ئالدامچىلارنى باپلاش تېخنىكىسى(ئۈگىنىپ قويۇشقا ئەرزىيدۇ)

Yarmohammed

	ئالدىنقى تېمامدا ئالدامچىلىقتىن ساقلىنىش ھەققىدە توختالغان، تېمامنى كۆرگەندىن كىيىن ئالدامچىلارنى قانداق بايقاشنى ئۈگىنىپ قالغانسىز. ئەمدى ئالدامچىلارنى تونۇۋالغاندىن كىيىن قانداق باپلاشنى ئۈگىتەي. 1. تېلفۇن قىلىپ " مەن كىم؟" دەپ سورىغانلارغا: بۇنداقلار سىز تېلفۇننى قويۇۋەتمىسىڭىز ئۆزى قويۇۋەتمەيدۇ. شۇڭا، ئىچىڭىز پۇشۇپ قالغان بولسا بىردەم ئەخمەق قىلسىڭىز بولىدۇ. مىسال: _ مەن كىم؟ تونىدىڭىزمۇ؟ _ تازا تونۇيالمىدىمغۇ؟ _ توۋا، تۆت كۈن كۆرۈشمىگەنگە ئۇنتۇپ قالغىنىڭنى قارا، ئوبدان ئەسلەپ باقە! _ ھە ۋوي سەنمىدىڭ ئاداش، قانداق ئەھۋالىڭ؟ ......( بىردەم يالغاندىن خىزمەت، تۇرمۇش ئەھۋالىنى سوراڭ، ئۆزىڭىزنىڭ ئەھۋالىنى ئاشكارىلىماڭ، سوراپ قالسا، بۇرۇنقىدەك دەپلا قويسىڭىز بولىدۇ.) ئەمدى قانداق باپلاشقا كەلدۇق. _ ھە راس ئاداش، داداڭنىڭ كېسىلى ساقايدىمۇ؟ ( بۇ ۋاقىتتا قارشى تەرەپ دەماللىققا ئىنكار قىلالمايدۇ.) _ ھە خېلى ئوڭشىلىپ قالدى. _ ھە ياخشى بوپتۇ، ئاداش، ھازىر تىبابەتمۇ خېلى تەرەققىي قىلىپ قالدى، ئاشقازان راكى دېگەنمۇ ساقايماس كېسەل ئەمەس. ھە راس، ھېلىقى ئاكاڭنى تۈرمىدىن چىقىشقا ئاز قالدى دەپ ئاڭلىدىم، مۇددەتتىن بۇرۇن قويۇپ بېرىدىغان بولدىما؟ ( بۇ ۋاقىتتا ئالدامچى دۇدۇقلاشقا باشلايدۇ.) _ھەئە، ئاز قالدى. ئىپادىسى ياخشى بولغاچقا بالدۇر چىقىدىكەن. (ئەمدى رەسمىي تېمىغا كېلىمىز) _ ۋاي ئۇ ئاكاڭمۇ زە، قاراپ تۇرۇپ تاغاڭغا پىچاق تىقىپ قويغان. بوپتۇ، بۇرۇنقى شوخلۇقلىرى سەل ئوڭشالغاندۇ. (ئەمدى ئالدامچىنىڭ چېكىسىدىن تەر چىقىدۇ. مەيلى ئالدامچى نېمە دېمىسۇن، گەپنى داۋاملاشتۇرىمىز) ھە راس ئاداش، ھېلىقى ئايالىڭغا باسقۇنچىلىق قىلغان جىنايەتچى تۇتۇلدىمۇ؟ ئەرز قىلىدىغان بولدۇڭمۇ ياكى يەڭ ئىچىدە بىر تەرەپ قىلاي دەمسەن؟ ( ياكى باشقا ئۆزىڭىز خالىغان گەپلەر بىلەن ئاچچىڭىزنى چىقىرىۋىلىڭ.) گەپ بۇ يەرگە كەلگەندە ئالدامچى چوقۇم ئۆزىنىڭ ئالدانغانلىقىنى ھېس قىلىدۇ. تېلفۇننى قويۇۋەتسىڭىز بولىدۇ. 2. بانكا كارتىسىنىڭ نۇمۇرىنى سىزگە يوللاپ بەرگەندە: دەرھال شۇ بانكىنىڭ تور بانكا بېتىگە چىقىپ، ئالدامچىنىڭ كارتا نۇمۇرى ۋە مەخپى نۇمۇرى(خالىغانچە يېزىڭ) نى ئۈچ قېتىم كىرگۈزۈڭ. بۇ ۋاقىتتا ئالدامچىنىڭ كارتىسى قۇلۇپلىنىدۇ ۋە 24 سائەت ئىچىدە ھېساۋات يۆتكىيەلمەيدۇ. 3. " مۇكاپاتقا ئېرىشكەندە" ياكى باشقا ئۇچۇرلاردا: ئالدامچىنىڭ تېلفۇن نۇمۇرىنىلا بىلىسىز، باشقا بانكا كارتا نۇمۇرى دېگەندەك ئۇچۇرلار بولمىسا، مۇنۇ باسقۇچقا كېلىمىز. سىز دەرھال ئۆزىڭىزگە تونۇشلۇق بولغان مۇنبەرگە تېما يوللاپ پاش قىلىڭ. ئاندىن مۇنبەردىكىلەردىن شۇ تېلفۇنغا تېلفۇن قىلىپ،  تاماق بۇيرۇتۇشنى تەلەپ قىلىڭ. ئاندىن تۆۋەندىكىدەك ئەھۋالنى كۆرىسىز. 1)_ ياخشىمۇسىز! _ ياخشىمۇسىز، ماڭا چارەك سۈيقاشنى خالتىغا ئوراپ( داباۋ قىلىپ) ئۇدۇلىڭىزدىكى بېنانىڭ تۆتىنچى قەۋىتىگە ئەكىلىپ بەرسىڭىز. _ كەچۈرۈڭ بۇ ئاشخانا ئەمەس، خاتا ئۇرۇپسىز. _ ھە كەچۈرۈڭ. 2)  ياخشىمۇسىز! *** شېركىتى، قانداق ياردەم كېرەك؟ _ ياخشىمۇسىز،  ماڭا چارەك سۈيقاشنى خالتىغا ئوراپ( داباۋ قىلىپ) ئۇدۇلىڭىزدىكى بېنانىڭ تۆتىنچى قەۋىتىگە ئەكىلىپ بەرسىڭىز. _........ 3) ياخشىمۇسىز، ***شېركىتى، قانداق ياردەم كىرەك؟ _ ياخشىمۇسىز، مېنى مۇكاپاتقا ئېرىشتى دەيدۇ، راسما؟ _ھە، ئىسمىڭىزنى دەپ بەرسىڭىز. _قادىخان. _ھە سەل توختاڭ.  شۇنداق ئەپەندى، مانچىلىك مۇكاپاتقا ئېرىشىپسىز. _ ھە ئىنتايىن ياخشى، سىز شۇ پۇلغا  ماڭا چارەك سۈيقاشنى خالتىغا ئوراپ( داباۋ قىلىپ) ئۇدۇلىڭىزدىكى بېنانىڭ تۆتىنچى قەۋىتىگە ئەكىلىپ بەرسىڭىز. ئەگەر مۇنبەردىكىلەر بىرلىكتە ھەمكارلاشساق، ئالدامچى يېرىم سائەتكە بارماي ساراڭ بولىدۇ. ئاخىرىدا: _ ياخشىمۇسىز، بۇ ئاشخانا ئەمەس. _ ھە شۇنداقمۇ، ئۇنداق بولسا ماڭا يېرىم راڭپىزىدىن بىرنى. مەنبە : مەن

babur99

	تىما ئىگىسى ،ئالدامچىلارغا كۇرس ئاچساڭلامۇ بولىدىكەن جۇما

ablimitt

	ھېلىقى ئايالىڭغا باسقۇنچىلىق قىلغان جىنايەتچى تۇتۇلدىمۇ؟ ئەرز قىلىدىغان بولدۇڭمۇ ياكى يەڭ ئىچىدە بىر تەرەپ قىلاي دەمسەن؟ ئۇ گەپنى ئاڭلىغاندا چىرايى قانداق بۇپ كىتەر... قويمىچى دىگەندىغۇ نۇمۇس بولمايدۇ...

sabir515

Uyghurbufet

	ئالدامچىنىڭ قۇيرۇقى بىر تۇتام ！ بۇ چارىلەر بىلەن خېلى جايلىغىلى بولغۇدەك……！

سۈرخان1

	بىرقېتىم تونۇمايدىغان بىرى ماڭا كارتا نۇمۇرىنى ئەۋەتىپ، مانچە پۇل سالساڭ بولىدۇ دەيدۇ، شۇنىڭ بىلەن كېلىشتۈرۈپ مەنمۇ تازا سۆزلىدىم ئاداش، ئادەمنى سەن ئۆلتۈردۈڭ، مەن ئارلاشمىدىم. ھازىر ساقچىلار سېنى ئىزدەۋاتىدۇ، مەن ئۆزۈمنى مەلۇم قىلدىم، سەنمۇ ئىتتىكرەك ئۆزۈڭنى مەلۇم قىلىپ يېنىكلىتىپ جازالاشقا يول ئىزدە، ماڭا ئۇچۇر ئەۋەتكەن نۇمۇرۇڭنى ساقچىلارغا دەپ بەردىم ئەمىسە. دەپ يازسام، بىردەمدىن كېيىن، ئاداش خاپا بولما، خاتا ئەۋەتىپ قاپتىمەن، سېنى تونۇمايمەن دەپ ئۇچۇر قايتۇرۇپتۇ

شەمشەر714

	ھەي بۇ ئالدامچىلارنىزە

ablimitt

	سۈرخان1 يوللىغان ۋاقتى  2014-4-29 01:08 AM بىرقېتىم تونۇمايدىغان بىرى ماڭا كارتا نۇمۇرىنى ئەۋەتى ... بەك جايلاپسىز...

sadda132

	ئاجايىپ قىززىق ئامال كه ن