلىرىمنى يامغۇر ئوقار شېئىرلىرىمنى ، سىياھ قىلدىم كۆز ياشلىرىمنى. ياغار مىنىڭ مىسكىن باغرىمغا ، ئاپرىلنىڭ سىم-سىم يامغۇرى . ئالەم سىغقان كەڭرى يۈرەككە، سىغماس ئىكەن ھىجراننىڭ دەردى . قاقاسلىققا ئايلاندى باغرىم، جاندىن ئۆتتى ۋىسالنىڭ قەدرى . كىزەر ئەكسىڭ ناخۇش دىلىمدا ، تىلغار دىلنى ئاسىي ھىسلىرىم . يامغۇر بولۇپ چۇشكەندەك گويا، ساڭا بولغان سىغىنىشلىرىم . كېتىپ بارمەن مەنزىلسىز تەنھا ، خىياللىرىم يىنىك تاراسلاپ . مەن باھاردا باھارسىز قالدىم ، يامغۇر سۈيدە كۆزۈمنى ياشلاپ . دالدىسىدا قېرى تېرەكنىڭ ، تىترەپ تۇرار قېرى قاراغوجا . ياغە يامغۇر ، ماڭىلا ياغقىن ! قوشۇلۇپ كېتەي تامچىلىرىڭغا. يامغۇر ئوقار يازغان شېئىرىمنى ، سىياھ قىلدىم كۆز ياشلىرىمنى . ھەر بىر تامچەڭ مىسرالىرىمدا ، يۇيىۋەتكىن پىغانلىرىمنى . --  ئىسيانكار75 2014-يىلى 29- ئاپرىل     ئۈرۈمچى

...muslim

	شۇنداق ياخشى چىقىپتۇ... راسلا ياخشى يېزىپسىز ، قۇلىڭىزغا دەت كەلمىسۇن

پىروزە

	چوڭقۇر مەنىلەر يوشۇرۇنغانكەن.

چىمەنA

	ئابابەكرى مىسرانىمنىڭ مۇھەببەت لىرىكىللىرىدەكلا ياخشى چىقىپتۇ. ھارمىغايسىز قېرىندىشىم !

Gvlmisal

	ئاپىرىلىدىكى يامغۇر ئاپىرىلنىڭ سىم-سىم يامغۇرى، سىرغىپ چۈشتى  ئاستا يۈزۈمگە. يىراقلاردا تەنھا مەھبۇبەڭ، كىرگەنمىدۇ سىنىڭ چۈشۈڭگە. جاندىن ئۆتتى ۋىسالنىڭ قەدىرى، شوخ سابادىن ھىدىڭ سورايمەن. تاڭلا كەلسە ۋىسال پەرىسى، بويلىرىڭنى گۈلگە ئورايمەن. ساڭابولغان سېغىنىشلىرىم، تۈتۈن كەبى قالدىغۇ لەيلەپ. لەيلايىڭمەن، سەن مەجنۇنۇمسەن، يۈرىكىڭدىن چىقارمەن كۆكلەپ. يامغۇر سۈيىدە كۆزۈمنى ياشلاپ، يالغۇزلۇقنى يېڭىپ بارىمەن. شۇنچە يۇمران..ئاھ مەغرۇرلۇقۇم..، ئۆز-ئۆزەمنى ئوتقا سالىمەن. قوشۇلسام گەر تامچىلىرىغا، يۈزلىرىڭىنى تىچقىنا سۆيسەم. گۈلخانىدا پاك سۆيگۈمىزنىڭ، يالقۇنلىسام ،ئوت بولۇپ كۆيسەم. يۇيىۋەتكىن پىغانلىرىمنى، بۇلۇپ ئۆزۈڭ يامغۇر تامچىسى. ئازابىمنى ئاسىمەن دارغا، ئەقىدىنىڭ بۇلۇپ جارچىسى. ئاي بەرگى يازمىلىرى

esyankar75

	چىمەنA يوللىغان ۋاقتى  2014-4-29 10:00 PM ئابابەكرى مىسرانىمنىڭ مۇھەببەت لىرىكىللىرىدەكلا ياخش ... ياقتۇرۇپ ئوقىڭىزغا رەھمەت  !

esyankar75

	Gvlmisal يوللىغان ۋاقتى  2014-4-29 10:50 PM ئاپىرىلىدىكى يامغۇر كىرمىگەندۇ سىنىڭ چۈشۈڭگە ، يامغۇردەكى تەنھا سىماھىم . ..... يىزىلىدۇ .

Gvlmisal

	esyankar75 يوللىغان ۋاقتى  2014-4-30 01:51 AM كىرمىگەندۇ سىنىڭ چۈشۈڭگە ، يامغۇردەكى تەنھا سىماھىم . ... مەن سىزنىڭ شئېرىڭىزنىڭ ھەر بىر كۇبىلىتنىڭ ئاخىرقى مىسراسىنى  ئۆزەمنىڭ شېرىنىڭ 1-مىسراسى قىلىپ يازغان.بۇنى سەزگەنسىز. ئەمدى سىز دىگەندەك ئۆزگەرتىپ بېقىڭ.

esyankar75

	Gvlmisal يوللىغان ۋاقتى  2014-4-29 10:50 PM ئاپىرىلىدىكى يامغۇر يوللۇرۇڭغا تۆكۈلەر سۆيگۈم كىرمىگەندۇ سىنىڭ چۈشۈڭگە ، يامغۇردىكى تەنھا سىماھىم ؟ مۇڭغا تولغان چاناقلىرىمدىن ، يوللۇرۇڭغا تۆكۈلەر سۆيگۈم . بويلىرىڭنى گۈلگە ئورايمەن ، بۇلبۇل بولۇپ ئۇرىمەن خەندان . ھىدلىرىڭنى ئىزلەيمەن بىھۇش ، گەر بولسىمۇ يۈرەك باغرىم قان . يۈرۈكىڭدىن چىقارمەن كۆكلەپ ، شادلىقىڭنى قىلىمەن خىيال . مەن باھارنى باشلاپ بارىمەن ، ئۈمىدلىرىم تۇغقاندا ۋىسال . ئۆزئۆزۈمنى ئوتقا سالارمەن ، قونۇپ قالسا كۆزۈڭگە شەبنەم . قارچۇقى سەن كۆزۈمنىڭ جىنىم ، يۆلەنچۈكۈڭ مىنىڭ كەڭ يەلكەم . يالقۇنلىسام ئوت بولۇپ كۆيسەم ، ھەمراھ بولۇپ يالغۇزلۇقىڭغا . تۇنجۇقتۇرۇپ ئازاپلىرىمنى ، قوشۇلۇپ كەتسەم ھىدلىرىڭغا . ئەقىدەڭنىڭ بولۇپ جارچىسى ، ساداقەتنى بىسىپ باغرىمغا . ئەسلىرىڭدە ياشىسام مەڭگۈ ، ھەمدەم بولۇپ ئاھۇ-زارىڭغا .

Gvlmisal

	يامغۇردىكى تەنھا سىمايىم، سىڭىپ كەتتى تۇمانلار ئارا. ئازابلارنى قايتا بىخلىتىپ، چۈشلىرىمگە كىرمىگىن يانا. بۇلبۇل بولۇپ ئۇرىمەن خەندان، سەن بېغىمدا بولغىن سېرىنگۈل. توزۇتسا گەر رەھىمسىز جۇدۇن، يۇرەكلىرىم بولغۇسى چۇل-چۇل. شادلىقىڭنى قىلىمەن خىيال، ئۆزۈم سىنىڭ ماھى تابانىڭ. مىھىر ۋاپا گۈلشىنى ئارا، بوپ قالۇرمەن جانۇ جاھانىڭ. قونۇپ قالسا كۆزۈڭگە شەبنەم، ھەر قەترىدە كۆرەرسەن مىنى. كەتكەنلەرنى ئەسلەيدۇ كىملەر.... «دىلدىن سۆيدۈم» دىگەنلەر قېنى؟ ھەمراھ بولۇپ يالغۇزلۇقىڭغا، قىزىل گۈلدەك قات-قات پۈكۈلدۈم. ھەسرەتلەرنىڭ باغرىدىن سېنى، تېرىۋېلىپ ئاۋايلاپ سۈزدۈم. ساداقەتنى بېسىپ باغرىمغا، ھىجرانلارغا ئۇرغۇم بار قېلىچ. پىنھاندىكى بىر تۈپ گىياھتەك، ياشىسامكەن يالغۇز تىپ-تىنىچ. تامچىپ چۈشسە يۈزۈڭگە يامغۇر، مىنى ھەرگىز ئەسكە ئالمىغىن. يامغۇرنىمۇ قىلمىغىن خىجىل، ئۆزۈڭنىمۇ غەمگە سالمىغىن. 2014.5.8